سعود
10-28-2008, 01:06 PM
السلام عليكم ورحمة الله وبركاته
أخواني الأعزاء أعضاء منتدى وطني الحبيب الكرام
أود في بداية كلامي او مقالي هذا ان اعرفكم بنفسي
ممم شاب قطري متخرج من جامعة قطر تخصص محاسبة
ايام دراستي في جامعة قطر اشتغلت في احدى وزارات الدولة
شديت حيلي فيها لحد ما تخرجت و الحمد لله , و بعد تخرجي كملت معاهم سنتين , وبسبب اعتمادهم على الأجانب فالقطري ماله نصيب في اي شيء عندهم .
طبعا قدمت على قطر للبترول
اعملوا لي أختبار اللغة و كان المطلوب للنجاح هو ان يكون مستواي على الأقل المستوى الرابع
و الحمد لله نجحت و جبت المستوى السابع , و بعدها اعملوا لي مقابله مع الإدارة المالية لقطر للبترول طبعا من ضمن المقابلة اختبروني في المحاسبة في ورقة منوعة من الأسألة ...
وبعد ما انتهيت من المقابلة عطوني الموافقة على التوظيف ...
لكنهم في تلك الفترة كانوا قطر للبترول في اول سنة لهم ببرنامج التقطير , بحيث انهم يبعثون الـ (CV) كل خريج جديد عندهم لثلاث شركات تابعة لهم , طبعا قالولي قابل الشركات هذي و لو ما عجبك عروضهم ترى موافقتك عندنا , تعال و راح نخلص اجرءاتك , طبعا قابلت اول شركة و ماعجبني عرضهم , و الثانية كانت في لفان و بعد ما قابلتهم وجربت الخط كنسلت الفكرة
الشركة الثالثة كلمتهم كثير علشان يعملون لي مقابله مع المدير المالي لكنهم ما ردوا لي خبر , طبعا رحت قطر للبترول علشان اكمل اجرءاتي لكن بعدها بيومين اتصلي المدير المالي للشركة اللي ما يردون , طبعا عملت معاه موعد و رحت .
شجعني اني اتوظف عندهم واخلي قطر للبترول , وخصوصا انهم تبع لقطر للبترول , و قالي اني راح اكون القطري الوحيد في الإدارة و فرصتي للترقي اكبر من قطر للبترول , و قالي انه راح يساوي راتبي براتب قطر للبترول ... يعني كلامه كان مشجع جدا ...
استخرت ربي ... و بصراحة حسيت براحة و توكلت على الله و وافقت ...
المشكلة و مافيها اني القطري الوحيد .. انا و المدير المالي الوحيدين اللي قطريين ...
طبعا الفئات اللي موجودة مصريين وهم الأكثرية في الإدارة و فلسطينين و هنوود , طبعا ما ابغي اقولكم عن المعامله , لو بغيت استفيد و اسأل محد يبغي يتكلم او يفيدني , كل واحد ماسك شغلة و ما يبغي حد يستفيد منه .... تعب قلب ...
لدرجة انه مسؤولي المباشر مرة قالي يا فلان ترى مستقبلك مش عندنا في شركة ثانية اقعد عندنا سنة وبعدها اطلع ... طبعا بلغت المدير المالي عن الكلام هذا و قالي مستقبلك عندنا و ما ابغيك تسمع الكلام هذا و هذا الكلام تسمعه مني انا المدير المالي و اقولك مستقبلك عندنا و انا ما ابغي اكبر السالفة و اتكلم معاهم علشان ما يأثر هذا الشيء على تدريبك ...
طبعا كلامه شجعني ... و شديت حيلي ...
عندنا علشان تتثبت بمسمى محاسب لازم الشغله تآخذ سنة الى سنة و نص .. و انا و الحمد لله تثبت بعشرة شهور ...
لكن يا شباب التعليم او التدريب عندنا صعب ... يعني اللي مسؤول عن تدريبي يتهرب عن تدريبي و متعالي ... و كلما اكلمهم عن التدريب يتهربون و يجيبون لي اعذار غير منطقية
مثل ما تشوفنا مشغولين ؟ , احنا بنروح لفان اليوم ... و و و و و و و
و كل واحد منهم يدرب ربعه وما يقصر عليهم ...
طبعا من ناحية الراحة في الشغل ..انا متعود على ضغط الشغل ..
من ناحية الراتب ... ايام ما كنت شغال في الوزارة كان راتبي 14000 اما الحين 31000 ريال
طبعا طموح و ابغي اتعلم واتطور و اترقى ...
و بدون التدريب و الممارسة ماراح اكتسب الخبرة اللازمة ...
انا ما ادري هل قاعد اشتكي عندكم وله افضفض او استشير ...
ابغي حد ينصحني هل ابقى ام اطلع ام ماذا ؟
طبعا انتوا عارفين ان المسألة مش سهلة اني انقل على شركة جديدة و اتعرف على ناس جداد
لكن ... ما ادري ايش اقول ...
ابغي نصيحتكم و لا خاب من استشار ...
أخواني الأعزاء أعضاء منتدى وطني الحبيب الكرام
أود في بداية كلامي او مقالي هذا ان اعرفكم بنفسي
ممم شاب قطري متخرج من جامعة قطر تخصص محاسبة
ايام دراستي في جامعة قطر اشتغلت في احدى وزارات الدولة
شديت حيلي فيها لحد ما تخرجت و الحمد لله , و بعد تخرجي كملت معاهم سنتين , وبسبب اعتمادهم على الأجانب فالقطري ماله نصيب في اي شيء عندهم .
طبعا قدمت على قطر للبترول
اعملوا لي أختبار اللغة و كان المطلوب للنجاح هو ان يكون مستواي على الأقل المستوى الرابع
و الحمد لله نجحت و جبت المستوى السابع , و بعدها اعملوا لي مقابله مع الإدارة المالية لقطر للبترول طبعا من ضمن المقابلة اختبروني في المحاسبة في ورقة منوعة من الأسألة ...
وبعد ما انتهيت من المقابلة عطوني الموافقة على التوظيف ...
لكنهم في تلك الفترة كانوا قطر للبترول في اول سنة لهم ببرنامج التقطير , بحيث انهم يبعثون الـ (CV) كل خريج جديد عندهم لثلاث شركات تابعة لهم , طبعا قالولي قابل الشركات هذي و لو ما عجبك عروضهم ترى موافقتك عندنا , تعال و راح نخلص اجرءاتك , طبعا قابلت اول شركة و ماعجبني عرضهم , و الثانية كانت في لفان و بعد ما قابلتهم وجربت الخط كنسلت الفكرة
الشركة الثالثة كلمتهم كثير علشان يعملون لي مقابله مع المدير المالي لكنهم ما ردوا لي خبر , طبعا رحت قطر للبترول علشان اكمل اجرءاتي لكن بعدها بيومين اتصلي المدير المالي للشركة اللي ما يردون , طبعا عملت معاه موعد و رحت .
شجعني اني اتوظف عندهم واخلي قطر للبترول , وخصوصا انهم تبع لقطر للبترول , و قالي اني راح اكون القطري الوحيد في الإدارة و فرصتي للترقي اكبر من قطر للبترول , و قالي انه راح يساوي راتبي براتب قطر للبترول ... يعني كلامه كان مشجع جدا ...
استخرت ربي ... و بصراحة حسيت براحة و توكلت على الله و وافقت ...
المشكلة و مافيها اني القطري الوحيد .. انا و المدير المالي الوحيدين اللي قطريين ...
طبعا الفئات اللي موجودة مصريين وهم الأكثرية في الإدارة و فلسطينين و هنوود , طبعا ما ابغي اقولكم عن المعامله , لو بغيت استفيد و اسأل محد يبغي يتكلم او يفيدني , كل واحد ماسك شغلة و ما يبغي حد يستفيد منه .... تعب قلب ...
لدرجة انه مسؤولي المباشر مرة قالي يا فلان ترى مستقبلك مش عندنا في شركة ثانية اقعد عندنا سنة وبعدها اطلع ... طبعا بلغت المدير المالي عن الكلام هذا و قالي مستقبلك عندنا و ما ابغيك تسمع الكلام هذا و هذا الكلام تسمعه مني انا المدير المالي و اقولك مستقبلك عندنا و انا ما ابغي اكبر السالفة و اتكلم معاهم علشان ما يأثر هذا الشيء على تدريبك ...
طبعا كلامه شجعني ... و شديت حيلي ...
عندنا علشان تتثبت بمسمى محاسب لازم الشغله تآخذ سنة الى سنة و نص .. و انا و الحمد لله تثبت بعشرة شهور ...
لكن يا شباب التعليم او التدريب عندنا صعب ... يعني اللي مسؤول عن تدريبي يتهرب عن تدريبي و متعالي ... و كلما اكلمهم عن التدريب يتهربون و يجيبون لي اعذار غير منطقية
مثل ما تشوفنا مشغولين ؟ , احنا بنروح لفان اليوم ... و و و و و و و
و كل واحد منهم يدرب ربعه وما يقصر عليهم ...
طبعا من ناحية الراحة في الشغل ..انا متعود على ضغط الشغل ..
من ناحية الراتب ... ايام ما كنت شغال في الوزارة كان راتبي 14000 اما الحين 31000 ريال
طبعا طموح و ابغي اتعلم واتطور و اترقى ...
و بدون التدريب و الممارسة ماراح اكتسب الخبرة اللازمة ...
انا ما ادري هل قاعد اشتكي عندكم وله افضفض او استشير ...
ابغي حد ينصحني هل ابقى ام اطلع ام ماذا ؟
طبعا انتوا عارفين ان المسألة مش سهلة اني انقل على شركة جديدة و اتعرف على ناس جداد
لكن ... ما ادري ايش اقول ...
ابغي نصيحتكم و لا خاب من استشار ...