ضاقت بي الوسيعة

[ولد قطرية..بدون جنسية]

اسئلة مالقيت لها حل، اتمنى الاقي الأجوبه عندكم.....

خريج جامعي، عمره يقارب الـ30 وابن لقطرية، راتبه 7000 مع البدلات والاساسي، شيسوي عشان يتزوج ويفتح بيت؟؟ واذا بيتزوج يتزوج وحده قطرية ويكرر المأساة، ولا يتزوج وحده مب قطرية عشان يتبهدل زيادة؟؟ واذا تزوج وجاب عيال، يربيهم على انهم قطريين ولا على انهم مب قطريين؟؟ واذا اسئلوني عيالي احنا ليش نلبس نفس القطريين وليش نتكلم مثلهم وليش عايشيين مثلهم، بس جوازاتنا مب قطريه؟؟ شجاوبهم به؟؟

كثير من الأسئلة والسيناريوهات اللي تأرقني ليل نهار، وما لقيت لها جواب، ومن أهم الاسئلة أمي اذا راحت (بعد عمرٍ طويل) شبيصير فيني؟ وين بروح؟ هل بيخلوني في قطر ولا بيطردوني؟

والله تعبت

[فتى الدوحة]

مالك غير ربك

[^السنافي^]

الله يفرجها عليك وكثر من الدعاء في الصلاوات الخمس والله الله في صلاة الفجر مع الجماعه وابشر
باااالخير ومن اتكل على الله فهو حسبه
تحياتي اخوك السنافي

[كشات]

الأسئلة والسيناريوهات هذي المفروض كنتي اتفكرين فيها قبل الزواج

هذا رأيي الشخصي

مع تحياتي للجميع والله يعينكم

[نبض القلوب]

أنا لله وانا اليه راجعون ياخوي

انا عندي ناس أعرفهم في الجوازات , أذا تبيني أكلمهم لك اذا كانوا مسؤولين عن هالنوعية من الأمور..

اسأل الله تعالى ان يفرجها عليك

بس ياخوي ما قلت ..

كم سنة صاير لك عايش بقطر ؟؟

[الذوق كله]

صراحه في اجانب عندهم الجنسيه وعا شين في اخر عز وابنائهم في المدارس الاجنبيه يعني احسن من القطريين هذا واهم اجانب فما بالكم ابناء قطريات المساكين.

[زكريت]

انا أحترت في كثير من التحليل في مثل هذه الامور سواء لحالة هذا الاخ وحالة القطريين الخريجين الي على الكادر الحكومي ورواتبهم مع اول تخرج جامعي ماتتجاوز 8 آلاف ريال و اقل احيانا ...ولا اشبهه هذه الحلات الا بداء النقرس ....

الله المستعان

[مطوع وافتخر]

صبر وما صبرك الة بالله ولا تستعن بغير الله واسمع نصيحتى واد حقوق الله كامة والله لن يضيعك ابد عليك بطاعت وما بعد الضيق اله فرج

[المــستشار]

اسأل الله تعالى ان يفرجها عليك

نتمنى ان يكون لها حل المشكله

تحياتي لك

[دبدوب-قطر]

الله يفرجها عليك وكثر من الدعاء في الصلاوات الخمس والله الله في صلاة الفجر مع الجماعه وابشر
باااالخير ومن اتكل على الله فهو حسبه

[رررروي]

أخوي الكريم لو سمحت بس بغيت أعرف وشو جنسيتك أصلا وأنت شكلك تشتغل بجهة حكومية لان راتبك ضعيف إذا حبيت طرشلي معلوماتك على إيميلي وإن شاء الله أقدر أساعدك.

أنتظر ردك

[عالي مستواها]

فعلا المفروض ابناء القطريات يعاملون كقطريين

ويمنحون الجنسية القطرية حتى لو الأب لم يمنح الجنسية لكن ابناء القطريات يجب ان يأخذوا الجنسية
فيه اجانب وعرب غير قطريين ولا يمتون للقطريين بصلة ولديهم الجنسية فليش مايكون فعلا ابناء القطريات يأخذون الجنسية خاصه ان كان آباءهم خليجيين مثلا


انشاء الله المسؤولين يسمعون لك اخوي والله يعينك

[غلا الدوحة]

الله يكون في عونك أخوي ..
وهذي الموضوع يعاني منه واايد ناس ..

اتمنى ان الجهات المختصة يهتمون لموضوعك..

..

[جاسم يعقوب]

اسأل الله تعالى ان يفرجها عليك

[ولد قطرية..بدون جنسية]

مالك غير ربك

والنعم بالله

[ولد قطرية..بدون جنسية]

الأسئلة والسيناريوهات هذي المفروض كنتي اتفكرين فيها قبل الزواج

هذا رأيي الشخصي

مع تحياتي للجميع والله يعينكم

جزاك الله خير ياخوي على ردك ،،

[ولد قطرية..بدون جنسية]

أنا لله وانا اليه راجعون ياخوي

انا عندي ناس أعرفهم في الجوازات , أذا تبيني أكلمهم لك اذا كانوا مسؤولين عن هالنوعية من الأمور..

اسأل الله تعالى ان يفرجها عليك

بس ياخوي ما قلت ..

كم سنة صاير لك عايش بقطر ؟؟
الجوازات؟!!!
هذا المكان الوحيد الي ما احب ادخله، كل ما ادخله احس بضيق، ليش ما ادري،
واذا على كم سنه فأنا من مواليد قطر، والوالد الله يحفظه صارله 51 سنه في قطر،

[ولد قطرية..بدون جنسية]

صراحه في اجانب عندهم الجنسيه وعا شين في اخر عز وابنائهم في المدارس الاجنبيه يعني احسن من القطريين هذا واهم اجانب فما بالكم ابناء قطريات المساكين.
اذا كنت تقصد ان بناء القطريين عايشيين في عز،
فاسمح لي اقولك، ان بالعكس، اكثر ناس متلعوزين هم احنا،
لانهم لا يعاملونا معاملة الأجانب، ولا يعاملونا معاملة القطريين،
يعني لاني صايد العز اللي تقول عنه، ولاني صايد العيشه العادية،

[ولد قطرية..بدون جنسية]

انا أحترت في كثير من التحليل في مثل هذه الامور سواء لحالة هذا الاخ وحالة القطريين الخريجين الي على الكادر الحكومي ورواتبهم مع اول تخرج جامعي ماتتجاوز 8 آلاف ريال و اقل احيانا ...ولا اشبهه هذه الحلات الا بداء النقرس ....

الله المستعان
الله المستعان ، ويفرج هم كل مهموم،

[ولد قطرية..بدون جنسية]

اسأل الله تعالى ان يفرجها عليك

نتمنى ان يكون لها حل المشكله

تحياتي لك
الله يفرجها على الجميع، وجزاك الله خير ياخوي

[ولد قطرية..بدون جنسية]

أخوي الكريم لو سمحت بس بغيت أعرف وشو جنسيتك أصلا وأنت شكلك تشتغل بجهة حكومية لان راتبك ضعيف إذا حبيت طرشلي معلوماتك على إيميلي وإن شاء الله أقدر أساعدك.

أنتظر ردك
هذي المشكلة جنسيتي، اللي انا ما اعرف عنها اي شي، مجرد اوراق تحكمني وتربطني فيها،
وجزاك الله خير وكثر من امثالك، والله يجعلك ذخر،

[ولد قطرية..بدون جنسية]

فعلا المفروض ابناء القطريات يعاملون كقطريين

ويمنحون الجنسية القطرية حتى لو الأب لم يمنح الجنسية لكن ابناء القطريات يجب ان يأخذوا الجنسية
فيه اجانب وعرب غير قطريين ولا يمتون للقطريين بصلة ولديهم الجنسية فليش مايكون فعلا ابناء القطريات يأخذون الجنسية خاصه ان كان آباءهم خليجيين مثلا


انشاء الله المسؤولين يسمعون لك اخوي والله يعينك
الله يجزاج خير اختي، والله يفرجها عالكل ان شاء الله،

[ولد قطرية..بدون جنسية]

الله يكون في عونك أخوي ..
وهذي الموضوع يعاني منه واايد ناس ..

اتمنى ان الجهات المختصة يهتمون لموضوعك..

..
الله يكون في عون الجميع ان شاء الله
شاكر لج مشاركتج

[ولد قطرية..بدون جنسية]

اسأل الله تعالى ان يفرجها عليك

آمين، الجميع ان شاء الله

[أخت الذيب]

الله يفرجهاا عليييك يارب

[][عميد الحب][]

ادعوا الله ان يسهل أمركـ

[أم مريم]

مشكله يعاني منها الكثير من ابناء القطريات
وكثير من طلبات الحصول على جنسية قطرية معلقة امورها في ادارة الجوازات
لا اعلم لم التأخير في اصدار الجنسية على الرغم من الموافقه على اكتساب ابناء القطرية للجنسية..
عذرا اخي كشات على ردي على تعليقك لكن
الأخ موضح انه يبلغ من العمر 30 عاما اي انه من مواليد 1978 في تلك السنة لم تكن هناك ضوابط من الزواج من اجانب اعتقد وحتى لو كان الزواج قد تم في زمننا الراهن اعتقد ليس من المفروض ان نرد على اي قطري بوجوب التفكير بالعواقب لأن العواقب لمن يخطء ولا اعتقد هناك اي خطء في اكمال نصف الدين من اجنبي او خليجي او قطري .. هناك الكثير من اخواننا العرب من لهم الجنسية القطرية ولهم جميع حقوق القطريين فلم التعليق الان على ابناء القطريات على الرغم من انتمائهم لهذا الوطن ..
أخي ولد قطرية بدون جنسية اتمنى لك التوفيق وان تحل مشكلتك ومشاكل أخرين من اخواننا ابناء القطريات
ومن هذا المنتدى للمسؤولين
مع التحية

[+{قـ(ـطـ)ـر}+]

ربك يفرجها وماعليك اله الصبر

هاليام مالها شغل الجنسيه

أهم شي تعيش حياتك

يمكن اتقولي انه كلامي مش منطقي

بس احنا هل قطر انشوف هذا الشي وواضح

وشو الفرق الي بينه وبينهم

القروض الي يعطونه اياها

ههههههههههه

مالها حل

اخوي انصحك

أسمع برنامج وطني الحبيب كل يوم

و أن شاء الله

بتهون عليك مصيبتك

انا من كثر ماسمع العالم

الي يومين يشتكون يضيق خاطري بس يعلم الله

اني ادعيلهم بالخير

على العموم مابي اطول عليك

[ولد قطرية..بدون جنسية]

الله يفرجهاا عليييك يارب
الله يفرجها على الجميع
جزاج الله خير

[ولد قطرية..بدون جنسية]

[عميد الحب][;48554']ادعوا الله ان يسهل أمركـ
جزاك الله خير
والله يسهل الامور

[ولد قطرية..بدون جنسية]

مشكله يعاني منها الكثير من ابناء القطريات
وكثير من طلبات الحصول على جنسية قطرية معلقة امورها في ادارة الجوازات
لا اعلم لم التأخير في اصدار الجنسية على الرغم من الموافقه على اكتساب ابناء القطرية للجنسية..
عذرا اخي كشات على ردي على تعليقك لكن
الأخ موضح انه يبلغ من العمر 30 عاما اي انه من مواليد 1978 في تلك السنة لم تكن هناك ضوابط من الزواج من اجانب اعتقد وحتى لو كان الزواج قد تم في زمننا الراهن اعتقد ليس من المفروض ان نرد على اي قطري بوجوب التفكير بالعواقب لأن العواقب لمن يخطء ولا اعتقد هناك اي خطء في اكمال نصف الدين من اجنبي او خليجي او قطري .. هناك الكثير من اخواننا العرب من لهم الجنسية القطرية ولهم جميع حقوق القطريين فلم التعليق الان على ابناء القطريات على الرغم من انتمائهم لهذا الوطن ..
أخي ولد قطرية بدون جنسية اتمنى لك التوفيق وان تحل مشكلتك ومشاكل أخرين من اخواننا ابناء القطريات
ومن هذا المنتدى للمسؤولين
مع التحية
جزاج الله خير اختي، والله يفرجها على الكل

الصراحه ماحبيت اعلق على اخوي، لكن شي في خاطري وحبيت اقوله
الحين الزواج (اللي هو حلال) صار غلط، ويتحملون مسؤوليته كلا الطرفين
طيب اللقطاء (اللي الله اعلم من حلال ولا حرام) يحصلون جنسية ويكونون قطريين؟؟

الله يسهل الامور

[ولد قطرية..بدون جنسية]

ربك يفرجها وماعليك اله الصبر

هاليام مالها شغل الجنسيه

أهم شي تعيش حياتك

يمكن اتقولي انه كلامي مش منطقي

بس احنا هل قطر انشوف هذا الشي وواضح

وشو الفرق الي بينه وبينهم

القروض الي يعطونه اياها

ههههههههههه

مالها حل

اخوي انصحك

أسمع برنامج وطني الحبيب كل يوم

و أن شاء الله

بتهون عليك مصيبتك

انا من كثر ماسمع العالم

الي يومين يشتكون يضيق خاطري بس يعلم الله

اني ادعيلهم بالخير

على العموم مابي اطول عليك
اخي الحبيب، ليش لما نذكر الجنسية تبدا الناس تتكلم عن الفلوس؟
ومن قال ان نبي فلوس؟
اخي الكريم، للأسف ما عندنا شي اسمه احساس بالاستقرار، ودائماً يتم معاملتنا مثل الهنود اللي في المعصرة ولا المطعم ولا أي مكان ثاني.
كثيرة المواقف اللي حصلت، لكن ما اقول غير الله كريم، ويسامح كل واحد يعاملنا مثل اي كولي أو عامل

[وهج]

الله يفرجها ,,امين

[رررروي]

أخوي الكريم اللحين منزلين إعلان وظائف بالجرائد في مؤسسة دوري نجوم قطر وأنا سمعت إنها مؤسسة وايد زينه والأولوية في التوظيف للقطريين وأبناء القطريات وبعدين الخليجيين فالعرب قدم فيها مقرها في اللجنة الاولمبية الدور 16 أسال عن الموارد البشرية لدوري نجوم قطر وإن شاء الله يكون بداية الخير ويسرها ربك وتتزوج وتحل موضوع الجواز هالمؤسسة فيها ناس كبار وايد فيهم الخير وربك كريم.

[مريوم]

«®°·.¸.•°°·.¸¸.•°°·.¸.•°®»السلام عليكم ورحمة الله وبركاته


الله يفرجها عليك «®°·.¸.•°°·.¸¸.•°°·.¸.•°®»

[وجه الحقيقه]

قدم على الاقامه في امريكا وروح هناك وتم سنتين مدري 3 سنوات وتزوج امريكيه واحصل عالجنسيه الامريكيه وارجع الدوحه ومعاك الجنسيه الامريكيه وبيحطونك على القطريين اللي بهدلوك وما انصفوك وراتبك يصير قد راتبهم 5 مرات وتتمتع بحمايه السفاره والمميزات والعلاوات والسكن والتامين الصحي وكل الرفاهيه اللي تحلم فيها شرايك؟؟

هذي مب قصه هذي حقيقه سواها واحد نفس حالتك ..والحين عايش ملك

[محمد بوعبدالرحمن]

وجه الحقيقه
كلام صحيح 100\100
ليش امريكا جرب الهند ارخص
وانشالله تضبط معاك

[اليتيمة]

ما قول الا الله كريم ويفرج همنا امين

[بن قطرية]

والله ياخوي حاس فيك

وانا معاك من نفس الفئة ابناء القطريات

مواليد قطر وخريج جامعة

الله المستعان

توني متخرج وكل يوم اروح ادور على وظيفة

ويزيد همي وتزيد معاناتي

الله المستعان

[ليه يادنيا]

حلك الأول

قيــام الليل والدعاء ,, وراح تشوف النتيجه الطيبه بعون الله

الي يحرق القلب ,, إنه الأجانب عايشين ذيج العيشه الي لا صارت ولا استوت

وعيال البلد لا ,,

يعني ابوك من 51 سنه في قطر ,, يعني العمر كله اهنيه ,, إذا أنتم ماتستحقون

الوظيفة الزينه والمعاش الزين من يستحقه

العيون الخضر والشعر الأشقر والدلع والتغنج ؟؟!!!

الله ما ينسى عباده ,, وربي يعينك ويصلح حالك

[بن قطرية]

أوضاع أبناء القطريات المتزوجات من أجانب أسوأ من اللقطاء


كتبت - منال عباس
في آخر تقاريرها.. الوطنية لحقوق الإنسان:

القانون يعتبر اللقيط في حكم المتجنس ويحرم أبناء القطريات من الجنسية

وصفت اللجنة الوطنية لحقوق الإنسان اوضاع ابناء القطريات لأب أجنبي بأنها أسوأ من وضع اللقطاء.

وأشارت اللجنة إلي ان المادة الثانية من قانون الجنسية تعتبر مجهولي النسب من اللقطاء الذين يتم العثور عليهم داخل قطر في حكم المتجنسين، وليسوا قطريين اصليين ما لم يثبت العكس.

وأكدت اللجنة في آخر تقارير لها ان القانون القطري لا يمنح المواطنات الحق في منح جنسيتهن لأبنائهن من أب أجنبي إلا وفقاً للاشتراطات التي تضمنتها المادة الثانية من قانون الجنسية التي تقضي بان تكون الاقامة للابن لا تقل عن 25 عاما متتالية، ووجود وسيلة مشروعة للرزق، وأن يكون محمود السير وحسن السمعة، وإجادة اللغة العربية.

ولفت التقرير الي ان الام القطرية المتزوجة من أجنبي في حاجة ماسة لمنح جنسيتها لابنائها في مرحلة مبكرة كي يتمتعوا بحقوق المواطنة خاصة الرعاية الصحية وحق الاقامة والتعليم المجاني وتملك الاراضي والعقارات والعمل وغيرها من الحقوق التي تثقل كاهل المرأة.

وأشار التقرير الي ان الفقرة الثالثة من المادة الثانية لقانون الجنسية تعتبر الشخص قطرياً بالتجنس، طالما كان مولوداً في قطر أو في الخارج لأب قطري بالتجنس، في حين ان الاصل في قواعد الجنسية ان كل شخص مولود لأب يحمل جنسية ما من حقه اكتساب تلك الجنسية، ليصبح مواطنا اصيلا وليس بالتجنس.

[وثيقة سفر]

مرحبا

لا حياه لمن تنادي

هذا اذا سمع

تحياتي

[قطري من قدي]

لا حول ولا قوة الا بالله الله يكون في العون

[النورس]

السلام عليكم ورحمة الله وبركاته
بالصرااحة هذي الفئه ما ظلومه في مجتمعنا واتمنى من المسؤولين حل هذه المشكلة

[قلب رجل]

ربي يحلها لك ان شاءالله وتحصل الجنسية يارب

[هجرس]

الله يفرجها عليك ان شاء الله ويلاقون لك حل قول امين

[راعي سوالف]

مشكور اخوي على الموضوع
انشاءالله بتسهل ..

[غلا الدنيا]

الله يفرجها عليك ان شاء الله ويلاقون لك حل قول امين

[وحيد قطر]

الله يفرجهاا عليك
وعلينا ان شاء الله ...

[ابومحمود]

ياأخي يكفي انك مسلم

[من بين الناس]

الله يكون في عونك وفي عون كل مواليد قطر بدون الجنسيه منهم الخليجين ومنهم الي امهم قطريه

وحلال البلاد ساار حق ......؟

الله كريم

[فجر قطر]

الله ايكون في عونك


والله في بلدنا الغالي ناس بلهيل ونا بلجيل
وناس واجد مظلومين مثلك معروف قطر اتمد لبره


ان شاالله اتوسع عليك

[فجر قطر]

الواحد ايروح بره وياخذ جنسيه بل اخص لبنانيه


ويرجع وبحطونه فوق الراس ومحمي وسوي الي يبي

[دلووعة قطر]

الله يكوون في عوونك يعطيك كل اللي تبيه ويرزقك بالجنسيه القطريه ..

[عنــود الصيـد]

لاحول ولا قوه الا بالله

اسأل الله ان يرفع عنك الظلم

[هجرس]

اتمنى حد يخاطب وزارة الداخليه ويعرض الموضوع على الراي العام بخصوص موضوع الجنسيه من يستحق ومن لا يستحق حسب قانون الجنسيه الصادر من 3 سنوات

[قطرية وماتهاب]

الله يسهل لكل مسلم طريق الخير والستر...

[قطري محروم]

ماااااالك الا الدعاء والصبر والله ماينسى عباده

انا اعاني نفس مشكلتك بس امي قطريه اخواني قطريون شهاده ميلادي قطريه وزوجتي قطريه و اعمامي قطريون و خوالي قطريون يعني جميع اهلي قطريون ماعدا ابوي وقالوا لي الجوازات بانك تابع لوالدك ووالدي خليجي والمشكله اعامل معامله اجانب وانحرمت من جنسيتي الاصليه القطريه ومالنا الا الله وبشر من طلب الله ماخاااب


وتقبل تحياتي

[العذبة]

أخوي

ذي المشكله تعانيها فئه كبيره بقطر...لكن حتي الان مالقينا لها حل

السبب....محد راضي يسمع...أنا اعرف ناس امهم قطريه و الابناء من جنسيه عربيه

أقل واحد فيهم عمره 20 سنه واكبرهم 38 سنه

مولودين بقطر و درسوا و تخرجوا من مدارس و جامعات قطر

و عمرهم ما عرفوا بلاد الا قطر

الشكل و العادات التقاليد والهويه قطريه....لأن اهلهم كلهم قطريين

ونفس المشكله..مب عارفيين هم من وين...يحملون جنسيه بلد مايعرفونه ابد و لاشافوه

وانا سمعت و قريت كثير عن ذي الموضوع....اللي محد حصل له حل

وأكيد ما بنحصل....لانه مايوجد شخص له منصب بالدوله يهتم بذي المووضوع

وانا لاحظت ان الكثير تكلم عنه...بس محد معطي الموضوع اهتمام

في الاخير ما اقول الا الله يفرجها عليك...توكل ع الله

ومن بعد الله... ابونا الغالي بومشعل....انا متأكده انه لو يوصله الموضوع

وأحد يوصله له انه ابد مابيقصر....

[هيام الحب]

بسم الله الرحمن الرحيم


الله يعينك يا يبه ويطمن بالك وكثير من الى امهم قطريخ متبهدلين على الاقل انت احسن من غيرك شباب من الى امهم قطريه مو لكين وظيفه الله المستعان

[هيام الحب]

بسم الله الرحمن الرحيم

اشكرك على هذا الموضوع الذى يمس شريحه من القطريات المتزوجات من اجنبى


بصراحه انا ما ابى شى غير وظيفه حك ولدى الى لين الحين ما اشتغل وعمره 23 سنه متى بيكون نفسه ولا متى بيتزوج


ما اقول لا لا حول ولا قوة الا بالله العلى العظيم

[بو ثامر]

الله يكون في عونك وصدقني لو بيدي لخليتك ترضى اليوم قبل بكره وعطيتك ماتبي

لكن الله هو المعطي وتوجه لربك بدعاء والله يوفقك اخوي

[قطرية مع وقف التنفيذ]

الله يعينك ويعينا اخوي وهالمشكلة صدقني لو كان عايشها حد من المسؤولين الكبار بالجوازات يمكن كان حس ، بس للأسف اللي ايده بالماي مو مثل اللي ايده بالنار.



واللي ينكتب عن حقوق القطرية وعيالها واللي اترسوه به الجرايد والمجلات وماخلوا لا اذاعة ولا قناة الا وتكلموا فيها عن الدستور والقانون اللي يحمي القطرية وابناءها ، كله على بعضه كلام فاضي ولا فيه من الواقع حتى واحد في المية ، والدليل انه الدستور اللي اقر حق المرأة القطرية لين اليوم ما طبق هذا الحق والدليل احنا وغيرنا اللي عايشين هالمأساة والحالة الصعبه.



الله كريم انشالله وهو وحده اللي يعين عباده

[العذبة]

محد يسمع لحد.....شكلنا قريب بيكون للاجنبي كل شي والقطري وابناء القطريات ولاشي

ربك كريم يفرجها ان شاء الله

[روووووح قطر]

اله يكون بعونك

[النورس]

الله يكون في عون ابناء القطريه
وان شاء الله تنحل مشكلتكم الي صارله سنين