رسالة الى المجلس الاعلى للصحة ومن طلع القرار الظالم

[الجوهرة]

بخصوص البطاقات البنكية في المراكز لدفع سعر الدواء للغير قطريين الي ماعنده بطاقة شي يسوي والله احسن يوم كان دفع بالفلوس بنبقى جي محتاجينعلى الاقل يوم كان الدفع بالقلوس اسهل وافضل ياريت ترجعون النظام القبلي والله المسكين او الفقير يقدر ياخذ فلوس علشان يشتري ادوية بس الحين الله المستعان

[إعتذار روح!!]

ان شاء الله يشوفون حل لهالمشكله
يعطيج العافيه اختي

[كلي فخر]

انشاءالله يلاقون لكم حل باقرب فرصه

يعطيج العافيه

[عابر سبيل.]

ما في صعوبه وايد المسالة تعبي بطاقة بملغ حتى ولو كان هذا المبلغ بسيط وتظل البطاقة معاج لوقت الحاجه .
المجلس الاعلى أتخذ هذه الخطوه من أجل ضمان وصول المبالغ وسهولة تحصيلها .

[الجوهرة]

اي بس انا اتكلم عن الاسر المتعففة قبل يوم ندفع احسن لان اذا ياتلك وحدة فقيرة او مسكينة تقولك ادفعلي يمكن فلوسك مخلصة في البطاقة بس لو عندك فلوس تقدر تدفع لها لكن حرام مانقدر الحين لازم بالبطاقة

[حلم]

اهم شي ما يستوي استغلال مثل ما صار معاي في المرور مره
بدفع المخالفه كاش قالوا لا الا بالبطاقه والبطاقه ما كان فيها كامل مبلغ المخالفه، وعشان اخلص نفسي لقيت اخ عرض خدماته، ودفع لي المبلغ من بطاقته، وعوضته بزياده بطيب خاطر، ويوم طلعت بعد طلب مني ازيده على اساس ان اللي بينخصم من البنك اكثر، وهو كاذب، لأني والكل نستخدم البطاقات وكلنا نعرف اللي ينخصم شي تافه، واللي كنت معطته من الأول اكثر وايد من اللي يستحقه، ولكن الظاهر انه كان متعود على هالسوالف.

[سلسله ذهب]

لاحول ولاقوة الا بالله