قصيده حلوووه وبنفس الوقت(حزززينه)

[مزيووون شمر]

من بغى الفرقا لقى له عذر واسباب ودليل...

خل عنك العذر والاسباب دام الحب ضاع...

كان ودك بالفراق ابشر عسى عمرك طويل...

لا ترد وانت لك كلمه وامر .ن. جياع...

لي عليك انك تبت بكلمتن تشفي الغليل...

ولك علي اني لأوقف وقفه الرجل الشجاع...

لا تجاملني مخافه(قال)مدري خوف(قيل)...

عمر هرج الناس ما يسمن ولا يغني جياع...

كان قصدك سر حبك اوعدك لأصبح بخيل...

واحمل اسرارك معي للموت قدر المستطاع...

بس قلها قل ما حبك وابشر بصبرن جميل...

لا تحسبني مثل من طبعهم لوي الذراع...

صاحبك ماهو كذا يا صاحب القد النحيل...

صاحبك طبعه غريب وغربته غربه طباع...

فالهوى ما يقبل الحل الوسط ولا القليل...

مثل ماهو لا شرى يشري وليا من باع بااااع...

ثابت لو هي تميل الارض تحته ما يميل...

يدري ان الفقر ماهو عيب والدنيا متاع ما عشق

لذه حياته كثر عشق المستحيل

ولا كره حتى مماته كثر كره الانصياع كم تعلم من شديد

البدو وشى معنى الرحيل

وكم تعلم من غروب الشمس وش معنى الوداع...

وكم تعلم من سحاب الصيف وشى معنى الحصيل...

وكم تعلم من ليال البرد وش معنى الضياع...

ايه انا هذا طريقي (موحش ..وصعب..وطويل...

وانت لامنك تعبت العالم فجوجه وساع...

اعتبرني في بدابة سكتك عابر سبيل...

ورح وانا قلبي معك من وين وجهت الشراع...

(يكفي اني لا ذكرت في سالفه عشاق قيل...

عاشر احبابه شجاع..وفراق احبابه شجاع...






اتمنى ان القصيده نالت على اعجابكم
وانتظر ردودكم يا اخواني واخواتي الكرام


اخوكم الصغير : مزيووون شمر

[اللورد]

اخي العزيز
مزيون شمر

صح الله لسانك

الصراحه مافيك حيله

يسلموووووووووو وماقصرررت

[السولعيه]

صح لسااااااااااااانك


مافيك حيله مافيك حيله مافيك حيله

[مزيووون شمر]

صح الله بدنكم يا اللورد يالغالي وايضا السولعيه تسلمين على الردود

واتمنى ان القصيده نالت على اعجابكم

وانشالله نحاول نجيب الاحسن والاحسن


مع تحياتي


اخوكم الصغير: مزيووون شمر

[الوليد"""]

جميله ماشاء الله بارك الله فيك