جــــــامــــــعــــــــــة الــــــــقــــــهـــــــــــر (قطر) ضروري الساعي و عبير

[مجهول الهوية]

السلام عليكم

يا أخواني لزم يشوفون حل حق جامعة قطر

توفل وسات وكمبيوتر

اول شي التوفل

يبون 500

من زين منهجنا الي فالثانوية

السات

أنا أدبي يعطون الجبر وباقي سوالف علمي ليش؟؟؟؟؟؟؟؟؟؟؟؟؟؟؟

اما الكمبيوتر

راح شيفيدنا فالتخصص


ياليت تستضيفون الدكتور عمر الأنصاري

[فطفوطه]

:mad: وأنا معاك

[رفيعه الشان]

وانا اضم صوتى لصوتكم...

واهنى جامعه قهر والقائمين عليها انهم انجحوا فى تطفيش الطلاب ...


وهذا هو مرادهم...


والنتائج عليها البطاله الزايده ... وطلاب بلا فائده هو طالب تخصص ويدرس غير التخصص اللى يبيه

موقهر...؟!؟

[**الجورى**]

الله يعينكــــــــــم والله.....عورتوا قلبى ....الله يصبركم

[فتى الدوحة]

الله ايوفقكم وتفتكون من هالجامعة!!!

[نور حمدان]

الله يعينكم عيل انتوا نفس طلاب الاطلنطي
الله يعينا

[فراس]

الله يعين الجميع اصلن التربيه والتعليم نفس الشي ولا حياة لامن تنادي

[قطري من قدي]

الجامعه دوله داخل دوله تدرون يالربع

[مجهول الهوية]

الله يعينا و ان شاء الله يشوفون حل

[فزاع قطر]

يحسبون جامعه اكسفور
الله يعينكم اختي

[راعي سوالف]

وانا وياك والله شكلنا بنتم على شهاده ثنويه بس..
والله صعب وحرام بعد ..

[غلا الدوحة]

الله يعينكم ,, انا للحين في الثنوية واسمع متطلبات جامعه قطر .. الله يعينكم ويعين كل طلاب الجامعات .. لان مافي شي يجي بالساهل !!

[عبدالله الملا]

خخخخخخخخخخ تدرون يالربع ان متطلبات الجامعات العالمية في البعثات اسهل من متطلبات جامعة قطر

يقولون اليابان تمشي معاش للطالب الخليجي اللي يدرس في جامعاتها

اليوم رايح الجامعة جني داش الحارة اللي في الشام ولو تحركت اشوي في حديقة الجامعة

بتكتشف انك في ادغال افريقيا وتشوف اكله لحوم البشر على الطبيعة :)

[محسن آل شيخ]

خخخخخخخخخخ تدرون يالربع ان متطلبات الجامعات العالمية في البعثات اسهل من متطلبات جامعة قطر
يقولون اليابان تمشي معاش للطالب الخليجي اللي يدرس في جامعاتها
اليوم رايح الجامعة جني داش الحارة اللي في الشام ولو تحركت اشوي في حديقة الجامعة
بتكتشف انك في ادغال افريقيا وتشوف اكله لحوم البشر على الطبيعة :)


جامعة قطر على مشارف الانهيار اصبور شوي...بتتفكك...كل شي مخطط له.

[كشات]

خخخخخخخخخخ تدرون يالربع ان متطلبات الجامعات العالمية في البعثات اسهل من متطلبات جامعة قطر
يقولون اليابان تمشي معاش للطالب الخليجي اللي يدرس في جامعاتها
اليوم رايح الجامعة جني داش الحارة اللي في الشام ولو تحركت اشوي في حديقة الجامعة
بتكتشف انك في ادغال افريقيا وتشوف اكله لحوم البشر على الطبيعة :)


انا فهمت كل الإنتقادات الا كلامك انت مافهمته ؟

ايش قصدك أخوي من هالجملة ؟ :
اليوم رايح الجامعة جني داش الحارة اللي في الشام ولو تحركت اشوي في حديقة الجامعة
بتكتشف انك في ادغال افريقيا وتشوف اكله لحوم البشر على الطبيعة

ياريت أتوضح

مع تحياتي لك

[وهـــج]

الله يعنيكم

[قطرية وماتهاب]

ههههه والله عورتوا قلبي..وعلى فكرة ترى عقب التخرج محد راح يدخل تخصصه..اشوف تخصص عربي يدرسون اجتماعيات..وتخصص شرعيه يدرسون فنيه..؟؟؟؟؟؟؟؟؟؟مدري شالهدف من تغيير تخصصهم في الواقع؟؟؟
واخاف هندسه عقب يقطونكم في مجال ثاني..ادخلوا الشرطه لبرك لكم..وووووو نسيت عن تقطير الوظائف يمكن ماتلقون وظيفه في الشرطة والجيش بعد<<منهى الاحباط..بس هذا الواقع..
ويقولون ليش ماعندنا مبدعين..؟؟؟منكم..

[الـشــهــرانــي]

مجهوولل ما دام جبتي طااري

عمر الأنصااري فأعتقد أنس من طلاب الشرريعة اذا ما خانتني الذااكرة



هل تعلمين ؟؟

أنه تم طررد شباااب من جامعه قطر باقي لهم كورس وااحد فقط ويخلصون


خمس سنين راحت في الفااضي




.....


اذا أنتي منقهره من هالشي


فأيش حاال ذولا الشباب




والله يعين ... للمعلومية أنا دخلت جامعة قطر سنه ونص وطلعت


ودخلت مجال ثاني ووفقني الله



اذا بأستطاعتس تنسحبين منها ودورين لس جاامعة ثاانية يكون أفضل




وسألي مجررب

[امارة الحب]

الله يعينكم ويصبركم

[عبدالرحمن محمد]

فعلا شروط تعجيزية وهذا الي يخلينا انكمل دراستنا في الخارج الله يعين الجميع

[قطرية وافتخر]

اضم صوتي لج هالامتحانات ما منها فايدة اهم حاطينها علشان محد يقدر يشتغل لان عندهم فايض ياجماعة هالايام ازمة مالية ارحمونا يا جامعة احنا لازم يكون عندنا شهادة جامعية علشان نعيش حرام عليكم سديتوا طريجنا

[هجرس]

من جد وجد

الي مايتعب على نفسه ويتعلم وهو صغير متى بيتعب على عمره بالامكان كل واحد بعد الثانويه يدش له معهد لغه في قطر يضبط اموره حق التوفل


والله يوفقكم جميع ان شاء الله

[ورد الجوري]

السلام عليكم ورحمة الله وبركاته
انا معج**** بس ياريت ادش الجامعه

[الغاالية]

السلاام علييكم,,

دااام الكل معاارضـ فكره التوفل والسات وغيره

ليش مايلغوون نظاام التأسيسي ويخصصونه علىآآ طوول,,؟؟

[نور المنتدى]

*** الله يعينكــــــــــم *** وربي يوفقكم

[روحيـ قطر]

آآآآآآآآآآآآهـ جبتوهاا علىآآ الجرحـ,,!_!

بسـ هذاا نظامهمـ ومستحييلـ يغيروونهـ,,:o

[قطريه وافتخر]

مسـآ الخيـر

الدكتـور عمـر الانصـآري قـراراتـه كلـهـآآ مـب في صـآلح الطـلآب كـلشش

وو تسـبب بطـرد العديـد مـن الطـلآب وهـم فـي سـآعات التخـرج الاخيـره !!!!

وواخـوي كــآن ضحيـه مـن ضحــآياه

فـ في السنـه المـآضيه طـردو اخـوي من الجـآمعه وهو بـآقي له 20 سـآعه تخـرج بـس !!

ووعـلى 0.5 بــس

ظـلـم ورربـي .!!

وبعديـن اسـلوبه فالحـوار سـواء مع الطـلآب اوو اوليـآء امـوررهـم ........ !! لآ تعليق !!!

وبالنسـبه للتـوفل والسـآت

نسبه كبيـره مـن الطـلاب قـآعدين فالبيـت بسبة هالقـراار

عالاقل لوو مـآجـآآبوه خـلووهم يدرسـوون ال 2 فاوندييشن ييرز على 3 اوو 4 سنين

احسن من قعدتهم فالبيت

اوو يطرحوون تخصصات ( باللغه العربيه ) مـآآتحتـآج تووفل وسـآت

بس والله حـرآآآآآآآآم

انـآآ اعرف وآآآجد بنـآت كملوو ال 2 فاونديشن ييرز وقاعدين فالبيت احين !!

الله يهديـهم بس ويتخذوون قـرار صحيـح (( وسـريع )) بشـآن هالدكـتور !!

وشكــرآ علـي طـرح المووضـووع !!

[محمد العمادي]

الصراحة في بعض النقاط لازم الجامعة تراجعها لانه فيها تناقض خاصة مع مخرجات الثانوية

انا مثلت واجهت مشكلة كبيرة

خريج ثانوية ادبي فرنسي و مجبور اخذ مقرر رياضيات في الجامعة (اجباري)

ومثلا طالب يبغي يدخل شريعة لين يدرس رياضيات وانجليزي ويجيب توفل ؟؟

[سعد الكواري]

المفروض يكون معدل التخرج 1.5 من 4

[سعد الكواري]

ياخي افهموا ما يبون خريجين وايد قطريين
لو يبون ما جابو ناس من افريقية و من كرواتيا و غيرها من الدول و تعليمهم مجاني و لهم رواتب و سكن مجاني و كلشي مسهل لهم و المواطن يطرد حتى لو با قي له 3 ساعات تخرج و ناقص شي بسيط.....

[سعد الكواري]

أنشأ اللة بيرجعون المعدل 1.5 من 4 .
و أنشأ اللة بيرجعون الطلاب الي تم طردهم .

[آل بني هاشم]

السلام عليكم ورحمه الله وبركاته

بعض المسؤولين قالوا ((إحنا نبي عقووووول)) .........


........ بلا تعليق.........

[محمد سعيد]

انا مجموعي في الثانوية 92%


وماقدرت اجيب لاتوفل ولا سات ولاقدرت اكمل معاهم


بسبب الشروط التعجيزية لدخول جامعة قطر


وانا قيدي 2001-2002


وايش ذنبي اذا لم يتم تأسيسي في المدارس الحكومية التي تصرف عليها الدولة نفس ماتصرف على جامعة قطر من البداية باللغة الانجليزية


واشلون كانو يبوني اتعلم واجيب توفل خلال سنة من الدراسة


والله وقتي ضاع معاهم


وانا الان الحمدالله تخرجت من الاطلنطي وحصلت اكثر من شهادة تفوق في تخصصي وغير المعدل العالي


وكل بالانجليزي والحمدالله بلا توفل وبلا سات


والله يعينكم ياطلاب جامعة قطر

[بوصالح]

صدق رسول الله صلى الله عليه وسلم: لا يفلح قوم ولو أمرهم إمرأة...

ومن يوم ما مسكوا التعليم اخواتنا في الله... المصايب هلت علينا...

بس بيني وبينكم زين سووا...

خلوا البنات يقعدون في البيت احسن.. لانه الجامعة الحين فيها من الخراب والاخلاق الفاسدة الي فيها حتى صار الواحد يخاف على هله يختربون بسببها... واتوقع هذا شي ماهو خافي..

[سعد الكواري]

أخوي البنات كفء لا كن يجب مراجعة قانون الجامعة و خاصة بالنسبة للمعدل لازم يكون 1.5 من 4 أيضا حالات الطرد يجب ان يراعى الطالب اذا كان على و شك التخرج

[سعد الكواري]

الجامعه الجامعة و لا حد ملتف لها

[بو ثامر]

انا صج نسبتي مادخلني الجامعه ولكن والله لو فيه موازي وبدون توفل

ومسهلين علينا كان بدرس وبمشي حالي لكن ماظن لني قطري بيقولون لي يصير خير ومع الباب

قدمت دراسه في مصر جامعة القاهر والله كريم ندرس وان شاءالله نقدر نخلص

اذ جامعتنا الي هي جامعة قطر ماتبينا مانقول الا حكم القوي ع الضعيف

وتقبل مروري والله يعين الجميع

[الحزينه]

الله يعينكم

[ولد الشحانية]

انا كنسلت دراسه في جامعه عشان توفل

[طموح بلا حدود]

الله يساعدكم و أتمنى من الجهات المختصة تراعيكم وهالشي مستحيل..
توكلوا ع الله واضغطوا على نفسكم وهاي الحل الوحيد ...واسمحولي

(اللهم كن معى ضحايا التوفل والسات ووفقهم برحمتك ).