برموده تحت الدفه .. والسيقان طالعه .. خووووش ولله..

[اللورد]

السلام عليكم ورحمه الله وبركاته..




في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..

كانت البنت لين البست الدفة المطرزه المزحرفه الملونه قلنا عنها صايعه ومو متربيه .. او ماوراها اهل ورياييل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..
اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. الدفة المخصره والي من ظهورها وحتى الان والحديت عنها لاينتهي ..

عموما .. انا ماودي اتطرق واتكلم في امور قديمه ياما تكلمنا عنها ..


لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرموده تحت الدفة .. وياريت تكون العباه مسكره ..

الا مفتوحه وتظهر السيقان وفرجه للكل ..

يعني ودي اعرف شهدف الفتاه لما تلبس برموده والسيقان طالعه وتمشه في المجمع وبكل ثقه ؟؟

والي يبط الجبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله لما يتعرض لها الشباب قامت تسبه انت قليل ادب ومو متربي وووو .... الخ ..

طيب اذا اهو قليل ادب انتي شتطلعين ؟؟ انتي ماحترمتي نفسج ولا حشمتي الموجودين بالمكان
ليش تتوقعين من الشباب يحترمونج او يحطون لج حساب ؟؟ ودايما نقول : من سوا روحه سبوس العبت به الدياي .

والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايجوفون بناتهم ؟ مايجوفون شلابسين ؟؟

اوكي خل الاهل على صوب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالاشيه صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..
وياريت اتجاوبوني على هالاسئله .. وكله في النهايه لتعم الفائده على الجميع ..

هل صادف وان شفت هالظاهره امامك ؟ و أين ؟؟

شرايكم بهالنوع من الفتيات ؟

برأيكم شالهدف الذي يجعل الفتيات يطلعون بهالشكل ؟؟

شنو رايك بهالظاهرة؟

واخيرا .. هل في كلمه تحب توجها لهالفتيات ؟ نصيحه او حتى نقد ؟؟


واسمحولي اذا طولت عليكم ..
بانتظار مشاركاتكم وارائكم بالموضوع

[قطرية]

بسم الله الرحمن الرحيم...

يعطيك العااافيه...وفعلااا مثل ماقلت هي ظااااهر وظااااهر لا يرضي فيها دين ولا اخلااااق...من تدخل المجمع وعيووونك والله تنحول وانت تشوف هالاستعراضات من البناااات..بس اللوم كله على الاهل وخصوصا الامهااااات..لانه التوعيه والنصح لو ماكنت من الام منو راح يخاف على بناته اكثر منهااا..بس للاسف الامهاااات الغافلااات..وانااا والله يعورني قلبي لما اشووفهم...يعني ليش وفعلااا وش الهدف لما تلبس هاللبس وبعدين ماتبي احد يتحرش فيهاااا...منطق غريب..البس محترم واتحدى احد حتى نظره يشوفلك غير نظرة احتراااام...وهالشي ينتشر بين المراااهقات..لانه كله تقليد تشوف رفيجتها شنو لابسه شنو مسويه مع الخيل ياشقرااا...الله يكون بالعوون ويستـــــــــــر على كل بنت...وش تقدر تسوي لهم غيــــــــــر تدعي لهم بالهدااايه....


مشكووور ويعطيك العااافيه على الموضوع الحلووو وعسااااك ع القوووه ياااااربــــــــ

[][عميد الحب][]

آآآآآآه من زماننا هذا اصبحت بناتنا تقلد
الغرب في كل شي ودخلو العولمه
من اوسع ابوابهاا..!!!

ونسوا اننا مسلمين ولنا تقاليد شرقيه
وعادات يتقيدون بهااا

عزيزي الغالي/ اللــورد

يعطيكــ العافية اخي على طرحكــ
الرائـــــع والجميــــل والقيــم والمفيد
باركــ اللــه فيكــ وما نحـــرم منكــ
انتظر جديدكــ دمت بــــود
اخوكــ / عميد الحب

[اماراتيه]

هل صادف وان شفت هالظاهره امامك ؟ و أين ؟؟ شفت وحده بس كنت داشه المول وهي ظاهره بس شكلها مقزز بمعنى الكلمه

شرايكم بهالنوع من الفتيات ؟

والله بنت تافهه وتبي تجذ الشباب باي طريقه حتى لوكانت هطريقه انها تعرض نفسها للغير
برأيكم شالهدف الذي يجعل الفتيات يطلعون بهالشكل ؟؟

مثل ماقلت تبي تجذب ..
شنو رايك بهالظاهرة؟

..ووع بس اتخيل شكلها اكييد حب حلوه والستر زين والله زين ..

واخيرا .. هل في كلمه تحب توجها لهالفتيات ؟ نصيحه او حتى نقد ؟؟


..مشالله عليج طرحتي الموضوع ورديتي عليه .. بس حبيت اقولج ان هالبنات مالهن دين ولا اخلاق ولا عادات وبعدين تييج وتقول حراام انتي تعرفين الحرام اذا تعرفينه ما قمتي تلبسين هالاشياء .. واكييد يتحاسبون الاهل بس لمنو تقولين تشوفين الابو خريج سجون والام هايته من بيت لبيت ..
او يكوون الاب (بزي ) وهب فاضي يربي بنته والام من جنسيه غير خليجيه ..ويكون هشي عند الام عادي ..

.. او يكون الاب والام كبار في السن ما يقدرون يربون بناتهم ..

.. وضاعن بنات الخليج ..

..واهم شي في هذا كله الدين اذا البنت تخاف ربها والله ما تلبس هالبس حتى لوكانت لقيطه بعد ..

..هيك حال الدنيا في الصالح والطالح ..واصابع اليد هب سوى ..

..مشكوورشيخي عالطرح الاكثر من رائع ..:p

[اللورد]

يسلمووو اخواني واخواتي ع مروركم وردكم الرائع وماقصرتوا والله لايحرمنا منكم

[عروس الدوحة]

هلا اختي الغالية اللورد على الموضوعالرائع الصراحه اعجبني الموضوع والطرح

اما اني شفت بنت لابسه برموده الحمد لله ربي فاكني من اشوف هالمرض اما البنطلونات و العبايه المفتوحه اي ياختي لو حرانه ومضايقتج العباة فصخيها ولا انج مخليتها ديكور وان كلمتيهم قالتلك موضه وانتي متاخرة ووين عايشه شي يبط الجبد الستر صار عيب في هالزمن الله يستر بالمستقبل العباة بيقصرونها على الموضه .

ولا بعد اللي لاحظته حطت الشيله اف المسكينه اعيزت اتلفها قطتها قط و اذا بعد الهوا طيحه احسن واحسن هي مالها خط المسكينه بعد اتوقف الهوا مالها ذنب المسكينه ولا سوت روحها ما تدري ان شيلتها طايحه علينا

كل هالحركات عشان تلفت الشباب وشوفوني انا اهني نقص الله يسلمكم واذا شافوا مناكرها نظرت الاحتقار والسب اذا ما عجبها الشاب ولو طلع يشبه براد بيت ولا توم كروز لا الابتسامه اللي اتشق الحلج ولا الدلال اللي ينزل عليها وهي ماتعرف الدلال ماتدري ان الشي المكشوف للشوف وبس ومحد يرضى على نفسه ياخذ وحده الف واحد شافها قبله يقول اتفرج اش وراي حالي من حال الناس


اما دور الاهل فهذا مهم اذا ما وراها مرة تصلبها واتعلمها الصح من الخطأ مافي فايده قالوها قبل الام مدرسه ان اعددتها اعددت شعب طيب الاعراق والاب بعد له دور مانستثنيه


الله يستر علينا وعلى بناتنا من العادات الدخيله

اسفه اني طولت عليكم

[اللورد]

هلا اختي الغالية اللورد على الموضوعالرائع الصراحه اعجبني الموضوع والطرح

اما اني شفت بنت لابسه برموده الحمد لله ربي فاكني من اشوف هالمرض اما البنطلونات و العبايه المفتوحه اي ياختي لو حرانه ومضايقتج العباة فصخيها ولا انج مخليتها ديكور وان كلمتيهم قالتلك موضه وانتي متاخرة ووين عايشه شي يبط الجبد الستر صار عيب في هالزمن الله يستر بالمستقبل العباة بيقصرونها على الموضه .

ولا بعد اللي لاحظته حطت الشيله اف المسكينه اعيزت اتلفها قطتها قط و اذا بعد الهوا طيحه احسن واحسن هي مالها خط المسكينه بعد اتوقف الهوا مالها ذنب المسكينه ولا سوت روحها ما تدري ان شيلتها طايحه علينا

كل هالحركات عشان تلفت الشباب وشوفوني انا اهني نقص الله يسلمكم واذا شافوا مناكرها نظرت الاحتقار والسب اذا ما عجبها الشاب ولو طلع يشبه براد بيت ولا توم كروز لا الابتسامه اللي اتشق الحلج ولا الدلال اللي ينزل عليها وهي ماتعرف الدلال ماتدري ان الشي المكشوف للشوف وبس ومحد يرضى على نفسه ياخذ وحده الف واحد شافها قبله يقول اتفرج اش وراي حالي من حال الناس


اما دور الاهل فهذا مهم اذا ما وراها مرة تصلبها واتعلمها الصح من الخطأ مافي فايده قالوها قبل الام مدرسه ان اعددتها اعددت شعب طيب الاعراق والاب بعد له دور مانستثنيه


الله يستر علينا وعلى بناتنا من العادات الدخيله

اسفه اني طولت عليكم

يسلموووو خيتووو ع مرورج وردج الجميل وماقصرتي والله لايحرمنا منج

حبيت اوضح لج انا ولد مب بنت

[عروس الدوحة]

انا اسفه لان شفت رد وكان على اساس انك بنت فاسمحلي اخوي

[اللورد]

انا اسفه لان شفت رد وكان على اساس انك بنت فاسمحلي اخوي

مسموحه اختي بس كان مجرد توضيح

[بنت قطر]

مشكور اخوي على طرحك هالموضوع

اول ي قبل لا اتكلم عن الموضوع في احيان اشوف ردود وايد على انك شكرا اختي اللورد فيكون
خطأ مطبعي او مانعرف شنو


بالنسبه لي مثل ماقالت اختي عروس قطر الحمدلله ماشفت هالنوعيه وعن نفسي مابي اشوفهم لاني بتم اطالعهم وان شافوني بتم اطالع ان شنو هاي

بس احب انوه في احيان وايد اللي يلبسون هالشي اقصد البرموده ماتكون خليجيه او حتى محجبه في بعض الجاليات صاروا يلبسون العباه ويتمادون

وزيدك من الشعر بيت شفت مره مو بعيني لا ايميل وصلني في صورة عبايه عليها شعار التلفزيون وعبايه ثانيه عليها كلمة FBI يعني من ناحيتي لاتعليق

وشاقول لهم الله يهديهم

ويمكن يسوون هالشي عشان لفت الانتباه او يحسبون ان سيقانهم ماتبين او يقولون شوفوا سيقانا بنعيش وبنشوف

[اللورد]

مشكور اخوي على طرحك هالموضوع

اول ي قبل لا اتكلم عن الموضوع في احيان اشوف ردود وايد على انك شكرا اختي اللورد فيكون
خطأ مطبعي او مانعرف شنو


بالنسبه لي مثل ماقالت اختي عروس قطر الحمدلله ماشفت هالنوعيه وعن نفسي مابي اشوفهم لاني بتم اطالعهم وان شافوني بتم اطالع ان شنو هاي

بس احب انوه في احيان وايد اللي يلبسون هالشي اقصد البرموده ماتكون خليجيه او حتى محجبه في بعض الجاليات صاروا يلبسون العباه ويتمادون

وزيدك من الشعر بيت شفت مره مو بعيني لا ايميل وصلني في صورة عبايه عليها شعار التلفزيون وعبايه ثانيه عليها كلمة FBI يعني من ناحيتي لاتعليق

وشاقول لهم الله يهديهم

ويمكن يسوون هالشي عشان لفت الانتباه او يحسبون ان سيقانهم ماتبين او يقولون شوفوا سيقانا بنعيش وبنشوف

يسلموووو خيتوووو ع مرورج الرائع والجميل وماقصرتي

والله لايحرمنا منج