شوفوا لنا حل مع هالمدرسه خلاص ما بقى صبر

[صالح بن ثاني]

السلام عليكم ورحمة الله وبركاته
شحالكم انشاء الله بخير

ارجوا من المسؤؤلين يشوفون لنا حل مع مدرسة خليفة الثنوية المستقله

كل يوم منقعينا عند باب المدرسه الصبح ومايدخلونا

الساعه 7 يسكرون الباب ترى مو شارع ابونا

اذا يبون احنا نجي بالوقت خل يعطون كل واحد منا هليكوبتر

عشان يوصل بسرعه

انا اطلع من بيتنا 6:15

واوصل 7:15 وصار لي كل يوم على هالحاله ينقعونا

واحيانا مايدخلونا

واذا تحبون اتكلم فالبرنامج راسلوني عالخاص:servbah.com54:

[الأستاذه]

طيب ليش ماتحاول تطلع من بيتك قبل ‏٦‏ وربع ‏,,,‏ يمكن الانظمه صارمه وتمنع تاخير الطلاب بعد الساعه ‏٧‏ ‏,,,‏ اللي اعرفه ان الحصه الاولى تبدا الساعه ‏٧‏ هذا عندنا,,,‏ واذا عندكم نفس الشي يعني انت تتاخر ع الحصه الاولى وهالشي بيأثر ع تحصيلك الدراسي...
يعطيك العافيه اخوي واتمنى لك التوفيق.

[مــالــي حــل]

الحصه الاولى تبدأ 7 وربع مو 7 بالضبط

ومن 7 لين 7 وربع الطابوور

ان شاء الله يشوفون لك حل

يعطيك العافيه

[صمت]

أممم
أعـارض كلام أختى الاستاذه ..وفي نفس الوقت أأيدهاا

بالرغم القوانين اللى تنطرح من قبل المدارس ككل .. وليس مدرستك عزيزي ..

الا ان المدرسه - ماتحط أعذار - أن النـاس وراهم دوامات الصبح ..!!
وهالشي يشكل أزدحام مستمر طوال العام ..!!

على الاقل ..يقفلـون الباب على قولتهم 7 وربع .. وبالتي الحصه تبتدي 7 ونص ..
ويزيد معدل نهايه الدوام بربع ساعه فقط ..!!
يعني لو ترجع البيت الساعه 2 .. خلوها 2 ووربع .!! ....<< أو1:15 ماني متذكره والله ..
الا ان في أولياء الأمور يقدمون شكـاوي ليـش عيالنا يرجعون متأخـر ..!!

فكيـف الحل .. اذا انتم تشتكون من بدايه الدوام // واولياء الامور يشتكون من نهايه الدوام ..!!

اذا الموضوع والقرارات ليس بيد المدرسه ..

عزيزي ..
المدرسه دووم تحاول تعطي الافضل والاحسـن لطلابهاا .. عشان جي
مثل ماقالت الاخت اسـتاذه بيض الله وجهها ..
الا أنك تطلع بدري شووي .. عشـان ماتحصل الزحمه ..!!

أو تقترح الاقتراح اللى تم عرضه .. [ يسكرون الأبواب الساعه 7:15 .. ويتأخر الدوام لـين 2:15 ] أو 1:15



فعلا هاي المشكله صادفتني ايضاً .. أيام الثانويه ..!!

والله المسـتعـان ..

[الأستاذه]

اوووك ولو بدات الحصه ‏٧‏ وربع ارجع اقولكم هي قوانين من ادارات التعليم وصعب يحط المدير استثناءات لان هالشي بيسبب فوضى بكره كل الطلاب بيتاخرون وبيقولون مو بس حنا ‏,,,‏ الافضل زي ماقلتلك انك تحاول تطلع من بيتك قبل الوقت اللي انت متعود عليه عشان تتفادى التاخير,,,‏ او انك تشوف لك مدرسه اقرب لسكنك اذا فيه,,,‏ والله هذا حال اغلب الطلاب بكل مكان لكن مالك الا تصبر وتاقلم نفسك,,‏ وتحاول تعود نفسك انك تضبطها ع المواعيد لان انت بكره بتتوظف ان شاء الله ‏,,,‏ ومااعتقد مديرك بيسمح لك بتاخير لو ‏٥‏ دقايق مو ربع ساعه,,,‏ يعطيكم العافيه

[حراير قطر]

المفروض يأخرون وقت الدوام

الواحد كم بيوصل او كم دريول وسيارة بيحط

هذا بالمنطقه الفلانيه وهاذي المنطقة الفلانيه

المدارس ما صارت مثل قبل قريبه وموزعه بنفس التوزيع

الله يكون بالعون ...

[الأستاذه]

معليش انا ماايد هالاقتراح لان المشكله نفسها نفسها
وبيظل ناس تتاخر..
مو الحل بتاخير الدوام الحل اننا انبرمج انفسنا على وقت دواماتنا ..
يعطيكم العافيه

[أميرة الحزن]

الله يعينك اخوي وربي حتى اناااخوي في مدرسة مدينة خليفة الثااانوية
بين فترة وفترة يكون عند الباااب لعدت ساعات ينطر
وربي حرام عليهم طيب خل يحسبون المسااافة خل يقدرون الظرووووف سبحاان الله التاير بنشر سبحاان الله حادث
وغير كذااا توصيل اخونهم لمدارس ثاانية
اتمنى من ادارة المدرسة تراااعي ظروووف الطلاب
على الاقل لين الساااعة 7ونص او على الاقل 8 الا ربع
والله يعين

[راس المال]

ترى الشباب ما يبيلهم اشاره لازم المدرسه تحتوي المشكله مهب تناحس وتخليهم برع شالفايده

[إسلامية]

بدايةً هذا مب قانون مدرسة وحده ، كل المدارس المستقلة لها نفس النظام ، وهم محاسبين من المجلس الأعلى إن لم يتم تطبيق النظام في الحضور والانصراف ...

وإذا سمحوا لواحد يتأخر بتلاقي كل المدرسة تأخرت ... وتعم الفوضى ، والمدارس أساساً ما وجدت إلا لتحقيق وتربية الطلبة والطالبات على النظام وضبط الوقت لأنه بالتأكيد يؤثر على تحصيلهم الدراسي .

ومن الظواهر السلبية أيضاً عند كثير من الطلبة والطالبات هو غياب يوم الخميس بلا سبب وبلا عذر ، وهذا يستوجب أيضاً وضع قانون وعقاب لمن يخالف .

الحلول المقترحة لك هي :

1- الخروج من بيتك مبكراً للوصول في الوقت المناسب ، وبالتالي تجنب نفسك هذا الموقف المحرج .

2- أن تنتقل لأقرب مدرسة من بيتك ، وهذا الأمر أصبح متاحاً هذا العام فالتسجيل يكون تبعاً للمناطق الجغرافية .


نسأل الله لك التوفيق والنجاح ... اللهم آمين

[الأستاذه]

بدايةً هذا مب قانون مدرسة وحده ، كل المدارس المستقلة لها نفس النظام ، وهم محاسبين من المجلس الأعلى إن لم يتم تطبيق النظام في الحضور والانصراف ...

وإذا سمحوا لواحد يتأخر بتلاقي كل المدرسة تأخرت ... وتعم الفوضى ، والمدارس أساساً ما وجدت إلا لتحقيق وتربية الطلبة والطالبات على النظام وضبط الوقت لأنه بالتأكيد يؤثر على تحصيلهم الدراسي .

ومن الظواهر السلبية أيضاً عند كثير من الطلبة والطالبات هو غياب يوم الخميس بلا سبب وبلا عذر ، وهذا يستوجب أيضاً وضع قانون وعقاب لمن يخالف .

الحلول المقترحة لك هي :

1- الخروج من بيتك مبكراً للوصول في الوقت المناسب ، وبالتالي تجنب نفسك هذا الموقف المحرج .

2- أن تنتقل لأقرب مدرسة من بيتك ، وهذا الأمر أصبح متاحاً هذا العام فالتسجيل يكون تبعاً للمناطق الجغرافية .


نسأل الله لك التوفيق والنجاح ... اللهم آمين

بارك الله فيك اختي وانا هذا اللي اقوله لكن للاسف الاغلبيه مايده تغيير وقت الدوام وهالشي من سابع المستحيلات,,,يعطيك العافيه.

[بوبطي الكعبي]

مدرسة خليفة الثانوية اشتكو عليها في البرنامج 3 مرات اذ ماخاب ضني

والله يعينكم