مديرة مدرسة تأمر بتفتيش المعلمات

[معلمة قطرية]

السلام عليكم ورحمة الله وبركاته
صارت المدارس المستقلة معتقل مديرتنا الفاضلة امرت الحارس ان ولا معلمة تطلع الا باللاب و الشنطة بس واي شي زيادة لازم يفتشها ويكتبه
هذي المديرة الفاضلة نست كم دفعنا او بمعنى اصح دفعتنا عشان حفلاتها وانا كمعلمات لنا اغراض شخصية من حقنا ناخذها لكن شنقول الغلط مب منها من اللي ولاها امرنا

حسبي الله ونعم الوكيل

[سراااب قطر]

ماعتقد من حقهاا تفتيش الأغرااض الشخصية

ياليت طررح أسم المديرة وأسم المدرسه لذوي الأختصاص

للنظر فيه والتحقق منه

[جفلة]

هذا مب اسلوب راقي

وأصلا من ناحية الشرع حرام رجل يفتش نساء

ليش ماتعرف دينها عدل

لاحول ولا قوة إلا بالله

وإن شاء الله إنكم رفضتوا يفتشكم ؟؟

أشتكوا عليها أفضل

[حـــائـــر]

اللي أعرفه ان التفتيش من غير إذن قانوني لا يجوز
ومن حق المعلمات التقدم بشكوى لوقف مثل هذه التصرفات ومصادرة حرية الأشخاص ومش من حق أي أحد يكون دولة داخل دولة
والجهل في القانون تضيع بسببه حقوق ناس كثيرين


وعموما هذه النوعية من الناس عندما يتخذ ضده أي إجراء سواءً قانوني أو تصرف فردي ينقلب حالة من متسلط إلى إنسان وديع ( ويعرف إن الله حق )
والتجرية خير برهان

[معلمة قطرية]

الله يعين ويهديها
المدرسة ابتدائية في الريان وتحمل اسم احد زوجات الرسول عليه الصلاة والسلام
ياريت حد يقدر يوصل هالكلام للمجلس اللي عيزنا واحنا ننتكلم وماحد معطينا ويه
مدرسات وايد اطلعوا والاعداد تتزايد ولا احد من المجلس كلف نفسه يسأل عن السبب

[جوتشي]

السلام عليكم و رحمة الله و بركاته

المديرة الظاهر مقروصة من ناس يشيلون معاهم اغراض اخر السنة من اغراض المدرسة و طبعا لما نقول شايلين
اغراض مو قصدنا الشنطة الشخصية .... المقصود اللي مطلعين لهم حاجة ممكن تكون تابعة للمدرسة مثل برنتر او لوحات و غيره ....

و تصير هالسوالف للأسف من المعلمات اللي بينتقلون مدارس ثانية و لو تشيل معاها سكانر صغير محد بيلاحظ عندنا مثلا ..... ما افترض ان المعلمات حرامية بس هالشي ممكن يحصل في كل مكان و هذي عهد مب لعبة .....

قبل ان نكون ضد تفتيش الاغراض الشخصية ( وهذا لا جدال فيه ) يجب ان نكون مع النظام و مع الاحترام في التعامل
و مثل ما عرفنا وجهة نظر صاحبة الموضوع ,,, ياريت نعرف من وجهة نظر اخرى !!!!

[بيرق العز]

عفوا الشيخة باعتقادي الخاص المديرة ماسوت هالشي الا اكيد صاير شي
من قبل ؟؟ والمفروض انها ماتعمم هالشي على المدرسات كلهم
في تفتيش محترم يحطون جهاز خاص مب رجل يفتشهم عيب
ولازم نعرف ليش المديرة سوت هالشي ؟؟
وهيئة التعليم اكيد بتسمع كل الاطراف بمافيهم المديرة
لما نسمع من كل الاطراف نكون اقرب للعدالة مب من طرف واحد بس
مشكورة الشيخة

[‏سيـــ بن احمد ـــف]

تعيبيني الشيخه

[عطر الورد]

الله يعينكم

الكل طفش من المدارس الواحد صار يداوم كأنة رايح معتقل فعلا .

ما ادري متى نفتك من تحكم هالمديرات .

[معلمة قطرية]

اسمحوا لي خلها توفر شي عشان حد يقرر يسرق الطابعة احنا اللي شارينه ماغير طابعة وحدة في كل غرفة وحبرها مخلص ومحد بياخذها وشوا العهد اللي بتنسرق ومب من حقها تفتشني اذا انفقد شي للمدرسة يحق لها تفتش بس مني والدرب مايستوي يازيني موقفني الحارس عند الباب تو الناس شنو فيه في الجيس عسى ماشر اخوي اذا انت ترضى اهلك يتفتشون شي راجع لك بس انا بريستيجي مايسمح وين عايشين اعتقد اذا انفقد شي فيه شي اسمه تحقيق وفيه ورقة اسمها اخلاء طرف مديرتنا الفاضلة معتبرتها فيزة خدم ماتبي تعطيها بسهولة خلها تحتفظ فيها لين تلاقي اعراضها اذا انفقدت يمكن حد يسرق قلم سبورة او مساحة

[الفهد]

انتوا معطينها ويه وساكتين جان وحده منكم اتصلت فالشرطه وجابتهم لها عيب ريال يفتش حريم شهالاخلاق


نتمنى انشوف رد المديره عندنا هنيه ونعرف شنو الاسباب اللي خلتها تسوي جي

[معلمة قطرية]

عشان تطلع تبربر وتصارخ احنا مانبي الفضايح والله انا قمنا نتفشل من المدرسة على قولة زميلاتي من اول اذا قالوا مدرسة - - - - - - نفتخر بس من يوم امسكتها والمدرسة من سيء لاسوا مافيها من الفايدة غير تعليم الطالبات الرقص في الحفلات حتى سجل الانجاز مافيه غير رقصنا وشاركنا في الحفلة الفلانية ايش تنطر منا يعني اذا عدم الاهتمام في الجانب الاكاديمي ماحرك المجلس الاعلى بيحركهم هالتصرف اسمحلي مااعتقدا اللي يده في النار مو مثل اللي يده في المااااي احنا صابرين على قلة عقلها لين طفح الكيل والكل قرر يطلع الكل قاعد يسوي مقابلات برى معلمات كفاءة اخسرتهم وعادي عندها بس الشرهة مو عليها انا احمل المجلس الاعلى المسؤولية مسؤولية سوء الاختيار

[الفهد]

اشتكوا بدل المره الف لين يغيرون الوضع

[معلمة قطرية]

اخوي خل الطابق مستور هذا اللي المجلس يبيه تطفيش القطريات والدليل اخر تعميم اللي ماتقدم استقالتها من الوزارة وتنضم للمجلس تعتبر خارج منظومة المدارس يبون يسوون بالمعارات نفس التعيين المباشر المساكين اللي مالهم صوت ولا حقوق يبون يكسرون شوكة المعلم القطري ويحطونهم تحت رحمة مثل هالمديرات المتسلطات اللي يحسبون المدرسات خدم على كفالتهن ويحسبون الرواتب من عندهم مب من الدولة ويحسبون الندارس مجمع لربعهم ويحسبون الميزانية انحطت عشان اسبوعيا يحطون ورد طبيعي على حساب الميزانية والقرطاسية والتطوير ماله شي

[الأستاذه]

لاحول ولاقوه الا بالله الله يعينكم

[بن نايفه]

اكيد خلف تحركها امر معين او خبر معين والا ماسوت كذه
يعطيج العافيه

[محمد الدوحه]

ما يفتشون الناس في المطار!! يفتشونهم في المدارس ههههههههههههههههههه:servbah.com112:

والله مدارس عجيبة ومدراء أعجب

[شموووخ آلصمت]

ههه .. تفتيش !!

على فكره الامور الغريبه وانواع العذاب تختلف من مدرسه لـ مدرسه هع


ما نقول الا آلله يعين .. لآ هنتي حبوبه