إلى متى يالمثقفة وداد الكواري ؟

[نفر ماله حل]

السلام عليكم

على مدى 5 سنوات تقريبا واصلت (الكويتبة )القطرية وداد الكواري بتشويهة المجتمع القطري بدعوى الأصلاح وكشف خفايا المجتمع القطري الذي من وجة نظرها لا يتمتع الى بالسلبيات التي لاحصر لها

فلم تكف في بث الحزن والمآسي والصراعات في مجتمعنا من خلال الدراما السطحية التي تعرض .....بل واصلت على مدى هذة السنين التي كتبت بها بدعوى الحرية والديموقراطية في ابداء الرآي من خلال تسليط الضؤ على المجتمع من وجهة نظرها السوداء

ففي مسلسلها الجديد الذي يحمل عنوان (نعم ولا) من خلال اول حلقتين بثت فيهما مايكفي لشهر كامل من الفضائح التي نتحمل سلبياتها اكثر من ايجابياتها فمنذ متى ياوداد كان ألأصلاح من خلال الدراما والتلفزيون هذة كذبة وافتراء صنعتموها انتم ايها الأعلاميون لترويج بضاعتكم المتهالكة.

اعود لأول حلقتين من هذا المسلسل التي صورت العائلة القطرية في الثمانينات او قبل... الأخوة متزوجون ويعيشون في بيت والدهم زوجة الأخ تغري اخو زوجها (عبدالعزيز جاسم) وزوجة عبدالعزيز جاسم تقول لها بالعامية :عيب عليج هذا اخو ريلج
و(عبدالعزيز جاسم) يرغب بزوجة اخوة ...وطبعا لاتكتفي وداد بهذا القدر بل ان الزوجات وبالرغم من انهم في منزل واحد كاشفات متبرجات....لو كان التصوير يوحي بأيامنا هذة لقلت ربما ولكن للأسف حتى الماضي لم يسلم منك ياوداد

كنت اتمنى ولو انها تريد نشر الحقيقة ان تظهر لنا الحقيقة بدون مبالغة وافتراء وان لا تصور مآسي حياتها الشخصية التي لاتخفى على الكثير (وتفش خلقها) كما يقولون اللبنانيون من خلال دراما قطرية نتحمل عواقبها جميعاً كقطريين

الم يكفي انك صورتي على مدى السنوات الماضية المجتمع القطري الحاقد الحاسد العاق الفاسد ..البنات المنحرفات.. الشباب المنحرف المرأة التي تتزوج وهي حامل من غير زوجها !!

اليوم صورت لنا كيف ان الصبي ابن عبدالعزيز جاسم يتأنث ويضع المساحيق ويطاردونة صيع المدارس حتى وصلوا لباب الحمام وانتهى المشهد !!!

وعلى فكرة ...حسبما سمعت ان تلفزيون قطر يعرض مسلسل كويتي آخر في بعد الظهر فية شخصية (البويا) او المسترجلة هي وحبيبتها !!!

يعني ماشالله ياتلفزيوننا الموقر بالنهار شاذات وبالليل شاذون ...!!

.
.
.
هاذا الموضوع انطرح في منتدى من المنتديات وحبيت اشوف رايكم فالموضوع ؟؟




منقول بالحرف الواحد

[عبدالعزيز الشمري]

بصرااحه انا اقول كفايه هالنوع من المسلسلاات اللي مالها هدف واضح او معين

يعني ياليت يطلعون فلم تاريخي عن قطر

ابرك من الامور اللي يسوونها عن مجتمعنا

اللي وبصراحه انا ماسمعت ولا شفت مثلها

وبصراحه انا ماتابع مسلسلات في رمضان لانها مكرره نفس القصص

بويات وشباب وحزن وكل شي

نبي مسلسل تاريخي عن قطر


مشكور اخوي عالطرح وماقصرت

[اللورد]

على مدى السنوات الماضية المجتمع القطري الحاقد الحاسد العاق الفاسد ..البنات المنحرفات.. الشباب المنحرف المرأة التي تتزوج وهي حامل من غير زوجها !!
بالنهار شاذات وبالليل شاذون ...!!

.................................................. .................................................. ..............................

صدقت اخوووي في كلامك واختيارك هاذي مسلسلات مثل العالم والخلق ...بنات بويات ...هذا مب مجتمعنا ياوداد ..شلووون يتركونها تسوووي علي كيفها وتقول انه من المجتمع القطري ...يعني يجي الواحد يتابع الافلام ظهر رمضان وتطلع في اشياء لاترضي الله ...بربي حرام ...انا اشووف مسلسل عيال الذيب اللي سووه من زمان كان احسن من المسسلات الغير الاخلاقيه

.................................................. .................................................. ....................


مشكور اخوووي ع طرحك الرائع والجميل وماقصرت
وننتظر جديدك وابداعك

[أخت الذيب]

يعطيك العافيه ع طرحك ل هذه القضيه لانها مهمه جدا بالنسبه للقطرين
كيف اصلا يكتبون عن المجتمع القطري بهذه الطريقه >> بعدين المسلسلات ما منها فايده>> سورى ع المداخله

[نفر ماله حل]

سؤال يطرح نفسه !!

الى متى تظل هذه المثقفه تشوه سمعت المجتمع القطري ؟؟



وتسلمووون يا اخوااني ع المرور وابداء رايكم بكل صراحه

[QATAR]

بس لا ننكر وجودها !!

ولي عودة وتعليق !!

ينطيك العافية

[نفر ماله حل]

الله يعافيك اخوي راشد

انا مب ضد الكاتبه وداد الكواري بنسبة 100 % وماقدر اقلل من القضايا الي تناقشها .. يعني قصة الشذوذ و عدم احترام الاهل و تسلط الابن و الشخصيات السلبيه كلها محد يقدر ينكر وجودها بالواقع

ولكن السب والشتم واللعن وكل هاذا المفروض ماينعرض فالتلفزيون
وعلى الرقابه القطريه أن تصحو من غفلتها

[طالب قرب]

ولا زاااااااال الزحف مستمر

[نفر ماله حل]

تسلم اخوي طالب قرب ع التعليق

ويعطيك العافية ,,,

[قطرية وافتخر]

المفروض يسوون مسلسللات عن الواقع الايجابي وتكون مسلسلات هادفة مثلا عن الكرم وصلة الاقارب والتعبد في رمضان

انا اقترح ان يسوون مسلسل تراثي عن قطر كيف كانوا الامهات والجيران يتعاونون وشلون اليهال كانوا يقضون يومهم وشنو كانوا يسوون في العيد

[أبو محمد]

كل كلامك اللي قلته صحيح والصراحة المسلسلات الخليجية كلها تقريباً بعيدة كل البعد عن واقع المجتمعات الخليجية المحافظة
صحيح انه بعض الأمور تكون صحيحة بس حرام الكلام وتأليف المسلسلات عنها لأنها حالات شاذة واستثنائية بحته وكلامهم ان احنا لازم نكشف العيوب علشان نصححها كلام مردود عليهم لأن هذا مهب تصحيح هذا تشهير وتعميم واللي يشوف هالمسلسلات يعتقد ان المجتمع كله جذي
الظاهر انه الكاتبة وداد الكواري نظرتها ضيقة وتكتب لأجل الكتابة والشهرة فقط
تحياتي الحارة لك اخوي على طرحك وماقصرت

[نفر ماله حل]

والله ياخوي بو محمد كلامك عين الصواب

وتسلم ع المداخله الطيبه ,,,



ومشكوووره اختي قطريه ع التعليق


والله يعطيكم العافية ,,,

[وطنـــــية]

انا عكس رايكم أجد ما تكتبه هالكاتبه ممتاز لانها تنقل احداث واقعيه عل وعسى أصحاب هالبلاوي يستحون ويتعضون ويعرفون ان الديره تدري .. واختلف معاها ان لا بد من وجود الجيد في قطر مثل السيئ .. ياريت لو تذكر الاثنين وتزيد من الايجابيات لانها تشعرنا ان الدنيا لا زالت بخير .. وان النفوس طيبه .. واتمنى يوصلها صوتي .

[نفر ماله حل]

انا عكس رايكم أجد ما تكتبه هالكاتبه ممتاز لانها تنقل احداث واقعيه عل وعسى أصحاب هالبلاوي يستحون ويتعضون ويعرفون ان الديره تدري .. واختلف معاها ان لا بد من وجود الجيد في قطر مثل السيئ .. ياريت لو تذكر الاثنين وتزيد من الايجابيات لانها تشعرنا ان الدنيا لا زالت بخير .. وان النفوس طيبه .. واتمنى يوصلها صوتي .

اختي وطنيه سبق او وضحت اني مب ضد الكاتبه 100 %

واذا على قولتج انه اصحاب البلاوي بيتعضون ... هاذي اي عظه

بيتعضونها من مسلسل كله سب وقلة ادب وقذف !!!!

[وطنـــــية]

اختي وطنيه سبق او وضحت اني مب ضد الكاتبه 100 %

واذا على قولتج انه اصحاب البلاوي بيتعضون ... هاذي اي عظه

بيتعضونها من مسلسل كله سب وقلة ادب وقذف !!!!

بقولك قصه صارت جدامي وانا في مطعم .. كنت قاعده والطاوله الي جدامي قاعده وحده تتضحك وضحكها تحسه غلط .. يعني بالعربي بقله أدب .. المهم جاها تلفون ويبدو من أختها وكانوا يتكلمون عن أمهم لانها من ضمن كلامها تقول " هاي أم ؟؟ والله تبط جبدي ! يعلها تحترق ان شاء الله ؟؟ لوعت جبدي كله تطلب وتبي وتبي ما تشبع " هاي قيض من فيض اخوي تلوم وداد في القصص ؟؟ بذمتك في حد يقول جذي عن امه لو هي شنو ؟؟

معاك ان السب زايد حبتين في المسلسل خاصه الأخير .. بس للأسف هاي بعد واقع صج ما نعتبره ظاهره .. لكن اخوي الكتاب والروائيين يسوون زوووم عالمشكله ولو صغيره يسوونها كبيره عشان يعرفون الناس عليها وياخذون منها الناس عظه وعبره ..

[نفر ماله حل]

طيب انا بتكلم عن حلقه من الحلقات الي نعرضت فالمسلسل الاخير

اخوي عبدالعزيز جاسم وهو يمثل يقول حق امه عجوز النار !!!

ولنفرض انه طفل سمع هل كلام وراح وقاله حق امه الحين من بيطلع

الغلطان والسبب في هل شي !!!!

يعني بدال ما يثيرون المشاكل خلهم ينتجوون مسلسلات تعلم الاطفال

وأصحاب البلاوي على قولتج الادب والاخلاق وطريقة التعامل الصحيحه

مع الوالدين والناس

ويعطيج العافية ع المداخله الطيبه ...

[قطريه وافتخر]

الموااضيع اللي تقدمهـآآ الكــآتبه وآآيد جريئـه

وتمثل فيهـآ اسوء فئه من المجتمع القطــري

وبالنسبـه (( للبـويـآت ))

انا مـآآعرف شلـوون التلفزون العربي وبالاخص الخليجي يرضى بعرض مثـل هذي المسلسلات
اللي تفتح عقول البنات على اشياء هم عمرهم مااسمعوا عنهاا

ومثل مااتعرفون ماعااد في برامج اطفال وبرامج كباار

ماشاالله عليهم اليهاال صاارو يتابعوون هالمسلسلات اكثر مناا ويفتحون عقولهم على هالسوالف

وللاسف ماافي رقاابه لا من التلفزوون ولا من الاهل

وبعدين يجوون يلومون االاهل والمداارس علـى جيل (( البويات ))

المفرووض يوقفوون عرض مثل هذي المسلسلات

اللـي مـآآصرنـآآ نفرق بسببهـآ المــره من الريـآآل

واظن هالشـي وااضح فـي الكثيــر من الموااقـع

واولهـآ فلكر

اللي كل (( بـويه )) تتفاخر به بـآسمها وصوورهـآآ

وين كيـووتل عنهـم ؟!

وويـن وزارة الاعلام وهيئة الاذاعه والتلفزون عن اللي ينعرض فقنواتنا !!

اشكرك اخووي على طرحك لهقضيه

لان بسببهاا نشوووف شيصاار فبناتناا وشبابنـآ !!

[دمي عنابي]

اولا اخوي اشكرك على الموضوع الذي هو اكثر اهميه وفي الوقت المناسب



اما بنسبه لرائي فأنا من اشد المعارضين على هذي المسلسلات (البايخه) مع اشدالأحترام لكم

لنها تضع شي وهو بالاصل غير موجوده او موجوده ولكن بقله شديده ولا يتناسب مع ديننا الحنيف ولا مع عاداتنا وتقاليدنا ولكن هذا هو الغزو (بعينه وعلمه) هل سألتو انفسكم سوال من قبل لماذا لا تاتي هذه ال في هذا الشهر المبارك الذي فيه تقيد الشياطين وهم من يفتح قيدها هؤلأ المنتجين والكتاب وغيرهم وهذا الشي لايرضي الله ورسوله ومن هذا المنتدى ولكل من يقرأ الرد ان يقطع هذه المسلسلات لنها هي خراب لنا ول ابنانا وبناتنا ولنها تضع شي في انفسنا لم نكن متخيلينه ان يكون هذا الشي ولنها تخلق فكره هادمه للمجتمع القطري والمجتمع الخليجي بشكل عام



ولكم مني جزيل الشكر

[بنت عمووه]

يعطيك العافيه عزيزي وتسلم يمناك وبصراحه جبتها صح..يعني لحد الحين انا ماشفت حد يمسكها والا يقولها حاجه لان مسلسلاتها كلها غلط وام الغلط عن اهل قطر والبيت لقطري حاجات كثيره انت تكرمت وذكرتها وفي حاجات مانذكرت وصحيح كل حاجه تعرضها غلط عن سمعت لقطري وعلى فكره معروف بين الخليج كله ومتعارف عليه اهل قطر خيرين ومالهم ولا عليهم وبحالهم ولا عندنا هالسوالف ..لكن ذي بجد يبي لها حد يوقفها عند حدها ...ومادري هل هي تبي تنشهر مثل غيرها من الكتاب وتكتب هالنكد كله والا هي معقدينها وهي صغيره وتبي تطبقه بمؤلفاتها...مادري وش قصتها ذي..تقبل مروروي عزيزي

[بنت عمووه]

عفوا حبيت اضيف حاجه...انا عندي اخت السنه رايحه اول ثانوي وتحب المسلسلات على كثر مانشيله عنها او نحرمها منه متعلمه لنا الكلمات البايخه اللي تنعرض بالمسلسلات البايخه وتتابعهم بشغف...وعلى تعدد انواع الجزاء اللي يجيها مني لكن مافي فايده وكذا مره اقولها يوم من الايام بيجيد شئ مني يخليكــ تضبطين عدل لاني جيتها بأسلوب الطيب لكن مافي فايده.. بذمتك البنت ذي وغيرها يستاهلون الظرب على تعدد اساليبنا لحل هالمسأله والا اصل المشكله الاخت وداك الكواري اللي لازم تتوقف عند حدها لانها انشرت الغلط والعيب بينا وبين اصغار السن..السموحه وتقبل مروروي للمره ال2

[هنادي]

بصراحه الحق مو على الكاتبه والا المخرجين الغير قطرين اللي تستعين فيهم فهم في النهايه ايدورون الاثاره والشهره على حساب القيم والعادات .. الحق على الرقابه اذا كان فيه رقابه اساسا اشلون يسمحون بمثل هالنصوص ويجيزونها من الاساس حتى لو في المجتمع بلاوي الطرح ما يكون بهالطريقه المثيره.. بالنسبه لي مسلسل نعم ولا ما قدرت اتابعه ولا شفت منه الا حلقه او حلقتين مب اكثر والسبب كمية الالفاظ والمشاهد خصوصا بين الام والابن ..

[ايادي]

بسم الله
هذي اول مشاركة لي ويكون لي الشرف
انا في اعتقادي ان هؤلاء التي وردت اسمائهم في الموضوع انما هم يمشون في خطة موضوعه لافساد المجتمع انا ماتابع هالتفاهات ولكن اسمع من خلال المتابعين ان الجماعه اعطوا صورة عن قطر تختلف عن ماهي علية ويش الاسباب ومين المستفيد هل هي العولمة او التقليد الخ.... الله يستر من هالاشكال ويقول المثل كل يشوف الناس بعين طبعه يمكن هالمشاكل عندهم

[جوكر]

مشكور اخوي على هالموضوع الرائع



والحقيقة انه كثرة هالمسلاسلات ومن تأليف الكاتبة القطرية وداد الكواري

لم تأتي بشي جديد طوال الخمس سنوات وكتاباتها نفس شي واغلبية مواضيعها


ضرب الزوجة واختلاف الابناء على الورثة الفلوس ومواضيع كثيرة

لم نستفد منها كمشاهدين ولاراح يتجدد اي شي من مواضيعها

وانا واعوذ باالله من كلمة انا انصح الكاتبة انها تبتعد عن الكتابة عن الدراما

القطرية لانها شوهت الصورة وهي صورة المجتمع القطري

وهي الصراحة تكتب من اجل الشهرة وانا اقووولج ياوداد اطلعي منها

بسج خلاص طول خمس سنوات وحنا سئمنا من هالمسلاسلات

ومشكور اخوي على هالموضوع

[صوت الوطن]

ليش ماتسوي شئ يفيد

هل سمعتوا عن مسلسل عن أبناء القطرية . أو عن قطري مغترب عن قطر بسبب إي ظرف أين المشاكل الواقعة . مثل طاش ما طاش كل حلقاته مفيدة ;) والغلطان يمشئ سيده

هل هذا ليكفي ..

يكفي المسلسلات الشذون .....الخ

[البيرق]

الله يجزاها خير الكاتبه وداد عرضت بعض الخفايا من المشاكل الاجتماعيه

ولاسف في مسلسلات خليجيه تعرض الاعبر من هذا

[عبدالله الملا]

الله يرحم ايام فايز التوش

وبخصوص وداد انا معارض لها بنسبة 60% ومؤيد لها بالنسبة الباقية

[الفارس القطري]

مهزله ههههههههههههههههههههههههههههههههههههه وعلى عينك يا تاجر

[بنت ابوي]

كل قصصها افلام هنديه ماصدق ان هاي واقع انا اتابع المسلسلات تضيع وقت