مجزرة حمد الطبية

[البائس الحزين]

اليوم الساعة 9 ونص اتصلت بنت عسى الله يحرسها ويحقق لها امنيتها
الامنية اهي انها تبي تشوووووووووف بعيونها الحين امها تساعدها واهي عمرها 35 سنة

يعني لو توفت امها بعد عمر طويل من بيساعدها

الدكاترة قالولها بتتعالجين بالخارج وبتشوفين باذن الله لكن اهي صارلها 7 سنوات تراجع مؤسسة حمد وبس يعطونها قطرات من قبل دكتور عراقي واهي تقولهم ابي الدكتورة مها زهم رافضين

معقولة 7 سنوات وماسوولها شي؟؟؟
قسم بالله لو عندها واااااو يعني واسطة على طول بتروح الخارج.

وقسم بالله لو انها تصير حق حد من المسئولين بالمشفى كان ودوها على اول طيارة.

قسم بالله العظيم يعل ربي يشلني ويعميني اني وقت كنت اسمعها تتكلم اني بكيييت

معقولة قلوبهم متحجرة لهدرجة؟؟؟؟

اللي اعرفه انهم ملائكة رحمة......
مب ملائكة عذااااب وقهر...


حسبي الله ونعم الوكيل في كل شخص بيده يساعدها وماقدم لها المساعدة

وعسى الله ييسر امورج اختي مريم وعسى الله يجازيهم بمثل ما الله بلاج فيه من انتي صغيرة

وكله اجر لج عند ربج ترى

[أميرة الحزن]

والله سمعتها وقطعت قلبي
الله يشفيها ويعافيها ياااارب
اما اذا ع اللجنة الطيبة حسبي الله ونعم الوكيل الي يبون يودونة ودة حتى لو صبعة يعورة
والله كلة وااااسطة بس احنا واسطتنا رب العالمين وقاادر ع كل شي والله حراام الي يصير
الناااس محتااجة علاج في الخارج ليش يمنعونهم
الي يقول من جيب ابوكم تعطونهم
وربي معاناااااا وربي معانااااا

اسال مجرب ميتة قهر قهر قهر
ماقول غير حسبي الله ونعم الوكيل في امثالهم الي يوقفون اماامنا
والي يحر يقولون لك العلاج عندنا بقطر
اي عندكم واي خرابيط
تغلطون وتسوت العلمليات بالغط بعدها تقول قدر الله ما شااء فعل
استغفر الله العظيم

حرااام عليكم البنت تقول لكم فية ضوء يعني يمكن فية امل
حرااام عليكم
الله يشفيك

[صمت]

لا حول ولا قوه الا بالله ..

بس أستفسار .. هي شلون ماتشوف ..؟؟
يعني عيب خلقي من هي وصغيره انها ماتشوف - أو فاقده نعمه البصـر -
ولا عندها ضعف حاد فالنظر ؟؟

الله يشـفي كل مريض بإذن واحد أحد ..
تحياتي لك البائس ..

[مرايا]

ربي يشافيها ويسخر لها الناس
سالفة العلاج بالخارج يصعبونها على الفقير المسكين اللي لا حول ولا قوة له
الله المستعان ..

شكراً لك يا البائس الحزين

[حراير قطر]

حسبي الله ونعم الوكيل

والله يشفيها ...

[زمــن الوفــا]

حسبي الله ونعم الوكيل

[البائس الحزين]

شكرا على مروركم الطيب

مشرفتنا العزيزة صمت اهي عندها من الولادة ماتشوف لكن تحس بالضوء ولو لمست عينها بتحس فيها

يعني بالعملية بترجع انشاءالله البنت حالتها المادية ماتساعد وحتى لو تساعد ليش الدولة ماتوديها هذي حالة انسانية

كلنا نشوف المساعدات بالمليارات تروح للخارج عطوها قطرة من بحير الخير اللي يروح للخارج

والله لو سمعتي صوتها وهي تصيح بالبرنامج

الله المستعان

تقبلو تحياتي
البائس الحزين

[صمت]

لا حول ولا قوه الا بالله ..
جاتني الصيحه والله .. صدقت والله ..
المساعدات الخارجيه بالمليارات .. جات على علاج وحده ودها تشوف العالم ..
حسبي الله ونعم الوكيـل ..
قسمبالله أنربط لسـاني .. لا حول ولا قوه الا بالله ..

شبيقول لهم يعني لو ساعدوهاا .. حسبي الله ونعم الوكيل

البائس عزيزي اشكرك جزيل الشكـر

[أم المنتدى]

الله ينصرهاااا على من عادهااا

والله يرزقهااا ماتتمناااا

لاهنت

[البائس الحزين]

لاهنتي يما على مرورج وعسى الله يسمع منج ويخفف عليها

تقبلي تحياتي