اتمنى حل مشكلتي بوجه السرعه

[طالبة ثانوي]

السلام عليكم ورحمة الله وبركاته..

الاخ حسن الساااعي

الاخت عبير مبارك

اتمنى طرح موضوعي ع الهوا مباشره وسرعة انجازه
لاني اتصلت فيكم وردت علي وحده وقالت اتصلي ع الساعه 10 ولما اتصلت محد يرد وانا ماعندي الجرئه اني اطلع ع الهوا مباشره ف ياليت تعتبروني مثل اختكم الصغيره وتقدرون ضرفي

انا من بداية مادرست وانا في مدرسه اجنبيه لين مرحلة الثانوي وعقب طلعت وقلت بروح مدرسة مستقلة لإنه صار خلط في المدرسه الاجنبيه
وعقب ماقدمت قبل سنتين تقريباً ودرست طلعت لان قالولي ماعندج ورقة استثنااء ع اخر السنه..
ورحت مدرسة حكوميه وماقدرت استوعب لان كلها عربي وانا طول عمري وانا ادرس انجليزي وقدمت هالسنة ع المدارس الخاصه بس ع الانتضار
ورحت مدرسة ×( الرساله الثانويه المستقلة )× وقدمت من اول التسجيل
ورفضووووني

تدرون وشو العذر؟؟؟
يقولون ان مجموعي مايساااااااعد!!!!

انا بدرس في الصف الثاني ثانوي ولا بقدم في الجاامعة عشان يقولون مجموعج مايسااااااعد؟؟
انا مابي هالسنة بعد تروح علي لانهم مو حاسين فيني او لاني ماعندي ظهر او حد يتكلم
ارجوووووووكم ارجووووكم ابي ادرس خلااااص كفايه الي راح من عمري وانا ما ادرس
ارجووكم استعجلو في موضوعي

[الفارس القطري]

ان شاء الله الاخت عبير والاخ حسن الساعي مايقصرون معاك وبتنحل مشكلتك باذن الله قريب

[كرباج]

نتمنى التوفيق لكِ ان شاء الله

ونتمنى من مقدمي البرنامج المساعده السريعه لكِ

[آل ثاني]

ليش ماعملتي حسابج قبل لاتدخلين المدرسه الاجنبيه
يعني ماكنتي حاطه في بالج انج بتطلعين اول ماتوصلين المرحله الثانويه
والا عقب ماراحت السكره جات الفكره

[قطري من قدي]

اي والله انا مع الاخ آل ثاني توج تنتبهين والله

[آل ثاني]

أختي أنا أشوف ان أنسب حل لج انج تآخذين منازل

بالعكس بترتاحين وايد

[عشرينية]

الينيه تقول لكم انا من صغرها في المدارس الأجنبية يعني اهلها الي مدخلينها هي شالي بيدها

انشالله يساعدونج اختي

[عين السيح]

الله يكون في عونج

[اميــرة بكلمتــى]

الله يعينك وليش هاالفترة كلها ساكته لاتضيعى هاالسنة بعد
والله يوفقك ياالغالية

[نونو حسن]

طيب اختي مالجأتي للمجلس الأعلى هيئة التعليم يشوفون مشكلتج

وليش الرساله ماقبلت تسجلج ؟ لأن مو عذر عذرها

فيه اسباب ثانيه غير المجموع او ايش ؟

[طالبة ثانوي]

اتمنى من الاخواان الي في الاذاااعة الرد على موضوووعي وانا مب راده على الاخوان الي عباااالهم اني قاعده العب او اتغشمر

الضاهر انه صج
الفاضي يعمل نفسه قااضي

[نونو حسن]

اتمنى من الاخواان الي في الاذاااعة الرد على موضوووعي وانا مب راده على الاخوان الي عباااالهم اني قاعده العب او اتغشمر

الضاهر انه صج
الفاضي يعمل نفسه قااضي




اختي هذا رد تردينه عليها ؟؟؟؟؟؟؟؟؟؟؟؟؟

عفوا احنا كنا نحاول نساعدج وانا بالذات كنت راح اساعدج لكن خلاص انتظري المذيعين يردون علي وهم مابيقصرون اكيد

لكن تأكدي اختي انه يد وحده ماتصفق واحترام العضو والرد عليه بذوق مطلوب

[طالبة ثانوي]

شمس قطر شكرا ياذوق

بس الي يبي يساااعد مايقول والله انا كنت ناويه اساااعد وقب مادري شنووو....



وانا ردي كان في قمة الاحترااام ولا عميت الكل

انا خصيت الي حسب الضاهر ماقروا موضوعي كامل

والي عبااالهم اني وانا عمري خمس سنوات ونص اني انا الي قلت لابوي وامي دخلوني مدرسه اجنبيه!!!!

اتمنى ترجعين للصفحة الاولى وتقرين الموضوع من بدايتة والردود الي من الاخوان...
اما بخصوص مساعدتج فــ شكراً جزيلاً عزيزتي
انا كنت ابي اوصل هالمعلومه للمسؤلين

والحمدلله وصلت ...

[ولد آل ثاني]

أنا من رايي تكلمين الأ عبير مبارك صدقيني بتهتم واجد بموضوعك مع إن الوقت متأخر
ترى عبير شاطرة و واجد تساعد في موضوع الدراسة شكلها مهتمه بالتعليم
اتصلي مثل ما قالت لك اللي ردت على التلفون و اطلبي عبير و كلميها بس حرام شكل السنة بتروح سجلي منازل و بعدين بتنحل

[نجمة سهيل]

ان شاء الله بتنحل يااختي

والله يوفقج

[اللورد]

الله يعينج يارب


وان شاء الله الاخوان في البرنامج مب مقصرين معاج



والله يوفقج يارب

[عبدالله الملا]

يزاج الله خير وبارك الله فيج انج بتطلعين من هالمدارس المختلطة

لازم نمنع المدارس المختلطة الكويت مب احسن منا