صار لي بالستي سنتر

[كرباج]

هنيا موضوع باقوله لكم
:D

البارح كنت بالستي سنتر

وشرايكم شي جديد
:rolleyes:

المهم

دخلت قسم المطاعم اللي صوب السينما.. معي واحد من الربع..

:D

وش عندي

:eek:

ابغي اتعشى

:D

المهم اخترنا طاولة بالنظره أول ما وصلنا لها ...

الحمد لله ;)

لقينا على الطاولة مفتاح سيارة ... كأنه سبير مفتاح ...
:confused:

وشدراني

مفتاح حديدة .. يعني ماعليه ربله سودا .. وفيه سبوق طير ..( يعني خيط)

:mad:

المهم أخذ المفتاح وجسلنا على الطاولة ... وطلبنا عشى

:cool:


تعرفون آخر الشهر
:eek:

المهم..

قلت في خاطري راعي السويك .. راعي طيور .. ولا من الشباب أهل الاستعراضات ..

طبعاً من شكل السويك ..

:D

قلت: بخلي المفتاح معي لين يجي راعية ...

لأنه مايقدر يروح للبيت ... والسويك ضايع .. يعني ماعنده سيارة
:p

قلت اذا ماحد جاء راح اعطية مكتب الاستعلامات ..

بعد شوي إلا شباب لابسين جنوز ... وجل بالشعر.. وصابغينه بعد.. وقاصدينا ...

وقفوا بعيد وتقدم واحد ...

وقال: شباب أحد منكم شاف سويك كان على الطاولة؟

قلت: نعم!! موجود!! أنت راعية (شكلة مايدل عليه) وربعه عليهم أشكال تقول أوروبيين!!!

قال: نعم!

قلت: تفضل هذه السويك!!

قال: الله يعطيكم العافية . ماعاكم أخوكم(..........!!!)

هو قال أخوكم :eek:

انا ماصدقت ... (قبيلي) ولابس كذا ....

أفاااااااااااا وانا ابوعلي :eek:

وفي السيتي سنتر ... يوم الله بلاك بذا اللبس ... ماحصلت مكان غير المجمع

ماقدر اقول شيء ... راحوا أخواننا الاروربيين القطريين

:(

:: قلت في خاطري يعني أكثر الشباب اللي اشوفهم لابسيين جنوز... وجل وسلاسل وحركات .... (يمكن يكونوا قطريين)

وين العادات والتقاليد ... والتربية ... كلها ضرب بها عرض الحائط ..

اجل وش نترجا من الاجانب اللي هذه عاداتهم ...



:(:(:(

[عين أبوها]

:(

شي محزن

اذا هاذول صج شبابنا فعلى الدنيا السلام :(

اللي يشوفهم ويسمع عنهم يتسآل وين
النزعة الدينيه ... ووين الاهل .. ووين الرقابه عنهم ..

تسلم اخوي عالموضوع ... وانا اقول هالشي راجع عالتربيه ..
يعني لو مسنعينهم شياب ماكان صاروا جي :(

[انتظار مصير]

لقد صدق رسولنا صلى الله عليه وسلم عندما قال:
" لتتبعن سنن من كان قبلكم حذو القذة بالقذة، حتى لو دخلو جحر ضب لدخلتموه " .
قالوا [أي الصحابة]: يا رسول الله، اليهود والنصارى ؟!
قال: " فمن " [أي فمن غيرهم].



هذا هو حاااال المسلمين الآن


تحيااااتي لك يا بوعلي

[ماسة قطر]

هذه الله يسلمك يا بو علي يسمونها الموضه ............. وهم ماشيين معاها عمياني ......... وتلاقي كل واحد فيهم معاه سكوتر جاي فيه .....
ما قمنا نفرق بينهم وبين الاجانب ...........
شرايك في واحد من جماعتنا يدرس في امريكا والحين كل ما يجي قطر ثاني يوم وده يطير يروح هناك والفضل لاهله اللي معطينه وجه ..... من لبس ... فلوس ... سفر ........... ولاحد معترض عليه ... فشلون بيعرف انه اللي يسويه غلط .... وين العادات والتقاليد ..........

الله يهدي شباب قطر والجميع يا رب

[ولد البوعينين]

لا حول لله ...

يا بوعلي انت ماشفت شي لين الحين ....

في بعض القطريين عيال القبايل وانا اعرفهم معرفه شخصيه ..

ماتصدق با بو علي شمسوين ....

1. مسوي شعره ( عجايف ) تقول قلص مب شعر .

2. لابس لك ذاك البنطلون الوسييييييييييييييييييييييع الي شوي ويطيح ( ونص ضهره مبين ).

3. لابس لك تي شيرت تقول خيمه لين تحت ركبته والمصيبه ان لونها (( وردي )).

4. ولما تجي للجوتي (( الله يعزكم )) تشوفه لونه قليت تقول مسويه من قصدير ..

5. وله الحزام او يالحزام ((اخر موضه )) -حزام فيه شاشه تكتب فيه رقمك عشان ماتعب عمرك - .

6. وتعال طل في رقبته تقول بو الشباب جاي يبيع سلاسل من كثر ما السلاسل الي معلقهم على رقبته .
(( والمصيبه اني شفت واحد قطري حاط سلاسل ومن بين السلاسل سلسله على شكل صليب ؟؟؟؟؟ ))

7. واطلع عقب شوف سيارته وله سيارته جي اكس وله نيسان تقول بس ( يالعديد يا الشمال )
-تجي وتطل ورا في السياره الا جلد احمر وتارس الشنطه سماعات كباااااااااار -......

و8 و9 و10 و11 ......

يا بو علي خلها على الله .....

خل الي في القلب في القلب ...

ومشكور على الموضوع ..

[عين السيح]

وماخفي كان أعظم يا بو علي خلها على الله

[الشَمَرْدَل]

ههههههههههههه يا بو على بلا فضائح

ترى ما شفت شيء بعدك

رمت بك الخطى الى مشهد واحد وقد يكون هذا المشهد لاباس به

وإذا شفت ما نشوفة نحن يوميا في المجمعات والله يشيب راسك

إذا كان بعدة ما فيه شيب

الله يصلح حال الشباب وحال أهاليهم لأنه يرجع الأمر والأول والأخير

لتربية هؤلاِ تربية حسنة.. اذا كان رب البيت بالدف ضاربا .... فما شيمت اهل البيت الا الرقص

مشكور والله يعطيك العافية

[QATAR]

طيب وراك ما جبت لي عشا ؟؟

[قطرية وافتخر]

اي والله هالموضوع يحرق القلب وين عاداتنا وتقاليدنا مشكور على الموضوع

[كرباج]

اشكر الجميع على التفاعل


والله يصلح حال الجميع

[!! السويدي !!]

كل اللي قلتوه صح لكن

نسيتوا البنات !!

اللي تجيك فاتحه نص العبايه .. و السيقان مشاءلله اتقول عود اسنان

والوجه كل مكياج اللي يشوفها يقول هذي لعبة باربي مب انسانه

واللي تتسبم حق الشباب واللي تتكلم في الجوال جنها اول مره تتكلم

واللي بدون عبايه بس حجاب واللي كلش فاصخين الحيى لا عبايه ولا حجاب ... !

واللي حدها حدها مرصص من فوق لين تحت اللي يشوفها يقول رسمه راسمينها ولا لعبها

واللي اتسابق في الشوارع ... و و و و وااااااااااااايد

ولا توصل تروح كلية الشمال الاطلنطي اخس واخس ...

واللي يدرسون اهناك يقدرون عن اللي يصير اهناك ....

لو بنتكلم عن الفضايح مابنخلص والله

الله يستر عليهم وعلينا و على جميع المسلمين ان شاءلله ويهدينا و يهديهم و يصلحنا ويصلحهم

آمين

[وردة قطر]

والله انا بعد كنت مثلك استغرب لين اسمع هل السوالف بس الحين اسمع رفيجاتي وهم بنات قبايل يقولون لي انه (بعض) اخوانهم مايطلعون السيتي لا وهم لابسين جينز او حاطين في شعورهم جيل يعني يسيرون على الموضة بين الشباب لا او بعضهم علشان يكمل الدور عندة يتمشى مع اسيوية ؟؟؟؟؟؟؟؟؟؟؟ الله يستر على شبابنا او يهديهم.

[الولايات المتحده البدويه]

الله يستر علينا وعلى اخوانا واخواتنا وجميع المسلمين...........

[السولعيه]

يعطيك الف عافيه يابو علي علا التنبيه وين العادات والتقاليد نحن يوم نشوف الاجانب قزينا كيف لو شافونا نقلدهم شو بيقولون وين عاداتكم ياجماعة الخير

[*!!غرشوبة بوظبي!!*]

مشكوووووور يا بو علي ع هالطرح المميز وجزااااااااااك الله العافيه وان شاء الله ربي يهدي الشباب من هالموضه الغريبة الاطوااااااار

[صََـمًـتُ الـبُـوحُ]

اييييييييي زمن
من فتره وجيزه لما كنا نسمع بهالشوفات كنا نقول لا مستحيل

وبعدها بفتره صرنا نقول قله ....
بس للاسف الحين صاروو في ازدياااد

الله الهادي

[ولد آل ثاني]

شدخل قبيلي والا لا المهم قطري وبس رجاءا لا تفرقون بيننا واحنا من زمان جماعه

الله باليهم ادعو لهم وبس

[اللورد]

انا لاحظ الشي من فتره

ويقلون هاذي تطور وهاذي الموضه

ابي اعرف وين راحت العادات والتقاليد


والله مافي احلي من الثوب والغتره



الله يهديهم




تسلم اخوووي عالطرح

[اليتيمة]

هاي اشوي من اللي شفته يابوعلي

[الفارس القطري]

اتوقع هذي حريه شخصية ومن دخل في ما لايعنيه لقي مالايرضيه واشكرك اخوي على الموضوع وتقبل مروري

[هدوء الليل]

الفارس القطري اشوف ماعلقت على الموضوع كنك راضي على الوضع وش قصدك حرية شخصيه طيب وين أهاليهم ولا اهما عيال شوارع
شي وربي يقهر وين الحيا وينـــــــــــــــــــــــــــــــــه

[عجلان]

لاحول ولا قوة الا بالله