حل مشكلة ديون الشعب

[المــستشار]

بسم الله الرحمن الرحيم

السلام عليكم

شخباركم أخواني وأخواتي؟؟

بصراحة أنا مستغرب أن هذا الشي يحصل في دولة قطــر !!

السؤال الذي الكل يطرحه في كل مكان وكل زمان :

متى تنحل مشكلة ديون الشعب ؟

وما المانع من حلها ؟

كم اجمالى ديون الشعب ؟

أين المصرف المركزي عند فتح البنوك للسلفيات مدة عشرين سنه أو كثر ؟

هل هناك حل لها بما أنا أكثر الدول قامت بطرح ديون شعبها ؟إلا قطر ؟

اي شخ لديه مشكله يذكرها هنا والكل له الحق ؟

نتمنى تدخل سموالامير الشيخ / حمد بن خليفة أل ثاني أمير دولة قطـر المفدى

يمنع أي رد به مشكور .. يسلمووو ...ألخ

الرجاء تفاعل في الموضوع بحل أو بجواب والرجاء بدون ذكر أسماء أو تجريح احد

والرجاء من الاداره تثبيته ليكون الموضوع للكل

[عالي مستواها]

ياليت والله لو يطيحون جزء على الأقل من هذه الديون

البلد فيها خير ونعمة لكن للي برا واللي داخل البلد لهم الله

[فزاع قطر]

يعطيك ربي الف عافيه على هذي المشاركه الي المفروض ماتتعب نفسك وتطرحها لان هذا موضوع قديم ولا حياه لمن تنادي مثل ما قالو (ليش انطيح الديون عن الشعب ونخلي مستواهم عالي خلهم مثل ماهم احسن )
تقبل مروري

[بدر المحبة]

يعطيك العافيه اخوي المستشار طرحت موضوع يدور في بال كل مواطن ومواطنه

يعني الى متى والديون متراكمه علينا الواحد منا يحسب الايام والشهور والسنين ويقول متى تخلص ديوني اللي علي واتحرر حالي حال الناس صراحه صرنا مقيدين تماما البنوك من جهة والايجارات من جهة اخرى والمجمعات التجاريه من جهة ايضا يعني مالنا فكه من كل صوب مستهدفين سمو الامير ماقصر وعسا ربي يطول بعمره يسعى جاهدا في تحقيق سبل الراحه لابناء قطر بس المشكله الاولى هي الديون ياليت سمو الامير طول الله بعمره يلتفت بعينه الساهره على شعبه وبيده السخيه التي تمتد للقريب وللبعيد و نطلب من سموه الكريم النظر في موضوع الديون التي اهلكت الشعب القطري الكريم والله مايستاهلون اللي يصير فيهم اهل قطر راحت رواتبهم على البنوك وغيرها

لكن الله كريم وأملنا في الله ثم سمو الامير أمل كبير
اطال الله في عمره وابقاه ذخراً لنا ولهذا الوطن الغالي


تقبلوا تحياتي وتقديري
بدر المحبة



اتمنى الكل يتكلم ومايسكت وكل واحد يبدي رأيه لاحد يقرأ ويطلع بدون مايبدي رأيه ارجوكم

[كاتم الاسرار]

مشكور على الموضوع الصراحه تعبنا من الديون والواحد خلاص فقد الامل نسمع ولا نشوووووووووف الله كريم ويطول بومشعل ان شاءالله ويشييييييييييييييييل الدييييييييييييييون والله على الاقل لو مره وحده بس

[QATAR]

خلوا الشعب لما غرق في الديون وصكروا عليه جميع المنافذ,,

الاجارات ارتفعت والاكل وكل شي يعني موت كلينكي !!

[عيني قطر]

والله امس كنت اتكلم عن ها الموضوع الدول الثانية طيحت ديونها ومنها دول ديونها مو على شي مهم غير الكشخه بس ..واحنا ديونا على اشياء اساسيه ..والله حرام الي يصير فينا ...نرجوا من الأكير النظر بموضوع الديون قريبا ...
ولكم جزيل الشكر

[كرباج]

الأقربون أولى بالمعروف


لا حول ولا قوة إلا بالله

قال تعالي ( وإذا أردنا أن نهلك قرية أَمَرْنَا مُتْرَفِيهَا فَفَسَقُواْ فِيهَا )

[فزاع قطر]

ليش محد يتكلم في وطني اليب صباح الخير ويوصل صوته لسمو الامير باسم الشعب
خل واحد يتكلم وبعدين الكل بيتكلم

[محمد بوعبدالرحمن]

تبغي مشاكلك تنحل؟؟؟؟؟؟؟
اهجر قطر وخذ جنسيه اجنبية ورجع مرة ثانية
صدقني راح تنحل كل مشاكلك من
السكن
والوظيفة
والراتب
لا ويمكن يزوجونك بعد
واذا عمرك ماركبت سيكل بيطلعون لك سيارة وليسن

[فاقد الأمل]

السلام عليكم ورحمة الله وبركاته
اخوي المستشار وين تنحل مشكلة الديون والدولة رصدت مائة مليار دولار علشان استضافة بطولة كاس العالم بالعربي يعني الاسعار راح ترتفع مره ثانية الله يعينا

[صوت الوطن]

يعطيك العافية أخوي / المــستشار

وأتمنى من الأخوان يكون هنا منبركم

دام شيخنا حمد تبشرون بكل خير

[عبدالعزيز الهاجري]

مايصير يسددون ديون الشعب الاجانب اولا مني ومنك

[كرباج]

أنشأت صاحبة السمو الشيخة موزة بنت ناصر المسند رئيس مؤسسة التعليم فوق الجميع وقفية الفاخورة برأس مال مئتي مليون دولار أمريكي بهدف إعادة تأهيل المنظومة التعليمية في قطاع غزة.

[بدر المحبة]

الله يخليهم لنا سمو الامير وسموة الاميره
وماراح يخلونا ان شاء الله لابد ان يلتفتوا التفاته حسنه بإذن الله تعالى
والصبر جميل والله المستعان

[فزاع قطر]

اي التفاته حسنه عقب مالطمت فيا الدنيا يمين ويسار انسو يالربع

[قطري من قدي]

لاتعملي نفس الكويت كل يومين بغوا الديون تطيح عنهم مالك خص في هالامور

[المنسى]

عساكم عالقوه اخواني

بخصوص الديون والله ان سددوهااااااااا خير وبركه وان ماسددوها هم خير وبركه لان الدين مسؤال عنه صاحبه ان كان في خير ولافي شر

وبخصوص المساعدات اللي تقوم بها الدوله علي مستوي العالم شي طيب وانشالله اجر عند رب العالمين

اماااااااااااااا البطولات واللاعاب والمهرجانات خساير مالها داعي وخاصه بهالارقام الكبيره فالوقت اللي فيه كثير من المواطنين اولي بالمساعدات الماديه كالعلاج والسكن والعمل وقضايا


وانا الصراحه اؤيد فكره زياده الرواتب والتشديد علي مراقبه الاسعار
والله يحفظ قطرويدوووم عز بومشعل

موضوع يستحق التثبيت

تقبل مروري

[عبدالرحمن محمد]

اللي أعرفة الآن أن الديوان الأميري يستقبل الجميع بالنسبة للي عندهم ديوون ولكن مو متأكد مجرد كلام ولكن من أكثر من شخص سمعت أن اذا المبالغ كبيرة فيتم سداد ربع قيمة الديَن والله تعالى أعلم

عساكم على القوة :) :)

[فزاع قطر]

بدون تعليق

[عشرينية]

يعطيك العافية أخوي

انا عن نفسي عمري 25 وعليدين لمدة 25 سنة يعني بتطلع روحي و ديني ليحين ماخلص الله يجازي الي كان السبب

ياااااااااااريت تصير هالمعجزة ويسددون ولو جزء من ديون الشعب

[الخاتم]

اماااااااااااااا البطولات واللاعاب والمهرجانات خساير مالها داعي وخاصه بهالارقام الكبيره فالوقت اللي فيه كثير من المواطنين اولي بالمساعدات الماديه كالعلاج والسكن والعمل وقضايا


وانا الصراحه اؤيد فكره زياده الرواتب والتشديد علي مراقبه الاسعار

كلام واقعي وعين الحق ولكن ماننسى الرواتب المبالغه التي تقدم للأجانب مقابل القطري والظلم شين ياخوان
(المادة (34)

المواطنون متساوون في الحقوق والواجبات العامة

بعدين في دور على التجار انهم هم اللي قاطين الخيط والمخيط للي فاتحيم بأساميهم شركات لازم يتحاسبون على هالشي وايضا ملاك العقارات اللي نزعت من قلوبهم الرحمه هم ارفعو اسعار المناز والتجار حطو حرتهم فينا والمتضرر المستهلك وبعدين ماننسى أن الدوله لها دور في ارتفاع الاجارات لما قامت بعمل مشاريعها كلها في وقت واحد والدوله في الأصل غير مهيئه لذلك ارتفعت الاجارات والاسعار والمستشفيات لم تكن مهيئه لاستقبال الكم الهائل من البشريه التي تحضر الى البلاد وللكلام بقيه حتى لانطيل عليكم

[هجرس]

ان شاء الله تنحل كل الامور

[راعي سوالف]

والله الصراحه مصخوها شباب قطر
كل واحد ياخذ لي سلفه بالملاين ياليت يستفيد منها يبني له بيت يسوي شي حق المستقبل
لا ياخذ سياره كشخه ويتمشى عن الاند مارك طالعني واطالعك
والله العظيم الدولة مب تصرف على الشباب ياخذون سلفه بالملاين بعدين يقولون طيحوه
ديونا ...