شكاوي الطلاب على المجلس الاعلى

[طالب قطري]

السلام عليكم ورحمة الله وبركاته

بسم الله الرحمن الرحيم

اليوم انا جيتكم بموضووع كبيير


انااا طالب قطري امثل جميع طلاب قطر من طلاب وطالبات

جيت اقدم شكاوي طلاب قطر

واشكي شكثر انهنااا بسبت هالمجلس

اولا حبيت اتكلم بصفة عامة عن المجلس الاعلى للتعليم

بصفتي طالب في المدرسة

اصدر المجلس الاعلى 30% من اختبارات السنة

المشكله انه هالاختبارات مومن المنهج ومحد يعرف شنو بيي وفوق هاي ندرس الفصلين

والله حرررام

الطالب او الطالبة القطرية كل يوم يقعدون الصبح تعبانين يدرسون ويكرفون في منهجهم واخرر شي جي

والله انهنااا كثير بسبت هالمجلس الاعلى تعبناااا وملييينااا من هالقوانين اللي ماتودي وتييب

خربتوووا دراستنا
خربتوا منهجنا
خربتوا كل شي علينا

احنا نبي ننج وتحطوون اخرر شي متحاناات صعبة

انتووو ماتبوون تبنون المستقبل

ماتبوون تفتخروون باعيال بلادكم

امتحان الرياضيات بيمنعون عنا الالات الحاسبة مالتنا وبيعطونا الالات اللي بريالين وماتحل مساله من مسائلنااا

والاجازه قللتوها شنو احنااا مب بشر نبي نرتاااح


الدوام اكثر من 8 شهوور شنو احنا وين قاعدين دوره عسكريه والله حتى الدورات العسكريه موووب كذااا

رسبوا فالسنة اللي راحت اكثرر من 100 طالب والله حررام

قااامت تبييين اثااار التعب والهموم علينااا

والله ظلمم

الله يحاسبكم انشاء الله

مانقول الا الله كريم

[بوبطي الكعبي]

كلنا نعاني من هل المجلس الاعلى

احنا الطلاب

والمدرسين والمدرسات

والكل الله يعينا

اتوقع الرسوب اكثر من 50 % من الطلاب

ومثل ماقلت كل شي من برى

حتى الحاسبه الي من عندهم مافيها الكسور

مادري شيبون يوصلون لنه

يعني بنطلع عباقرة مثلا

والله سوو تجارب علينا اكثر من فيران التجارب

الله يعينا الامتحانات مابقى شي عليها

والي يجيب اقل من 15 من 30 بيرسب ودور ثاني والدور الثاني اصعب

[باسكن روبنز]

اي والله صادق واخوي قال لي نفس الكلام وحتى عن الآله الحاسبه
ليـــــش الأختبارات الوطنية؟؟!!!!!!!!!!!!!!!!!!!!!!!!!! كل الأسئلة من خارج المنهج :( والله حرااااااام
يعني هم ناقصين مع هالمناهج اللي تنفخ الراس وترفع الضغط حشى كرهوا الطلاب في الدراسه

[باسكن روبنز]

ارحموا من في الأرض يرحمكم من في السماء

[أميرة الحزن]

الله يكون في عونكم ياارب

وينصركم ع المجلس الاعلى ياارب

انا ولد خالتي امس يشتكي من الرياضااات ثانوية عامة يقول صعب وغير كذا

معطينهم الة حاسبة غير فيها كسور وغيرها وغير كذا 67 صفحة بل

وربي حرااااااااااااااااااااااااااااااااااااام عليهم

ارحمو من في الارض يرحمكم من في السمااء

خافواا الله

هذول عيااالكم جيل المستقبل ليش

تسون فيهم كذاا ليش التعجيز

الله يرحم وزارة التربيةوالتعليم

والله يذكرهم بالخير

[طالب قطري]

ولابقى في القلب حيييل

لي ولد عمة عاااد سنتين صف ثالث ثانوي

كله من سبة هالميلس الاعلى

[أميرة الحزن]

عندنا وعندكم خير

بس اله يوفقهم السنة ويفتكون

[أم المنتدى]

امتحان الرياضيات امس كان صعب اكثر البنات كانوااا يبكون من صعوبته

حسبي الله على من يتسبب في سقوط الطلاب

المفروض يسهلون عليهم علشان ينجحون وتيسر امورهم

الله يعينكم والله

[ساسها قوي]

صح كلامكم كلللكم
اول امس الامتحان مال الرياضيات حددددددده صعب اللله لايوفقهم ولايسهل امورهم جان مايرحموناا الله لايرحمهم ياربي
حسبي الله ونعم الوكيل عليهم

[تحت الطلب]

وحتى المراقبين يسولفون مع بعض الطلاب في الامتحنات تقول قاعد في مقهى والله يا احسن نظام هو نظام الحكومي القديم بس يعني حن مختلفين عن دول الخليج دول الخليج مرتاحين وكل شي بالعربي انا مادري ليه
حطو هذا النظام الفاشل وماقول الا حسبي الله على من اقترح هذا الاقتراح الفاشل

[فتى المشاعر]

يعععني مدري وش المطلوب من هالطلآب، المناهج من برع ، والاسئله صعبه ، وبعضهآ الاسئله مآنفهمها ، يععني انا وعيآل عمي ، كل الربع يتشكون من مجلس الاعلى ، يععني لآزم يخلون الطآلب القطري يآبآني ، يآخخي والله وش هالمصصخره ، ولآ بخصوص آلي فيه 30% ، آاوك رسسوب ، وبعدين ، آستفتدو شي من هالرسسسوب .
غير الهم والغم للطلآبنآ وعوآر رآس ، درآسه ودرآسه
وآنآ آبي آعرف من آلي مخترع شي اسمه مجلس الاعلى !! وين آيآم وزاره التربيه والتعليم

حسبي الله ونعم الوكييل ..~

[قطريه بنت قطر]

الله لا يوفقهم دعاء المظلوم مستجاب
شكلهم يبونا نكون عبقرين من وين نعرف اجابات اسئله
مو من المنهج ابي اعررف

[جوتشي]

..... مع ان هالموضوع قديم الا اني احب اشارك فيه بصفتي المهنية القريبة من جوهر الاختبارات الوطنية !!

حقائق لا جدال فيها :

- الاختبارات الوطنية مبنية على معايير المناهج ...... للأسف اغلب اولياء الامور و الطلاب ما يعرفون المعايير وهذ يسبب مشكلة. الواجب اعطاء محاضرات للطلاب و اولياء الامور بهذا الخصوص.
باختصار : كل مادة من المواد الاساسية لها معايير موجودة على موقع المجلس الأعى للتعليم اسمها معايير المناهج ... يعني مادة اللغة العربية لها معايير اسمهها ( معايير اللغة العربية) المعايير في منها الأساسي و غير الأساسي . مثل معيار انهم يعرفون الفاعل من المفعول... او معيار انهم يعرفون شنهي حالات النصب .... وهكذاا

- الكتب المعطاة للطلاب تغطي بعض المعايير و ليس جميعهها بس الفيصل في الموضوع انك تعرف المعايير مو انك تحفظ الكتاب ... طبعا في كل حصة يكتب المعيار على السبورة.

- اللي يحصل ان كل مدرسة تعلم الطلاب المعايير بطريقتها الخاصة فبعض هذي المدارس تغطي المعايير بكفاءة و اخرى خبر خير !!! و حتى المعلمين بعضهم ماشيين دروس و خلاص و بعضهم يحرصون ان طلابهم يكتسبون المهارة المطلوبة في المعيار و اللي بياكلها في الاخير الطالب

- هالنظريات اللي الاهالي يحفظونها عيالهم و الطلاب مقتنعين فيها راح زمنها و لازم تنتهي !!!! مسألة ان الاختبارات من خارج المنهج و صعبة و الطلاب ما يقدرون عليها ... الخ هذا كلام ماخوذ خيره ولازم ندفع انفسنا و عيالنا للأمام مهما كانت الظروف. على الطالب الاجتهاد و البحث عن الطرق اللي يحقق بها المعايير باستمرار و عليه ان يطلب اكثر من ادارة المدرسة و من المعلم و يستفيد من برامج التقوية المتوفرة في المداري لأقصى درجة بحيث تكون جهودهم مركزة في الاتجاة الصحيح مو مشتتة

مع التمنيات لطلابنا بالتوفيق و هم بلا شك قادرون على ذلك

[‏سيـــ بن احمد ـــف]

تعيبني الشيخ

[هجرس]

المثل يقول في المجلس الاعلى للتعليم كلن يخيط ويبيط

للاسف

[مجهوله]

المجلس الاعللى : هم اشخاص توجد بقولبهم امراض وعقد نفسيه ! واتو وشكلو منظمه العن من منظمه الارهابيين ! ودخلو دولت قطر بسياسه واقتنعت الدوله وبعد مرور 3 سنوات اصبحو يخيطون ويبيضون على كيف امن جابتهم ! ويضعون تجارب لا نهاية لها !
ماقول غير الله يقذف في قلوبكم مرض وخوف وذعر مثل ما امرضتونا وخوفتونا من سخافتكم وتفاهتكم !!!