جامعاتنا دمرت طموحي ..

[م.السليطي]

السلام عليكم ورحمه الله وبركاته

اخواني واخواتي الكرام ..
موضوعي جدا واضح من العنوان
جامعاتنا دمرت طموحي
مثل ماتعرفون ان احنا لنا عادت وتقاليد
وفي نفس الوقت احنا تطورنا ولكن في اشياء صارت مع التطور تعارض عاداتنا وتقاليدنا
وانا ادري ان في البعض منا تخلا عن العادات والتقاليد في سبيل التطور
ولكن البعض الاخر للحين متمسك بالعادات والتقاليد ..
انا طالبه في الثانويه العامه و طموحي اني اصير طبيبه
وحتى مساري في المدرسه طب ..
لكن للاسف الجامعات الموجوده في بلادنا ماتناسبنا ولا تناسب دينا ولا عاداتنا وتقاليدنا
مثل ماتعرفون جامعه الطب الوحيده في قطر هي جامعه وايل كورنيل والكل يعرف ان المدينه التعليميه مختلطه
والاختلاط مب مسموح في دينا و لا من عادات وتقاليد أهل قطر
وجامعه قطر مافيها كليه الطب للاسف
وحده مثلي مازالت متمسكه بعاداتها وتقاليدها شتسوي في هذي الحاله ؟
غير انها تحطم طموحها و بس تروح الفراش وترقد وتحلم انها طبيبه
ليش يحرمون الكثير من البنات من تحقيق اهدافهم وطموحاتهم
صحيح ان جامعات المدينه التعليميه جامعات عالميه وهم افرع من جامعات بالخارج
لكن ليش ماتشرط عليهم الدوله ان يكون مبنى الشباب غير عن مبنى البنات مثل ما الدوله تقبل بشروطهم اذا بيسون شي في بلادهم ليش هم مايقبلون بهالشرط ؟
اوكي نقول ان هذي قوانين الجامعات او اان مايصير او او او ..
شبيصير يعني لو افتحوا كليه الطب في جامعه قطر ؟!
ماعقتد ان الدوله عليها قصور او ماتقدر انها تفتح
ومثل ماتقدر انها توفر كل شي لجامعات المدينه التعليميه اكيد انها تقدر توفر كل شي لجامعه قطر عشان يفتحون كليه طب
واعتقد ان المستشفيات في قطر جدا محتاجه لطبيبات واطباء قطرين
.
.
ياليت حد يشوف حل لهالموضوع لو مب لي ولبنات جيلي .. للاجيال القادمه

[سراااب قطر]

موضوع الاختلاط موضوع تم التحدث عن مرارا وتكرار
ولكن يكون رد المسئولين بان هذا قانون وليس لهم دخل

الله يكون في يعونكم
وان شاء الله يرد عليج احد المسئولين في الجامعه
ويوضح لج وللدارسين كل الامور المطلوبه

[باسكن روبنز]

الله يعينج اختي
ماباليد حيله وكثار اللي تخلوا عن طموحاتهم

[الحبيبه]

السلام عليكم ورحمة الله وبركاته

خليني اخذ كلامج نقطة نقطة من بداية كلامج وضحتي انج ثانوية عامة وباقي لج هالسنة وتخرجين انزين

يااختي مش معقولة كنتي نايمة وأصبحتي مسلمة وعندج عادات وتقاليد أمبين من كلامج انج انسانة واعية

وفاهمة . يوم حطيتي فكرة الطب براسج كنتي عارفة ودارية ان دراسة الطب تحتم الاختلاط بشكل او باخر

ان كان بقطر او خارج قطر . احترم رغبتج وكل انسان بهالدنيا لة مبادئ وقيم يسير عليها بس اذا كانت

قوانين الجامعات سامحة الاختلاط وانا طموحي طب عندي حاجة من اثنين يااما اني ارضي طموحي

وادرس طب او اني ماتخلى عن عاداتي وتقاليدي وديني وأدش جامعة ترضيني.

هاي نقطة النقطة الثانية الحين تبين اتفهميني ان كل الطبيبات القطريات الي سبقوج الي تغربو ودرسو

وتعبو وشرفو البلد ولاهل وصارو قدوة للبنت المكافحة مهب مسلمات وبنات عوائل وعندهم قيم شراتج

اكيد منهم من حاملة نفس تفكيرج ويمكن أكثر . بس اكيد في مرحلة ما اعرفو أن للعلم مقام عظيم وعاقبته

راح اتفيد مجتمعك في المقام الاول والفرد نفسة .

النقطة الثالثة اي حرم جامعي بالدنيا ياختي لة قدسية وأحترام فما بالج اذا كان بقطر دار العز و الأمان

وسط اهلج وناسج بدال السفر الغربة .

النقطة الرابعة نعم يوجد اختلاط بس من حقج تلبسين الزي الاسلامي المحتشم المتعارف علية والدين بين

ظوابط لبس المرأة وحتى بين لج شلون تتكلمين مع الرجال "فلا تخضعن بالقول" يعني في ضوابط اتحطينها لنفسج .

وأكيد صادفتي طبيبات في مستشفى حمد والله يرفعون الراس ملتزمات والحمدالله

ولبسهم مستور ويزاولون مهنتهم من غير تعقيدات وفارضين احترامهم على الكل .

والنقطة الاخيرة نفرض ان حلمج تحقق ماسألتي نفسج مابعد التخرج شلون راح اتمارسين الطب ووين








http://img101.herosh.com/2010/10/10/368736566.jpg

[احمد (النعيمي)]

الله المستعان خيه الله المستعان

[‏سيـــ بن احمد ـــف]

تعيبيني الشيخه الحينه كل مكان جذه

[(المفكر)]

انتي تتكلمين عن جيلج الجيل الي بعدج ممكن مانفرق بين الرجال والمرأة

الله المستعان

يعطيج العافية

[شموووخ آلصمت]

حبيبتي الله يعينج ويوفقج لما يحبه ويرضاه



اذا بهالزمن اختلاط مانقول الا الله يستر على الاجيال القادمة



ولا حياة لمن تنادي مثل ما تفضل الاخ الانصاري يكون رد المسئولين بان هذا قانون وليس لهم دخل




الله المستعان


ولكـن لديكي خياران الاول اما المكوث في المنزل والاعراض عن هذا الحلم

والاخر تأكدي من كمال حجابك وإن استطعتي النقاب فالتزميه.

[الجوزاء]

السلام عليكم ورحمة الله وبركاته

خليني اخذ كلامج نقطة نقطة من بداية كلامج وضحتي انج ثانوية عامة وباقي لج هالسنة وتخرجين انزين

يااختي مش معقولة كنتي نايمة وأصبحتي مسلمة وعندج عادات وتقاليد أمبين من كلامج انج انسانة واعية

وفاهمة . يوم حطيتي فكرة الطب براسج كنتي عارفة ودارية ان دراسة الطب تحتم الاختلاط بشكل او باخر

ان كان بقطر او خارج قطر . احترم رغبتج وكل انسان بهالدنيا لة مبادئ وقيم يسير عليها بس اذا كانت

قوانين الجامعات سامحة الاختلاط وانا طموحي طب عندي حاجة من اثنين يااما اني ارضي طموحي

وادرس طب او اني ماتخلى عن عاداتي وتقاليدي وديني وأدش جامعة ترضيني.

هاي نقطة النقطة الثانية الحين تبين اتفهميني ان كل الطبيبات القطريات الي سبقوج الي تغربو ودرسو

وتعبو وشرفو البلد ولاهل وصارو قدوة للبنت المكافحة مهب مسلمات وبنات عوائل وعندهم قيم شراتج

اكيد منهم من حاملة نفس تفكيرج ويمكن أكثر . بس اكيد في مرحلة ما اعرفو أن للعلم مقام عظيم وعاقبته

راح اتفيد مجتمعك في المقام الاول والفرد نفسة .

النقطة الثالثة اي حرم جامعي بالدنيا ياختي لة قدسية وأحترام فما بالج اذا كان بقطر دار العز و الأمان

وسط اهلج وناسج بدال السفر الغربة .

النقطة الرابعة نعم يوجد اختلاط بس من حقج تلبسين الزي الاسلامي المحتشم المتعارف علية والدين بين

ظوابط لبس المرأة وحتى بين لج شلون تتكلمين مع الرجال "فلا تخضعن بالقول" يعني في ضوابط اتحطينها لنفسج .

وأكيد صادفتي طبيبات في مستشفى حمد والله يرفعون الراس ملتزمات والحمدالله

ولبسهم مستور ويزاولون مهنتهم من غير تعقيدات وفارضين احترامهم على الكل .

والنقطة الاخيرة نفرض ان حلمج تحقق ماسألتي نفسج مابعد التخرج شلون راح اتمارسين الطب ووين








http://img101.herosh.com/2010/10/10/368736566.jpg

والله اختي حبيبيه كفت ووفت ..

وهالتخصص ياأختي اكبر اختلاط فيه..

انتي تتكلمي على الاختلاط شوفي شو اخترتي تدرسي ؟!

اذا الانسان عارف ومحدد وش يبي راح يوصل للي يبيه وماعليه بااي شي ثاني ..

المهم النيه تسبق العمل ..انوي خير وربنا راح يوفقك لما يحب ويرضاه ..

دمت بخـــــــير .