انقذونا من تجمعات "كرك النعيمي" قرب اللاند مارك!!

[مواطن غيور]

السلام عليكم ورحمة الله

انا ساكن في منطقة جنوب الدحيل قرب اللاند مارك ، وبصراحة انا وكل جيراني منزعجين بشدة بسبب تجمعات الشباب عند ما يسمى ب "كرك النعيمي" الي داخل محطة بترول اللاند مارك ، الشباب هناك يسوون تجمعات ضخمة ويسدون مواقف الجمعية الموجودة هناك ويسدون مداخل الصراف الآلي ويوقفون فوق الارصفة في منظر اقل ما يقال عليه انه مزعج جداً ،، والمصيبة انهم يستخدمون الشارع الرئيسي الي يطل عليه بيتي كشارع للسباقات الليلية ويجربون فيه انواع "الشكمانات" المزعجه الي والله العظيم مرات عيالي يقومون من النوم متخرعين بسببها ، وياريت على هذا وبس ، من سنة حصلت حادثتين دهس لاولاد اخوي (الي هو جاري في نفس الشارع) وفي المرتين السائق يهرب من المكان بس الحمدلله انه اليهال اسلموا من الحادثتين ،، والمصيبه انه المرور مب راضين يسوون لنا مطبات في هالشارع ، وفي نفس الوقت صاحب مجمع اللاند اخذ شارع الحكومة (مادري شلون الحكومة توزع شوارعها على الناس ، ولا انا بعد باقدم على الشارع الي ورى البيت يمكن انا بعد يعطوني اياه!!) ، وراح فتح الشارع الي يطل عليه بيتي ووصلة مع الشارع الرئيسي في مخالفة صارخة بابسط قواعد المرور!!

كلمنا المرور مليون مرة بدون فايدة ، وكتبت لخمة العضيد بعد بدون اي رد ، ومالي الا الله ثم انتوا ، والخير والبركة فيكم.

[بوفيصل]

السلام عليكم
الله يكون في عونك ياخوي صج سالفه تقهر
الي مستغرب منه السكوت على التجاوزات الامنيه الي تصير هناك
من ازعاج وتهديد لارواح الناس وغير المسابق
انا امر على المحطه اخذلي كرك وانا محرك واشوف الي يصير هناك

[كرباج]

ان شاء الله تلقى صدى لصوتك من خلال هذا المنبر

[مواطن غيور]

بو فيصل : الي صاير هناك شي مب بس يقهر ، الا شي يخلي الواحد مستغرب من سكوت الجهات الامنية وحتى المرور عنهم ، تلاقيهم يصفون 4 او 5 سيارات جنب بعض يسولفون وهم مسكرين الشارع على خلق الله ، او تلاقي صفة سيارات صافة ومجابلين الحريم والعوايل الي يدخلون او يطلعون من الجمعية ، صج قلة ادب وعدم تربية من جميع النواحي.

ابو علي : الله يسمع منك.

[صوت الوطن]

الله يكون في عونكم

صحيح وهذي مسوي مشكله كبيره في المحطه

[نعيمي]

يا اخوان الحين قمتوا تقولوون كرك نعيمي وهو المكان تجمع الشباب انا اشوف افضل ما يقضوا وقتهم بالمجمعات ومعاكسة بنات خلق الله ابرك والصراحه يكون هناك تنظيم والشي باب رزق نحد يقدر يحاجج راعية فيه في نقطه جاب اذكر كرك نعيمي الكل يجي له كبير وصغير شيخ ومواطن جامع الكل واذا فيه تنظيم لشي شي طيب ....

[QATAR]

مدري ليه يحسسوني الشباب ان ماعندهم مجالس ولا بيوت ولا اهل وخدمات يسون لهم كرك ؟!!

والله يرزق اخونا النعيمي ويكثر افروعه !!

[اللورد]

اخوووي انا معاك


بس وين تبي الشباب يروح

مافي مكان


المكان هذا افضل لهم من التحرش

ودخول الفنادق


وعمل المحرمات

[ذوق]

يعطيك العافيه مواطن غيور على الطرح


وان شاء الله تسمع صدى لصوتك من خلال هذا الصرح



وبعدين خاطري اعرف يعني يالشباب يروحون للكرك ويسوون ازعاج او فنادق واعمال محرمه


شهالتفكير ؟؟!!

[اماراتيه وافتخر]

الله يكون في عونكم

بس لو يخلونه في براحه وايد احسن عسبت يكون مكان كبير واوسع ومحد يتضايق منهم

[عين السيح]

الله يكون في عونك أخوي

[مواطن غيور]

آخر تطورات الموضوع : امس في سيارة مسرعة في نفس الشارع الي يودي لهالتجمع، والسائق من سرعة ماقدر انه يتفادى حفرة صرف صحي وطاح داخلها!! .. الله ستر الي ماكان فيه عمال ولا كانوا في عداد الاموات.

انا بنفسي سمعت صوت البريك ، وواضح انه كان مسرع واجد..

هذا الي حصلناه من تجمعات الشباب.

[عيون-قطر]

مدري ليه يحسسوني الشباب ان ماعندهم مجالس ولا بيوت ولا اهل وخدمات يسون لهم كرك ؟!!
انا اضم صوتي مع الاخ راشد

[لاهوب]

الله يعينة

[ولد البوعينين]

السلام عليكم ورحمة الله

انا ساكن في منطقة جنوب الدحيل قرب اللاند مارك ، وبصراحة انا وكل جيراني منزعجين بشدة بسبب تجمعات الشباب عند ما يسمى ب "كرك النعيمي" الي داخل محطة بترول اللاند مارك ، الشباب هناك يسوون تجمعات ضخمة ويسدون مواقف الجمعية الموجودة هناك ويسدون مداخل الصراف الآلي ويوقفون فوق الارصفة في منظر اقل ما يقال عليه انه مزعج جداً ،، والمصيبة انهم يستخدمون الشارع الرئيسي الي يطل عليه بيتي كشارع للسباقات الليلية ويجربون فيه انواع "الشكمانات" المزعجه الي والله العظيم مرات عيالي يقومون من النوم متخرعين بسببها ، وياريت على هذا وبس ، من سنة حصلت حادثتين دهس لاولاد اخوي (الي هو جاري في نفس الشارع) وفي المرتين السائق يهرب من المكان بس الحمدلله انه اليهال اسلموا من الحادثتين ،، والمصيبه انه المرور مب راضين يسوون لنا مطبات في هالشارع ، وفي نفس الوقت صاحب مجمع اللاند اخذ شارع الحكومة (مادري شلون الحكومة توزع شوارعها على الناس ، ولا انا بعد باقدم على الشارع الي ورى البيت يمكن انا بعد يعطوني اياه!!) ، وراح فتح الشارع الي يطل عليه بيتي ووصلة مع الشارع الرئيسي في مخالفة صارخة بابسط قواعد المرور!!

كلمنا المرور مليون مرة بدون فايدة ، وكتبت لخمة العضيد بعد بدون اي رد ، ومالي الا الله ثم انتوا ، والخير والبركة فيكم.



اخوي مواطن غيور...

انا حاس فيك ...

بس وين يروحون الشباب...

اذا تموا يدورون في السياره قالو صيع...

واذا راحو المجمعات قالو مسوين زحمه في المجمعات و مضايقين العائلات ..

وحتى اذا راحو الميالس قالو الناس ازعاج و ازعاج ...؟؟؟

ولا في اي نادي صحي او نادي شبابي الا في الفنادق وتعرف كم اسعارهم ؟؟

من 10 الاف وما فوق شهريا ...

حتى صالات الحديد فل مالك محط ريل ..

واذا راحو البر وله العديد تموا يتذابحون استعراض و لعبه...

وانت ما تقدر تغير كل الناس...

وانا من وجه نظري انهم يقعدون في هاذي الاماكن فيكفون شرهم عن الناس الي في الشارع والي بين البيوت ...

وين يروحون .؟؟



واتمنى انك ترد علي ...

او اي حد يعطيني اقتراحه او رأيه ...

وشكرا ..


(( ولد البوعينين )

[هدوء الليل]

أنا أعطيك راي اخوي وهذه المشكله لا تسكت عليها بأي حال من الأحوال وعلى قولتهم اذا الفات الفوت ماينفع الصوت ! اخاف تصير مشكله اكبر من اللي صارت مع عيال اخوك لكن أنت روح لمدير المرور ( الخرجي ) وتكلم معاه بالموضوع وأشرح له كافة التفاصيل وصدقني راح يتجاوب معاك حسب اخر مرة قال في برنامج وطني الحبيب صباح الخير ان مكتبه مفتوح أو ألجأ إلى المولى عزوجل ثم سعادة وزير الداخليـــــــــــــــــه ،،،

اخوك / هدوء الليل

[قطريه وافتخر]

يــآآليـت الدولــه تقترح مشـآريع للشبــاب عقــب فترة الدواام يشغلــون فيـه وقتهم بدآل مـآ يزعجوون النــآس نص الليل ويتجمعوون قدام المولات اوو محلات الكرك ,,, فتكوون اشياء مسليه ونفس الوقت تفيدهم وتفيد المجتمع !! لان انا بعد متآذيه منهــم !! ومثل مـآآقال اخووي متنــآآ واحنا نتكلم ونشتكي ومــآآفي فـآيده !! (( يقــوولوون مــآلآ يفعــلون ))

[ولد البوعينين]

يــآآليـت الدولــه تقترح مشـآريع للشبــاب عقــب فترة الدواام يشغلــون فيـه وقتهم بدآل مـآ يزعجوون النــآس نص الليل ويتجمعوون قدام المولات اوو محلات الكرك ,,, فتكوون اشياء مسليه ونفس الوقت تفيدهم وتفيد المجتمع !! لان انا بعد متآذيه منهــم !! ومثل مـآآقال اخووي متنــآآ واحنا نتكلم ونشتكي ومــآآفي فـآيده !! (( يقــوولوون مــآلآ يفعــلون ))


صح كلامج اختي قطريه...

وهذا الي انا اقصده من الرد الي قبلج ...

والله يعطيج الف عافيه ..

[مواطن غيور]

اخوي مواطن غيور...

انا حاس فيك ...

بس وين يروحون الشباب...

اذا تموا يدورون في السياره قالو صيع...

واذا راحو المجمعات قالو مسوين زحمه في المجمعات و مضايقين العائلات ..

وحتى اذا راحو الميالس قالو الناس ازعاج و ازعاج ...؟؟؟

ولا في اي نادي صحي او نادي شبابي الا في الفنادق وتعرف كم اسعارهم ؟؟

من 10 الاف وما فوق شهريا ...

حتى صالات الحديد فل مالك محط ريل ..

واذا راحو البر وله العديد تموا يتذابحون استعراض و لعبه...

وانت ما تقدر تغير كل الناس...

وانا من وجه نظري انهم يقعدون في هاذي الاماكن فيكفون شرهم عن الناس الي في الشارع والي بين البيوت ...

وين يروحون .؟؟



واتمنى انك ترد علي ...

او اي حد يعطيني اقتراحه او رأيه ...

وشكرا ..


(( ولد البوعينين )

مشكور اخوي على الطرح

لكن تعتقد اذا الحكومة قصرت في حق الشباب وما وفرت لهم هالاماكن ، لازم احنا الي ندفع الثمن؟؟ خلنا نضرب مثل : تعتقد الي ماعنده فلوس ياكل بيكون حلال عليه يبوق اكل من المطعم؟؟

الموضوع ترى مب سالفة تجمع وبس ، الموضوع هو عن المضرة الي يسببها هالتجمع ، السالفة فيها حوادث وممكن يموتون ناس ابرياء بسبب تهور هالنوع من الشباب ، السالفة سالفة انهم يبون يصيرون (فتوات) على قولة المصريين!! ولا في ذمتك ، ترضى على بيتك انك تشوف الناس متجمعة حولة فوق الارصفة ومسكرين عليك الدرب وواقفين في نص الشارع ، وهذا غير عن التحفيص والازعاح؟ ما اعتقد حد يرضى بهالحال!! .. ياخوي انا باني بيت ومخسر عشان ارتاح فيه ، مب عشان اتأذى من هالشلة الفاسده الي الظاهر انهم بدون اهل ، او ان اهلهم اردى منهم.

انا ما اعمم على الكل ، لكن للأسف مجموعة كبيرة منهم.

[مواطن غيور]

أنا أعطيك راي اخوي وهذه المشكله لا تسكت عليها بأي حال من الأحوال وعلى قولتهم اذا الفات الفوت ماينفع الصوت ! اخاف تصير مشكله اكبر من اللي صارت مع عيال اخوك لكن أنت روح لمدير المرور ( الخرجي ) وتكلم معاه بالموضوع وأشرح له كافة التفاصيل وصدقني راح يتجاوب معاك حسب اخر مرة قال في برنامج وطني الحبيب صباح الخير ان مكتبه مفتوح أو ألجأ إلى المولى عزوجل ثم سعادة وزير الداخليـــــــــــــــــه ،،،

اخوك / هدوء الليل

والله اني ياخوي مكلم الخرجي مرتين ، لكن لا حياة لمن تنادي ، وحتى العقيد محمد معرفيه ما سوالي شي ، ولما طلبت منه مطبات ماعطاني ، وغيري يعطيه مطبات على شارع عمومي بعد مب شارع فريج و على حساب البلدية بعد! .. وهذا شوف عيني في ادارتهم الموقره!

[مواطن غيور]

يــآآليـت الدولــه تقترح مشـآريع للشبــاب عقــب فترة الدواام يشغلــون فيـه وقتهم بدآل مـآ يزعجوون النــآس نص الليل ويتجمعوون قدام المولات اوو محلات الكرك ,,, فتكوون اشياء مسليه ونفس الوقت تفيدهم وتفيد المجتمع !! لان انا بعد متآذيه منهــم !! ومثل مـآآقال اخووي متنــآآ واحنا نتكلم ونشتكي ومــآآفي فـآيده !! (( يقــوولوون مــآلآ يفعــلون ))

مثل ما قلت حق اخونا ولد البوعينين ، موضوع الفراغ عند الشباب موضوع آخر ، لكن ليش الي عنده وقت فراغ ملزوم انه يقضيه في اذية خلق الله؟؟ .. ليش لازم ننطر الحكومة تسوي عنا كل شي؟

وعن الأذية ، والله الكل متأذي منهم ، والله يهدي الجميع.

[هدوء الليل]

اخي / مواطن غيور انا لو منك اروح البلدية اشتكي عشان يسكرون المحل هذا ،،، وربي مهزله للدرجه هذي مافي مجالس او قهاوي في بيوتهم ،،، قلت يجتمعون عند الكرك هههههههه وربي مهزله

[فراس]

اخوي مواطن غيور: الشكوى ماهي على كرك النعيمي الشكوى اتكون على رجال المرور لان مافيه نقطت ثبوت عند الموقع نفسه وعلى الشارع المفروض اتخصص مواقف لكرك النعيمي ويكون الشخص يأخذ الطلب ويمشي مايقعد في الشارع اسولف ليش اهل قطر ماعندهم مجالس بالعكس بس مافيه رجال مرور في الموقع وانا اشاركك ارايء بس كفتريا النعيمي مالهم ذنب ....

وتقبل راييء اخوي مواطن غيور....