المساعد الشخصي الرقمي

مشاهدة النسخة كاملة : فاقده الامل تبغي الامل

فاقده الأمل
10-09-2010, 11:33 PM
بسم الله الرحمن الرحيم

السلام عليكم ورحمة الله وبركاته




اخواني انا بادخل الموضوع على طول وبدون مقدمات


انا حبيت اطرح مشكلتي عليكم , واللي لين اللحين ماحصلت لها حـــل وبااعتقادي مالها حـل

اختكم تشتغل في قطاع خاص (شركة التأمين الخاصه) وبكل صراحه تعبت لين مالقيت هالوظيفه وليتني ماتوظفت فيها , تدرون ليـــــش ؟؟

تسئلون ليش ؟


اوكي اول شغله :
اطلع من بيتنا في الشمال من الساعه 6 وربـــــع ياجماعه الخير وارد 4 الا ربع العصر تخيلو !!!!

يومي كله في هالشركـــه .


اخواني هذي نبذه عن الشركـــــه :


(( اول شيء الشركه خاصه ومختلطه وايد , وللعلم مافيها قطريين الا كم واحد وينعدون على الاصابع بعد والباقي كلهم اجانب , وثاني شيء 11 ساعه وانا في الدوام تخيلو من 6 الصبح لين 4 العصر .. بالله عليكم مب حرام خريجة ثانويه وقطـــــرية بنت البلد واخرتها جي الدوام !! ..


وراتبها هذا مب راتب بس الحمدلله على كــل حال , قليل جــدآ وانا علي قرض يكسر الظهـر , والداخليه وغيرها دوامهم نقول 8 ساعات ورواتبهم من 9 وطالع !!

ليش شنو الفرق بيننا كلنا قطريين ومن حملة الشهادة الثانوية !!

وللعلم اخواني انا قدمت في الداخليه من 3 سنوات تخيلو 3 سنوات ههههه والعذر واحد مافي الا جمارك سلوى والمطار وكلهم شفتات .. انا قبيليه واهلي مايرضون بالهشيء .. واللي قاهرني بين فتره وفتره اسمع من بنات جماعتنا ورفيجاتي ان فلانه متوظفه في الداخليه ليييييش .. ان معاها واسطه !!

واحنا شنو ذنبنا !!
وش ذنب خريجين وخريجات الثانويه اللي مرت عليهم سنين واهما لين اللحين ماتوظفوا !!
احنا شنو ناقصنا !!
شهاده ثانويه وقطريين
حالنا حـــال اصحاب الواسطات !!


وازيدكم من الشعر بيت قدمت في المعرض المهني سنتيــــــن ولحد اللحين ماحصلت غير البنوك وكذلك بدون نقاب !!

وش دعوه خلصت الوظايف في الدولـــه !!
انا تعبت يااخواني وابي اوصل صوتي لبرنامج وطني الحبيب والله تعبت من الدوام الطويل والراتب القليل وترى دوامنا مشابه للبنوك بس الفرق بينا النقاب والراتب ..


وانا مقرره اقدم استقالتي باقرب وقت لان صج صج صج تعبت وانهد حيلي

ورحت وزاره العمل من كم اسبوع وقلت لهم السالفه كلها ردت علي الاخت بخياس نفس وقالت والله الاولويه للي لين اللحين ماتوظفوا !!!! لعنبو اللي جالسين في البيت لين اللحين ماوظفتوهم ليش الجذب ياوزاره العمل هذا انتم اخذتوا بناتنا للشمال الاطلنطي وقدموا امتحانات ولين اللحين ماكلمتوهم ولااافتكرتوا فيهم .. وين الوظايف اللي تتكلمون عنها ولا الشغله كل ابوها صارت واسطه والبنات يتوسطون لاهلهم ورفيجاتهم واحنا بالطقاق .. وين العدل ياوزاره العمل !!

اتمنى احصل صدى لصوتي .. وان شاء الله ياوطني الحبيب ماتردوني خايبه واحصل مبتغاي عندكم





فاقده الامل
عباد
10-09-2010, 11:42 PM
الله يوفقك ويكون معك إن شاء الله تعالى

اختي اعملي واسطة انتي كمان
انا لا أعلم موجود هالشيئ ولا لاء

بتمنى يوصل صوتك لبرنامج وطني الحبيب
والاخوة والاخوات ما يقصرو

تحياتي وتقديري لكِ
سراااب قطر
10-10-2010, 12:50 AM
اول شيء اقولج الله يعينج بصراحه

مشكلتج اختي منتشرة في البلاد والكل يقول مافي توظيف
للقطرين
مع ان نشوف كثير من المدارس والوزارات طالبين قطرين
بس ليش عدم التوظيف الله اعلم

اختي قدمي في وزارة البلديه فرع الضعاين على طريق الشمال
طالبين بنات خريجين ثانويه

ومشكلتج راح توصل للمسئولين وصوتج وصوت كل قطري
راح يوصل باذن الله
محتارة والله
10-10-2010, 01:21 AM
ما اقول اختي الا الله يعينج
الواسطه في كل مكان
والله والله
حتى اذا تبينهم يردون على التلفون لازم واسطه
وانا مجربه

حسبي الله ونعم الوكيل
الله يوووفقج ان شاء الله
واخواني اهني وفي البرنااامج اكيد مراح يقصرون وياج
الحبيبه
10-10-2010, 01:45 AM
انزين يااختي ليش ماقدمتي في ادارة الجوازات بفرع مسيمير وفرع الرويس قريب عليج وعندكم بعد في الشمال فرع للجوازات .....اذا حابة.اتقدمين في الفرع الرئيسي مالج امل متروس من البنات الا بواسطة وحاولي انج تاخذين دورات على قد ماتقدرين ...... وعن وزارة العمل انا تعاملت معاهم الصراحة البنات اهناك مهب هبة ريح مايبردون الخاطر ...... ووحاولي اذا سو معاج مقابلة تحملي اتقولين لا.... كل شي عادي عندج أساليني عن المدرة بيقولون هاذي ماتوظفت وتشرط.... انتي قبل لاتقدمين باي مكان أسألي عن طبيعة شغلهم وأذا يازلج مثل ماقلت لج كلمة لا شيليها من قاموسج واذا تثبتي كيفج ..... ولاختلاط ياختي في كل مكان انتي تطلبين المستحيل اللهم في الجيش على لي سمعتة والله يوفقج انشاء الله
بن نايفه
10-10-2010, 02:20 AM
اختي الكريمه انا بانتظر رد مسئولين البرنامج واخواننا الاعضاء لمدة اسبوع وبعدها باشوف الامر وياج اذا ماوصلتي لحل معين

وان شاءالله خير
أسماء هاشم
10-10-2010, 03:43 PM
عزيزتي فاقدة الامل...
اول شي ياريت ما تتأثرين بنكج ان شا الله دايما في امل...
اهم شي حالياً لاتفكرين تقدمين استقالتج ولا تطلعين الا اذا ضمنتي وظيفة ثانية ..ذيك الساعة فكري انج تطلعين..لانج بتكونين حفظتي حقوقج..لكن تخيلي انج تطلعين بدون لا تأمنين لج وظيفة ثانية؟؟؟بيترتب عليه اشكال اكبر انتي في غنى عنه..وخاصة ان عليج التزامات..
جربتي تقدمين على وظايف في مدارس مستقلة بمنطقتكم؟؟خاصة ان في عدد من المدارس فتحوها الحين ومحتاجين كل الوظايف وممكن تكونين مساعدة معلمة للمرحلة الابتدائية وممكن تشتغلين بالاستقبال او اي وظيفة تناسب مؤهلاتج اذا كان عندج شهادات غير الثانوية..ورواتبهم اكيد بتناسبج..
اختي فاقدة الأمل...أرزاقنا بيد الله لاهي بالواسطة ولا هي بيد حد..واذا تعرضتي للظلم او غيرج خذ وظيفة بالواسطة لاتعتقدين ان هالشي وايد زين...كلما كنتي في الوظيفة عن استحقاق وجدارة وكفاءة تاكدي انج في المكان الصح..
قريت رسالتج اكثر من مرة....فيها جانب وايد حلو اكتشفته فيج انج قادرة على تحمل ضغوط العمل وهالشي بالفعل يخليج انسانة كفؤ لأي وظيفة...
فاقده الأمل
10-10-2010, 06:21 PM
الله يوفقك ويكون معك إن شاء الله تعالى

اختي اعملي واسطة انتي كمان
انا لا أعلم موجود هالشيئ ولا لاء

بتمنى يوصل صوتك لبرنامج وطني الحبيب
والاخوة والاخوات ما يقصرو

تحياتي وتقديري لكِ


الله يوفق الجميع اخوي العزيز عباد وشاكره لك كلامك الحلو
فاقده الأمل
10-10-2010, 06:27 PM
اول شيء اقولج الله يعينج بصراحه

مشكلتج اختي منتشرة في البلاد والكل يقول مافي توظيف
للقطرين
مع ان نشوف كثير من المدارس والوزارات طالبين قطرين
بس ليش عدم التوظيف الله اعلم

اختي قدمي في وزارة البلديه فرع الضعاين على طريق الشمال
طالبين بنات خريجين ثانويه

ومشكلتج راح توصل للمسئولين وصوتج وصوت كل قطري
راح يوصل باذن الله




اخوي العزيز الانصاري الله يعين الجميع
المدارس لحد يجيب لي طاريها كلهم جذابين ماخليت مدرسه مارحت لها واتوقع يااخوي كلهم متفقين على هالجمله : ( عندنا اكتفاء واذا احتجنا لج بنكلمج )

والبلدية كذالك رحت لهم وقالوا ما نوظف الا جامعيات !!

وحتى الجامعيات ماوظفوهم

شاكره لك اخوي حظورك وكلامك اللي يسر
فاقده الأمل
10-10-2010, 06:33 PM
ما اقول اختي الا الله يعينج
الواسطه في كل مكان
والله والله
حتى اذا تبينهم يردون على التلفون لازم واسطه
وانا مجربه

حسبي الله ونعم الوكيل
الله يوووفقج ان شاء الله
واخواني اهني وفي البرنااامج اكيد مراح يقصرون وياج


الله يعين الجميع عزيزتي

صاجه والله صارت الواسطه في كل شيء حتى مثل ماتفضلتي على التلفون لازم واسطه !!

لاحول ولاقوة الا بالله

بكره حتى دفنت الميت اتصير بواسطـه


الله كريم

وان شاء الله مايقصرون اخواني وانا عارفه هالشيء



شاكره لج مداخلتج عزيزتي
فاقده الأمل
10-10-2010, 06:43 PM
انزين يااختي ليش ماقدمتي في ادارة الجوازات بفرع مسيمير وفرع الرويس قريب عليج وعندكم بعد في الشمال فرع للجوازات .....اذا حابة.اتقدمين في الفرع الرئيسي مالج امل متروس من البنات الا بواسطة وحاولي انج تاخذين دورات على قد ماتقدرين ...... وعن وزارة العمل انا تعاملت معاهم الصراحة البنات اهناك مهب هبة ريح مايبردون الخاطر ...... ووحاولي اذا سو معاج مقابلة تحملي اتقولين لا.... كل شي عادي عندج أساليني عن المدرة بيقولون هاذي ماتوظفت وتشرط.... انتي قبل لاتقدمين باي مكان أسألي عن طبيعة شغلهم وأذا يازلج مثل ماقلت لج كلمة لا شيليها من قاموسج واذا تثبتي كيفج ..... ولاختلاط ياختي في كل مكان انتي تطلبين المستحيل اللهم في الجيش على لي سمعتة والله يوفقج انشاء الله





حبيبتي كل مااروح فرع من الداخليه في الدوحه يقولون لي راجعي او قدمي في الملحق الاداري احنا نستقبل الطلبات من عندهم .. والملحق الاداري من 3 سنين وانا اروح واجي عندهم وهذي جملتهم : ( ماعندنا حاليا الا الجمارك والمطار وكما ذكرته سابقا في موضوعي ) .. ومن شهر تقريبا قدمت في ادارة البحث الجنائي وحده من جماعتنا تشتغل هناك وقالت يبون بنات ورحت لهم وقالو لي الاوراق تتقدم في الملحق الاداري .. و الملحق الاداري ووزراة العمل هم سبب بطالة شباب قطر بكل صراحه ..




وشاكره لج كلامج عزيزتي
فاقده الأمل
10-10-2010, 06:46 PM
اختي الكريمه انا بانتظر رد مسئولين البرنامج واخواننا الاعضاء لمدة اسبوع وبعدها باشوف الامر وياج اذا ماوصلتي لحل معين

وان شاءالله خير


بارك الله فيك
ان شاء الله خير اخوي العزيز


بانتظار ردكم عاجلآ غير اجلآ
فاقده الأمل
10-10-2010, 06:55 PM
عزيزتي فاقدة الامل...
اول شي ياريت ما تتأثرين بنكج ان شا الله دايما في امل...
اهم شي حالياً لاتفكرين تقدمين استقالتج ولا تطلعين الا اذا ضمنتي وظيفة ثانية ..ذيك الساعة فكري انج تطلعين..لانج بتكونين حفظتي حقوقج..لكن تخيلي انج تطلعين بدون لا تأمنين لج وظيفة ثانية؟؟؟بيترتب عليه اشكال اكبر انتي في غنى عنه..وخاصة ان عليج التزامات..
جربتي تقدمين على وظايف في مدارس مستقلة بمنطقتكم؟؟خاصة ان في عدد من المدارس فتحوها الحين ومحتاجين كل الوظايف وممكن تكونين مساعدة معلمة للمرحلة الابتدائية وممكن تشتغلين بالاستقبال او اي وظيفة تناسب مؤهلاتج اذا كان عندج شهادات غير الثانوية..ورواتبهم اكيد بتناسبج..
اختي فاقدة الأمل...أرزاقنا بيد الله لاهي بالواسطة ولا هي بيد حد..واذا تعرضتي للظلم او غيرج خذ وظيفة بالواسطة لاتعتقدين ان هالشي وايد زين...كلما كنتي في الوظيفة عن استحقاق وجدارة وكفاءة تاكدي انج في المكان الصح..
قريت رسالتج اكثر من مرة....فيها جانب وايد حلو اكتشفته فيج انج قادرة على تحمل ضغوط العمل وهالشي بالفعل يخليج انسانة كفؤ لأي وظيفة...



اختي العزيزة اسماء


استقالتي في خاطري اقدمها اليوم قبل بكره .. بس مثل ماقلت علي التزمات وقرض
عزيزتي اقولج كل مكان قدمت فيه وكل المدراس اللي قريبه مننا والبعيده يعني بالمختصر كل مدرسه بالدوحه .. وجملتهم ( عندنا اكتفاء )

الى متى هالاكتفاء انا مب عارفه !!

وفي خاطري اتوظف في وزاره اضمن مستقبلي فيها لان الخاص مب مضمونه وفوق هذا راتبهم جدآ قليل


والنعم بالله وهذا اكيد ارزاقنا بيد الله

رسالتي طالعه من صميم القلب عزيزتي وفعلا قادره على تحمل ضغوط العمل بس الى متى 11 ساعه والله تعبت



بانتـــظار ردكم عاجلا غير اجلا
احمد (النعيمي)
10-10-2010, 10:32 PM
الله يكون في عونج خيه ولج ان تصبري وتنتظري فرج من ربنا سبحانه

تحياتي
‏سيـــ بن احمد ـــف
10-10-2010, 11:19 PM
تعيبني الشيخه
(المفكر)
10-11-2010, 12:27 AM
الله يوفقج ان شاءالله

يعطيج العافيه
الجوزاء
10-11-2010, 07:34 AM
الصــــــــبر مفتاح الفـرج ..

الله يعينك وأنتي في بلدك الا ماتلاقي حل ويا حكومتكم ..

لااملك لكي غير الدعاء ..

دمت بخير .
بدوية ومزيونه
10-11-2010, 09:34 AM
الله يفرجها عليك أنشالله يرزقك أنشالله ..... إذا تبين مساعده مدرسة راسليني على الخاص
ألماسة الزرقاء
12-14-2010, 09:08 AM
الله يعينج انشالله وانشالله تكونين كله امل