اجتماع الوظيفه مع الدراسه ؟

[أم جاسم]

السلام عليكم ورحمة الله وبركاته



اجتماع الوظيفه مع الدراسه

آخر فتره انتشرت سالفه ان الواحد يدرس ويشتغل بـ نفس الوقت ،
بغض النظر عن حاجته للماده ،ممكن لانه يحب الاستقلاليه والاعتماد على النفس ، ممكن يكون شغل لـ وقت الفراغ او ان صادفته بعض الظروف واعاقته عن مسيرته الدراسية اي سبب آخر كان .. !

حدّثوني عن رايكم بـ هالموضوع " وظيفه ودراسه في آن وحد " ؟ :servbah.com5:

و هل بـ رايكم الوظيفه راح تشغلكم وتلهّيكم عن الدراسة ،
او انكم شايفين انكم تقدرون توفّقون بين هالشغلتين ؟!


نظرتكم لـ للموضوع كله ، وهل تفكرون في يوم من الايام انكم تخوضون مثل هالتجربه ،
او هل خضتوها في يوم من الايام ؟! حدثونا عن تجربتكم : )


السبب الرئيسي اللي خلاكم تخوضون هالتجربه ،
او السبب اللي راح يخليكم تخوضونها ؟!


و شنو نوع الشغل او الوظيفه اللي حابين تجربونها ؟ :servbah.com101:
وهل تقبلون بـ اي نوع من انواع الوظائف
حتى وان لم تكن اداريه " مكتب ولابتوب وشغل عدل " ؟!


الموضوع الصراحة شفته ويستاهل ان اشارككم فيه ...ابي اعرف كيف تفكرون هل انتم مناضلون وتحبون التحدي ...

ابيكم تشاركوني ارائكم .. وننقل للبعض الخبرات،:servbah.com15:

[محتارة والله]

وعليكم السلام ورحمة الله وبركاته

اول شي أشكرج اختي على الموضوع
ثاااااني شي من رايي ..
ان التوفيق بين هالشغلتين يعتمد على الشخص نفسه
في ناس يقدرون
في ناس مااايتحملون يعني قدرااااتهم ماتسمح لهم حق شغلتين ..

وبالنسبه لتفكيري بالتجربه .. انا صج افكرررر .. اني اشتغل في الجامعه Part time مساااعده مررشده .. مب عشان شي بس لأن احس بملل
لأن تاسيسي مب ذيج الدراسه الصعبه اللي بتعطلني عن الشغل اووو الشغل بيعطلني عنهااا ..
بس اول ماتخصص بااتفرغ للدراسه .. لأن انا من النوع اللي ماااقدر اووفق بين شيين ..
واكيد مراح افكر في مكتب ولاب توب وجذي .. اصلا حتى لو متخرجه مراح افكر في هالاشياء . لأن انا جايه اشتغل مب جايه اكشخ !


اشكرج على الموضوع الرائع
في انتظار البقيه

[إسلامية]

جزاكم الله خيراً ... موضوع مهم

بالنسبة لتجربتي ... أكملت دراستي المدرسية وبعدها الجامعية وأنا متفرغة تماماً للدراسة فقط

ثم بطبيعة الحال اشتغلت وبعدها بسنة قررت إكمال دبلوم في إحدى التخصصات ... وهنا بدأت معاناة في ترتيب الوقت والجهد بين العمل والدراسة ، أريد أمانة في العمل وعدم تقصير وفي نفس الوقت أريد أن أحقق الامتياز في دراستي ، وبفضل الله تعالى وحده ثم بتقدير جهودي من قبل إدارتي تعاونوا معي في هذا الجانب ... طبعاً أحافظ على إجازتي العارضة وآخذها يوم الامتحان ، وأحياناً أقوم بعملي وأنهيه بشكل تام قبل مغادرتي مكان عملي ، يعني بصراحة إذا أدى الفرد عمله بأمانة وكسب ثقة من حوله سيجد أيدي كثيرة تسانده وتفرح لنجاحاته ... والحمدلله حصلت على الدبلوم بامتياز

ثم تجربتي الأخرى كانت عندما قررت السير في دراسة الماجستير ... وهنا واجهت مشكلة أكبر لطبيعة عملي ومسؤولياته ، فالمسؤول ليس كالموظف العادي يجد وقتاً ...

لذا فإنني أرى ومن واقع تجربتي أن الإنسان يستطيع أن يدرس ويعمل في آن واحد ولكن بحسب طبيعة عمله ، فاللي ينتهي دوامه الواحده غير عن اللي ينتهي دوامه الرابعه أو الخامسه ... هناك فرق كبير

ثم إني أنصح من استطاع أن ينهي دراسته وهو متفرغ أفضل ، لأنه لن يعرض نفسه للتوتر أو الضغوطات أو الانقطاع عن أسرته وصلة رحمه ... بطبيعة الحال العلاقات الاجتماعية ستختلف

ومن أجبرته ظروفه للجمع بين الأثنين فهو خير أيضاً وسيخوض تحدي ونسأل الله لهُ التوفيق والنجاح ...

ومن عمل ويريد أن يكمل دراسته الآن ، فبصراحة نشجعه على التحصيل العلمي أياً كان عمره فالعلم ينير العقول ويرفع مكانة الإنسان في مجتمعه ... فالعلم ليس له حد بوجهة نظري وليس له عمر محدد

وفقكم الله لما يحبهُ ويرضاه

[الأستاذه]

اممممم لي باااك ‏,,,‏ وبقصه حلوه عن هالموضووع,,,‏ يعطيك العاافيه

[براءة الطفولة]

أنـــا عن نفسي
موفقه والحمد الله بين شغلي ودراستي الجامعية
مافي شي يعيقني و صعب والله مسهل الأمور
وعملي اداريه في مركز تحفيظ يعني مافيه تعب ولله الحمد
وعن تجربتي لازم ننظم الوقت للدراسة والتنظيم له دور طبعاً
انصح بهذه التجربه اذا كان بأمكانك تتحمل الضغط ( قصدي الضغط بالدراسه لان العمل ياخذ الوقت كله في اليوم)
والله يسهل وييسر بأذنه


مشكورة على الموضوع
موفقه يـآ أم جاسم

[سوبرمان]

مافي شي يمنع ان الواحد يدرس ويشتغل
بس لازم يوازن بين دراسته وشغله

يعطيك العافيه

[أم جاسم]

تسلمون جميعا


وحلوووو الاعتماد علي النفس والي يقدر ليش لا

والله يوفق الجميع

[صخر]

مشكوووووور والله يعطيك الف عافيه