للاسف يا مدرسة قطر الثانوية للبنات الخيسة

[البائس الحزين]

مدرسة قطر الثانوية للبنات في منطقة الخيسة

يبون يطورون التعليم بمدرسين دعم قلة ادب مب دعم لغة

الدوحة مابقى فيها مدرسات انجليزي عشان يحطون مدرس سوري اسمه عماد
لا وكل يوم عدا يوم الخميس اخر حصة وتوه صغير

ونص البنات مايحضرون الحصة لان الفصل الاول المدرس تم فصلته المدرسة لانه ضايف وحدة من الطالبات
عنده على الفيس بوك

ابعرف شلون يردونه
وابعرف ليش من الاساس يحطون مدرس

قسم بالله منقهر حدي
واللي مب مصدق يتأكد من كلامي
قسم بالله لو اختي تدرس هناك الا كان سويت لهم مشكلة

التعليم كل يوم ينحط ومستمر في الانحطاط
اتمنى من كل واحد عنده بنت او اخت في هالمدرسة يسحب بنته من قلة الادب والمصاخة
والله الغني عن هالتعليم الفاشل

اخوكم اللي مرتفع ضغطه

[باسكن روبنز]

ورفعت ضغطي وياك
من صجك اخوي
آه يالهقر وين المسؤولين
انزين وانت منو اللي خبرك ؟

[الأستاذه]

مرحبا اخوي البائس الحزين,,,


انت متأكد ١٠٠ % من اللي انت كاتبه؟


مااعتقد ان قطر بها قل معلمات انجليزي عشان يحطون مدرس,,,وبعد له سابقه ومفصول بسببها وبعد هيك يرجعونه,,,,
ياليت تخبرنا انت من خبرك بهالكلام

[•دمِِعِہُ ُقہ‘ـهـٍر•]

اممم . ماعتقد اخوي مدرس يدرس في مدارس قطر ..

ولا ثانوية بعد .. مستحييل .

يمكن من احد اعضاء التدريس او التوجييه التعليمي .. او موجة تربوي او او او.... الخ من الخيارات الأخرى

بما ان مافي شي يأكد لنا الخبر .. لانستعجل عن الحكم بمهنته او شيسوي ف المدرسه ..

ارجوا توضيح الصورة . مع خبر يأكد بوجود المدرس .. من أحد الطالبات او اولياء الأمور




يعطييك العافيه

[البائس الحزين]

ا[b]هو يداوم يوم الاحد والاثنين والثلاثاء والاربعاء سوري الجنسية

اللي خبرتني بنت عمي

واليوم انشاءالله انا خبرتها تعلم بنات المدرسة وهم بنفسهم بيتكلمون عن هالشي

واتحدى ادارة المدرسة تنفي

تقبلو تحياتي للجميع

[صمت]

السلام عليكم ..

فاجأتنا أخوي البائس .. معقوله هالشي ..!!

فعلاً يمكن يكون موجهه أو مسؤول ..ألخ من الخيارات ..!!

طيب / أداره المدرسه ويـن ..؟؟
وعلى أي أسااس يداوم الاسبوع كله عادا الخميس..؟؟؟

أتوقع في إن .. لان مستحيل ..
ماأعتقد المدرسه بترضى بهالشي .. ولا الطالبات نفسهم يرضون بهالشي ..
خصـوصاً أنهم بنات ثانوي ..!!

يعطيك ألف عافيه .. وان شاءالله بشوف جانب من الموضوع ..
وبتأكد من الخبـر ..

شـاكره لك خوفك على خواتك .. وهذا دليل طيب أصلك ..
تحياتي لك
صمت

[أميرة الحزن]

كل شي جااائز في وقتنا اللحين
وذا بتتكلمون عن هذا المدرس هم الجامعة من يدرسهم غير مدرسين
يعني ما فرقت
بس مااقول غير الله يستر من هذا االجيل حتى الزباااال وانتم بكرامة ينحب

[راس المال]

بس المعروف عن مدرسة قطر بجميع مراحلها حريصه جدا

[البائس الحزين]

يا اخواني وخواتي فيه اكثر من عشر بنات امس مادشو الحصة يوم هو موجود

قامت المدرسة كلمت امهاتهم انهم شاردين عن الحصة

اي دعم واي توجيه وهو توه بالعشرينات

لا وفيه شي ثاني

امس موزع للبنات استمارات وطلب ارقام جوالاتهم في الاستمارة

مب لازم يكون شخص من الادارة الموقرة موجود
مع ان كل هالشي غلط في غلط

وايد مدرسات قطريات او حتى مقيمات موجودين بالدوحة
مالقو الا واحد يحطونه
امحق مدرسة وامحق تطوير وامحق دراسة

صح الجامعة حق البنات يدرسهم دكتور لكن بنات الجامعة كبار والدكتور كبير

الثانوية والاعدادية توهم بعمر المراهقة وفي مرحلة خطر

تقبلو تحياتي
شكرا على تفاعلكم

[نــون]

زين شنهي المشكله اذا درسها رجال انجليزي مهي بعد كمن سنه بتتخرج من الثانوي وبيدرسها ف الجامعه رجال ويمكن تشتغل و تشتغل ف مكان خلط

[طالبه في مدرسة قطر]

بسم الله الرحمن الرحيم

انا طالبه من الطلاب الي يدرسهم المدرس عماد
و هو انفصل على اخر الفصل الاول لكن الحين رجع
و معاي بنت بالصف ضايفها, وبعد جفت على الفيس بوك بعض محادثاتهم

صحيح بندخل جامعات فيها مدرسين لكن بيكون هدفهم التعليم

تحياتي

[البائس الحزين]

اختي نون

انا اللي اعرفه انه قطر فيها وااايد قطريات يدرسون انجليزي ليش يحطون مدرس وصغير سن
ويدرس بنات ثنوي
طيب لو هدفهم التطوير ليش ماحطو ناس عندهم خبرة ويعتبرون الطالبات مثل بناتهم

مب حاطين شاب مراهق عمره من عمرهم وفيس بوك ومحادثات وايميل

تقبلي تحياتي

[صمت]

أسمحيلي أخت نـون ..

بعلق على كلامج .. صحيح أن الدراسه فالجامعه تكون من قٍبل مدرسـين ..
لكن المدرس أييج كبـير وفاهم وعاقل .. وله خبـره فالدرسين

ولاَ ماكان درس في جامعه .. صحيح النادر منهم له حركات .. لكن مب نفس حركات التنيجـر..! [ المراهق ]

بعديـن الوحده فالجامعه غير عن الثانوي ..
خصـوصاً الثانوي مرحله جداً حساسه .. بتقولين كبار ويبون مصلحتهم ماعليهم من الاستاذ ..
بس اذا كان الاستاذ .. in 20
أوردي .. وهالشي بديهي .. تفكيره في شي ثاني والله أعلم ..!!

بس بديهياً ..الاستماره تم ذكر فيهاا [ أرقام تلفونات ]
تم فصله من قبل .. بسبب أضافه طالبه فالفيس بوك ...!!

انا عن نفسي ماألوومه .. ألووم الاداره وينهم عنه ..!!
وعلى اي اساس يتصلون في أولياء الامور .. ويقولون بنتكم شردت ..!!!

يعني شنو ..نفهم من أدارتهم .. الموافقه على هالشي ..؟؟؟؟

[صمت]

عزيزتي [ طالبه في مدرسه قطر ] ..

شاللى جابرج تحضـرين الحصه ..؟؟؟

عزيزتي نصيحه مني .. مثل ما أدارتكم للأسف سمحت بدخول ريال تحت مسمى مدرس ..!!
يدرسكم ..
أتمنى انج اتكلميـن أبوج الله يطول لكم بعمره .. ويدخل على المديره دايركت ..
واذا سوت سالفه ..
خليه يقول .. والله مثل مادخلتوا على بناتنا ريال يدرسهم .. كاني دخلت اتفاهم معاكم ..!!

قسمبالله حـرام ..
معروفيـن بنات الثانوي يعني .. من ضمنهم انا مابقولكم ماكنت أسوي هالشي
الكحل والماسكرا .. والبلاشر والقلووس ..
خلاص شبقى ..؟؟؟

متبـرجه يعني .. وواقف لي ريال يدرسني ..؟؟؟

لا حول ولا قوه الا بالله

[أم المنتدى]

الله يهديكم مديره المدرسه انسانه عاقله وعندهاااا بنات وتخاف على بناتكم كثير انااا ومعاهااا الحين ست سنوات من ادخلوااا بناتي عندهااا ماسوت هذاا الشئ لا يمكن لمصلحه البنات

ولدي اتق الله ولا تظلم احد

وام عمر كفؤؤؤ ولا عليهااا ملام مديره المدرسه

[صمت]

يمه بناتج ربي يحفظهم في الثانويه..؟؟؟
واذا كانوا كذلك ..

وضحي لنا الامـور .. لان للحين مب داخل في روسنا مدرسه اتسوي جي ؟؟

[أم المنتدى]

شوفي بنتي صمت انا بنتي هياااا الحين لهاااا 6 سنوات فيهااا من الاعدادي لين الثانوي عمري ماشفت هذاااا الشئ

والحين بنتي في ثالث ثانوي وسالتهاااا عن الموضوع قالت ماما احناااا سمعنااا عن هذاا الشئ بس ماشفناه والله

بس بكره بنتي اوعدك اكلم المديره وارد عليك بكره اوعدك

انتظريني بكره

[البائس الحزين]

حياج الله ام المنتدى

انا كتبت الموضوع وماكتبته الا عقب ماتاكدت

و(طالبة بمدرسة قطر هذي بتكون بنت عمي

شاللي يخليني اذكر هالمدرسة دون باجي المدارس

انا ماعرف المديرة عشان اتكلم جزافا على مدرستها




تقبلي تحياتي

[جفلة]

بصراحة أخوي في المدارس المستقلة أتوقع كل شيء يصير

يمكن قصدهم يأهلون البنات على جو الجامعة جابوا لهم مدرس

لا إله إلا الله التعليم أمانة والبنات عندهم في المدرسة أيضا أمانة وكل راع مسؤول عن رعيته

الله يرحمج ياوزارة التربية والتعليم ليت أيامج ترجع

أنا معاك أخوي ومصدقه كلامك في ذا الزمن كل شيء جايز

[صمت]

عزيزي البائس .. لا تفكر اني ماخذه كلامك بمحمل المزح اول الاتهام ..
بس هالشي ..يعني غير مقبول أبداً .. يعني مثل ماأنت خايف على بنت عمك .. وعلى البنات كأخوه لك ..
أحنا بعد خايفين والله ..
وانت عيزيز وغالي .. وحشى علي اذا كذبتك ...



أم المنتدى ..الله يخليها لج يارب ..
فديت روحج ماتقصرين يالغاليه .. واحنا مانبي الا صلب الموضوع .. عشان الواحد
يعرف يتصرف ..

تحياتي

[البائس الحزين]

اختي صمت شاكرلج الاهتمام يالغالية

قسم بالله امس الساعة 11 اتصلت لبنت عمي وكلمتها قالت والله كان يعطيهم كورسات انكليزي كل يوم عدا الخميس واخر حصة

واسمه عماد
وعلى فكرة هالاسبو واللي قبله مارجع المدرسة
وانا قادر اخلي بنت عمي تعطيج اسم وايميل وصفحة الفيسبوك حق البنت اللي ضايفها
اكرر واعيد قطر فيها الف مدرسة ومافي شي يخليني اتكلم عن مدرسة بعينها الا لو فيه شي

ملاحظة:

اعرف دكتور لغة عربية يروح يلقي محاضرات حق المدرسات وهالشي بيتم بوجود المديرة وبعد بياخذ زوجته معاه

والدكتور حاليا يدرس بجامعة قطر قسم البنات عمره كبير مب شباب عشرينات

تقبلي تحياتي

[أم المنتدى]

ولدي الحزين وبنتي صمت

انا وعدتكم امس اكلم الاخت ليلي الذوادي مديره مجمع قطر التربوي

واليوم كلمتهاااا وسالتهاااا عن الموضوع واشرحته لي

وانا بالذمه والضمير باكتب لكم ماقالته

تقول انه مدارس قطر كلهاااا جابت مثل هذااا المدرس كان لمستواااا الطالبات للانجليزي

وانه كان يجي اخر الدوام وماله خص بالطالبات وكانت معاه في الفصل مدرسه ومشرفه

كان يدرس البنات ويطلع واذا فيه بنات معاه على النت هي ماتعلم بهذااا الشئ

وبعدهااا استغنواااااااا عنه من الفصل الاول

والله ااكدت لي حرصهاااا على البنات

وانهاااا مستعده ترد على اي شئ عن المدرسه

بسسسسسسسسسسس ولدي اعدااااء النجاح كثار

وياليت بنت عمك تجيب لك اخبار دقيقه جدااا

وبعدين بنت عمك تعرف البنت الي معاه في الفيس بوك

خلهاااا تبعد عنهااا ولا تتكلم في اعراض الناس

مشششششششششششكور يمااا

واسفه للاطاله

[صمت]

يعطيج العآفيـه يمه .. وبارك الله فيـج ..
وبيض الله ويهج .. وزاده نوور وايـمآآن ..


بس يايمه .. انا أعارض هالـشي ..
مهما يكـون .. دخـول رجل - سواء أكان مدرس أو عامل أو حتى من المجلس الاعلى - على مدرسه بنات ..
فأنا أشوف أنه مايجـوز .. ولا يصح هالشـي ..

لان مو بنت وحده ولا ثنتين ولا حتى عشـر .. تحت ذمة الاداره ..
تقريباً يكون عدد الطالبات فـوق الـ 500 طالبه ..!!

فـ برأي أن أكبر غلط دخول رجل مدرسه بنآآت ..
واذا كآآن قصدهم رفع مستـوى الطالبات .. كآآن بأمكانهم يسون يوم فالأسبوع .. يكون نفس تقويه
من مدرسه الماده نفسهاآآ ..
- نفس ماكانوا يسون في مدرستي -
البنات الضعاف فاللغه .. المدرسه تمسكهم أول بأول .. وماشاءالله المستوى تحسن ..!!


بس مانقـول غير ..
ستـر الرحمن علينا وعليكم وعلى جميع المسلمين

[صمت]

يعطيك ألف عافيه عززيزي البائس ..
والله مصدقت ليش الحلفاان ^^"

بس طبعاً انا أشوف هالشـي غلط .. والله

[البائس الحزين]

اول شي مساء الخير



اختي ام المنتدى



اهو يوم الخميس 17-3-2011 كان موجود لكن هالاسبوع بس ماصار يجي المدرسة



يعطي بعد الحصة الخامسة..


وعلى كلام المديرة انهم استغنوا عنه الفصل الاول ماسالتيها ليش؟؟؟؟



وابعرف حنا الحين بالفصل الاول والا الثاني ولو هم مستغنين عنه من الفصل الاول شنو قاعد يسوي بالمدرسة كل هالايام اللي طافت الين تاريخ 18-3؟؟؟؟؟



والشي الثاني يمة انتي قلتي سألتي بنتج هيا وقالت ماشفنا هالشي...... والمديرة تقول موجود؟؟؟



لان بنتج ثالث ثنوي وهو يدرس ثاني ثنوي



ومافي لامدرسة ولا مشرفة معاه وهو يدرسهم واتحدى المديرة تحدي انا تنكر هالكلام..



ولو على كلامها بيكون معاه مشرفة ومدرسة؟؟ ليش اهو بنفسة يوزع الاوراق عشان يحطون بياناتهم؟؟؟



المدرسة شنو تسوي ؟؟؟؟ تعدل الميك اب؟؟



بنهاية كلامي اللي بقولة مستحيل فيه مديرة تطلع نفسها غلطانة والدليل انها تقول استغنو عنه من الفصل الاول وهو الين الاسبوع اللي طاف موجود؟؟



تحياتي لكم


جسوووم قطر

[صمت]

جاسم أبوي .. هدي أعصـآآبك ..

أمي فديتهاآ ماقصرت وجزاآاها الله ألف خيــر .. أنها أتصلت ودارت ورى الموضوع ...
وجآآبت لنا كلام المديـره .. وماعلى الرسول الا البلاغ .



جزآآك الله خيـر أبوي هدي أعصاآآبك

[البائس الحزين]

هههههههههههههههههههههههههههههههههه

مشرفتنا الغالية صمت انا هادي والله بس يمكن كتابتي وتعبيري يبين انه معصب

انا بس ابين لها ان المديرة لازم تكون سياسية...

والعذر والسموحة منج ومنها

عسى الله يحرسكم ويطول اعماركم
لاهنتوووو

تقبلو تحياتـــــي

[أم المنتدى]

ولدي جسسسسسسوم او احلاااااااااااااا جاسم

انت كفؤؤ ونعم بك وغيرتك على بنات بلدك تبين تربيتك الصالحه ولدي

ولدي و الله انا من امس ماهجعت افكر في كلامك وكلام بنتي صمت

واليوم كنت على اعصابي لين كلمت المديره

وهيااا لمااا رجعت ااكدت لي انه للصفوف الاولي

ولدي فديتك تااكد من كل كلمه تقولهااا لاتشيل ذنب انت في غناااا عنه

والبنات لانهم مايحبون المدرسه يقولون ماقال السانهم

وانا وعدتك اكلمهااا وكلمتهااا يمااا علشان خاطرك ابي اريح قلبك

ولدي اشكر والديك عني لتربيتك الرائعه الصالحه والرجال الي مايغير الله يعزك مايتسماااا رجال

الله يريح قلبك

[أم المنتدى]

بنتي صمت انا ممكن ارسل لك على الخاص رقم جوال المديره وتساليهااا عن اي شئ

واشششششششششكر كلماتك الرائعه عني يمااا

ونتي ماعليك زود

لاهنتي

[صمت]

يالبى روحكم ألطيبه ...

لا يمه فديت روحج افا عليج بس .. مصدقتج بكل كلمه قلتيهاا والله ..
وصدقتي باللى قلتيه عن جااسم .. فعلاً تربيه صـالحه ..


..<< مستاانسه والله هههههه

جآآسم أبوي .. أسمح لي عبالي معصب ..^^"
السموحه منك ..

تحياتي ..
صمت

[البائس الحزين]

بصراحة متفشل اكمل بهالموضوع والله احرجتوني والله

وانا بعد يمة اقدر اعطيج رقم بنت عمي وتقدرين تتاكدين منها

انا العصر كلمتها وصارخت عليها وحلفتلي

وقالتلي انه يوم الخميس كان اخر يوم له


انا اسف على اللي قلته

اتمنى ان الله يرزقني بخوات مثلكم وبنات مثلكم بعد ماتزوج طبعا
هههههههههههههههههههه

تقبلو تحياتي
تحية خاصة لكم
وماقول غير عسى الله يحرسكم ويسعدكم ويكتبلكم الخير وين مارحتو وكنتوا
اميـــــــــــــــــــــــــــــن

[تمتمي]

ما يصير لان انا من مدرسه قطر و بعدين مدرستي وايد متشدده وايد اذا سويت غلط واحد والله تروحون فيها اينادون امك و ابوك انا في مرة كلمو امي و ابوي بس على شان ماسويت الواجب و هاذي لاول مرة مدرسه قطر وايد متشدده

[طالبه في مدرسة قطر]

http://www.watani-alhabeeb.com/vb/watani-alhabeeb/misc/quotes/quot-top-left.gifاقتباسhttp://www.watani-alhabeeb.com/vb/watani-alhabeeb/misc/quotes/quot-top-right.gifhttp://www.watani-alhabeeb.com/vb/watani-alhabeeb/misc/quotes/quot-by-left.gif http://www.watani-alhabeeb.com/vb/watani-alhabeeb/misc/quotes/viw.gif (http://www.watani-alhabeeb.com/vb/showthread.php?p=386180#post386180) المشاركة الأصلية كتبت بواسطة طالبه في مدرسة قطرhttp://www.watani-alhabeeb.com/vb/watani-alhabeeb/misc/quotes/quot-by-right.gifhttp://www.watani-alhabeeb.com/vb/watani-alhabeeb/misc/quotes/quot-top-right-10.gif
http://www.watani-alhabeeb.com/vb/watani-alhabeeb/misc/quotes/quot-bot-left.gifhttp://www.watani-alhabeeb.com/vb/watani-alhabeeb/misc/quotes/quot-bot-right.gif

[امة الله]

السلام عليكم ورحمة الله وبركاته

احب اتكلم بالموضوع كام طالبة بالمدرسة المذكورة

المدرس المذكور عمره 27 --سوري --معين بالمدرسة من قبل معهد للغة الانجليزية

ومن كلام بنتي انسان جدا محترم ومايعطي البنات مجال لاي قلة ادب

والطالبة الموجودة معاه على الفيس بوك فلسطينية وطبيعتهم معروفة وتقاليدهم غير عن تقاليدنا

وهالشي معروف للكل وهي نفسها اللي سببت للمدرس المشكلة بدخولها للحصص وتم تحذيرها من قبل الادارة

وطبعا انا مااتكلم من حيث اني راضيه عن الموضوع لكن مثل ماهو معروف الاسلوب التعليمي يفرض علينا

هالمتغيرات واعتقد دام في مدرسة مناوبة معاه في الحصه او في مدرسة تتابع حصتها والاستاذ محترم نفسه

فعلى كلام اجدادنا قبل روحي يا حرة ماعليج مضرة والبنت العاقله الملتزمه بدينها واخلاقها ماينخاف عليها

لا من استاذ بمدرسة ولا من شاب داخل صرح تعليمي

واتمنى كلامي مايضايق البعض وانا ماتكلمت الا من حيث حرصي ان الموضوع ماياخذ اكبر من حجمه

[ريانة]

صاحبة الترخيص ومديرة المجمع اتربوي وأمحق تربوي ... نجلى الذوادي

وقبلها بنت عمها مديرة مدرسة آروى الثاوية بنات.. ليلى الذوادي سكرت على بنات في المخزن يوم

كامل بدون آكل ولا ماء ولا حمام ... عقاب لهن وشيء ما يستاهل

[ريانة]

http://www.watani-alhabeeb.com/vb/watani-alhabeeb/misc/quotes/quot-top-left.gifاقتباسhttp://www.watani-alhabeeb.com/vb/watani-alhabeeb/misc/quotes/quot-top-right.gifhttp://www.watani-alhabeeb.com/vb/watani-alhabeeb/misc/quotes/quot-by-left.gif http://www.watani-alhabeeb.com/vb/watani-alhabeeb/misc/quotes/viw.gif (http://www.watani-alhabeeb.com/vb/showthread.php?p=397264#post397264) المشاركة الأصلية كتبت بواسطة تمتميhttp://www.watani-alhabeeb.com/vb/watani-alhabeeb/misc/quotes/quot-by-right.gifhttp://www.watani-alhabeeb.com/vb/watani-alhabeeb/misc/quotes/quot-top-right-10.gifما يصير لان انا من مدرسه قطر و بعدين مدرستي وايد متشدده وايد اذا سويت غلط واحد والله تروحون فيها اينادون امك و ابوك انا في مرة كلمو امي و ابوي بس على شان ماسويت الواجب و هاذي لاول مرة مدرسه قطر وايد متشدده


ويش هذا الكلام المتناقض .. تمتمي ... بنت أخوي بالمدرسة ورافع أبوها شكوى على المدرسة بالمجلس الأعلى ... ومانع بنته تدخل الحصة وحاط لها مدرسة ادرسها مادة

الانقلش ... وأنت تقول مدرسة متشددة ويش جاءب الواجب بجانب دخول رجل يدرس

الطالبات في سن المراهقة وكذلك المدرس قريب من سنهن ....

يأشيخ أتق الله أكيد أنت من أقرباء المديرة ... لذلك كلامك مافيه من الصحة شيء


:servbah.com22::a098:

http://www.watani-alhabeeb.com/vb/watani-alhabeeb/misc/quotes/quot-bot-left.gif




http://www.watani-alhabeeb.com/vb/watani-alhabeeb/misc/quotes/quot-bot-right.gif

[أم المنتدى]

بنتي ريانه اتقي الله في نفسك واقوالك

حرام الي تكتبينه يمااا

راقبي الله قبل الناسسسسسسسسسسسسسسس

[مجهوله]

الكلام عن عماد اللي نقال صح مليون بالميه ولا فيه واحد بعد اسمه فارس مايع اكثر منه ابشركم يعني وانا كنت ادرس عنده بس طلعت

[مجهوله]

وعن اللي يقوولون مدرسه تدخل معاها ؟؟ المدرسه بكبرها يبي لها محرم

وبعدين اصلا ياليييت هي قاعده تدخل هههه بالمزاج الله وكيلكم تدخل 5 دقايق وتطلع !!

[قطـريـه]

آنـآ في هالمدرسه كلامه مليون في ال 100 صحح بس الحين شالوهم كل يوم كان عندنا حصصه وحده الا الخميسس
وسامعه انه مدرس ضاف وحده من البنات وانتشرت السالفه وججي

[عطر الورد]

هالمدارس المستقلة كل شي فيها جايز

حتى مدرستنا جايبين مدرس لغة انجليزية حق المساعدات

خريجات ثانوية ويشتغلون عندنا بالمدرسة مساعدات مدرسات وعلى قولتهم يبون يقوون لغتهم الانجليزية

وانا بنفسي شفته مار بالصدفة شاب وسيم أشقر .

إذا مو خايفين على بنات الناس ما تدرون بكرة عندكم بنات وكما تدين تدان .

ما ادري شلون ادارات المدارس يسمحون بالمسخرة اللي قاعدة تصير .

[الجوهرة]

هههههههه لا والله لا حريصين ولا شي يعني تعليم بلا فائدة

[حنيـن]

وبيبدا عااام جديد..

ومضى عااام.. نتمنى ان استفدنا منه .. ومن اخطاءه

وياااريت ان الكلام الي صاار هنا... حد من المسؤلين يقرووونه

/

صحيح جيت متاخره ..

لكن

مايمنع اقووول..

تبينوا

تبينوا

تبينوا

ولا ترموون الناس .. دون اثبات ودليل

ياارب ان السنه هذي تكون سنة خير.. على بناتنا وعلى خواتنا بالمدرسه

بارك الله فيكم