يأست أبي وظيفة [الأرشيف] - منتديات وطني الحبيب صباح الخير

مشاهدة النسخة كاملة : يأست أبي وظيفة

جامعيه

10-13-2009, 05:24 PM

السلام عليكم

الصراحة أنا قدمت أماكن وايد والله ماخليت مكان الاوقدمت فيه وبن عمك أصمخ حتى رد بالرفض مايردون، ولو أعدد الأماكن اللي قدمت فيها والله ماتنعد ومحد عطاني وجه مادري العالم أشيبون

قالوا كمبيوتر icdl ولغة انجليزية عندي والحمدلله
غير الشهادة الجامعية

أنا تخصص تاريخ/ علم أجتماع وقدمت في هيئة المتاحف اللي هو المكان اللي المفروض أني أشتغل فيه على اساس تخصصي الاأني مالقيت رد منهم مع أني قدمت عندهم ثلاث مرات ولاحياة لمن تنادي ...

مادري ألجأ لمن ...المصيبة أني مو مثل البعض أطلب وظيفة على مكتب وخلاص بالعكس كنت أدور وظيفة فيها شغل وحركة ومع هاي ماحصلت ، حتى مافكروا يسون معاي مقابله عالاقل ...

والله الواحد مايعرف شيسوي أبي أعرف اللي ظروفه صعبه وعنده عيلة من 8 أشخاص ومحد يشتغل فيهم لأنه الأم قطرية والأب أجنبي شيسوي إذا محد راضي يوظفه؟؟

ممكن حد يقول الجيل القادم من هالأسرة أشبيكون؟؟

ياليت لو المسؤولين يفكرون عن أوضاع هالفئة خاصة بوقتنا الحالي اللي الحياة صارت فيه صعبها والحالة الأقتصادية والمادية مأساوية الصراحة...

ياليت اللي يعرف عن أماكن للتوظيف يخبرني وربي يفرجها عالجميع أنشالله....

][عميد الحب][

10-14-2009, 05:27 AM

أختي أتمناء لكـ التوفيق وتحصلي على عمل
تكسبي منه العيش الحلال.
يعطيكـ العافيـــة

هجرس

10-14-2009, 07:37 AM

اختي انصحك تقديمين في البنوك وشركات الوساطه المالية والشركات المالية الكبرى
والي كاتبه لك ربك بيكون بس انتي اجتهدي بالبحث وعرفي ان رب العالمين هو الي يقسم الارزاق

شخصيه هامه

10-17-2009, 09:45 AM

الله يوفقج ان شاءالله وين مارحتي وتحصلين المكان الي ترتاحين فيه .. وتعينين عائلتج .. وبالتوفيق ان شاءالله

بس انا سمعت انه هيئه المتاحف طالبين موظفين .. وانتي جامعيه؟؟

جامعيه

10-18-2009, 03:48 PM

لكم الشكر عالمرور الطيب ، والله ماخليت بنك ولامؤسسة الاوقدمت فيهم بس الله كريم يوفق الجميع أنشالله

أما هيئة المتاحف فبدون واسطة مستحيل تشتغل هناك وكل مارحت مكان قالوا القطرية أولى وكأنه سياسة التقطير ماجات الاعلى روسنا أحنا اللي مهاتنا قطريات وأحنا مواليد قطر

اللع يعين الجميع ويوفق الكل أنشالله ويكتب لكم ولنا الخير

اللورد

10-18-2009, 05:28 PM

اختي قدمي بالداخليه
وربي يوفقج

جامعيه

10-22-2009, 08:43 AM

الداخليه ماياخذون الأجانب اللي أمهاتهم قطريات ...

أشكرك اللورد عالمرور

جامعيه

11-13-2009, 10:57 PM

الى الآن لازال البحث عن وظيفة جاري وربي يعينا على هالحياة الصعبه

الامبراطور

11-13-2009, 11:06 PM

اختي الفاضله يشهد الله اني احس مثل ماتحسين الحين لكن عموما بالنسبة للعمل هذي مسألة وقت ولا هي بين يوم وليلة _ وادري انج مستعجلة وتبين اليوم قبل بكرى لكن مسألة العمل ماهي على الكيف ويبي لها وقت وصبر _ أنصحك بالمبادرة والسعي في عدة مجالات ولا يقتصر العمل حسب ونوع تخصصك او التخصص المطلوب لك !!

سيدتي واختي

سارعي من الان بالتسجيل في جميع الوزارات وسوف تجدين القبول بأذن الله ومنها (( هيئة الصحه _ وزارة الداخلية _ المدارس المستقله _ وزارة البلدية _ جميع المصارف و البنوك وعلى رأسها مؤسسة النقد القطرية _ وزارة الخارجية _ وبعض الأجهزة العسكرية _ كيوتل )) وسوف تجدين القبول بأذن المولى عزوجل مع الأستعانه بالله ثم الصبر .

انا واختي خوات

11-16-2009, 01:47 PM

((((((تقــــــــــطـــــــــيــــــــــــــــر)))) )))؟؟؟؟؟ وين التنفيذ!!!!!!!

انا قطرية ومو محصلة؟؟؟؟ وانتي امج قطرية......

غني ياليل ماطوووووووولك!!!!!!!

جامعيه

11-16-2009, 06:52 PM

الامبراطور شكرا عالمرور وأنا بديت والله قبل لاأتخرج قدمت أوراقي وبعد ماتخرجت رجعت قدمت أوراقي ماتم مكان بالدوحة ماقدمت فيه اللي يخطر واللي مايخطر عالبال ....ربي المستعان وأنشالله التوفيق للجميع

أم الحلا ربي يوفقج أنشالله وأتحصلين وظيفة واتبشرينا بالوظيفة

قطرية مع وقف التنفيذ

11-17-2009, 07:06 PM

ابصراحه الله يعينكم جميع وانا معاكم اغني ياليل ما اطولك

ربي يوفقج وييسر امورج انشالله

جامعيه

11-18-2009, 08:05 PM

قطرية مع وقف التنفيذ شكلنا آخرتها بنسوي دويتو أنا وأنتي على أغنية ياليل ماأطولك خخخخخخخخ

تسلمين الغالية عالرد والله يعين الجميع أنشالله ويوفق الجميع

هجرس

11-19-2009, 08:45 AM

الله يوفقك يارب اختي شوفي مطار الدوحة الدولي الجديد قدمي بالداخليه يبون ترا كميه كبيرة من الموظفين والموظفات

جامعيه

12-14-2009, 06:28 PM

للآن في أنتظار الوظيفة والى الآن لازالت القطرية تبحث عن حقوق أبناءها وأعتقد أنها أستحالة ان تجد هذه الحقوق لأن الدولة كأنها أتعاقبها على غلطة ارتكبها أجدادنا لما عرسوا بنتهم من أجنبي حكي مر عليه أكثر من 40 سنه وللآن لازال وضع أبناء القطرية مأساوي...

الشخص لما يروح أمريكا يطلب منه اقامة خمس سنين وبعدها يمنحونه الجنسيه ، ياترى بدولتنا قطر كم سنه يكفيهم عشان يقتنعون أنه مواليد هالبلد يستحقون الجنسية والعيش حالهم حال غيرهم ؟؟؟ ياترى 40 سنه ماتكفي؟؟؟أو لما يصير الشخص تحت التراب بيمنحونه حقوقه؟؟

أدري لاحياة لمن تنادي بس حرقة بالقلب وماأعرف اشلون أعبر عنها واللي زاد الطين بله لما جامعيه ومن أم قطرية يعرض عليها وظيفة أمن لا ومسائي؟؟أشرايكم

السليطي

12-15-2009, 10:19 AM

الله يوفقكم ان شاء الله ويا جامعية وباقي الاعضاء جربي تقدمين في هيئة الاشغال العامه
لانه في وظائف شاغره عندهم وربي يكتب لكم الخير وتحصلون الوظيفة المناسبة
تحياتي

بو ثامر

12-18-2009, 02:16 PM

الله يوفقج مافي اليد حيله

قطري غيور

12-27-2009, 02:34 PM

رؤيه

12-29-2009, 11:30 AM

كثرة الاستغفار يااختي تجلب الرزق

اكثري واستمري والله ان الاستغفار مفتاح لكل خير للانسان فقط اجتهدي بالاستغفار واسعي

داعيه الله العلي العظيم ان يرزقكـ وتتوظفي ويجلب لكـ كل خير

موفقه ان شاء الله
كوني بخير

جامعيه

12-31-2009, 09:03 AM

أخـتي جآمـعيه ..

الله يوفقج وتـلاقين الـوظيفه الـمناسبه لـج .. وكـلنا مـقدرين شـعورج ..

الله يـعين بس ..

أنـا قطري وخريج بكالوريوس وصار لي حوالي السنه مـالقيت وظيفه :)

الله يـوفق الجميع

الله يوفقك أخوي وتحصل الوظيفة اللي تستاهلها....

للأسف أنا عندي أخوي صار له أكثر من خمس سنين في البيت قدم كل مكان ولاحد رد عليه والواسطه أللعبت فيه والله العظيم ....

جامعيه

12-31-2009, 09:03 AM

سوار الذهب

01-02-2010, 05:49 PM

هههههههههههههههههههههههههههههههههههههههه ام الحلا ضحكتيني
الله يفرجها ع الجميع

رَحيق آلمِسك

01-12-2010, 08:10 PM

مرحبآآ

يا جمآآعة ترى شركة المتحدة للتنمية عندها وظائف شاغرة وكيوتل بعد لا تضيعون الفرصة من ايديكم الله يوفقكم جميع

جهينة*

04-12-2010, 08:44 AM

أختى الفاضلة

يوجد وظيفة تسويق في شركة مختصة بتسويق خدمات الإنترنت

والناس هنا كويسين جدا والله لأني أعمل بنفس الشركة، اذا أردتى التواصل راسليني على الخاص

جامعيه

04-25-2010, 06:40 PM

الوظايف موجودة بس الواسطة للي ماعنده واسطة مش موجودة

الدليل على الواسطة أنه لما شخص يتعين في هيئة معينة تلقى بعد فترة متعين أخوه وولد أخوه يعني العيلة الكريمة كلها في الهيئة ولما أتروح تسأل عن أوراقك يقولون لك مافي توظيف لأنه الهيكلة للحين مش ثابته ، الظاهر انه المطر اللي هطل من فترة أثر على الهيكلة وبعثر الوظايف.....

والله قهر والواحد مش عارف شيسوي مع الظلم اللي حاصل ....ماأقول غير حسبي الله ونعم الوكيل