جـامعهـ قهـــــــــــر مب قطــر

[ولـد الدوحـه]

الســلام عليــكم ورحمه الله وبركـاته

شخبــاركم ان شا الله بخــير

الموضوع واضح من عنوانه واللي هو عن جامعتنا الموقره (جامعه قطـرر) واللي صارت جامعه قهر بسبب اللي تسويه فطلابها .............


طبـعاا انا اسمع وطني الحبيب صباح الخير كل يوم الصبح واتمنيت انهم يتكلموون عن الجامـعه ويوم من الايام اتكلمووا والصراحه فرحت انه فكرروووا فينــا وخصصوا لنا حلقتين من البرنامج وتفاعلنا مع البرنامج وقلنا بيسووون لنا شي وبتنحل مشاكـلنا فالجامعه وخصوووصا مشكله التاسيسي ....


للاسف ماصار ولا شي .. ولا انحلت مشاكلنا ولا استفدنا والحين انا كاتب هالموضوع عــل وعســى انه تنحل مشكاكلنا فالتاسيسي والجامعه ككل ...

التاسيسي هو انه الطالب يدرس سنتين انجليزي مكثف .. ورياضيات .. وحاسب

بعد مايخلص التاسيسي واللي هو ( سنتين !!) لازم يجييب الطالب & التووفل &

انزين حرام عليكم ضيعنا سنتين من عمرنا وبعد انضيع سنين دام احنا درسنا انجليزي خلاص مب لازم تووفل او التووفل يكون قبل التخررج ....

والله انا كاتب هالموضوع عشان تحسووون فينا اللي عمرنا يضيع بسبب هالقانون اللي مامنه فايده وتحلوون لنا المشكله يااخووي حسـن واختي عبيــر الله يجزاكم خير ...


وايد طلاب خلصوا التاسيسي وللحين ماجابووا التووفل

بيضيع علينا هالكوورس عالفاضـي والله اعلم يمكن اللي بعده

وكل دوره توفل و امتحان سجلنا .................. بس للاسف مانييب النتيجه المرجووه
يعني مايبوون الطلاب القطرييين يصيررون جامعييين ؟؟؟؟ وليش قوانين الجامعه معقده حشى مب جامعه قطر ..... صارت نفس الجامعات اللي برع

فارجوو ارجووو منكم والله انكم تعطوونا اهتمامكم ... ولا تهملووووناا نفس ماكاان فالبرنامج


اللي ماشفنا ولا شي بس نتصل ونشتكي ولا تفاعل من قبل الجامعه ...
واسمحولي اذا غلطت فحقكم بس والله من القهررر اللي فينا

[مميزه باسلوبي]

الله معاك اخوي احنا بجامعتنا مشاكل وانتوا معاكم مشاكل
وين نلقاءها بجامعه قطر او جامعه كارجالي
ما فينا غير ندعي الله
ونصيحه اكتب واصرخ بكل مكان ولاتبقي دار ولاجريده ولاويبسات

والله معانا كلنا اخوي

[كرباج]

أخي/ ولد الدوحه

أولاً مرحبابك بيننا


ثانياً: صوتك سوف يصل إلى بأذن الله إلى الجامعة ...

وعلى الله أن يأتي الرد الكافي الشافي منهم ...

سوف يتم مراسلتهم على هذه الأيميل وهو للعلاقات الخارجية :

zalazmeh@qu.edu.qa


واتمنى لك الحياة السعيدة

[نـــور القـــمر]

,,,
,,
,


والله اني اقرا الموضوع و مييييته قهــر وقلبي يعووورني
لان حااالتي نفس حالتك
خلصت التأسيسي وللحين ما جبت التوفل
تعبناااا واحنا نقدم وولا في فاايده !
لين متى يعني ..؟؟


مانقوول غير
حــسبي اللـــه ونــعم الوكــيل
واللـــه يـــعــيناا ...


,
,,
,,,

[ولـد الدوحـه]

ان شا الله ايي الرد وعالاقل نكمل دراستنـا مب نقعد فالبيووت الله اعلم لين متـى


وتسلموون عالردوود

[!! آل ثاني !!]

الله يكون في عونكم والله

كارثه مش جامعها الله يعين الجميع

[فراوله]

الله يعينك اخوي

[QATAR]

اسم رنان جامعة قهر لايق عليها اكثر :p

[انتظار مصير]

الله يعينكم ان شاء الله ...

[ولـد الدوحـه]

مثل ماتوقعت لامبالاه لمشكلتنا فالجامعه


وصج الشكوى لغير الله مذلــه


ومشكورين للي ردوا على موضوعي .. شاكر لكم

[النواري]

نحن شوي النظام عندنا اهون يمتحن جميع طلبه الثانويه العامه امتحان سيبا ولازم ينجحون فيه اللي يبغي يكمل دراسات عليا...هذا الامتحان يأهله في الجامعه ويساعده في التعليم الاساسي اللي يكون سنه ونص بس طبعا يمتحن ودرجته تأهله للمستوى يعني يقدر يختصر هو وشطارته بس في نااااس وايد بعد من الانجليزي موقفين الجامعه مب راضيه وموقفتنهم على اساس انه قانون الله يعينك ياخوي

[الفريق الركن]

راح اقولك سالفتي وسالفة عدد من زملائي بالكليه

انا تخصصي بالجامعه ميوكل عيش من اول كورس جبت لهم معدل تراكمي عالي وخبرك من شروط تغيير التخصص ان تجيب معدل تراكمي عالي بس للاسف الشديد قوبل بالرفض لان سياسة جامعة قطر تقول انك لو تبي تغير التخصص لازم مجموع الثانويه يدخل بالحسبه وخبرك انا طالب موازي ومجموعي شوي ضعيف فاطريت اني اتم بهالتخصص اللي ميوكل عيش

اما عن سالفة زملائي

فالاول بقسم الاعلام وبينه وبين التخرج 17 ساعه وانطرد المسكين وحاول يدخل هني وهناك بس للأسف الشديد مالقى اي استثناء ومثل ما انتوا عارفين لا الانتساب معترف فيه ولا الدراسه بالجامعات العربيه معترف بها

اما زميلي الثاني

فعمل حادث ايام الاسياد 2006 ومسكين غاب فتره عن الجامعه وكان وقتها عليه انذار بالطرد لمهم ابو الشباب غاب فتره لانه اخذ فترة نقاهه بعد الحادث واول مارد خبركم راحت عليه نص الدروس وجا وقت الامتحان ونجح بتقادير ضعيفه وانطرد وحاول ياخذ استثناء بس ماقدر مع العلم انه من اول مادخل الجامعه وعلاماته كلها عالي العال بس بعدين صادته ظرووف ربكم اعلم بها

ومع العلم ان في سوالف استثناءات تصير للطلاب اللي ينطردون ويردون الجامعه وهي تصير بعلم الكل بس خبركم كل شي يبي له واااسطه


والله يكون بعوني وبعوونكم

[أخت الذيب]

الله يعينكم

[بن ثاني]

مافي فايده من هالجامعة

ادرس حق التوفل دراسه مكثفه

وحل الامتحان وانت مركز صدقني انك بتجيب التوفل عالاقل 450 حق التخصص

[بنت عمووه]

يؤيؤيؤ هذا اللي تبيه بس تنجح بالتووفل


من عيووووووووووووني


ماطلبت شئ



انت بس جمعلي على جنب من 15 الف الى 20


وسلمها لكم واحد بالجامعه



وربي تنجح ايا كان انت اللي اختبرت التوفل والا غيرك



يا أبني جامعه قطر صاارت تتعامل بالماده



خذها نصيحه واسأل عن اللي ياخذون هالمبلق مقابل التوفل وبتلقى




لاتلومني هذا اللي يبونه يصير بلبلاد ووهذا اللي قاعد نشووفه


تقبل مروروي

[غرامي قطر]

اي والله الله يعينا شي يقهر

انا كنت طالبه بجامعه قطر وطلعت سنه تاسيسي درست وماقدرت اتحمل


ورفيجاتي كلهم حولوا تاريخ وعربي