المشروبات الروحيه ( موضوع للنقاش )

[الباش مهندس]

السلام عليكم
اخواني انا حبيت اطرح موضوع للنقاش
موضوع خطير
والله العظيم اخطر مما تتخيلون
بإختصار
الموضوع باين من عنوانه
ليش نسمح للخمور في فنادقنا وناقلنا الوطني والرسمي
هل لتشجيع السياحه؟؟؟
ولا ليش بالضبط
انا خاطري بسبب مقنع!!!
اذا كان للسياحه فهذا كلام مردود عليه
عندنا ألف طريقه وطريقه لتشجيع السياحه
عندنا عاداتنا وتقاليدنا
لبسنا وطريقة عيشتنا في الماضي والحاضر
بيوتنا الطين وبيوت الشعر
ايش بقول ولا بخلي
اذا الموضوع مش موضوع سياحه!!!!
احد يقدر يفهمني ليش هالاشياء موجوده عندنا في بلاد اسلامي محافظ
بعطيكم مثال لدوله مجاوره منفتحه اكثر منا بمراحل
الكويت!!!
اتحدى اي واحد يدش فنادقهم ويركب طياراتهم ويحصل هالاشياء
ادري البعض بيقول متوفر عندهم
بقوله من تحت لي تحت
مافيه شئ على المستوى الرسمي
بالعكس يحاربونه مثل محاربة المخدرات ولا اكثر بعد
المشكله في عيالنا الصغار والراهقين
أقل شئ بيقول انا بجرب
ابي اذوق طعمه بس
وهذي تكون البدايه طبعاً
فيه فندق من الفنادق عندنا يقدمه لك في اللوبي
عيني عينك
وبعيني شفت شباب توهم صغار في خبر كان والسبب هالمصيبه الي عندنا
لا عاد والخطوط القطريه
أطلب تجد
انت تامر أمر
عاد الشئ المذهل السوق الحره
كل الاشكال والانواع

ايام الدراسه كان لي زميل من دوله خليجيه مجاوره اخوه كان وزير الداخليه
تدرون ايش قال لي بالحرف الواحد
اقسم بالله انه 75% من المدمنين على الكحول عندنا من المراهقين
ايش رايكم في هالكلام
اترك الموضوع للنقاش الجاد
والله يطهر بلدنا الي لو ماكان غالي علي ماكنت تكلمت في هالموضوع ولا فتحته من الاساس
وانا متأكد انه الغيورين اكثر من الي يشجعون السياحه على قولتهم

ودمتم سالميـــــــــــــــــــــــــــــــــــــن

[مواطن غيور]

والله انك صادق في كل كلمة قلتها ، المشكلة ان ساعات الي يتخذون مثل هالقرارات ، مايحسون بتبعاتها ، ومايدرون ان "شخطة قلم" ممكن انها تودي جيل كامل في ستين داهيه.

انا والله مب عارف شبسوي مع عيالي اذا كبروا ، شلون باقدر احميهم من هالبيئة الفاسدة الي ابتدت تحاصرنا من كل صوب.

[متقاعد]

السلام عليكم

المشروبات لا توجد للمسلمين فا انما هي لمن هم غير مسلمين

لماذا نركز على هذي الامور وهي لا تعنينا من ارد ان يشرب فا بمكانه ان يشرب في اي مكان سوى هنا او بالخارج وكما نعلم والحمد لله طالبنا يتغربون في بلاد توجد بها كل الاشياء ولكن لا يقربوها

والحمد لله نسبه الادمان في قطر اقل دوله بالخليج مما يعني ان الشعب والحمدلله محافظ حتى لو وجددت المشروبات

[اللورد]

اولا اشكرك اخوووي عالطرح المميز وماقصرت والله لايحرمنا ومن تفاعلك معانا

ثانيا احنا دول مسلمه والخمر بالقران الكريم حرام
يعني المفروض مانخليه عندنا

صدق بالله ان في دوله بالخليج مافي بالفنادق عندهم خمر
وهني عندنا يقولون فاتحينه عشان الاجانب احنا ويش دخلنا فيهم بالاصل
والله في شباب في عمر 17 سنه يشربون خمر هل يصح هذا الكلام

الله يساعدهم
ويساعد كل من ابتلاء فيه

تقبل مروري اخوووي

[الباش مهندس]

السلام عليكم

المشروبات لا توجد للمسلمين فا انما هي لمن هم غير مسلمين

لماذا نركز على هذي الامور وهي لا تعنينا من ارد ان يشرب فا بمكانه ان يشرب في اي مكان سوى هنا او بالخارج وكما نعلم والحمد لله طالبنا يتغربون في بلاد توجد بها كل الاشياء ولكن لا يقربوها

والحمد لله نسبه الادمان في قطر اقل دوله بالخليج مما يعني ان الشعب والحمدلله محافظ حتى لو وجددت المشروبات

مشكورين على مروركم كلكم

اخوي متقاعد انت كأنك تقول حط البترول جنب النار ولا تولعين

[قضية]

والله يطهر بلدنا

[كرباج]

أخوي / الباش مهندس

يعطيك العافية على الطرح الرائع والهادف


++


هل شاهدت أطفال يشربون هذه المشروبات من التي بالفنادق أو غيرها ... بدولتنا قطر


فأكيد سوف تقول لا لم ... تشاهد بأم عينك


أما بالنسبة للمشروبات التي بالفنادق

فهي ليس دعم للسياحة... فهذه لا يعتبر دعم ابداً

بل توفير احتياجات وعادات من يأتي لهذه البلد ... ( لجميع الاسباب )



فهذه لا يدل علينا كمواطنين ... أن نقول بلدنا سمحت بالمشروبات الكحولية


فهنالك جهات حكومية تحارب مروجي هذه المشروبات

وزارة الداخلية (البحث الجنائي + الأمن الوقائي )


والشاهد على ذلك الجرائد التي تنشر عمليات إلقاء القبض على مروجيه والمصانع المعدة لذلك المشروب



.::: وقفة :::.

أنا لا اخفي عليك أن الود ودي ان لا يكون لهذه المشروب وجود في قطر

بس مو معناته ان اذا الدولة سمحت به ... أنها تؤيد هذه ... لا بل تدع القافلة تمشي .. لاستمرار الحياة


.::: شكر وتقدير :::.

اتمنى ان لا يكون هذه ليس آخر موضوع تطرحة ... للنقاس ..بقلمك

واشكرك على حرصك وعلى قلم الراقي


تقبل تقدير

[الباش مهندس]

أخوي / الباش مهندس

يعطيك العافية على الطرح الرائع والهادف


++


هل شاهدت أطفال يشربون هذه المشروبات من التي بالفنادق أو غيرها ... بدولتنا قطر


فأكيد سوف تقول لا لم ... تشاهد بأم عينك


أما بالنسبة للمشروبات التي بالفنادق

فهي ليس دعم للسياحة... فهذه لا يعتبر دعم ابداً

بل توفير احتياجات وعادات من يأتي لهذه البلد ... ( لجميع الاسباب )



فهذه لا يدل علينا كمواطنين ... أن نقول بلدنا سمحت بالمشروبات الكحولية


فهنالك جهات حكومية تحارب مروجي هذه المشروبات

وزارة الداخلية (البحث الجنائي + الأمن الوقائي )


والشاهد على ذلك الجرائد التي تنشر عمليات إلقاء القبض على مروجيه والمصانع المعدة لذلك المشروب



.::: وقفة :::.

أنا لا اخفي عليك أن الود ودي ان لا يكون لهذه المشروب وجود في قطر

بس مو معناته ان اذا الدولة سمحت به ... أنها تؤيد هذه ... لا بل تدع القافلة تمشي .. لاستمرار الحياة


.::: شكر وتقدير :::.

اتمنى ان لا يكون هذه ليس آخر موضوع تطرحة ... للنقاس ..بقلمك

واشكرك على حرصك وعلى قلم الراقي


تقبل تقدير

هلا اخوي ابوعلي

شاكر مرورك الكريم وتعقيبك

والاختلاف لايفسد للود قضيه اخوي

بالعكس انا أكن كل احترام و ود لردك

لاكن ممكن تقولي شنهي القافله الي بتوقف اذا منعنا هالاشياء من عندنا؟؟

وليش هالقافله ماوقفت في الكويت والسعوديه؟؟

وبالنسبه لي هل شفت ولا لا؟؟؟

احب أكد لك اني شفت بأم عيني في فندق من فنادقنا شباب من عيال قطر مكونه من مجموعه ماتقل عن الخمسه أكبر واحد فيهم تو شنبه طالع
واذا حبيت اعطيك الدليل تواصل معاي و اقولك المكان بالضبط

كلي احترام وتقدير لك يابوعلي

[احب قطر]

والله يطهر قطر من هاي البلاوي

[الباش مهندس]

والله يطهر قطر من هاي البلاوي



«®°·.¸.•°°·.¸¸.•°°·.¸.•°®»اميـــــــــــــــــــــ ـــــــــــــــــن«®°·.¸.•°°·.¸¸.•°°·.¸.•°®»

[عبير مبارك]

بس في أيام الرسول (ص) كان الخمر موجود وفي مكة والمدينه وما كانو المسلمين يقربون منهم ويعني اذا منعنا الخمر من الفنادق ما راح يشربون شبابنا ... ترى على فكرة الشباب قبل لا تكون في فنادق و قبل هالانفتاح كانو يجيبون الخمر او حتى في ناس يسافرون له
وفي الكويت مدمنين الدنيا و بعد يشربون و يشترون الخمر من أماكن ثانية غير الفنادق

يعني الحين لو يبيعون لحم خنزير تكرمون في مكان بناكله بس لأنه موجود؟؟!!

باختصار رب ابنك عدل و علمه على الصلاة و فهمه الدين و ليش هذا حلال وليش هذا حرام و اللي في قلبه الصلاه ما تفوته