هل من مجيب لشكوانى؟؟ [الأرشيف] - منتديات وطني الحبيب صباح الخير

مشاهدة النسخة كاملة : هل من مجيب لشكوانى؟؟

بنت الرساله

10-15-2010, 09:04 PM

التعليم والتربية هو بناء الفرد ومحو الأمية في المجتمع وهو المحرك الأساسي في تطور الحضارات ومحور قياس تطور ونماء المجتمعات فتقيّم تلك المجتمعات على حسب نسبة المتعلمين بها.

(فأين هو التعليم)

انا طالبه من طالبات مدرسة الرساله الثانوية المستقله للبنات ,, أدرس بالصف الثاني الثانوي
تشكو المدرسة من نقص حاد في المدرسات ولين الحين ماعندنى ابله لماده اللغه العربيه ولم ندرس اي شي
ولاتوجد لدينا مدرسات وأكثر الاتي أتين للمدرسه يجلسن اسبوع فقط ومن ثم يخرجن من المدرسه..

فما هو مصيرنا نحن الطالبات لاندري,, ,اين رقابه المجلس الاعلى أو سده للنقص الحاد للمدرسات لانعلم؟

فهل من مجيب لشكوانى؟؟
((لانعلم))

تحياتي :: ((بنت الرساله))

بن نايفه

10-15-2010, 09:19 PM

انتظري اختي ليوم الاحد المسئولين في البرنامج يشوفون موضوعج

و على راسهم الاخت العزيزة والكريمه اسماء هاشم اذا بيدها شي بتساعدج ان شاءالله

يعطيج العافية

الحبيبه

10-15-2010, 09:20 PM

الله يفرج كربتكم

مدرسة مافيها مدرسين وين صارت

http://img104.herosh.com/2010/10/15/382438672.jpg

ســــــراب

10-16-2010, 12:48 AM

الله يكون في عونكم

باسكن روبنز

10-16-2010, 01:17 AM

وأكثر الاتي أتين للمدرسه يجلسن اسبوع فقط ومن ثم يخرجن من المدرسه..

انا توصلني اخبار من مدرستكم ان البنات هم اللي يطفشون المدرسات بسبب سلوك بعض البنات
مايحترمون المدرسات وفي نص الشرح وحده توقف عالطاوله تنكت والثانيه طقاقه ووووماخفي اعظم
المفروض يحطون كيمرات مراقبه وفي كل مكان حتى في الحمامات عزكم الله هذا هو الحل علشان يشوفون الخلل من وين
والمدارس اللي توفر لكل طالبه خزانه (لوكر) المفروض تفتيش مستمر لأن في بنات يدخلون موبايلات في المدرسه
وحزة التفتيش يدعسونه في الخزانه و فوق الخزانه والا في الحمامات عزكم الله والله ما اجذب لأني سمعت وااااااااااااااااااااااااااااااااايد الحزم ثم الحزم وكل راعٍ مسؤول عن رعيته

بــرتش

10-16-2010, 03:56 AM

اول شي بالله عليييج ليش يشردون لانهم مجابلين نص بنات المدرسه اللي مايحترمونهم

كل ما قالت الابله التزمي الهدوء قمتوا رديتوا والله انتي سكتي
كل ما قالت الابله بنات عندكم واجب ولا تطبيق ابله مب فاضيين احنا ورانا مشاوير
واذا الابله لفت راسها سويتوا حركات وما ادري وشو
اشلون الابله بتستحمل كل هاي اشلون ؟

ثاني شي مافي استاذه والله هذي حاله ..
انتوا تحمدون ربكم ليش ان مافي استاذه الصراحه وهذا لنص البنات مو الكل

أسماء هاشم

10-16-2010, 08:05 AM

بنت الرسالة الغالية...
تحياتي لج..
موضوع مدرسة الرسالة بيكون من ضمن اولوياتي اللي بكرة بتكلم عنها
طبعا هالمشكلة مو بس في الرسالة..
أكثر من مدرسة ماعندهم معلمات في مواد معينة
بكرة بإذن الله تعالى بتكلم عن المدرسة
في وين صارت بالدنيا ان طلبة بدون معلمين؟؟؟
من ضمن الامور اللي تقهر بصراحة التناقض الواضح بين موضوع الفائض اللي صار عندنا في مقابل العجز الواضح في المدارس والاعلانات اليومية بالجرايد عن الحاجة الماسة لمعلمات
والغريب اكثر ان هالمصيبة موجودة في مدارس البنات فقط....لاحظوا اعلانات الجرايد بتلقون ان طلبات التوظيف كلها في مدارس البنات....
لكن ولا يهمج اختي بنت الرسالة...بكرة بتكلم عن المدرسة ان شاء الله

أسماء هاشم

10-16-2010, 08:33 AM

بن نايفه...
تأكد ان مجرد ذكرك لأسمي يحملني مسؤولية كبيرة أتمنى اني اكون قدها...
التعليم من القضايا الهامة والموجعة بنفس الوقت
وإذا في شي ممكن أسويه غير اني انقل الشكوى على الهواء تأكد اني ماراح اتأخر

بنت الرساله

10-16-2010, 12:21 PM

((اسماء هاشم))

مهما أقول أو أتكلم ماراح اوفيج حق

كل الشكر والتقدير لج

شامخه الراس

10-16-2010, 03:55 PM

الله يسلمج انا مع اختي باسكن وبرتش

لانه فعلا فالفتره الاخيره سمعت عن طالبااتكم

ماقصروا ماخلوا مدرسه ماتطاولوا عليها

فعلا هالجييل مو مقصر وانا مااخفيكم في المدرسه

اللي انا فيها اتجوفوون العجب طالبات يحذفون الاداريات

بغراش ماي ويشردوون وين وين اياام قبل

كان ( وزاره التربيه والتعليم العالي ) اما الحين ( المجلس الاعلى للتعليم الاعلى )

لاحظتوا الفرق

الله يعينج يااختي الغاليه وان شاء الله رااح تنحل مشكلتكم

مــالــي حــل

10-16-2010, 04:33 PM

الله يعينكم وان شاء الله يوفروون لكم مدرساات عندنا وعندكم خيير حتى احنا عندنا نقص في مدرسات الرياضياات يعطيج العافيه

كلي فخر

10-16-2010, 04:42 PM

الله يعينكم الصرااااااااحه ...

بس مو شرط ان الغلط يكون من الطالبات ..

بعد من المدرساات ..

والله كله منهم ليش من البداايه يعطووون حق البناات ويه !!

المفروووض يعني مايعطوونهم عشان مايتمردوووون ..

والابلواات يشردوون ..,

ان شاءالله تحلون هالمشكله ..

وتلقون لكم مدرسات ..

لاهنتي ع الطرررررح .~

بنت الرساله

10-16-2010, 05:56 PM

اشكر كل من رد على الموضوع
ويعطيكم الف الف عافيه

‏سيـــ بن احمد ـــف

10-16-2010, 06:29 PM

تعيبيني الشيخه الحينه بيحلون موضوعج

بنت الرساله

10-16-2010, 07:12 PM

تسلم على الرد وماتقصر

أسماء هاشم

10-16-2010, 07:48 PM

اختي شامخه الراس...المعلم له دور..
والطالب له دور
العملية التعليمية ليست قائمة على طرف واحد..
الكل شريك..
بنت الرسالة هذا واجب لاشكر عليه
أسماء هاشم

عيـــــ قطــــر ـــــون

10-16-2010, 08:06 PM

بسم الله الرحمن الرحيم

بحكم اني مدرسه في مدرسه مستقله .. عالاقل حتى الان..

فعلا اغلب مدارسنا المستقله بها نقص ولكن السبب لا يعود فقط على الطلاب .. بل يعود لقرارات المجلس الاعلى المتخبطه للاسف
نحن كمدرسين ومدرسات في المدارس المستقله نعاني من ضغط شديد من قبل المجلس الاعلى
وهانحن بعد شهر واسبوع من بدء الدراسه وفي بعض الصفوف بل المراحل بلا مدرسين ويجون الطلاب عشان ياخذون احتياط ...
للاسف المجلس الاعلى بطفش البقيه الباقيه من المدرسين ..
المشكله مو بمدرسه وحده المشكله في جميع مدارس المجلس الاعلى للتعليم ... فهلا احنا والطلاب ضحيه قرارات متخبطه ..
الاسباب متنوعه ولكن بعضها لنا سيطره عليه مثل سلوك الطلاب .. ممكن ان نسيطر بكذا طريقه على السلوك لان بالاساس نحن مربيين قبل ان نكون معلمين
ولكن ليس لنا سلطه على قرارات مجلسنا الموقر

ورده

10-16-2010, 08:20 PM

عيـــــ قطــــر ـــــون

10-16-2010, 08:32 PM

صدقيني المجلس دائما يقف في صفكم ويمكن تنجحون في الماده دون تكملتها <<لا تحاااتين

لكن من موضوعك دقيتي على ناقوس الخطر من ناحية المعلمين ...وان شاء يكون هناك( نقابه للمعلمين )لدفاع عن انفسهم وعن حقوقهم.

تحياتي

ورده

قوليلي بشو وقف معانا المجلس الاعلى باي قرار من قراراته يا ورده؟؟
اي تعميم يجي منهم يكون بصيغه تهديد ووعيد واجبار
الخطط الدراسيه بعد ما اجبرونا على فورم للتحضير وسويناها وخلصنا غيروها لطريقه اصعب ومثيره للجدل
الرواتب الي من سنتين الاشاعات عليها والقرارات متخبطه ومبهمه وحتى الان لم يتم تسليم بعض المدارس وراتبهم
لو بنفرد صفحه المجلس الاعلى يا ورده والله ما بنخلص ولا بتكفي صفحات المنتدى واحنا نكتب

ورده

10-16-2010, 09:21 PM

قوليلي بشو وقف معانا المجلس الاعلى باي قرار من قراراته يا ورده؟؟
اي تعميم يجي منهم يكون بصيغه تهديد ووعيد واجبار
الخطط الدراسيه بعد ما اجبرونا على فورم للتحضير وسويناها وخلصنا غيروها لطريقه اصعب ومثيره للجدل
الرواتب الي من سنتين الاشاعات عليها والقرارات متخبطه ومبهمه وحتى الان لم يتم تسليم بعض المدارس وراتبهم
لو بنفرد صفحه المجلس الاعلى يا ورده والله ما بنخلص ولا بتكفي صفحات المنتدى واحنا نكتب

صدقتي أختي عيـــــ قطــــر ـــــون هناك فوضى وتخبط واضح من ناحية وقفتهم مع المعلمين

محتارة والله

10-16-2010, 11:22 PM

اختي اسماء هاشم
صدقتي ..
انا ارى تناقض بين الفائض والنقص اللي صآير في المدارس ..

مب بس مدرسه الرساله ..
حتى مدارس بنآت واجد من اهلنا ..
البنآت مايداااومون .. ليش ماتدااومون .. ماعندنا ابلات ليش نداوم ..؟

شي غريب
المجلس الاعلى دايماً جذي ..
قوانينه وقرارته تخبط × تخبط
مااااااافي تخطيط كلش ..
عبالهم لا جااابوا هالخبيرات والخبراء الانجلييييز
يعني كلشي تمااااااام ..
ودامه من امريكا وغيرهم يعني احنا فالطريق الصحيح
مايدرون ان اللي مغترين فيهم يدسون السم في العسل

أسماء هاشم

10-17-2010, 03:42 PM

عيون قطر...اهنيج وأشد على يدج لأنج في ميدان التعليم ترصدين الاحداث والمشاكل اليومية واللي نتمنى انها تنتهي وتنحل...ومثل ماقلتي عن خطة التحضير اللي يكلفون بها المعلمات وعقب ماعينهم تطلع يجيبون لهم فورمة جاهزة فيها الف تفصيلة او كلام حتى هم ما يقدرون يفسرونه...الحال ينطبق على المعايير...وعلى مواضيع كثيرة مطروحة على طاولة المسؤولين ..

أي موضوع متعلق بالتعليم خاصة لابد ان يتم تعديله في الحال...

اختي محتارة والله..المشكلة في التخطيط المتسرع اللي ينتج عنه قرارات ولما تتنفذ يكتشفون...(وكأن الأمر غريب عليهم)يكتشفون ان هالقرار خطأ وياريت يتراجعون او يعدلون...وبالفعل مصيبة بين الفائض والنقص معادلة غريبة ما أدري عند من تفكيك رموزها..حتى التقطير اللي صار لهم خمس وست سنوات ينادون فيه..للأسف مع حركة فتح باب البند المركزي اختلت موازينهم والله العالم اذا في مجال للإصلاح والتغيير..

عزيزتي..بنت الرسالة...اليوم التقيت في احد المسؤولين..وبكرة ان شاء الله بتابع الموضوع بنفسي...بس انتوا بعد قدروا ان هالمعلم انسان وعليه ضغوط..انتوا ماشاء الله بنات بالمرحلة الثانوية تقدرون قيمة العلم والمعلم..وأكيد تتفهمون حجم الضغوط اللي يواجهها..ياربي التوفيق يكون حليفكم..

بنت الرساله

10-17-2010, 05:56 PM

ياجعل بنات الرساله ماينحرمون من
طلتج ووقفتج معانا(اسماء هاشم)
تحياتي لج (بنت الرساله)

بنت الرساله

10-29-2010, 10:21 AM

عطر الورد

10-29-2010, 10:53 AM

السلام عليكم

(الحين اقولكم هل من مجيب لمصيبتنى)

في البدايه قعدنى من دون مدرسة(عربي) من عقب ماطلعلت ابلتنا وعقب اسبوعين بالضبط رجعوها لنا
بس المشكله مب هنيه المشكله انها طلعت من المدرسة للمره الثانيه بعد ماسوت مصيبه واعتقد مالها رجعه وجابولنى ابله عربي يوم الاربعاء 27-10-2010 بس ماعطتنى شي وامتحانى في الوحده الاول يوم الاحد 31-10-2010 واحنى مب حالين شي بالملزمة والملزمة فاضيه.. وكل مااشتكينى عند حد في المدرسة قالولنى بنجوف حل ,, اي حل هاذا واحنى صارلنى فوق الشهر وللحين ماخذنى شي شنوا هالفوضى ومن متى مصير الطالبات ماقام يهم حد ,, احنى السنه الجايه بنكون بثالث ثانوي حرام عليهم قسم بالله لين متى بيتمون يلعبون فينى لهدرجة وبعدين انا عندي ملاحظة : لما تجيبون مدرسة جيبوا مدرسة قويه الشخصيه لاتييبون اي مدرسه بس اهم شي مدرسة حرام عليكم هذا مستقبل طالبات..

اتمنى انه صوتي وصل .. وانا بصراحة تعبت مااقدر استحمل.. ومثل ماتهتمون في اللغه الانجليزية اهتموا باللغه العربيه, (لغه القران) اذا نستوا ابي اذكركم بس..

وحسبي الله على المجلس الاعلى اللي مايجي ويجوف شنوا هالمشاكل اللي تحذف علينى من كل صوب

تحياتي : بنت الرساله

بنت الرسالة انتي تقولين لازم يجيبون مدرسة قوية الشخصية ما ادري هالمدرسة داخلة مدرسة عشان تعلم وتربي والا داخلة ساحة حرب .

شنو دور المدرسة بالضبط اظن دورها تدرس المادة للطالبات
تضع أسئلة الاختبارات تصحيح الاختبارات تحضير المادة والوسائل التعليمية غير شغلها اللي توديه البيت حتى يوم إجازتها ما تتهنى فيه .
وممكن تحل بعض المشاكل وهي قبل أي شي إنسانة والبنات معظمهم خصوصا بنات الثانوية يكونون للأسف يد وحدة ضد المدرسة .

كأن هالمدرسة عدوة لهم ويروحون للإدارة يشتكون على أي شي او كلمة قالتها المدرسة وساعات يزيدون كلام من عندهم ويحلفون كذب والله المدرسات معاهم حق يطفشون لان مو عارفين يلاقونها من وين

من المجلس الاعلى وقوانينه الظالمة والمتعسفة والا من إدارة المدرسة وطلباتهم اللي ما تخلص

والا من الطالبات وقلة أدبهم .

والله المدرسات في زمننا راحت هيبتهم وين أيامنا يوم كنا طالبات نشيل المدرسة على راسنا .
نستقبلها عند باب المدرسة بوردة كل يوم الصبح .

لولا ان رسولنا الكريم حث على العلم والتعليم لما استمرينا في هذه المهنة وهي اصعب مهنة على وجه الأرض

لدرجة ان الحيتان تدعو للمعلم في بطن البحر وما نبي غير الاجر والثواب من الله وعلى قدر التعب يأتي الأجر مو اجر الدنيا

ولكن ما عند الله خير .

سبحانك اللهم وبحمدك لا إله إلا الله أنت أستغفرك وأتوب إليك.

محمد الدوسري

10-29-2010, 12:30 PM

والله أنك ماراح ترتاحون إلا بألغاء المجلس ألأعمى للتعليم

وإعادة وزارة التربية والتعليم كما كانت

بنت الرساله

10-29-2010, 01:27 PM

بنت الرسالة انتي تقولين لازم يجيبون مدرسة قوية الشخصية ما ادري هالمدرسة داخلة مدرسة عشان تعلم وتربي والا داخلة ساحة حرب .

شنو دور المدرسة بالضبط اظن دورها تدرس المادة للطالبات
تضع أسئلة الاختبارات تصحيح الاختبارات تحضير المادة والوسائل التعليمية غير شغلها اللي توديه البيت حتى يوم إجازتها ما تتهنى فيه .
وممكن تحل بعض المشاكل وهي قبل أي شي إنسانة والبنات معظمهم خصوصا بنات الثانوية يكونون للأسف يد وحدة ضد المدرسة .

كأن هالمدرسة عدوة لهم ويروحون للإدارة يشتكون على أي شي او كلمة قالتها المدرسة وساعات يزيدون كلام من عندهم ويحلفون كذب والله المدرسات معاهم حق يطفشون لان مو عارفين يلاقونها من وين

من المجلس الاعلى وقوانينه الظالمة والمتعسفة والا من إدارة المدرسة وطلباتهم اللي ما تخلص

والا من الطالبات وقلة أدبهم .

والله المدرسات في زمننا راحت هيبتهم وين أيامنا يوم كنا طالبات نشيل المدرسة على راسنا .
نستقبلها عند باب المدرسة بوردة كل يوم الصبح .

لولا ان رسولنا الكريم حث على العلم والتعليم لما استمرينا في هذه المهنة وهي اصعب مهنة على وجه الأرض

لدرجة ان الحيتان تدعو للمعلم في بطن البحر وما نبي غير الاجر والثواب من الله وعلى قدر التعب يأتي الأجر مو اجر الدنيا

ولكن ما عند الله خير .

سبحانك اللهم وبحمدك لا إله إلا الله أنت أستغفرك وأتوب إليك.

انتي الله مادري اشفيج على البنات الثانوية
هاذي الابله اللي اطلعت ماطلعت الا من بعد ماضربت بنت كف على وجهها ومجعت شعرها للعلمج
واذا على قولتج المدرسة بس يايبنها تدرس شلوون بتدرس والحصه ماهي قادرة تضبطها

الله المستعان

بنت الرساله

10-29-2010, 01:28 PM

والله أنك ماراح ترتاحون إلا بألغاء المجلس ألأعمى للتعليم

وإعادة وزارة التربية والتعليم كما كانت

ايه والله ياخوي صدقت
جان زين يرجعون وزارة التربيه والتعليم

ناصر العمادي

10-29-2010, 03:17 PM

اولا أحب أتقدم بالشكر الجزيل للأخت أسماء هاشم لتفاعلها مع الموضوع وتواصلها معكم رغم مشاغلها الكثيره وأهتمامها بما يطرح في منتدانا الغالي من مشاكل

ثانيا بخصوص الموضوع .. بكل تأكيد التخبط واضح منذ أنشاء المجلس الأعلى والشكاوي لاتنقطع أبدا والغريب أننا لانرى أي تجاوب من قبل المجلس الأعلى وكأنهم يعيشون في عالم أخر

كيف لمدرسه ثانويه بها الكثير من الطالبات ولايوجد بها مدرسات الى الأن والمجلس الأعلى لم يتدخل ؟؟؟؟؟

نحن معك أختي بنت الرساله بأن هذا الأمر لايجب السكوت عليه كما يجب أن لايتحملن الطالبات خطأ المدرسه والمجلس الأعلى للتعليم

ولكن في نفس الوقت يجب أن يكون للمعلمات سلطه على الطالبات وتكون التربيه قبل التعليم ويجب أن لاتحاسب المعلمه عند ضربها للطالبات الغير محترمات
أذا تركنا جانب التربيه فمستحيل يكون هناك تعليم
يجب تغيير قرارات المجلس الأعلى لتعود كما كانت في وزارة التربيه والتعليم

يعطيكم الف عافيه

تقبلوا خالص تقديري وأحترامي لك

عطر الورد

10-29-2010, 03:55 PM

المدرسة ما راح تقدر تضبط الصف إذا كان ما عندها أي سلطة

كل شي ممنوع وأي كلمة محاسبة عليها .

وإذا كلمت طالبة اليوم الثاني الشكوى عند الإدارة واستدعاء من الادارة ولفت نظر .

وهي بروحها وسط ثلاثين طالبة شنو راح تقدر تسوي تسكت هذي الثانية تتكلم

لازم الطالبات يكونون متعاونين مع المدرسة ويكون عندهم الرغبة في تلقي العلم

وللأسف أغلب الطالبات جايين المدرسة مو عشان يدرسون .

اللي جاية عشان رفيجتها واللي جاية عشان تضيع وقت .

قليل من البنات اللي جايين عشان يدرسون .

بصراحة سلوك وأخلاق الطالبات للحضيض للأسف .

فيهم البويات اللي مخربين أكثر البنات .

بتكلم بصراحة اسمحوا لي .

في ظواهر غير طبيعية قاعدة تصير في المدارس وهذا نتيجة لقلة التربية ومنع الضرب في المدارس

يعني شنو صار فينا انضربنا وطلعنا الحمد لله من احسن ما يكون .

ليش ادارات المدارس ما تتخد إجراءات ضد الطالبات الغير طبيعيات واللي البنات يتأثرون فيهم ويقلدونهم

لأن المجلس الاعلى الموقر قوانينة كلها غلط في غلط ممنوع الضرب وممنوع فصل اي طالب .

يعني ما في اي شي يردع الطالبات ويوقفهم عند حدهم ولو طالبة قلت أدبها على مدرسة من بياخذ حق المدرسة .

ناصر العمادي

10-29-2010, 06:27 PM

ليش ادارات المدارس ما تتخد إجراءات ضد الطالبات الغير طبيعيات واللي البنات يتأثرون فيهم ويقلدونهم

لأن المجلس الاعلى الموقر قوانينة كلها غلط في غلط ممنوع الضرب وممنوع فصل اي طالب .

يعني ما في اي شي يردع الطالبات ويوقفهم عند حدهم ولو طالبة قلت أدبها على مدرسة من بياخذ حق المدرسة .

تدرين ليش ؟؟؟؟

لأن هذا هو الهدف من أنشاء المجلس الأعلى وحذف كلمة التربيه ..

يعني هدفهم طالبات بلا تربيه عشان يكون الأنفتاح صحيح في البلاد

قولي .. حسبي الله ونعم الوكيل وربنا ماراح يخيب ظنا بأذنه تعالى

عطر الورد

10-29-2010, 09:53 PM

فعلا أخوي ناصر ما نقول غير حسبنا الله ونعم الوكيل

محتارة والله

10-29-2010, 11:30 PM

اختي عطر الورد انا عندي تعقيب على كلامج
صحيح الضرب والردع والفصل انا معآج فيه ..

لكن البويآت وهالاشكآل .. مب لأن مآفي ضرب ! ..
والله اللي متربيه في بيتهآآآ .. بتم سيده ومرآح اتآثر في أحد ..
واللي مب متربيه في بيتهآ .. لو تصبحينهـآ بطرآق وتمسينهــآ بطرآق اللي في رآسهــآ بتسويه ..

هالشي اساسه في البيت والمدرسه تسآآآآآآآعد فقط .. مآتقدر تربيهآ من جديد ..

عطر الورد

10-30-2010, 12:40 AM

أنا معاج اختي محتارة

التربية في البيت هي الأساس والمدرسة مجرد إكمال لهذا البناء

فإذا كان الأساس قوي ما راح يتأثر بأي شي وراح يستمر شامخ مهما تعرض لأنواع الهزات والمغريات .

الله يرحمنا برحمته

واعلموا ان من علامات الساعة شدة البلاء بالمؤمنين

وما نتعرض له هو البلاء

وكلما كثر الفساد في الأرض كان تقريبا لقيام الساعة

الله يكفينا شر الفتن ما ظهر منها وما بطن .

بنت الرساله

10-30-2010, 10:09 AM

شكرا للكل اللي رد على الموضوع
واتمنى تجفوون لنى حل مع هالمدرسين

صغيرونة

12-12-2010, 05:46 PM

آآهه
والله صدققتييي
ولآ غيير جيي وييت أنتوا أتقوولون أن أحنا نتطاول ع الابلآت بلسانا وحركااتناا
تررى مب الكلل كذااا
تخيل نفسك ف هالموقف أبللة تدخل علييكم منرفزة ومعصبة أن عندهاا 7 حصص ورا بعض وأتصااررخ
يآفلآنة أطلعي برآآ
يآ فلآنة يلآ وقفي
يآآ فلآنة وقفي وعطيينا ظهررج
وغييرر جيي تررى نص المدرسااات مسترجلآت
وتصيير عندهم ألي يصيير عندنا ع فكرة يعنيي
أنتواا ماتحملون أتدااوموون يووم وااحد عندناا
وآآسسفة أذا غلطت بكلمه