ليش الظلم يامؤسسة حمد !!!

[قاصده خير]

الناس تتكلم عن الزحمة والأخطاء الطبية وغيرها وأنا باتكلم عن موضوع ثاني الا وهو واقع القطريين الموظفين في مؤسسة حمد .

والله انا بودي ان يسوون تحقيق على موضوع تفاوت الرواتب الخريج يعامل معاملة الثانوية ولا في فرق بين الرواتب في بعض الادارات ،
بعض الادارات الهندي ياخذ أكثر من القطري بعض الادارات القطري الاساسي حقه 3000 ويكون جامعي والكندي اساسي بس 30ألف والتوتل مايقل عن 70 ألف)) لعبه ف هالبدلات ((
والقطري يادوب يوصل 7 آلآف والله واقع واقع وملموس وسمعته من أكثر من شخص وش هالمصخره ياحمد !!
ليش القطري ماله قيمه عندكم !!
أتمنى ان تتعدل أوضاع أي قطري مظلوم في المؤسسة لازم العاملين في الموارد البشرية يعيدون النظر في موضوع كل قطري ف المؤسسة ويصلحون الوضع مو معقوله وحده جامعية تشتغل ف حمد راتبها 5 الآف واختها بوزارة ثانية وراتبها 15 ألف .
وين توحيد الرواتب !! ظلم ف حمد ضد القطريين ياليت يثار هالموضوع ويؤخذ في عين الاعتبار

[قلبـي حضانـة]

موضوع مهم
واتذكر قبل سنتين يوم كان في مدير بمشفى حمد راتبه 150 الف اهو الماني

انا اشف الحل بسيييييط وسهل
الشاب القطري يصبغ شعره اصفر
ويلبس حلق باذانه
وسلسله بصدره

جذي تتغير معاملته
للاسف والمشكله (ولو ناديت اذ اسمعت حيا ولكن لاحياة لمن تنادي)
تقبلي مروري

[كرباج]

لا حياة لمن تنادي!!!


الله يكون في عون الجميع

[قطرية وماتهاب]

ترى تجي عروض قويه من الامارات للعقول القطريه المهمله..منهم اللي ينعرض عليه دبل الدبل عقب تفنيشه من دوامه بدون وجه حق..او للظلم اللي طاح عليه من اللي مايخافون الله..ومع ذلك..قلبه مايقواه يعيش برى قطر؟؟؟


ليـــــــــــــــــــــــــش..ننظلم..من الي...نحب...(الوطن)

[قاصده خير]

شكرا ع المرور والمداخلات
سمعت عن شي ثاني ف المؤسسة من عدة أشخاص ( والله الوضع يخرع )
ان القطري الصغير محارب من قبل المسؤول لو كان قطري
وكل مسؤول ( خاصة الجنس الناعم) تقول انا مع القطريات ( بالرغم من ان عددهم صغير مقارنة بالجنسيات الثانية ) ولكن من ورا تحارب فيهم وتوقف عظم ف بلعومها لو جا الموضوع ع الترقية ولا شي في مصلحة للموظفة .

[هجرس]

لا حول ولا قوة الا بالله الظلم ظلمات يوم القيامه

[الطيبة]

::: قاصده خير ::::

والله أنا وياج مؤسسة حمد ... في خرايطها 12 سنه أشتغل ما تم دورات ما ودوني

خميت كل المستشفيات من الروتيشن حمد :: رميلة ::: الأمل ::: الصحة المدرسية :::

وإلى يومج هذا وأنا على الدرجه الخامسة , بالموت رقوني بهواش ,,,

الحين أحنا أكثر الادارات تشتغل إلى الساعة 3 نوصل البيت ما نشوف شئ جسمنا تقطع من الشيل والحط .. 2008 قالوا بنعدل الرواتب ولصقوا البوسترات عن الموارد البشرية وأنهم يشتغلون في التعديل وكانت صورة واحد إنجليزي في الصوره مدير إداري عندنا صوره هو مار بالصدفة عنده شغله في الموارد البشرية ..

فرحنا سألناه عن الزيادات قال ولا أدري بشئ الا أني مار قالوا بنصورك صوره للموظفين حمد

هههههههههههههههههههههههههههههههههههههههههههههههههه ههههههههههههههه

يموتون من يشوفون الاجانب .. لو تشوفين يجونا دكاتره والله العظيم ما يعرفون يفتحووون كمبيوتر

وتعلمينهم يقولون لازم يتعلم ... وحنا اللي نعرف مخلينا بك وما في شواغر وما في وظائف وإلى متى هذا الحال حراااااااااااااااااااااااااااااااااااااااااااااااا ام

الطيب مع الطيبين يطيب والطيب مع الردي خسارة

::::: الطيبة :::::

[هجرس]

لا حول ولا قوة إلا بالله العلي العظيم

[فارس الاحلام]

حسبي الله ونعم الوكيل

[عالي مستواها]

المشكلة لين صارت الدرجات والرواتب تحسب على حسب المسمى الوظيفي وليس على حسب سنوات الخبرة واعتقد انتوا عندكم هاالنظام ولهاالسبب يصير فيه ناس ينهظم حقها

الله يعين بس

[تشانس]

الظلم شين

مستشفى حمد العام كم صار له
؟؟و شلون كان؟؟ وكم سنه ظل وهو يعاني من التردي والخدمات التعبانه ؟؟ يعني هو ماتردى الا الحين

الكل يدري و يعرف ان الدمار مش من الحين نسيتوا شلون كان الوضع ايام دكتور حجر ؟؟ ولا كانت الخدمه فايف ستار ونحن ما ندري ؟؟

نسيتوا كم سنه مسك تركي الخاطر مجال المؤسسه ولا رضى يترك الكرسي الا بالعافيه ومع الاسف طار تركي و بقوا اتباعه

اللي انا انا اعتقد انها غلطت دكتوره حنان الكواري الكبيره انها خلتهم كانت المفروض تنظف المؤسسه منهم بالاول عشان تشتغل على ارض صلبه ونظيفه ؟؟ ايش سوا تركي و ربعه سواء وهو مدير عام مؤسسة حمد الطبيه او حتى لما كان وكيل وزارة من ناحية انه سوا اعتقد سوا واجد بس لمصلحته الشخصيه فقط


شهادة حق في الدكتوره

الدكتوره حنان دكتوره فاهمه و مثقفه ونشيطه وماترضى بالظلم بس من السهل الحين ان كل اللوم ينزل عليها لانها في قمة الهرم

المؤسسه تطورت و توسعت وكبرت كانت مستشفى واحد و صارت اكثر من ست مستشفيات الخدمات تطورت فيها بشكل ملحوظ

ما ننكر وجود خلل في بعض الامور بس مب لدرجه تشويه سمعة المستشفى بهذي الطريقه

الاخطاء الطبيه و ارده في كل مكان بالعالم مش بس عندنا

بالنسبه للقطرين من قال انها ماعطتهم فرصه بالعكس عطتهم فرص مب فرصه بس مع الاسف ما كان في تغير ولا انجاز انتوا والكفأت اللي اطلعت من المستشفى لو كانوا يحبون بلادهم و هدفهم خدمة المرضى كان ظلوا بس المصلحه الماديه عندهم فوق كل اعتبار تظنون ليش لجات للاجانب هل لحبها فيهم ما اعتقد الا تقصير من عيال البلد وعدم اتفاقهم وتفاهمهم مع بعض

كل الاجانب اللي جابتهم كان قبلهم قطرين و ظلوا ماسكين المناصب بدون تطوير شتبونها تسوي ؟؟

لا تلومون المستشفى على نقص الاسره لمو السلطات العليا لما افتحوا المجال لدخول اعداد كبيره من العامله للدوله بدون دراسه الوضع بشكل صحيح


واللي يقولون من 27 لا دورات ليش اسكتوا من 27 سنه ولا كان عاجبهم الوضع ولا الحين لان التقيم و الترقيات و الشهادات صار لها اهميه عند التقيم بدوا يطالبون

ما اقول ان الرواتب ما فيها مشكله فيها بس مب بالشكل اللي متصورينه الناس رواتب المؤسسه من اقوى الرواتب مع وجود خلل في هذي المسأله

ومع احترامي لموظفات العيادات اللي اشتكوا اغلبهم شهاداتهم اعداديه و ابتدائيه شتسوي لهم دكتوره حنان يعني هم ما يدرسون وتنلام الدكتوره على هالشي يحمدون ربهم انهم يشتغلون



الدكتوره حنان تحتاج الدعم المادي و المعنوي من الدوله اكثر من الدعم اللي توفر لاسياد 2006

الرياضه ما تقارن مع حياة الانسان و المواطن القطري

لو عطوها دعم نفس اسياد 2006 كان شفتوا الوضع غيييييييييييييييييير


لا تظلمون احد قبل ما تعرفون الحقائق و عن قرب





ِانا موظفه بالمستشفى وما سكه منصب وعندي ملاحظات مثلي مثل الباقي من الناس و الموظفين بس الله راح يحاسبني ان ما قلت كلمة الحق في الدكتوره



تحياتي

[خليفه بن حمد]

امير البلاد00يعمل كل خير لراحة المواطن والمقيم000فاعليك بالانتظار