انا عندي موضوع وايد مهم

[راعي سوالف]

بسم الله الرحمن الرحيم
السلام عليكم ورحمة الله وبركاته

انا الصراحه ابي اتكلم عن الرادار المتحرك الي يحطونه ويخشونه


انا اشووفه وايد صوب الاند مارك وعلى خط الشمال يعني شارع مافي لوحات أرشادية كم السرعه المحدده في الشارع ...وله في لوحه تعبر انه الشارع مراقب بالرادار ..انا ابي اعرف ليش حاطين الرادار والشارع مافي لوحات ...

ليش يخشونه بالاصل

نبي حل حق هذا الموضوع ..

[ولد آل ثاني]

خلك في هالشوارع على سرعة80 و بس يعني و ش الحل برايك ؟؟؟؟؟

[نجمة سهيل]

اتمنى يشوفون حل مناسب

وتقبل مروري

[راعي سوالف]

مشكورين على المرور وعلى الرد الحلووو

ملاحظه:

ولد ال ثاني
اذا الواحد يكون مستعيل وله شي يمشي 80 بعد وعلى الزحمه بيوصل الساعه 1 فليل
وثاني شي ليش يخشووونه.. يعني شبيستفيدون .. انا الصراحه ابي حل ..

[ام الريم]

انا معاكم


كل ما اروح البيت صور اللاند وخط الشمال حاطين الرادارات المتحركه

تشوف الواحد يمشي 100 واذا شاف الرادار يمسك بريك واللي وراه يصكه وهذا غلط

اذه هم صج ما يبون الواحد يسرع يقدرون يحطون الرادار الثابت

[عبدالعزيز الشمري]

الخطوط السريعه معروفه اميه وعشرين والشوارع الداخليه ثمانين والاشارات ستين

ليش ماتعرفون تقرونها لازم رادار

يسلموو ام الريم عالطرح بس صدقيني منها عدة فوائد والله هالرادارات

[ام الريم]

شنهي فوائدها يا اخوي


انا ما اقول السرعه زينه لا والله

انا صج كنت اسرع ع الخط


بس اخر يوم من رمضان بغيت انقلب ع الخط وانا كنت مسرعه وواحد الله يسامحه لف علي والحمدلله الله حفظني من يومها ما قمت اسرع واحاسب

اذا هم صج يبون العالم ما تسرع وتخف الحوادث خلهم يحطون الرادارات الثابته احسن بوايد من المتحركه

[الوكره وبس]

الخرجي تكلم من كم يوم عن الموضوع وحتى اليوم في وطني الحبيب تكلمو عنه
والله وكلام الخرجي كان صح انه هم ما يبون فلوس العالم بس الرادار عشان يحافظون على حياتكم يعني تفكرون هم يبون فلوس العالم من الرادار ولا يبون ينقذون حياتكم ؟؟؟
طبعا الدوله ما تبي الفلوس تبي حياتكم فكر وفيها شوي بس

[راعي سوالف]

انا في كل ذي الكلام معاكم واوفق 100%100 بس ليش يخشووونه ..

[محسن آل شيخ]

خلك في هالشوارع على سرعة80 و بس يعني و ش الحل برايك ؟؟؟؟؟


الحل تعال وشوف بريطانيا وين تحط الرادار....والله بتضحك على مواقع الرادارات في قطر...


أول شي الرادار في بريطانيا لتحذير ان فيه مرور مشاه بعد 10 امتار ...اذا فيه منحدر في شارع يحطون الرادار...اذا فيه لفه او مخرج يحطون الرادار...

اما في قطر...يحطون الرادار علشان سرعه فقط ...يعني بعد الرادار شخص بيسرع..وهذا شي خطر لأن في دوحه وبذات الشوارع الرئيسية فيها اكثر من تقاطع، وتسير عليها حوادث مب حاطين الرادار هذا خطاء....وهذا يدل على ان هدف من الرادار هو مادي في قطر...اما في بريطانيا هدف هو تحذير فقط....


اما بنسبه لي الرادار المخفي يحطون لانه الرادار الثابت فشل في قطر وكان قرار غير سليم...

الحين يحطون الرادر متحرك ويخشونه علشان يسددون ديون الرادار الثابت..


الحل..اتبعوا الدول المتطوره ...ولا تفكر بالفوس يالداخليه...هدفكم هو امن المواطن...

اعيدوا تخطيط وضع الرادار ...حطوه وله هدفين تخفيف من السرعه والتحذير بوجود لفه او منحدر او تقاطع او عبور مشاه...

وحطوا الرادار ثابت ولكن راس يمكن ان يتحرك او صندوق فاضي كأن فيه الرادار...

اكثروا من الصناديق الفاضيه وفيها نظام فلاش للتخويف...

والمهم عقب هل الحل النموذجي ارجوا من يقراه يبلغ اخوه او بوه اذا يعمل بداخليه ..ولا ينسى يذكر اسمي لاني صاحب الفكرة...بعد التطبيق خير او شر ماتحصلون واحد يسوق بسرعه لأن الدوحه كلها رادارات مشبوه.


ولاتنس تبلغهم انهم يقللون المخالفات عقب هل فكرة..لان سائقيين بينسون ايش اسمه السرعه...

[**الجورى**]

الله يعطيك العافيه على موضوعك المميــــــــز
http://www.falntyna.com/img/data/media/11/35.gif

[عمدة الحارة]

بسم الله الرحمن الرحيم

مرحبا اخوي انا اختلف معاك في الراي ابصراحة مع احترامي لرأيك .

الرادار له فوايد كثيرة ومنها اتخلي اللي يسرعون في هالشوارع يركدون اشوي لان السيايير كلتهم

اللي يتسابقون بعد ايخافون اما بخصوص الرادارات الثابته فهي فاشلة لان المواطن او المقيم صار

حافظ مواقع كل الرادارات الثابته يخف وبعد ما يتعدى الرادار يدعس 180 كم

يعني ما في فايدة الدولة تبي الناس اتقيد بالسرعة واللي ما يتقيد يتغرم او ينسجن او ينحرم من رخصته

اذا تطلب الامر وصار متهور .

باختصار هم يبون يصيدون المتهورين يعني لازم يحتالون على المتهورين بالسرعة .

يحط الرادار ورا لوحة ورا شجرة ورا سيارة امبطله كبوتها يصيدك يصيدك.

هذا وتقبل كل احترامي .

[محسن آل شيخ]

بسم الله الرحمن الرحيم
مرحبا اخوي انا اختلف معاك في الراي ابصراحة مع احترامي لرأيك .
الرادار له فوايد كثيرة ومنها اتخلي اللي يسرعون في هالشوارع يركدون اشوي لان السيايير كلتهم
اللي يتسابقون بعد ايخافون اما بخصوص الرادارات الثابته فهي فاشلة لان المواطن او المقيم صار
حافظ مواقع كل الرادارات الثابته يخف وبعد ما يتعدى الرادار يدعس 180 كم
يعني ما في فايدة الدولة تبي الناس اتقيد بالسرعة واللي ما يتقيد يتغرم او ينسجن او ينحرم من رخصته
اذا تطلب الامر وصار متهور .
باختصار هم يبون يصيدون المتهورين يعني لازم يحتالون على المتهورين بالسرعة .
يحط الرادار ورا لوحة ورا شجرة ورا سيارة امبطله كبوتها يصيدك يصيدك.
هذا وتقبل كل احترامي .

اذا اخوي تتكلم عن رايي فأنا مع الرادار لكن يتم إعادة تخطيط اماكن الرادارات..

[راعي سوالف]

مشكورين على المرور والراي والكلام الحلوووو

[عبدالعزيز الهاجري]

افا مع الرادار المتحرك والي يتكلم عن الرادار لايسرع ولا يحط عذرة في الرادار
انت ويش عليك انشالله يحطونة فوق القمر شعليك مدام انك متقيد بسرعه القانونية

[محمد بوعبدالرحمن]

انا اشوف ان الالتزام بقواعد المرور وخصوصا السرعة (وهي من الاسباب الرئيسية للحوادث)هو الحل
واذا الكل التزم بالسرعة على هذه الشوارع صدقوني الرادار راح يزهق وبيطلع من الشارع

والله يوفق الجميع

[حمد اصليح]

انا زهدت من السرعة خلاص في الدوحة حدي 80 والا 100 في كل مكان خاشين لهم رادار

[وطني صج]

رادار مخفي رادارثابت بربر بربر لا تسرعون وبس

[ام عبدالناصر]

يخشونه حتى يتعبر المسرع سرعه جنونيه

يعني تعال لنا على طريق الخور مساء الخميس والجمعه او كل صباح شف الحوادث

شف الشباب اللي امهم وابوهم يشترون السياره ويصبون لهم فيها بعد ا لبترول شف كيف الانتحار

الواحد يده على قلبه منهم

والمخالفه يدفعها الشيبه او العجوز والفديه يدفعها التامين


الله يستر والله


ياليت يزيدونها بعد

وشكرا لك

[قطري من قدي]

ان شاء الله مشكلتكم بتنحل ومايصير خاطركم الا طيب