سعادة الوزير ( البلدية والبيئة ) المحترمين .. متى تفتحون طلبات التوظيف للموطنين ؟

[وطنى نت]

السلام عليكم ورحمة الله وبركاته


في البداية أدعو الله عزوجل أن يفرج علينا ويسخر الله عزوجل لنا

من يلبي طلبات وحقوق المواطنين .

صار لي أكثر من 6 شهور وانا أبحث عن وظيفة في عده هيئات ووزارات

وأغلب المراجعات كانت لوزارة البلدية والبيئة إلي ما أنحصل منهم

نتيجة من قبل الموارد البشرية , وما أكثر المراجعين القطريين إلي يبغون

وظايف . والرد من قبل الموارد البشرية أن طلبات التوظيف موقوفة من قبل الوزير .

ولا توجد وظائف في الوقت الحالي وأنتظروا الشهر الجاي .!!!!

يعني لين متى هذه الأعذار ؟ ولين متى موقوفة طلبات التوظيف ؟

والدولة والحمد لله أنعم عليها بالغاز و تنتج 77 مليون طن من الغاز سنويا

وأغنى دولة في العالم .

ونحن لم نطلب سوى فتح وظايف لنا في وزراة البلدية أو البيئة .

نتمنا من سعادة وزير البلدية والبيئة فتح طلبات التوظيف والله يوفقهم ويسخرهم

لمصلحة المواطنين . اللهم أمين .

[ألماسة الزرقاء]

السلام عليكم وطنى نت والله كلنا نعاني من هالمشكله ودي اشتغل في اي مكان البلديه او الاوقاف او وزارة العمل او مركز التأهيل الوظيفي اماكن تناسبني وانا خريجه خريف 2006 وقدمت فكل مكان ووديت اوراقي لوزارة العمل وسكروا ملفي يقولون حدج تدريس انا والله ما طلبت تدريس صراحه تعبت وااااااااايد وانا جامعيه وتخصص شريعة بمعدل جيدجدا وربعي تخصص شريعه ومقبول اشتغلوا في القوات المسلحه ولي في الشؤون الاجتماعيه ولي في مركز التأهيل الوظيفي وكلهم قالوا وووووووووووواسطه يعني ما يشوفون النشاط والاداء حتى بعضهم ما يعرفون الشغل وين العدل سبحان الله وين الامانه يبوني اشتغل بشهادتي الثانويه وخمس سنوات الي ضيعته بالجامعه يروح هباء وغيري معدله داق ونفس تخصصي تشتغل براتب حلو والله ما اقدر اتخيل حتى لعندهم واسطه ما يساعدون حد حتى لو كانوا ربعك قطوك وراحوا بس امنيتي ان الله يشوفني ويشغلني انشالله والله يعين كل واحد يعاني ويزقك كل انسان وده يشتغل الرزق على الله والدليل ماشالله في ناس اشتغلوا من غير واسطه يارب ارزقنا

وانشالله حد يدور لكم حل

[وطنى نت]

السلام عليكم وطنى نت والله كلنا نعاني من هالمشكله ودي اشتغل في اي مكان البلديه او الاوقاف او وزارة العمل او مركز التأهيل الوظيفي اماكن تناسبني وانا خريجه خريف 2006 وقدمت فكل مكان ووديت اوراقي لوزارة العمل وسكروا ملفي يقولون حدج تدريس انا والله ما طلبت تدريس صراحه تعبت وااااااااايد وانا جامعيه وتخصص شريعة بمعدل جيدجدا وربعي تخصص شريعه ومقبول اشتغلوا في القوات المسلحه ولي في الشؤون الاجتماعيه ولي في مركز التأهيل الوظيفي وكلهم قالوا وووووووووووواسطه يعني ما يشوفون النشاط والاداء حتى بعضهم ما يعرفون الشغل وين العدل سبحان الله وين الامانه يبوني اشتغل بشهادتي الثانويه وخمس سنوات الي ضيعته بالجامعه يروح هباء وغيري معدله داق ونفس تخصصي تشتغل براتب حلو والله ما اقدر اتخيل حتى لعندهم واسطه ما يساعدون حد حتى لو كانوا ربعك قطوك وراحوا بس امنيتي ان الله يشوفني ويشغلني انشالله والله يعين كل واحد يعاني ويزقك كل انسان وده يشتغل الرزق على الله والدليل ماشالله في ناس اشتغلوا من غير واسطه يارب ارزقنا

وانشالله حد يدور لكم حل

الله ييسر أمورج أختى الماسة

للأسف مدراء الموارد البشرية يستغلون مناصبهم علشان يوظفون ربعهم وجماعتهم

والله بعضهم ما عنده ذمة ولا ضمير ... بعضهم يتعذرون لج انج خريجة شريعة

وبعضهم

يتعذرون يبغونه خريج ثنوية ...وبعضهم يتعذرون أن ما عندج E ...

لكي حق ربعهم يقطون هالأعذار ويوظفونهم أو يوظف أجانب بدلا منج . :servbah.com46:

ما نقول إلا حسبنا الله ونعم الوكيل على بعض المدراء موارد البشرية .

[ألماسة الزرقاء]

سبحان الله الله فوق ونشوف اعذارهم عند ربهم

[ناصر العمادي]

وعليكم السلام ورحمة الله وبركاته

لاحول ولاقوة الا بالله

الله يعينكم والله

شي من صج يقهر يعني كل سنه يجيبون الاف الأجانب عشان يشغلونهم والمواطنين مب محصلين شغل

والله حررررام اللي يصير في البلاد

طيب ليش ماتقدمون في المطار الجديد او مستشفى الوكره الجديد يمكن تتسهل الأمور وربي يفرجها عليكم وتشتغلون

الله ييسر امرك وينور دربكم بالخير يارب

تقبلوا خالص تقديري وأحترامي لكم

[محتارة والله]

اااااااخ يا حره في قلبي
الله المستعاااااااان
هذا اللي اقدر اقوله
ولا بجيب العيد
وبتصير اعلووم

[عرب]

ما أقول غير حسبي الله ونعم الوكيل..

[محمد الدوسري]

وعليكم السلام ورحمة الله وبركاته

لاحول ولاقوة الا بالله

الله يعينكم والله

شي من صج يقهر يعني كل سنه يجيبون الاف الأجانب عشان يشغلونهم والمواطنين مب محصلين شغل

والله حررررام اللي يصير في البلاد

طيب ليش ماتقدمون في المطار الجديد او مستشفى الوكره الجديد يمكن تتسهل الأمور وربي يفرجها عليكم وتشتغلون

الله ييسر امرك وينور دربكم بالخير يارب

تقبلوا خالص تقديري وأحترامي لكم



صحيح أخوى ناصر

أتصدق أن 8% فقط من ثروة البلاد للمواطنين .

و 92% من ثروة البلاد من نفط وغاز تذهب لصالح

الأجانب وشركاتهم .

وووين شعار ( المواطن القطرى أغلى ما تملكه الدولة )

وحنا أنشوف ثروة البلاد تروح كلها للخارج ...

هل تبقى شى للأجيال القطرية والله المستعان !!!!

[عرب]

مانقول غير..حسبي الله ونعم الوكيل..

[ارحم دموعي]

الصراحة..فعلا شي يضايـق..ويقهر..

والحمدالله انا موظفة..بس وربي اكذب اذا قلت اني مرتاحه في شغلي..اشوف الظلم قدااام عيني ..

الاجانب اهم اللي مشيخينهم وحاطينهم على روسهم..واهل البلد..الله يعلم بحالهم والمشكلة على كل هذا مثلا..

انج قديمة في القسم يوظفون لج الاجانب وربي كل التعب والشقى اللي تسوينة راح هباء منثورا..

ويفضلونهم عليج برغم توهم جداد ماصار لهم شهر في الدوحة رواتبهم اعلى حتى من القطريين..

واهل لبلاد وين موقعهم من لعراب المشكلة اذا الواحد تكلم يسكتونة...بالكلام الفاضي..

ليه هالعنصرية انا ماادري..ماكنت اتوقع اهل لبلاد يتلونهم..

ياليت اقدر اوصل حق شخص كبير واكلمة الصراحة لاني اتكلم وانا ميتة من القهر النار شابة في قلبي..

او احد يكلمني وفهمة بالموضوع كااامل..لاني قدر مااقدر اشوف لي مكان ثاني..

لان وصلت لين مرحلة مااقدر استحمل..واشوف الاجانب مستانسين وعايشين حياتهم وانا اكلها قهر..

اتمنى اتمنى من كل قلبي اوصل حق شخص يفيدني..

وانا مااللوم البنات اللي لحد الحين قاعدين فالبيوت..لان صار زمنا زمن الوسطات كل واحد

يبي يشغل يا ربعه او اهله لا غير والناس المحتاجة وين تروح.....

[أبو محمد]

الله يكتب لكم الخير ويفرج عنكم

[بلا خطيه]

الله يفرج هم كل مؤمن ومؤمنه عليكم بالدعاء وقيام الليل

[احلى بنوته]

ما اقول غير حسبي الله ونعم الوكيل :(