يا بنات ارحموا الشباب

[هجرس]

السلام عليكم ورحمه الله وبركاته

اللهم صل على محمد وعلى آله وصحبه أجمعين

اليوم حبيت اتكلم عن تكاليف الزواج اللي تكسر ظهر الشباب

وعن مانبي زواج عائلة فلان يصير احسن من زواجنا وابي القاعه الفلانية

والفنانه الفلانية وما احد يفكر بالشاب المسكين اللي يحط تعب سنين من العمل والتعب

بليلة وحده ولا يمكن بعد ما تكفي ويتسلف من فلان ويطلع قرض عشان يرضي العروس

اللي ما فكرت فيه ولا فكرت كيف بيعشون بعد هالديون الكبيرة وامكن الزوج يلومها

على ما وصلت له ميزانيته من دمار لان حاول يرضيها ويرضي اهلها

وما هي سبب لسعادة الزوجية بالعكس فيه ناس طغوا بزواجهم

وتطلقوا بعد شهر وفيه منهم والله ما كملوا اسبوعين

وفيه مصمم قال ان اغلى فستان صممه لعروس بــ اثنين مليون

اثنين مليون عشان (ساعه) لو تبرعت فيها كان كسبت اخرتها

وكذا كذا الناس بتتكلم

وفيه بنات يرفضون شباب عشان راتبه وما يتذكرون قوله تعالى:






وَأَنْكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللهُ مِنْ فَضْلِهِ وَاللهُ وَاسِعٌ عَلِيمٌ {النور:32}



والمهر مو دليل على قيمه المرأه وهذا الدليل من اطهر البشر عليه افضل الصلاة والتسليم

روت عائشة عن رسول الله أنه قال: « من يمن المرأة تسهيل امرها وقلة صداقها» وروى ابن عباس عنه « خيرهن ايسرهن صداقاً» وعنه :« إن اعظم النكاح ايسره مؤونة».

وفي الاخير يا بنات ارحمووووووووووووووا الشباب من هالتكاليف

شــــــــــــــــــــــــــــرايكمــــــــــــــــ ــــــ بالموضوعـــــــــــ ؟؟؟؟؟؟؟؟؟؟؟

[ماسة قطر]

الله يهديهم البنااات ...


لو كل وحده تحط عقلها براسها , وتخلي عنها تحدي فلانه و فلانه , أمورها بتمشي من احسن ما يمكن ...


وبعدين .. ليش الشباب يلبي هالامور , المفروض يرفض الاشياء المبالغ فيها ...

[وضاح - قطر]

مشكور أخوي هجرس على الموضوع الأكثر من رائع واللي يبيله وقفه صارمه

أنا بتكلم بحكم تجربتي في الزواج وبتكلم عن عدة نقاط :-

أولاً :- المهر أنا أفكر فيه من زمان يعني بصراحه زودوها وانا ما الوم البنت الوم أمها وأبوها لأنهم هم السبب الرئيسي وخاصة الأم لأنهم لوبيفكرون في تيسير أمور الزواج بيضمنون مستقبل بنتهم أنها بتعيش في رخاء ونعمه يعني ماراح شي يقصر عليها ويوفرون على الشاب بعد يعني مايقعد بعد الزواج غارق في الديون وهذا كله ليش لأن بنت فلان مو أحسن من بنتي عرسها كان في القاعه الفلانية ورجالها سوى كذا وكذا فكروا ياناس أهم شي تتوفق وربي يبارك لها في زواجها .

على فكره أنا كتبت ثلاثة أبيات في الزواج وغلاء المهور أتمنى أنها تعجبكم

قالوا تزوج قلت ياناس مديون
قالوا تسلف قلت ياناس ما أقدر

أما تسلــف لك ثلاثين ملــيون
وألا تصبــر ليــن ربــك يقـّــــدر

يالله تفرجهـا على كـل مديـون
وتفــك عنــه كــل ديـــن تقّــــدر

ثانياً :- صالات الأفراح
أنا أشوف فيه مبالغه كبيرة في أسعار الصالة يعني حتى ملاك الصالات مايرحمون الشباب اللي مقبلين على الزواج لازم يكون هناك أمور ميسره لهم لكي يقبل جميع الشباب على الزواج وما يكون عندنا نسبة كبيرة من العنوسه ، يعني أنا متزوج في دولة خليجيه مجاورة في أحسن قاعه عندهم وأكبر من قاعة الدفنة أربع مرات ب12000 ألف ريال وبعد كل شي عليهم حتى الطبخ وسلخ الذبايح عليهم يعني أنت يامتزوج ما عليك ألا تجيب العود والحريم ما عليهم ألا الحلويات بس . شفتو الفرق كبير صح .

ثالثاً :- صندوق المقبلين على الزواج
أنا بعتقادي لو أن الديوان يفكر صح في مساعدة الشباب المقبلين على الزواج كان خفوا علينا شوي من أعباء وتكاليف الزواج ماعندهم ألا 15000 ألف ريال ومايعطونك على طول لازم بعد سنه يعني حلاتها في وقتها مو بعد سنه أنا أطالب المسؤولين في الدولة النظر في موضوعي هذا واتخاذ القرار المناسب الذي يصب في مصلحة المواطن وإعانته على تكاليف الزواج .

تقبلوا مروري واسف على الإطالة

[هجرس]

اشكرك اخوي عبيد المري وصح الله لسانك

[أم المنتدى]

انا من الاول قلت لك ياخوي هجرس ان كلامك درر وموضوعك ياليت كل هل قطر يقرونه حساس للغايه ضاعو عيالنا من كثر لديون يالله باالستروالاخ عبيد كفي ووفي يسلم لسانه قال الي ودي اقوله يا ليت كل شاب يقراءالموضوع يا الله باالستر

[هجرس]

كيف حي ولا لقاها اشكرك مليون مره على الكلام الطيب من طيب اصلك وكرم اخلاقك العالي

[تشانس]

موضوعك حلو يا هجرس

يا اخي وين مركز الاستشارات العائليه ابي اعرف شنو دورهم بالضبط ما يشوفون حالات الطلاق

ليش ما تكون عندهم دراسه واضحه و شامله عن الزواج في قطر واسباب الطلاق

ليش ما يكون فيه قانون خاص بالاعراس يتطبق على الغني قبل الفقير مب نحن عايشييييييييييييييييييييييييييين على مبدأ العدل و المساواة


عاااد هم لازم يحطون قانون واضح واللي يبون المفوشر كيفهم براحتهم بس اهم شي عياااااااااال الفقاره يحددون لهم المهر و التكاليف المعقوله وبشرط اهل العروس ما يفتحون حلجهم ب ولا كلمه

كفايه يسترون بنتهم ويعرسونها ولا يبون يسون مثل السعودين ارفعوا شعاااااااااار


((خلوها تعنس)) قارنوها بالسياره (( خلوها تصدي ))





الله يرحم ايام الليتات الملونه المعلقه من فوق السطح ع الاريل مع كم ذبيحه وكم قوطي بيبسي و كم مروحه ف الحوش و انقز

(( بانكاااااااااااااات)) هذي عاااااااااااااد عند الناس الهاي و اللي ما عندهم مروحه عادي ياكلون و عرقانهم تصبصب




و الله يزوج كل بناتنا و شبابنا و يوفقهم و يبارك لهم يااااااااااااااارب و عليه سعيد ومبارك






تحياتي

[هجرس]

اشكر تشانس على المرور والرد على الموضوع وبارك الله فيك وان شاء الله يحصلون حل لهذا الموضوع الي هو في وجه نظري المتواضعه اساس المجتمع القطري

[الخاتم]

اي والله تدفع وتدفع وتدفع لا والبلا مايجي حزات من اهل المره يجي من بيتكم ومن حريمكم
على قولتهم نبي نفرح فيك وخذ المشاكل مع توزيع البطاقات والسوالف الطويله ونسبة الطلاق زادت بشكل فضيع فضييييييييييييع

[هجرس]

اشكر الخاتم على المرور والتعليق على الموضوع وشاكرلك

[آلشريرهـ]

اذ هو موب قد هالمصاريف ليش يتزوج والبنت لازم تفرح في ليلتها ولا ماتبونها تفرح و احنا معروفين نبي الزين لنا ....

[كاتم الاسرار]

الصراحه انا ما الووم البنات كلهم بالعكس اكثر البنات الحين يبغون الستر والحمدالله اهو في نقاط وايده بس اكثر شي على الاهل والمشكله تطلع من الاب او الام او الاخت والزبو ان شاءالله يخلونها ويفكونه منها يعني بالعربي اذا واحد يبغي يتزوج ويتقدم اهم شي الاخلاق المشكله عندنا اهم شي الفلوس وشو عنده 000 الخ الله

الله يهديهم ان شاءالله وانا اتمنى يسووووون نفس جنوب السعوديه في منطقه موجوده عندهم مخلين السعر ثابت للمهر 15000 الف ريال بس واهني في الدوحه ما في تشجيع كلش وفي كلام وايد

موضوع جميل

[هجرس]

الصراحه انا ما الووم البنات كلهم بالعكس اكثر البنات الحين يبغون الستر والحمدالله اهو في نقاط وايده بس اكثر شي على الاهل والمشكله تطلع من الاب او الام او الاخت والزبو ان شاءالله يخلونها ويفكونه منها يعني بالعربي اذا واحد يبغي يتزوج ويتقدم اهم شي الاخلاق المشكله عندنا اهم شي الفلوس وشو عنده 000 الخ الله

الله يهديهم ان شاءالله وانا اتمنى يسووووون نفس جنوب السعوديه في منطقه موجوده عندهم مخلين السعر ثابت للمهر 15000 الف ريال بس واهني في الدوحه ما في تشجيع كلش وفي كلام وايد

موضوع جميل

وانا معاك اخوي في وجه نظرك 15000 ريال كافي من وجهه نظري مهر حق البنت هي تبي تتزوج ولا تبي تكشخ على حساب غيرها

[هجرس]

اشكر الشريرة على المرور والتعليق على الموضوع وجه نظرك نحترمها

[][عميد الحب][]

لا أظن ان الخطاء في البنت وانماء الخطاء يجي
من طمع أهـل البنت الذين يريدون يتاجرون ببنتهم
ويشترطون بأشياء لا تعقل ولا يطلبها عاقل يريد
يزوج ابنته ويريد الستر أما بخصوص البنت أخوي
لا اظن انها تقدر تفرض شروط على اهلها يمكن
تقدر ترفض الزواج لسبب ماء هذا رائي والله اعلم

شكرآ لكـ اخوي/هجرس على طرحكـ القيم والمفيد
والهادف والحساس باركـ اللـه فيكـ ويعطيكـ
العافيــة وما نحرم منكـ

دمت بخـــير

[مريوم]

السلام عليكم
اخواني الشباب على مهلكم انتوا تدفعون المهر وماتعرفون وش المصاريف الي عند المره مثال الذهب الغرام 100 ريال وهذا ارخص شي غير اللبس انتو ناسين ان الدوحه غاليه اذا الواحد يدش الجمعيه 1000ريال ما يعود البيت فيها وبعدين يدوب المهر يكفي اذا مادفعوا اهلها من جيبهم عشان يساعدونها انا معاكم في ان اعراس الدوحه تتكلف بطريقه مبالغين فيها بس خلاص الواحد شي سوي ؟؟؟؟؟؟؟؟؟

[هجرس]

السلام عليكم
اخواني الشباب على مهلكم انتوا تدفعون المهر وماتعرفون وش المصاريف الي عند المره مثال الذهب الغرام 100 ريال وهذا ارخص شي غير اللبس انتو ناسين ان الدوحه غاليه اذا الواحد يدش الجمعيه 1000ريال ما يعود البيت فيها وبعدين يدوب المهر يكفي اذا مادفعوا اهلها من جيبهم عشان يساعدونها انا معاكم في ان اعراس الدوحه تتكلف بطريقه مبالغين فيها بس خلاص الواحد شي سوي ؟؟؟؟؟؟؟؟؟


كلام وجه نظرك على العين والرس بس اذا بتمنا نقول وش نسوي هذي الظاهرة بتكبر اكبر واكبر
والمصاريف والمفوشر بيزيد اكثر واكثر (( بعدها مانقول ليش الشباب يتزوجون من غير قطرييات)) تراهم معذورين

[الدانه]

العرب يشترون الريال بس في هالزمن في منهم يشتري جيبهـ بالي فيهـ ومافيهـ

حلو انهـ الوحده تفرح بس بالمعقول هالفشخرهـ كم كم وبعدها تطلقوا !!!!

الله يعينكم بصراحهـ وماتنلامون

إحترامي

[هجرس]

العرب يشترون الريال بس في هالزمن في منهم يشتري جيبهـ بالي فيهـ ومافيهـ

حلو انهـ الوحده تفرح بس بالمعقول هالفشخرهـ كم كم وبعدها تطلقوا !!!!

الله يعينكم بصراحهـ وماتنلامون

إحترامي


صح الله لسانك الدانة

[طموح بلا حدود]

المفروض الريال من البداية يكون واضح يوم يتقدم للبنت ،و إذا البنت طلباتها خيالية وما تخلص .... يدورله وحدة تخاف ربها ،تقدره و تطلب الشي اللي تبيه من غير ماتبالغ ..

[هجرس]

المفروض الريال من البداية يكون واضح يوم يتقدم للبنت ،و إذا البنت طلباتها خيالية وما تخلص .... يدورله وحدة تخاف ربها ،تقدره و تطلب الشي اللي تبيه من غير ماتبالغ ..



هذا الكلام شاكرلك التعليق على الموضوع :):):):)

[قاصده خير]

يعطيك العافيه أخوي هجرس ع الموضوع

[هجرس]

كل الشكر والتقدير لك قاصده على المرور والتعليق على الموضوع

[رذاذ المطر]

المشكله احتكار القاعات واسعار مكاتب تجهيز الافراح...هي الغاليه ولا ترى البنت ماتصرف على عمرها وايد..ترى البنات فيهم ذكاء يقدرون يقتصدون في مشترواتهم الخاصه لكن اسعار القاعات والتجهيزات هي اللي نار ...:( الله يعين الكل

[كاتم الاسرار]

السلام عليكم
اخواني الشباب على مهلكم انتوا تدفعون المهر وماتعرفون وش المصاريف الي عند المره مثال الذهب الغرام 100 ريال وهذا ارخص شي غير اللبس انتو ناسين ان الدوحه غاليه اذا الواحد يدش الجمعيه 1000ريال ما يعود البيت فيها وبعدين يدوب المهر يكفي اذا مادفعوا اهلها من جيبهم عشان يساعدونها انا معاكم في ان اعراس الدوحه تتكلف بطريقه مبالغين فيها بس خلاص الواحد شي سوي ؟؟؟؟؟؟؟؟؟


مرحبااا اختي الصراحه انا بقولج شي لا مصاريف ولا شي كل زبو على الفاضي انا بقولج عن زواج ولد خالتي والحمدالله تقدم عشان بس ما يبغي يتزوج وحط شروووط تعجيزيه المهم والشروط انه ما يبغي عرس ولا موخر وبس مهر وبدون حفلات المهم حصل البنت والحمدالله وتزوج وكان بس دفع المهر وحفله عائليه والحمدالله والحين عنده بيت واعيال وهم مقتنعين على هاي الشي والحين اكثر الشباب الي اعرفهم يسوووون جذي والحمدالله الواحد يبغي الستر والحمدالله وانتي اسئلي عن زواج الاول احلى منه مافي والله

وانا اقوول في بعض الشباب اقسم بالله يتسلفون زياده وفوووق طاقته كله عشان ليله وعقب شوفي المشاكل ضغط عليه من كل مكان

[هجرس]

كل الشكر لاختي رذاذ المطر على التعليق على الموضوع

[هجرس]

كاتم الاسرار بارك الله فيك هذا الكلام العدل وجه نظرك والي سوه ولد خالتك عين العقل والله يوفقه

[المهنديه]

والله صج صج معظم شبابنا ماينلامون ..

اعرف واحد راح يتزوج بنت عمهـ ابووها قالهـ مهرها 190 الف وكل شي عليك ؟!!! وهو (عمه)

واصلاً الوحده لازم تفكر يعني لو هو بيدفع لها مبلغ كبير بيعيشون باقي عمرهم في ديون ماتخلص ..

واكيد مافي وحده ترضى لزوجها بالبهدلهـ وانه يكون مديون بمبالغ كبيرهـ ..

لكن الي حاصل الحين ان كل وحده تبي عرسها يكون احسن من الثانيه ونسوا ان الناس مهما سوو بيجيون للنميمه وبيتعشون وبيروحون ..

واذا عالذهب مثل ماقالو خواتي .. ترا السعاده مو بالذهب والمجوهرات انشالله هو عقب بيشتريلج ومابيقصر يعني كل شي شوي شوي .. مب لازم تتزوجينه وعندج صندوق كله ذهب ..

احترمك ارائكم جميعاً ..
تسلم هجرس عالموضوع .. ويعطيك ربي الف عافيهـ
دمتـو بود~

[هجرس]

والله صج صج معظم شبابنا ماينلامون ..

اعرف واحد راح يتزوج بنت عمهـ ابووها قالهـ مهرها 190 الف وكل شي عليك ؟!!! وهو (عمه)

واصلاً الوحده لازم تفكر يعني لو هو بيدفع لها مبلغ كبير بيعيشون باقي عمرهم في ديون ماتخلص ..

واكيد مافي وحده ترضى لزوجها بالبهدلهـ وانه يكون مديون بمبالغ كبيرهـ ..

لكن الي حاصل الحين ان كل وحده تبي عرسها يكون احسن من الثانيه ونسوا ان الناس مهما سوو بيجيون للنميمه وبيتعشون وبيروحون ..

واذا عالذهب مثل ماقالو خواتي .. ترا السعاده مو بالذهب والمجوهرات انشالله هو عقب بيشتريلج ومابيقصر يعني كل شي شوي شوي .. مب لازم تتزوجينه وعندج صندوق كله ذهب ..

احترمك ارائكم جميعاً ..
تسلم هجرس عالموضوع .. ويعطيك ربي الف عافيهـ
دمتـو بود~


اشكرك على وجه نظرك وبارك الله فيك المهندية

[غروب الشمس]

انا وحده ماكنت ابي عرس بس زوجي واهله يبون

[هجرس]

انا وحده ماكنت ابي عرس بس زوجي واهله يبون

حنا نطلب اختي بس بالاعتدال في مصاريف العرس والمهر بس لااكثر واقل وشاكرك المرور