سوؤال اعيالي

[أم المنتدى]

السلام عليكم ورحمة الله وبركاته


اشحالكم ؟ اخباركم ؟ يا عياآآآلي

مثل ماتعرفون ان التعليم مهم في حياه كل شخص

ولابد من التعليم فهو اساس المعيشه

ولا تكتمل الحياه الا بالتعليم

>> بس انا غيييير


المهم سوالي لكم يا احفادي الصغار


ماهو موقفكم من التعليم ؟؟؟؟



اتريآآآ ردكم بفارغ الصبر


والسموحه ^_^

[أم المنتدى]

مشششششششششششششاء الله عليكم 6 مشاهدات ولا احد رد

ترااا الرد ببلاش ولك اجره

الله يهديكم

[الأستاذه]

ياقلبي ياماماتي انتي عارفه انا اليوم مشغوووله مره وتوي اشوف الموضوع والله

بقولك موقفي من التعليم مع اني مقتنعه ان الحياه تعلم اكثر من المدارس والجامعات و كم جامعي ودكتور مايعرف يتفاهم ولا يفيد بشي
اجدادنا ماكانوا متعلمين واحسن من كثييير من عيال هالجيل الدكاتره

لكن هالشي مايمنع اننا نطلب العلم
اطلبوا العلم من المهد الى اللحد,,,
ويعطيك مليون عافيه ياقلبي

[بيرق العز]

هلا ام سلطان
التعليم للاسف سار مسخرة وقلة ادب وتجارة !!
بتسالين ليش باقولج

اولا / كانت المدارس اول حلوة فيها الخير فيها المدرسين والمدرسات الطيبات المحتشمات
الرزينات وكان المدرس له احترامه وقدره ووزنه وهيبته لا دخل المدرس وتنحنح الاطفال
يعملون له الف حساب وحساب
الحين وين المدارس ؟؟ المدرس ينضرب عقب الجرس !!
والاولاد يحطون الماكياج ويتميعون في مشيهم جنس ثالث حقير ويدخنون والحمامات تشهد من ريحتهم
والمدرسة تنشتم لين تقول بس من البنات المسترجلات الي يدخنون في الحمام !!
ويلبسون رجالي ؟؟ ويسوون حركات مع بعض ؟؟

ثانيا / التعليم اول كان نظامي وحكومي ويازينه المدرس يدرس من قلبه الحين شنو ؟؟
مدارس مستقلة تابعة لنظام بريطانيا الدولة تعطي المدير مبلغ مليونين او ثلاثة
جنه قاعد في دكان يجيب المدرسين او يشتري الفيز اهم شي ينترس جيبه !! ورصيده بالبنك
اما النظام التعليمي اخر شي يفكر فيه لان المسالة بيزنس في بزنس

ثالثا / قلة ادب في المناهج يهال صغار يتعلمون الجنس ؟؟ ويقولون ثقافة
الله يلعنها ثقافة وتعليم !!
البنات اول ماتعرف الزواج لين يدخل عليها زوجها
والحين الياهل ام سبع تعرف الرجل شيحب وشنو يكره في جسم البنت ؟؟ اي مسخرة
بنات مراهقات تغازل في الشات ببركة هالدروس الدخيلة على مجتمعنا العربي المسلم !!
البنات الحين مع الاولاد في الجامعات الخاصة يتخرجون وكل وحده يازينها بشعرها ومكياجها كانه سباق على الموضة

رابعا / مدرسات اول محشومات الله يستر عليهم المكياج مايحطونه ؟؟
الحين شنو ؟؟ تلقين المدرسة كاشخة حدها جنها رايحة عرس ؟؟
والبلاك بيري شغال واخر دلع
والمدرسين اول القطريين اخر احترام والحين شباب وكوبرا وعطر اخر موديل ودلع ويتعب من الوقفة اول يوقفون المدرسين بالساعات ولا يقولون اخ الحين الشباب يشتغلون في المدارس ويستقيلون لانها تعب لجسمهم الحساس !!

راح التعليم العفيف يااخوان راح
واشكرج ياام سلطان على الموضوع الحلو

[أم المنتدى]

اشششششششششششكرك الاستاذه

اسعدني تواجدك يمااا

لاهنتي غلاتي

[أم المنتدى]

ولدي بيرق العز

كلامك والله صحيح يمااا

تسسسسسسسسسسسسسلم

لاهنت

[الفهد]

مهما تردى مستوى التعليم فالبلاد هالشي مايمنعنا نطلب العلم ونحاول نطور انفسنا


عساج ع القوه امي

[أم المنتدى]

اششششششششششششكرك لمرورك العطر يمااا الفهد

لاهنت