ترى الموضوع ما ينسكت عليه

[بنت الغاليه]

انا اسكن في معيذر تخيلوا معاي جيرانا منو جيراني الى على اليمين عمال والى على يساري عمال والله ماتخيلون اذا جيت بطلع من بيتي ولا اشوف عمال مسدحين جدام باب بيتنا طيب ليش مسكنينهم حوالينا حنا عيله كبيره فيه البنات والاود اصغار وكبار يا ناس ارحمونا من هذولا اعمال الى انترسوا في البلد انخاف على عيالنا وبناتنا منهم تخيلوا معاي فتحنا الباب ساعتين سرقوا كل الى في الحوش حتى الملابس الى على الحبل معقوله ينااس هالكلام بصراحه شي ما ينسكت عليه

[كرباج]

بنت الغالية

مرحباًبكِ بينا


موضوع سكن العزاب ... من أول المواضيع التي يجب النظر فيها ... وحلها بأسرع الحول


واعلمي أن لصوتك صدى عبر منبر منتدى وطني الحبيب

[+{قـ(ـطـ)ـر}+]

الله معاج

أن شاء الله يا أختي

وتمنى أنه صج يشوفون حل للموضوع هذا لنه

مايسير أنة يسكنون عزاب بين أهالينة

الواحد يخاف بعد

صج البلاد فيها أمن و ستقرار بس

بعد الحرص واجب

وأتمنى انه يلاقون حل لهاذا الموضوع

أخوكمــ/ +{قـ(ـطـ)ـر}+

[اللورد]

الصراحه

الله يكون بعونكم

وان شاء الله

بيوصل كلمج للخوان في البرانامج
وان شاء بيوصلون الي حل

[قضية]

نعم ما ينسكت عليه


والله سكن العزاب زاد عن حده بين سكن العوائل

ولازم يلاقون لهم حل

[قطري من قدي]

انا معاك واقترح عليك انك لو شفتهم مره ثانيه اتصل بادارة امن الريان وخلهم يشوفون صرفه مايصير جي عيب

[ولد البوعينين]

انا اسكن في معيذر تخيلوا معاي جيرانا منو جيراني الى على اليمين عمال والى على يساري عمال والله ماتخيلون اذا جيت بطلع من بيتي ولا اشوف عمال مسدحين جدام باب بيتنا طيب ليش مسكنينهم حوالينا حنا عيله كبيره فيه البنات والاود اصغار وكبار يا ناس ارحمونا من هذولا اعمال الى انترسوا في البلد انخاف على عيالنا وبناتنا منهم تخيلوا معاي فتحنا الباب ساعتين سرقوا كل الى في الحوش حتى الملابس الى على الحبل معقوله ينااس هالكلام بصراحه شي ما ينسكت عليه

لا حول لله ولا قوه الا بالله ...

الله يعينج اختي ....

اختي ما حاولتي تروحين حق المسؤلين؟؟؟

اصلان هذا الموضوع ممنووووووووووووووووووووووع في القانون ...

وان شالله ما راح يتغاضون عن الموضوع الاخوان ....

وانا ان شالله اعرف ناس في بكلمهم عن الموضوع الي في معيذر...

والله يعطيج الف عافيه ...

[عين أبوها]

انا معاج اختي ..
واحنا مثلج حبيبتي ..
وراا بيتنا تقريبا في بيت .. راعيه أجره حق شركه .. وسكنوا عمال فيه .. طبعا عندنا في فريجنا محد رضا .. بس محد سوى شي ..
بيجيكم شو صار ..
اللي صار كنا جايبين دريول و6 شهور وهو يتعلم لين ماقدر ينجح وياخذ الليسن .. كان راتبه 600 .. وطبعن هالهنود من كثر مايشوفهم رافجهم .. وقالوا له احنا نستلم اكثر تعال معانا .. وشرد هو ودريول واحد ثاني من الفريج ..
طبعا دوروا عليه ولا حصلوه لان خشوه بمكان ثاني مع عمال ثانيين بمكان ثاني ولا حد راضي يخبر ..
بلغوا اخواني وسلموا الشرطه الجواز..
قولوا لي شو العمل مع هالعمال .. يعني عيوبهم اكثر من مزاياهم !!
والحمدالله الله رزقنا بدريول أيودي وولد ناس ..

الله يعينج اختي ..
وانشاءالله يحصلون لنا حل مع هالمشكله ..

اختكم// عين أبوهاا

[بلال]

الأخت الكريمة بنت الغالية .

لا يسعني الا أن أقول

الله يسهل لكِ من يساعدكِ بهذا الأمر الذي لا يسكت عنه .
المطلوب حل سريع من قبل الهيئات المختصة , ولو كان بامكاني المساعدة لما قصرت لأنني لست من أبناء هذا البلد الطيب .

أنا من لبنان أتيت الى هنا من حوالي الشهر وتفاجئت بكثرة الشعب الآسيوي , وأنا لست ضد وجودهم , ولكن أنا أطلب التنظيم والمراعاة بهذه الأمور .

[فراس]

والله لا احرق عليهم البيت حرق ايش الاهمال في سكن العزاب بين العوائل اتمنى من الاسكان سحب اي بيت ايكون السكان عزاب والله حرام يمكن ايكونون اخر الليل سكارى اويكون حرامي ملابس والله تدرون ياالاسكان بس ماتبون خسارتكم واتحدى ايكون موظف من الاسكان ايكو
ن جاره سكن عزاب اتمنى الرد السريع في هذا الموضوع .....

اخوكم/ فراس

[سراب الليل]

السلام عيكم ورحمة الله

لا شك إن هذا الأمر لا يرضي اي شخص أو مواطن غيور على إخوته وأبناء الوطن ...

لا اتصور بأي شكل من الأشكال ان تكون الدولة أو المسؤولين خفي عنهم الموضوع ،، ولكن لماذا لم يتم طرح الحلول او اصدار قانون هنا يكمن السؤال لماذا ؟ ! عندما نعرف لماذا سوف يبطل العجب ويعرف السبب .
الكل يعرف ، ، ويعلم ،، ومحيط ،، وملم ،، وعلى دراية ،، وقرأ ،، وسمع ،، وشاهد ,,,

لماذا اذن يا مسؤول لا تضع قانون وحلول ؟ ؟؟؟ !!!! لمــاذا


اذا وسد الأمر لغير أهله فانتظر الساعة

[ولد البوعينين]

انا في شي واحد محيرني ...

واهو ليش ما يسوون مكان خاص او منطقه خاصه للعمال و للعزاب؟؟؟

يعني هم مش خاسرين شي .؟؟؟

والله يعني مالهم عذر ؟؟؟؟

الله يعينا و يعينكم والله ....

[خالد الكواري]

الصراحه

الله يكون بعونكم

وان شاء الله

والله المستعان

[شواطئ]

الله المستعان

الله يفرجها عليكم وعلينا الحال من بعضه


:(


نخاف حتى على عيالنا يلعبون بالحوش كله من العمال :(

الحل السريع يااالمسؤولين

[ماسة قطر]

طبعا لو لاحظتوا قبل ما كان في سكن عمال قريب من العائلات .....
السبب في الاول والاخير يرجع للايجارات .........
يعني هذا اللي بياجر بيته حق شركة .......... ما عنده نظر ما يشوف انه في بيوت حولينه ......... شلون يرضى ..........
طبعا هو ما همه غير جيبه
أتمنى مناقشة الموضوع في برنامج وطني الحبيب ............


والله يعينكم ..............

[وردة قطر]

اله يعينج الصراحة بس الظاهر انه احنا بنلحجكم جيرانا الي احذانا طلعوا من شهرين تقريبا والحين اجوف عمال بلهبل دخلين او طالعين من البيت , ابوي راح او سالهم شتسوون اهني ردوا علية انه البيت استاجرتة شركة او بيحطونة سكن للعمال؟؟؟؟؟؟؟؟؟؟
الله يستر والله اخواني شكلهم كل يوم بيتهاوشون وياهم اذا بيجعدون كل دقيقة عند الباب ولا اذا مو لابسين عدل.
الله المستعان.