البند المركزي واللي غير البند

[خيال الوطن]

بسم الله الرحمن الرحيم


السلام عليكم برنامج وطني الحبيب

كنتوا تتحاورون في موضوع البند المركزي وكل الناس بدت ارائها ومعاناتها بخصوص اقتصاص الرواتب ونقصانها

والمسامحه ان كنت راح اطري موضوع بخصوص اللي غير البند الركزي اللي هم مواليد قطر اللي انولدوا وتربوا ودرسوا وكموا حياتهم على خير هالارض الغاليه شنو مصيرهم لما يتم استبدالهم بمواطنين صحيح الدوله لها حق بس لو طريتوا موضوع لو مره من المرات عن اللي من مواليد قطر صحيح جنسيته غير هالبلاد بس انه عاش وخذ عاداتها وتقاليدها وكل حاجه فيها وين بيروحون طبعا الناس اللي من النوعيه هاذي مالهم لا بند مركزي ولا غيره لهم حاجه وحده اللي هي انهاء خدمات واخلاء طرف
رجواي من الله ثم الامير ربي يحفظه ويخليه لهاذي البلاد ثم لكم يابرنامج وطني الحبيب يامتحدثوها الاخ حسن الساعي والاخت عبير
رجائي ان تشوفون وتطرون في موضوع هالناس يعني لابند ولا شغله ولا غيره شنو مصيرهم يرجعون لبلادهم طيب كيف يرجعون وهم اساسا ماشافواها ولا حتى يعرفون لغتها
اتمنى اني اسمع اي طاري بخصوص هالموضوع لو بحاجه مبسطه ان في مجال يتاح لطاقم البرنامج انهم يفتحون ملف مواليد دوله قطر وش مصيرهم ؟؟؟!!!!




والمسامحه ان طالت حروفي ولاتواخذوني فانا بالنهايه انسان ماني معصوم من الخطا

اخوكم


خيال الوطن

[كرباج]

أخي/ خيال الوطن

أولاً: مرحباً بك بالمنتدى


ثانياً: أن شاء الله الأمير مايقصر ... ومواليد قطر ... من تراب قطر

وان شاء الله تلقى صدى لصوتك عبر منبر منتدى وطني الحبيب


وتقبل تقديري

[اللورد]

اشكرك اخووووي عالطرح
وابو مشعل مب مقصر

والله كريم

[عطر الورد]

مشكور عالطرح
وقطر وأميرها وشعبها
معروفين بالكرم
ومن عاش وتربى على أرض قطر
يعتبر منها وفيها .

[قطري من قدي]

لا تخاف قطر خيرها واصل العالم كله والشيخ حمد ما يقصر بعيال الديره لانه هالشباب اللي تولدوا في قطر هم منا وفينا

[خيال الوطن]

جزاكم الله خير على تفاعلكم بس ليت لصوتي نداء واشوف الحل ان شاءالله لي ولمن هو بمثل حالتي واقل من حالتي بس ياريت يابوعلي انت وطاقم البرنامج تفتحون موضوع مواليد قطر ووش مصيرهم
وجزاكم الله خير


يارب يحمي هالبلاد واميرها وشعبها وكل من فيها ودوم باول البلدان بكل حاجه يارب ان شاءالله



اخوكم

خيال الوطن