شوفو حل في ضعف الرواتب .... و الراتب المقطوع

[عذايب قطر]

السلام عليكم ورحمة الله وبركاته

حبيت اتكلم واكتب عن ضعف الرواتب والرواتب المقطوعه واسمحولي اذا اسلوبي مش متقن

الرواتب لين متى يعني الرواتب على هالحال ... ليش مايساوون الرواتب في كل الهيئات والحكومات
ليش بعض الهيئات رواتبهم فوق والله يزيدهم والبعض الله يعينهم

سالفه الراتب المقطوع او التثبيت المقطوع لين متى تشتغل تتعب تهلك في الشغل عشان اتبين لهم انك شغيل واخر شي يقولونلك انت متثبت براتب مقطوع يعني ( مافي اجازات وله درجات وله ترقيات ) طبعا مو للقطرين لا للمقيمين وخاصة دول الخليج
انا وحده اعاني من هالموضوع بس خليها على الله

تحياتي لكم
عذايب قطر

[كرباج]

والله سالفة زيادة الرواتب

سببت مشاكل في بعض الجهات الحكومية واقصد المدنية طبعاً

لأن رواتب الجهات العسكرية اصبح الفرد يتقاضى أكثر من السنير الذي بالجهة المدنية ..

فهذه بحد ذاته مشكلة

فصار هنالك تفرقة .. مما جعل الكثير من المدنين يقدموا استقالتهم والبحث عن الراتب الأقوى...

هذه بالنسبة للقطريين


اما قصة الرواتب المقطوعة
في الوقت الحالي ... غير نافع في ظروف الارتفاع المعيشي

فاصحاب الرواتب المقطوعة
يعملون ... اقول البعض منهم ونسبة كبيرة يعملون بكل أمانة !!
فيستحقون زيادة او فتح العلاوات لهم ... كي يتماشون مع الحياة الجديدة ...

اتمنى كل الخير لجميع الفئات والدرجات

في ظل ابومشعل اطال الله بعمره

[اللورد]

اختي العزيزه


ان شاء الله يتم حلها والاخوان في البرنامج مب مقصرين

وان شاء الله يتم طرحه في البرنامج


والله يزيدكم

[عين أبوها]

الله يعينك اخوي ..

فعلا اصحاب الرواتب المقطوعه محرومين من ..

العلاوات ( اجتماعيه - تنقل - دورية ) بالاضافة الى الترقيات ..

وفعلا الراتب قليل ..

واذا احنا المثبتين انقول مايكفينا .. اشلون عيل اللي رواتبهم مقطوعه ..:confused:

تامل خير اخوي .. وانشاءالله بتتسهل في ظل ابونا ابومشعل الله يطول لنا بعمره ..

[ولد آل ثاني]

في دراسه في الأمانه العامه لمجلس الوزراء الموقر لبحث توحيد الرواتب و إنشالله هي قائمه حاليا و عن الرواتب المقطوعه فهذه المشكله من جهة العمل لابد انكم تراجعون جهات عملكم فاذا كنتو قطريين ليش ما تستلمون راتب مقطوع ؟!!
و بالنسب للنقل من مكان الدوام ذو الاجر المنخفض إلى مكان اجره مرتفع فهذا كان قبل تاريخ 21/4/2008 لأنه خلاص صدر قرار بعدم السماح للموظفين بالانتقال واعتقد بأنه تمهيد لتوحيد الرواتب

تقبلو تحياتي

[دمي عنابي]

اشكرج اختي عذايب قطر على الموضوع

والله انه الجميع متضرر من مشكلت الرواتب

وخاصه الهيئات وبخص الجمارك ليش ما يرفعون الرواتب لهم لانه يقدمون خدمه حساسه للوطن والمواطن ولكن نتأمل خير انشاءالله

ولكم مني جزيل الشكر

[بلال]

اتمنى كل الخير لجميع الفئات والدرجات

في ظل ابومشعل اطال الله بعمره

صدقت أخي أبو علي .

وأنا يللي شايفو انو الحل قريب ان شاء الله .

[عذايب قطر]

الله يعطيكم العافية جميعا
وبالنسبة للقرار الجديد انسوا انه انقدم مكان ثاني

تحياتي لكم
عذايب قطر

[QATAR]

ومنا لصاحب الشان ,,

[خيال الوطن]

اضم صوتي لصوت عذايب قطر والحال من بعضه بس الله يكون بالعون
ونا بنفسي شفت الفرق بين اللي بالوزاره والهيئه من هم من حمله الثانويه
الفرق 5250 ريال بيننا وبينهم ومافي اي فرق لا بالشغله ولا بالدوام الرسمي مثل اللي احنا نداومه بالوزاره مثلهم اللي بالهيئه بس بالنهايه الفرق بالاجر ولكم الراي ...

[دنيا ولازم نفهمها]

والله حاله

اذا اللي شغالين على برنااامج وطني الحبيب رواتبهم ضعييفه

عيزنا واحنا نقووول

كل شي ارتفع سعره والراتب مثل ما هووو

ما نقول غير الله كريم

[المبدع]

الله يعين الصابرين وفرجها على الله ......

[احم احم]

اي والله

وسمعت سوالف انه الاداره السابقه لوطني الحبيب المكون من ( د/ الهام بدر في التقديم _ وفالح فايز في الاخرااج) في الاخراج اتركوا البرنامج والسبب ضعف الراتب

[الفارس القطري]

الفرج قريب ان شاء الله بفضل من الله عزوجل ومن ثم قائدنا الشيخ حمد بن خليفه

[الفارس القطري]

الحل قريب بأذن الله

[راعي سوالف]

مشكوره اختي على المووووضوع الحلوووو
الصراحه اي والله نبي حل حق ذي الموضوع
كل مرتفعت الرواتب ارتفعت الاسعار ...

[لعـــيون جاسم]

اشكرج اختي عالموضوع

بس الحمدلله على كل حال والله في نااس مب لاقيه شغل الحين واذا عن الرواتب انها شوي ترى على فكره اقوى رواتب هنا فالدوحه شوفي دول خليجيه ثانيه راتب مسؤل او مدير يساوي راتب موظف عادي عندنا .


مع احترامي لكل الاراء

[فزاع قطر]

الله يعينج ويعين الجميع ويصبرج
احنا مانشوف زياده في الرواتب احنا نسمع زياده في الكلام ياجماعه الدوحه في خير وكلها توقيع على ورقه وينحل الموضوع ليش المذله ما ادري ؟؟؟؟؟؟

[نجمة سهيل]

الله يكون في العون ان شاء الله


والحل قريب وشكرا

[][عميد الحب][]

الله يكون بعون الجميع

بوجود ابو مشعل

اكيد راح تنحل

[بدر المحبة]

ماتضيق الا تنفرج

وكل عقدة ولها حلال
وحلالها ابو مشعل الله يطول بعمره

والصبر زين لابد ان تنفرج والله كريم

[قطري من قدي]

ان شاء الله مشكلتكم بتنحل ومايصير خاطركم الا طيب

[بو ثامر]

الله يكون في عونكم

ان شاءالله يسوون لكم شي والله اشك

بس الامل بالله كبير

[ليالي]

السلام عليكم ورحمة الله وبركاته

حبيت اتكلم واكتب عن ضعف الرواتب والرواتب المقطوعه واسمحولي اذا اسلوبي مش متقن

الرواتب لين متى يعني الرواتب على هالحال ... ليش مايساوون الرواتب في كل الهيئات والحكومات
ليش بعض الهيئات رواتبهم فوق والله يزيدهم والبعض الله يعينهم

سالفه الراتب المقطوع او التثبيت المقطوع لين متى تشتغل تتعب تهلك في الشغل عشان اتبين لهم انك شغيل واخر شي يقولونلك انت متثبت براتب مقطوع يعني ( مافي اجازات وله درجات وله ترقيات ) طبعا مو للقطرين لا للمقيمين وخاصة دول الخليج
انا وحده اعاني من هالموضوع بس خليها على الله

تحياتي لكم
عذايب قطر
احمدي ربج تشتغلين في قطر
مب القطرية تدور شغل في بلادها ولا تلاقي على شنو بعد الشكوى :mad:

[عيـــــ قطــــر ـــــون]

احمدي ربج تشتغلين في قطر


مب القطرية تدور شغل في بلادها ولا تلاقي على شنو بعد الشكوى :mad:



لا حول ولاقوه الا بالله
اولا احب اقول للاخت عذايب قطر ( ما ضاقت الا وفرجت ان شاء الله ودائما الي يحاول بلاقي باذن الله )
ثانيا اقول للاخت ليالي : يا اختي الكلمه الزينه طالعه وغيرها طالع بعد ليش ما نحاول نخفف على بعض وكلنا نقول الحمد لله دائما وابدا لكن مافيها شي نشكي همومنا لبعض من غير تجريح

وتقبلو مني فائق الاحترام والتقدير

[وضحى]

الله يعين !!

صج رواتب الوزارات ماساه و بعض الجهات تاخذ دبل الراتب اللي ناخذه بالوزارات ..

اللهم انا نسالك من فضلك ترى مب حسد لا والله بس المفروض يكون فيه عدل :(

انا بصراحه افكر استقيل واقدم في مكان ثاني ؟

[بنت ابوي]

لا حول ولاقوه الا بالله
اولا احب اقول للاخت عذايب قطر ( ما ضاقت الا وفرجت ان شاء الله ودائما الي يحاول بلاقي باذن الله )
ثانيا اقول للاخت ليالي : يا اختي الكلمه الزينه طالعه وغيرها طالع بعد ليش ما نحاول نخفف على بعض وكلنا نقول الحمد لله دائما وابدا لكن مافيها شي نشكي همومنا لبعض من غير تجريح

وتقبلو مني فائق الاحترام والتقدير


جزاج الله خير رانيا وانا معاج في الشي ليش التجريح ليالي الاحترام واجب على الناس وكلنا مسلمين ولا رضاها على حد سوى قطرية ولا غيرها وهذي بلادهم الثانية وان شاء الله المشكلة بتنفرج وكلنا مع مشكلتج ونطالب بالحل والتدخل السريع لان الرواتب المقطوعة اصبحت مشكلة لان راتبي المفتوح الحين وهو تسعة الالاف وخمسمائة اصبح لا يكفي شلون المقطوع ؟؟ !!! .. الله كريم عذايب والله يفرج الكرب

[مدرسه اول]

الله يعين الجميع