مشكلة الجزاءات والمخالفات في المدارس المستقلة

[عطر الورد]

أنا من قبل طرحت الموضوع وبرد أطرحه مرة ثانية لأن الشي زاد عن حدة.

علي اي شي مخالفة وتنبيه وجزاءات .

لأن اليوم صار معاي موقف بقول لكم الموقف وانتوا احكموا .

اليوم وأنا رايحة على حصتي تناديني البنت اللي واقفة في الممر ما ادري بصراحة شنو شغلتها بس هي توقف توقع المدرسات على حضور الحصص .

وتقول لي زين اللي شفتج اليوم لأن عليج مخالفة وتطلع لي دفتر المخالفات اللي كأنه دفتر شيكات .

تقول لي وقعي على المخالفة .

طبعا أنا استغربت وسألتها عن نوع المخالفة .

وأتاني الرد من قبلها بأن مخالفتي عبارة عن خروج طالبة من الفصل دون بطاقة استئذان .

فقلت لها متى أي يوم كانت هذه المخالفة الكبيرة الشنيعة التي يندى لها الجبين .

لأنني دائما لا اسمح لأي طالبة بالخروج دون بطاقة ولما الطالبات ضيعوا بطاقات الاستئذان سويت غيرهم وغلفتهم حرصا مني على عدم خروج الطالبات دون بطاقة .
فردت علي قائلة : بأنها في يوم الثلاثاء الماضي وأن الطالبة كانت تحمل معها أغراضي .

فقلت لها : إن الطالبة أيضا تحمل السلة التي بها بطاقات الاستئذان .
فردت علي قائلة : هذا لا يجوز يجب أن تكون البطاقة معلقة على صدر الطالبة .
فأخبرتها بأنني قلت للطالبة أن تعلق البطاقة ولكن الطالبة كانت تركض ولم تسمعني وخرجت من الصف دون أن تعلقها .

فكان ردها أسخف منها بأن قالت : ماذا أخبر الإدارة الآن هل أقول لهم بأنها رفضت التوقيع .


سؤال واحد فقط .

متى ستتوقف سياسة تطفيش المدرسات ؟

شوفوا لنا حل يا جماعة أرجو أن يصل صوتي لمن هم في المجلس الأعلى لمن هم نائمون في سباتهم العميق .

[ام امووون]

الغالية عطر الورد هذا اول رد ومشاركة لي في المنتدى وبصراحة موضوعج لامس جرح مفتوح عند الكثيرين منا موظفين وموظفات المجلس الاعلى اللي المفروض يرتقي بتعامله معنا ولكنه يسحبنا للاسفل بتجاهل مشاكلنا ..

منذ متى اصبح العلم يقاس بالقلم والمسطرة ...تعبت من كثر ما قرات ..تعبت من كثر ما رايت ... معاناة ..الم ...تعب ...طيب والحل ...ما في مسؤل يطلع من هالمجلس يناقشنا يوضح لنا حدود السسجانات اقصد صاحبات التراخيص في التعامل معانا ....الله لا يوفق كل من روج لهالنوع من التعليم الفاشل ..

والله ياختي ولله الحمد والمنه صاحبة الترخيص عندنا في المنطقة الوسطى ليست بالسيئة التي تتمنين الخلاص منها وليست بالملاك الذي ترفضين العمل مع غيره ..ولكن تبقى هناك بعض الامور التي يحكمها المزاج والرغبة في اثبات الذات ولو عبر قتل الطموح وتطفيش الكفاءات والخبرة من مدرساتنا العزيزات ...ولكن اختي الحبيبة لا بد من الصمود في وجه هذا المد الهائل ...يجب ان نحارب من اجل بناتنا وابنائنا والله المستعان وحسبي الله ونعم الوكيل

لدي الكثير الكثير لاعبر عنه ولكن في القلب غصة وفي العين عبرة كيف لا والطعنة تاتيك من بنت بلادك رغبة في التوفير وليس التقطير وكان الله في العون ولا حول ولا قوة الا بالله

[بن نايفه]

اختي عطر الورد والله مادري شاقولج كل الي اقدر اضيفه انه المجلس الاعلى للتعليم وكيوتل هم متصدرين اعلى

نسبة من الشكاوي لكن لا حياة لمن تنادي

والله المستعان

[صمت]

عطر حبيبتي .. حركات هالتوقيع .. والانذارات اللى كأنه مسوين جريمه
ماره في سكولي قبل ..,

بس كنصيحه مني .., حبيبتي .. بطاقات الاستأذان اللى توزعها المدرسه .,
لازم تكون كالتالي :-
1_ يكون لون موحد من قبل جميع المدراسات عشان الطالبات يميزون الالوان ..وحبذا يكون اللون الاصفر ..!!
2- وأفضل في فالبطاقات ..أتكون تغليف حراري ..{ يعني عليها طبقه شفافه ومحال طبع الورقه أو شقها } وعليها ريبون { عشان تتعلق على رقبه الطالبه }
3- البطاقه لازم تنكتب عليها .. قواعد .. مثل { الاسم , اليوم , التاريخ , ووقت خروج الطالبه والوقت المحدد لترجع فيه}

ممكن تحصلين صعوبه شوي في بدايه الامـر .. بس بأمكانج توضيح الامـر للطالبات .. واصـرارج على طرد أي طالبه تخالف
القواعد ..~

أما بالنسبه للمجلس الاعلـى .. ياكثر الشكاوي .. بس لا حياه لمن تنادي ..!!
فأنتي لا توقعيـن على شي وانتي ماأرتكبتيه .. لان كل شي بينضاف على ملفج ..!!

وأن تكرر هالتصرف .. بأمكانج الذهاب لمديره المدرسه ..!! ومواجه الطالبه اللى طلعت من دون بطاقه .,
أو { أي عذر كـان واقع }..,


وربي يعينكم على هالمستقــله .
=(

[عطر الورد]

قرأت الردود وسوف أقوم بالرد عليكم لاحقا

تحياتي لجميع من مر من هنا .

[الأستاذه]

الله يعينكم.

[محتارة والله]

اااااخ ..
يعني ما اوقع العقد ؟
شتنصحووني .. يآربي

وين أروح يعني شااااشتتتتتتغل ..
شكلي باقعد في البيت ..

[عطر الورد]

الغالية عطر الورد هذا اول رد ومشاركة لي في المنتدى وبصراحة موضوعج لامس جرح مفتوح عند الكثيرين منا موظفين وموظفات المجلس الاعلى اللي المفروض يرتقي بتعامله معنا ولكنه يسحبنا للاسفل بتجاهل مشاكلنا ..

منذ متى اصبح العلم يقاس بالقلم والمسطرة ...تعبت من كثر ما قرات ..تعبت من كثر ما رايت ... معاناة ..الم ...تعب ...طيب والحل ...ما في مسؤل يطلع من هالمجلس يناقشنا يوضح لنا حدود السسجانات اقصد صاحبات التراخيص في التعامل معانا ....الله لا يوفق كل من روج لهالنوع من التعليم الفاشل ..

والله ياختي ولله الحمد والمنه صاحبة الترخيص عندنا في المنطقة الوسطى ليست بالسيئة التي تتمنين الخلاص منها وليست بالملاك الذي ترفضين العمل مع غيره ..ولكن تبقى هناك بعض الامور التي يحكمها المزاج والرغبة في اثبات الذات ولو عبر قتل الطموح وتطفيش الكفاءات والخبرة من مدرساتنا العزيزات ...ولكن اختي الحبيبة لا بد من الصمود في وجه هذا المد الهائل ...يجب ان نحارب من اجل بناتنا وابنائنا والله المستعان وحسبي الله ونعم الوكيل

لدي الكثير الكثير لاعبر عنه ولكن في القلب غصة وفي العين عبرة كيف لا والطعنة تاتيك من بنت بلادك رغبة في التوفير وليس التقطير وكان الله في العون ولا حول ولا قوة الا بالله


للأسف الشديد اختي هذا هو الحال اللي صاير في المدارس ولما تبين تروحين تشتكين في المجلس الأعلى كل اللي تسمعينه منهم وعود وما نشوف اي شيء على أرض الواقع وهذا التواطؤ بين المجلس الأعلى وصاحبات التراخيص والسكوت المريب الذي سوف يحدث في يوم ما انفجار من قبل المدرسين والمدرسات .
وإذا المجلس الأعلى ما يبون القطريين يشتغلون في مهنة التدريس ليش ينادون بسياسة التقطير وبعدين يختلقون القوانين التعسفية ويترصدون للمدرسات ويسوون من الحبة قبة وأي شي يصير المدرسة هي الغلطانة وهي المقصرة كل هذا عشان يطفشون المدرسات وبعدين تطلع المدرسة القطرية مو كفؤ لمهنة التدريس .

والله يا أختي ما ندري من وين نلاقيها من الإدارة وسياستهم التعسفية والا من بعض الطالبات وإهمالهم واللي جايين المدرسة مو لطلب العلم عشان بس يتشكون من المدرسات .
جاهزين حق الشكاوي بس وإذا قلتي لهم وين واجباتكم ودروسكم الاعذار عندهم جاهزة .

والله التعليم صاير عندنا من سيء لأسوأ والدليل على كلامي يوم سويت اختبار للطلبات وتشوفه المنسقة ، تقول الاختبار صعب عليهم غيري الأسئلة سهليها على قد ما تقدرين .
أختبار تافه جدا بس عشان الطالبات ينجحون ويجيبون درجات عشان المدرسة ما ينزل مستواها عند المجلس الأعلى .

كل همهم المجلس الأعلى وترتبيهم بين المدارس مو مهم مستوى الطالبات .

[عطر الورد]

اختي عطر الورد والله مادري شاقولج كل الي اقدر اضيفه انه المجلس الاعلى للتعليم وكيوتل هم متصدرين اعلى

نسبة من الشكاوي لكن لا حياة لمن تنادي

والله المستعان


سياسة التطنيش عندهم بس راح يصحون في يوم ويسوفون الآثار السلبية لهذي السياسة الفاشلة اللي مثلهم .

[عطر الورد]

عطر حبيبتي .. حركات هالتوقيع .. والانذارات اللى كأنه مسوين جريمه
ماره في سكولي قبل ..,

بس كنصيحه مني .., حبيبتي .. بطاقات الاستأذان اللى توزعها المدرسه .,
لازم تكون كالتالي :-
1_ يكون لون موحد من قبل جميع المدراسات عشان الطالبات يميزون الالوان ..وحبذا يكون اللون الاصفر ..!!
2- وأفضل في فالبطاقات ..أتكون تغليف حراري ..{ يعني عليها طبقه شفافه ومحال طبع الورقه أو شقها } وعليها ريبون { عشان تتعلق على رقبه الطالبه }
3- البطاقه لازم تنكتب عليها .. قواعد .. مثل { الاسم , اليوم , التاريخ , ووقت خروج الطالبه والوقت المحدد لترجع فيه}

ممكن تحصلين صعوبه شوي في بدايه الامـر .. بس بأمكانج توضيح الامـر للطالبات .. واصـرارج على طرد أي طالبه تخالف
القواعد ..~

أما بالنسبه للمجلس الاعلـى .. ياكثر الشكاوي .. بس لا حياه لمن تنادي ..!!
فأنتي لا توقعيـن على شي وانتي ماأرتكبتيه .. لان كل شي بينضاف على ملفج ..!!

وأن تكرر هالتصرف .. بأمكانج الذهاب لمديره المدرسه ..!! ومواجه الطالبه اللى طلعت من دون بطاقه .,
أو { أي عذر كـان واقع }..,


وربي يعينكم على هالمستقــله .
=(


أنا أصلا ما وقعت ولا راح اوقع على اي شي
وبالنسبة للبطاقات أنا كذا مرة سويت لهم بطاقات وضيعوها وأرد أسوي غيرها وأنا أصلا البطاقات اشتريهم من المكتبة ومعهم ريبون وكل شي وأسويهم بالكمبيوتر واطبع عليهم البيانات .
كل شي نسويه لهم وشغلنا ماشي مثل الساعة بس يلاقون علينا اي شي على طول انذار كأنهم ما صدقوا .
ملينا والله وزهقنا .
لو الاقي شغل غير التدريس على طول اطلع من غير اي تردد لأن مجتمع التدريس والمدارس أصبح لا يطاق كله نفاق ومجاملات ناس على حساب ناس يشتغلون وشايفين شغلهم وناس يتكرمون ويقدرونهم وما يسوون ربع اللي نسويه .

[عطر الورد]

الله يعينكم.


الله المستعان أختي الأستاذه

[عطر الورد]

اااااخ ..
يعني ما اوقع العقد ؟
شتنصحووني .. يآربي

وين أروح يعني شااااشتتتتتتغل ..
شكلي باقعد في البيت ..


أنصحج مدرسة لا لأني ما نصحت اختي واشتغلت مدرسة الحين تلومني لأني ما نصحتها

أي شغلة ثانية غير التدريس .

سمعت المطار الجديد طالبين موظفين أنا إن شاء الله بقدم هناك والله يكتب اللي فيه الخير والحمد لله اني ما وقعت العقد معاهم للحين عشان اطلع بأي وقت .
قدمي هناك أحسن لج من التدريس وعوار القلب .

[محتارة والله]

المطاااااااار بللللللللللل . .بعييييد بالنسبه لي
الله يوووفقج وتحصلين
بس يعني قصدي وظااايف ..
شيصلللللللح لناا غير التدريس
خلط مستحييييييييل ..
وين امااااكن ماافيها اختلاط غير المدارس .. ؟

[أم جاسم]

الله يعينكم وجزيكم خير

أختي محتاره في اماكن مثل الوزارات اعتقد وزاره البيئه المدارس مب نفس قبل الحين عيني عينك تشوفين الظلم جدامج ما نقول غير الله كريم

[عطر الورد]

بالنسبة لج اختي محتارة ما انصحج بالتدريس لأن احنا اشتغلنا قبل ما تصير المدارس مستقلة أنا من سنة 2001 أشتغل مدرسة والحمد لله كنت في الحكومة ما اشتكي من شي بالعكس كانت مديرتنا من أروع ما يكون واتصالها مباشر معانا تعرف كل وحدة شتسوي وتلف عالصفوف وتشوف المدرسات شلون يشرحون ويدرسون الطالبات .
الحين المديرة منعزلة عن المدرسات ما تعرف حتى أسامي المدرسات بس اللي تسمعه من الغيرمثل المنسقة والنائبة والإداريات ويجوز يوصلون لها صورة خاطئة عن المدرسة .

واليوم عطوني مخالفتين وكل وحدة اتفه من الثانية .

المخالفة الأولى عدم التوقيع في ملف حضور الحصة السادسة أمس .
والمخالفة الثانية : فقدان بطاقة استئذان ويا ليت أنا اللي ضيعتها طالبة اللي مضيعتها ويوم قلت لهم قالوا ليش ما بلغتي عن فقدان البطاقة .

والله انهم قاعدين يدورون لنا الغلطة لأنهم احتاروا فيني من شهرين مداومة عندهم وما عندي مخالفات قاموا يتسببون ويدورون اي شي بس يخالفوني .

الله يعينا اختي وحتى يومين الإجازة ما نتهنى فيهم لأن يوم الخميس يسوون لنا اجتماع ساعتين بعد انصراف الطالبات ويكلفونا بمهام كثيرة عشان ما نرتاح في الإجازة حتى الإجازة حاسدينا عليها .

هذا اللي صاير وحاصل في المستقلة وأنا قلت لج وانتي بكيفج .

واليوم مدرستين انجليزي طلعوا من المدرسة .
والمديرة تبي تبرر سبب خروجهم ان في مشاكل بين المدرسات والسبب مو من الإدارة .
محد صدق طبعا لأن كلنا عايشين الوضع ونعرف كل شي .

[محتارة والله]

الله المستعااان ..
والله الكل يقول جذي مب بس انتي ..
نفس الحججججججي بالضبط اللي تقوله بنت خالي ! ..
شكلج في نفس مدرستها ! ..
اول حرف من اسم المدرسه .. ( و ) ؟
بستخير .. والله يسر ان شاء الله ..

[عطر الورد]

فعلا اختي أنا في مدرسة ( و)
الله يعينا على ما بلانا
اللي قاهرني انهم ماخذين امتياز على وشو ما ادري
في كثير مدرسات طلعوا من المدرسة واللي توهم جايين جديد يفكرون يطلعون .
لأنهم مستغربين احنا شلون متحملين كل هذا .
نشتغل من غير اي شكر وأي شي مخالفة ما يصدقون يخالفون ويطلعون دفتر المخالفات
الظاهر الإداريات اللي يخالفون المدرسات أكثر هم المميزات في الإدارة .
عشان الخصم يشتغل آخر الشهر .
حسبنا الله ونعم الوكيل .

[‏سيـــ بن احمد ـــف]

تعيبيني الشيخه

[بلا خطيه]

حبيباتي الله يعينكم انا وحده كنت من هاي المدرسه (و) شفت الظلم بعيني كنت من المدرسات اللي على قولتهم فائض كنا فوق العشرين مدرسه لين طفشتنا وصرنا ست مدرسات و اخرتها طلعتنا من المدرسه براتب ثلاثة عشر يوم وعلى قولتها ماعندها شواغر لنا وكل يوم انشوف وجه جديد تعينه من برا غير الاستغالات اللي تصير عندها بالهبل كلن يشتكي منها وشفنا بعينا اعادة الاختبارات للبنات الراسبين بالمره و المرتين كله عشان ينجحون و كل سنه تاخذ امتياز من هالطريقه لا و معطينها مجمع ثاني تمسكه و ناس من المجلس الاعلى يدرون عنها و معاها ( حسبي الله ونعم الوكييل )

[عطر الورد]

حبيباتي الله يعينكم انا وحده كنت من هاي المدرسه (و) شفت الظلم بعيني كنت من المدرسات اللي على قولتهم فائض كنا فوق العشرين مدرسه لين طفشتنا وصرنا ست مدرسات و اخرتها طلعتنا من المدرسه براتب ثلاثة عشر يوم وعلى قولتها ماعندها شواغر لنا وكل يوم انشوف وجه جديد تعينه من برا غير الاستغالات اللي تصير عندها بالهبل كلن يشتكي منها وشفنا بعينا اعادة الاختبارات للبنات الراسبين بالمره و المرتين كله عشان ينجحون و كل سنه تاخذ امتياز من هالطريقه لا و معطينها مجمع ثاني تمسكه و ناس من المجلس الاعلى يدرون عنها و معاها ( حسبي الله ونعم الوكييل )


هلا فيج اختي الظاهر انتي من المنقولات اللي ودوهم مدارس ثانية أو بالأحرى طفشوهم .
فعلا شي يقهر اللي قاعد يصير .
أنا ودي أوصل صوتي بس حق من ، من اللي ممكن نلجأ له الظلم في هاي المدرسة كبير جدا واستقالات كل يوم .
انا اتصلت مرة بالمجلس الأعلى على الخط الساخن عشان أفهمهم الوضع في هاي المدرسة والظلم اللي صاير فيها بس الغريبة اللي أكلمه يوم قلت له اسم المدرسة على طول صوته تغير وصار بس يبي يمشي وسكر الخط قبل ما أكمل .
الظاهر الواسطات تلعب دور كبير والمديرة لها ناس في المجلس الأعلى ويدرون بكل اللي يصير وساكتين .
لأن مديرتي في المدرسة اللي كنت اشتغل فيها قبل كانت ما تتخلى عن المدرسات بسهولة لأنها تقول ان المجلس الأعلى يحاسبون المديرة إذا شافوا استقالات كثيرة من المدرسات .
وهذي غاضين الطرف عنها وما في اي محاسبة أو دراسة لسبب خروج المدرسات من المدرسة .
أنا تقريبا ثلاث شهور في المدرسة وفي مدرسات ما يتحملون اللي قاعد يصير .
لأن مدرسة انجليزي جايبينها لصف ثالث ما تمت اسبوع وطلعت .
وقبلها مدرسة بعد طلعت .
يعني الطالبات الحين قاعدين بدون مدرسة انجليزي تصوروا ثلاث حصص في اليوم الصف فاضي ما عندهم مدرسة .
لأن مدرسة الانجليزي تدرس انجليزي وعلوم ورياضيات .
أدش الصف اشوف الطالبات قاعدين بدون مدرسة حتى احتياط ما يحطون لأن مدرسات الانجليزي الباقيين ما يقدرون يدشون الصف عشان مسويين جدول حصص عبقري جدا بحيث أن مدرسات الانجليزي عندهم الحصص الأولى ثلاث أيام بالاسبوع وكل وحدة عندها صف فشلون يشيلون احتياط .

وباقي اليومين جدولهم متأخر بحيث ياخذون الحصص الأخيرة .
ومدرسات المسار الأدبي العكس يعني لو غابت مدرسة من نفس التخصص المدرسات الباقيين ما يقدرون ياخذون حصصها احتياط .

[مــالــي حــل]

الله المستعاان

ولاحياة لمن تنادي

يعطيج العافيه

[رذاذ المطر]

بصراحة من اول ماوضحت لي السالفه ماقدرت امسك نفسي من الضحك........شر البلييه مايضحك
يقولون الجنون فنون...... وانا اقول المديرات فنون
الله ينتقم منهم انواع التطفيش...ترى اللي صاير بس مع مدارس الحريم ...يتفننووووووووون بالتفاصيل البايخه واخر همهم المستوى الاكاديمي

[أم المنتدى]

استغفر الله معقوله

لاهنتي يمااا

[مجهوله]

ببخختتصــااار !! المجلس الاعلى مـآيبي بنت البلد الشريفه العفيفه المحترمه اللي اخلاقها رفيعه وتدريسها صححح مبني على القواعد الاسلاميه بالضمير في التدريسس >> خبركم القطريه درست في مدرسه حكومه من جي مايبون

يبون من برا مدرستا بنطلونات مفاتنها طالعه دارسه مختلط متعمله ان هي والولد سواسيه ومافيه اي اختلاف وتسبن وتشتم وتعلم الطلاب عن دينها وتقول مافي داعي لبس الحجاب ! او مافيه داعي للعبايه دامج لابسه حجاب وبنطلون وسيع !!!

هاايي اللي يبونه المجلس الاعلى !!!!

[تـوتهـ]

اللهـ يـعيــنكمـ والـلـهـ