وطني الحبيب والايجارااات....

[قطرية]

بسم الله الرحمن الرحيم...

في البدايه مثل ما كلن ادلى بدلوه فعلااا الموضوع قديم جديد..وكثير من كلام الاخوااان المشاركين واااقعي وصريح...واظن اليوم اخوااني كلنا او اغلبنا من مواطنين وحتى مقيمين سمعنا الجزء الاول من مناقشة وطني الحبيب لملف الايجاراااات... والله العظيم ان القلب يحزن على اللي يسمعه..ياجماعه احنااا في قطر بلد الخيـــــــــــر بلد بومشعل الله يطول عمره...سمعنا من المكالمات ماتستغرب منه..معقوله هالشي في قطر...اخرتها فنادق وكرنفالات ويمكن تصير كباين..؟؟...والله شي مانتمنى يصير لاكن هذي هو الواااقع...وفي الجزء الثاني اكيد راح نسمع مشااكل اكثر وااااكثر من اللي سمعنااااه...الله بس يرحم بالحاااال ويكون في عووون الجميع ياااارب...ولازلت اكرر احنا في قطر الخيـــــــــــر والله يفرج على الجميــــــــــــــــــــــــع,,,


تقبلوا خااااااااااااااالص تحياااااااااااااتي

[فاقد الأمل]

بسم الله الرحمن الرحيم
أختي العزيزة ما خفي كان أعظم بصراحة اللي يسمع اسغاثة النساء والرجال في البرنامج بصراحة صار يخاف يتزوج سألت اكثر من شخص عن عدم رغبتهم في الزواج كلهم قالوا بصراحة احنا صرنا خايفين من المستقبل بكرة يمكن ننام في الشارع المطلوب بصراحة من البرنامج انشاء صندوق لجمع التبرعات للمتعسرين والله لأن التجار وملاك العقارات اصبحو من عباد المال في ايام الغوص كنتي تسمعين أن واحد ينام في الشارع كانوا الناس على قلب واحد وصار الواحد يمل من كثر ما يتكلم

[كرباج]

أختي/ قطريه

اشكركِ على اهتمامك بهذه الملف ..


لو أن المواضيع تؤخذ بهذه الاعتبار لكان كل المشاكل انتهت وانحلت ...

لكن .. السبب في التجار وملاك العقارات ..

[قطري من قدي]

ان شاء الله الله يفك هالازمه ويعين المحتاجين اللي صار صار بسبب عباد المال الله يهديهم

[قطرية]

بسم الله الرحمن الرحيم..

((فاقد امل )) يعطيك الف عااافيه ومرورك شـــرفني ،،،

اشكــــــــر مروركـــ الكريم اخـــــــي (( ابو علــــــــــي ))...يعطيك الف عاااافيـــه...

(( قطري من قدي ))...الله يسمع منكـــ ..شاكره مرورك اللطيــــــف ,,,

[اللورد]

الصراحه اختي والله اللي يشووف ويسمع كلامهم وظروفهم عيونه بترف ودمع عشانهم

والتجار اللي مايخافون الله ماتنكسر قلوبهم ويحسون في الناس المحتاجه

اختي قطريه

اشكرج عالطرح الرائع وماقصرتي

[صوت الوطن]

والله المشكله من الوساطة الى مافي قانون يمسكهم لا والمشكله أكبر ماعندهم محلات

يستأجر ويأجر جاي من بلادهم يخرب

حسبي الله ونعم الوكيل


نعم نحن في قــــــــــــــــــــــــطر الخير

نعم نحن في دار أبــــــــو مشعل

[حلا المغرب]

جبتيها على الجرح اختي
المشكله الحين مب بس الايجارات اللي غاليه كل شي صار نار
انا اشتغل في مجال المقاولات واعرف الاسعار صراحه شي خيالي
اذا المواطن يلاقي صعوبه في انه يحصل على بيت مستقل مع ان حكومتكم الرشيدة مب مقصره
عيل المقيم مسكين شيسوي؟
يعني يتغرب علشان يحط راتبه في الايجارات ويرد ديرته مفلس؟؟؟؟؟؟؟؟
تعودنا على قطر بلد الخير اللي تكرم القريب والبيعد بس سالفة الاجارات الصراحه يبي لها قعدة طوييييييييييييييييييييييييييله لانها صج تكسر ظهور الناس
تحياتي اختي

[ماسة قطر]

يا ريت لو هذه المشكلة بالذات تنحل وتاخذ بعين الاعتبار
لانها تفاقمت جدا ............. والكل يشتكي منها .........
و الله يستر .......... شكلها المشكله بتزايد لحد ما تصير سيرة قطر في كل الخليج ..........بعد ما كانت دولة تضرب بها المثل .............

[عذايب قطر]

شو نقول وله شو نقول
يشتكون في البرامج الاذاعية وغيره في الجرايد وووو
يسمعون لصاحب الموضوع ويردون عليه بس في النهايه لما يخلص البرنامج ويناقضون موضوع ثاني ينسوون كل اللي اسمعوه من المتصلين

خلوها على الله.. وحسبي الله ونعم الوكيل

تحياتي لكم
عذايب قطر