ظاهرة النقاب

[احساسي عنابي]

هي الاونة الاخيرة انتشر النقاب وبصورة كبية في مجتمعنا وهذا شي محمود لان النقاب ستر للبنت بشكل عام بس بعض الوظائف لما تروح البنت تقدم عليها يكون شرطهم تشيل النقاب خاص لما يكون المسؤول اجنبي يربط شكل البنت المنقبة بالبنت اللي ما تعرف شيوالجاهلة وغير كذا الاضطهاد اللي نعانيه خلونا نحس ان احنا في بلاد غير بلاد من كثر ما احنا مهمشااااات ولا حول لنا ولاقوة
مع ان الشيخة موزة حفظها الله دافعت عن النقاب " وقالت الشيخة موزة ردا علي سؤال للمجلة: إن البعض في ألمانيا يشعر بغرابة عند رؤية نساء عربيات خليجيات يرتدين النقاب عند زيارتهن أوروبا مشيرة إلي أن نساء غربيات يمارسن رياضة العدو علي كورنيش الدوحة ويجري النظر إليهن باستغراب أيضا. وقد دافعت صاحبة السمو بشدة عن العربيات اللواتي يرتدين النقاب. وقالت إنهن يفعلن ذلك لحماية خصوصيتهن وليس هناك أي سبب للشعور بالأسف علي وضع النقاب".

ايش علاقة النقاب بالوظيفة

اتمنى منكم المشااااااااركة

[هجرس]

والله النقاب حريه شخصيه وماله حد يدخل بهذا الموضوع وكفايه هجوم على الاسلامـ من قبل الغرب

بخصوص الشغل والنقاب وين المشكله لو الوحدة موظفه منقبه وتشتغل يعني لازم تكون كاشفه وجها

علشان يشوفها الي يسوى والي مايسوى ، نعمـــــــــــ ومليون نعمــــــــــــ للنقاب

[احساسي عنابي]

اشكر مرورك اخوي هجرس

[_قطرية_]

انا صار لي 4 سنين متخرجة وكل ما روح مقابلة عمل او انزل اوراقي يقولون ممنوع النقاب في بروة صار لي موقف قهرني وطلعت وانا ابكي لهالدرجة
رحت اقدم اوراقي علما بأني متصلة قبل فترة وقالت لي وحدة عادي تلبسين نقاب ورحت وياليتني مارحت قالت لي اللي تاخذ اوراق التوظيف طلبج مرفوض من الحين _ عشان النقاب _ والقهر انه كان جنبي ثنتين اجنبيات واعتقد امريكيات لابسين تنانير مايكروجيب_ واللي مايعرف الميكروجيب اهي تنورة طولها شبر بس _ والبدي يالله سترك وطبعا شفاف ومايحتاج اكمل .......
وقالت لهم expectedشفتوا القهر
ومرة رحت البحث الجنائي وقابلني العقيد ......وطبعا اول ماشافني بالنقاب قالي ماقالولج ممنوع النقاب قلت بس اللي اعرفه انه فيه موظفات لابسين نقاب او غيره المهم متغطين قال ايه بس الحين ممنوع بقرار وبعدين انتوا بتكونون في قسم تحليل اداة الجريمة وممكن تطيح شعرة من النقاب وهذي ادلة قلت له صحيح بس ممكن تطيح الشرة من شيلتي اذا ما كنت منقبة او ممكن تطيح الشعرة من لحية او شعر الدكتور المرافق لتحليل اداة الجريمة فتفشل وسكت وقالي بالصراحة هذا قرار من فوق وانا مالي ذنب
ومرة بعد المعرض المهني الاول كلمتني وحدة من قطر فونديشن وقالت لي من اسمج مبين انج قبيلية واكيد تلبسين نقاب قلت لها ايه نعم اغطي وجهي فقالت لي ممنوع خلاص ماله داعي اساسا تجين لانه مرفووووووض وهيئة السياحة بعد وحدة كلمتني على اساس اسوي مقابلة وقالت لي ممنوع النقاب
وهلم جرا فالسبب اني وقفت في وجهي الوظايف اني بس مغطيه وجهي واللي مبين 3|4 جسمها مقبووولة
وعجبي

[قاصده خير]

انا صار لي 4 سنين متخرجة وكل ما روح مقابلة عمل او انزل اوراقي يقولون ممنوع النقاب في بروة صار لي موقف قهرني وطلعت وانا ابكي لهالدرجة
رحت اقدم اوراقي علما بأني متصلة قبل فترة وقالت لي وحدة عادي تلبسين نقاب ورحت وياليتني مارحت قالت لي اللي تاخذ اوراق التوظيف طلبج مرفوض من الحين _ عشان النقاب _ والقهر انه كان جنبي ثنتين اجنبيات واعتقد امريكيات لابسين تنانير مايكروجيب_ واللي مايعرف الميكروجيب اهي تنورة طولها شبر بس _ والبدي يالله سترك وطبعا شفاف ومايحتاج اكمل .......
وقالت لهم expectedشفتوا القهر
ومرة رحت البحث الجنائي وقابلني العقيد ......وطبعا اول ماشافني بالنقاب قالي ماقالولج ممنوع النقاب قلت بس اللي اعرفه انه فيه موظفات لابسين نقاب او غيره المهم متغطين قال ايه بس الحين ممنوع بقرار وبعدين انتوا بتكونون في قسم تحليل اداة الجريمة وممكن تطيح شعرة من النقاب وهذي ادلة قلت له صحيح بس ممكن تطيح الشرة من شيلتي اذا ما كنت منقبة او ممكن تطيح الشعرة من لحية او شعر الدكتور المرافق لتحليل اداة الجريمة فتفشل وسكت وقالي بالصراحة هذا قرار من فوق وانا مالي ذنب
ومرة بعد المعرض المهني الاول كلمتني وحدة من قطر فونديشن وقالت لي من اسمج مبين انج قبيلية واكيد تلبسين نقاب قلت لها ايه نعم اغطي وجهي فقالت لي ممنوع خلاص ماله داعي اساسا تجين لانه مرفووووووض وهيئة السياحة بعد وحدة كلمتني على اساس اسوي مقابلة وقالت لي ممنوع النقاب
وهلم جرا فالسبب اني وقفت في وجهي الوظايف اني بس مغطيه وجهي واللي مبين 3|4 جسمها مقبووولة
وعجبي


اختي انا صار لي نفس الموقف ف البحث الجنائي والقهر اني خريجة بيولوجي بمعدل جيد جداً شفت اللي جايبه جيد توظفت وانا كاتبين عند أسمي غير صالحه للعمل !!! يوم استفسرت قالوا عشن النقاب والطامه الكبيره ان هالكلام من مسؤولين قطريين يعني مهب من أجانب حاقدين ، لا من عيال البلد وانا قلت لهم طيب باشيل النقاب وباحط الكمامه لأن ف المختبر أصلاً بنحط الكمامه ..الأخ ماعجبه هالحل وواضح ان شل النقاب لغرض ف نفسه .. ع العموم الله يعوضج اختي خير ومن ترك شيء لله عوضه الله
شكراً اختي أحساسي عنابي على طرحك هالموضوع

[ســــــراب]

انا من رايي انه يوم المقابله بدون نقاب بعدها البسي النقاب
واذا حد كلمج قولي حريه شخصيه وصدقيني محد يقدر يفصلج بسبب النقاب الا اذا فيه قانون واضح وانتي موقعه عليه وهو عدم لبس النقاب

بعدين راجعي عقد العمل اذا الشرط هذا موجود

هذا طبعا اذا انتي محتاجه الوظيفه ضروري

ولا ومن ترك شيء لله عوضه الله خيرا منه

تقبلي مروري

[فتى الدوحة]

الله كريم والله الرزاق ...والله ايعوضكم خير

[صـقـر]

فعلا ً هذا الشيئ واقع
واذكر انه تم رفض اوراق احدى الاخوات بسبب انها منقبه



مثل ما ذكرتي اختي قاصده خير
من ترك شيئا ً لله عوضه الله خيرا ً منه

[عيون الريم]

الله يعوضج خر انشالله .. مع إني مش متنقبة لكن احترم جدا فكرة إن النقاب حرية شخصية وتصرف إختي قطرية بخصوص المقابلة كان شجاعة منها ودليل على حسن تصرفها وقوة شخصيتها .. ما عليج من أحد دامج مقتنعة بالشي اللي تسوينه وصدقيني الله أكيد بيعوضج خير بوظيفة أبرك من هذول كلهم .. أولا وأخيرا هذي حرية شخصية .. تقبلوا مروري ..

[اللورد]

الله يعوضج

بس وين غيرتهم علي بنت بلادها

والله عيب ويش الشروط اللي مايرضاها ربنا

[ريانيه عنيده]

مع اني مب متنقبه بس الصراحه النقاب وايد احسن في هالزمن اللي كله امراض الله يكافينا شرها

وبعدين هذي حريه شخصيه اهما شدخلهم ؟

شنو المره بتبتشغل بنقابها ولا بيدها ؟

والله سالفه تحير


الله يهديهم بس

[أم البركي]

صراحة هاذي حرية شخصية وين بيروحون من رب العالمين وشفيها المتنقبه أهم شي شقلها مو وجها .
انا صحيح مو متنقبه بس هذا ما يمنع إني اقول الصج, يا أختي ما عليج منهم دام انتي مقتنعه بنقابج ما عليج منهم وربي يعطيج على نياتج ويوفقج وإنشالله الله بيرزقج بعمل أحسن من اللي قدمتي فيهم قولي آمييييييييييييييييييين

[همس القلب]

حسبي االله ونعم الوكيل انا اعرف وحده عربية ومنقبه راحت تدور على عمل بعد ما انهي خدماتها في الصحة قالوا لها شيلي النقاب والقفازات وراح تشتغلين والله حرام الظلم في كل مكان وبعدين النقاب حريه شخصية

[بنت اصل]

روى أبو داود عن قيس بن شماس، رضي الله عنه قال: جاءت امرأة إلى النبي -صلى الله عليه وسلم-، يقال لها: أم خلاد، وهي منتقبة (في بعض النسخ "متنقبة" والمعنى: أنها تلبس النقاب تغطي به وجهها).، تسأل عن ابنها، وهو مقتول، فقال لها بعض أصحاب النبي -صلى الله عليه وسلم-: جئت تسألين عن ابنك وأنت منتقبة؟! فقالت: إن أُرْزَأَ ابني فلن أُرْزَأَ حيائي!.. الحديث. (رواه أبو داود في كتاب الجهاد من سننه برقم 2488).

[الطيبة]

مر من المرات قالوا لنا في الشغل بنفصخكم النقاب وبنوحد الزي

كنا خدامات وعملوا استبيان عشان يشوفون من اللي موافق من الرافض

شوفوووووا الحركات بس أستدراج + نذالة شهم = بهمية الانعام

ولا أحد أستجاب عطيناهم السسسسسسسسسسسسسسسسسسسسسسسين

::::: الطيبة :::::::