من المسؤول عن زوجات الطلبه المبتعثين للخارج؟

[زوجه مبتعث لامريكا]

السلام عليكم ورحمة الله وبركاته .....

من زوجه مبتعث لامريكا..اريد معرفه من السؤول عن دراسه اللغه الانجليزيه في معاهد لزوجات الطلبه المبتعثين للخارج؟هل هي الجهه المبتعثه ,ام المجلس الاعلى ,ام السفاره مع العلم تم اغلاق المكتب الثقافي القطري في امريكا؟

انا اشوف زوجات المبتعثين من دول الخليج يدرسون لغه بالمعاهد على حساب الدوله .ليش احنا لا.....شنو اللي قاصرنا؟
عني وعن كل قطريه ضحت وتركت شغلها والا دراستها عشان زوجها ,نطالب المسؤولين اللي كل واحد يخلي نفسه من المسؤوليه ويحولونا من جهه لجهه .نبي نتواصل مع المجتمع الامريكي تحدثا مب اشاره.
بالنسبه لي مرت سنه كامله وانا بامريكا وما استفدت من وجودي هناك .ومابي باقي السنين تمرنفس الشي .نبي حــــــــــــــــــــــــــــــــــــــل سريـــــــــــــــــــــــــع

شـكــ وبارك الله فيك ـــرا لك ... لك مني أجمل تحية .

[سراااب قطر]

بيتم مخااطبه السااده المسئوولين ورااح نرد عليج أن شااء االله

[محتارة والله]

والله هالشي اول مره اسمع عنه
بس داام الدول الخليجيه مطبقين هالشي
من حقنا احنا بعد

اخوي احمد مراح يقصرر ان شاء الله

ومووفقين

[زوجه مبتعث لامريكا]

والله ياريت يا أخ احمد تشووف لنا المسؤولين لاني استخدم لغه الاشاره او كلمات متقاطعه عشان يفهمون علي والا اضطر انتظر زوجي عشان يترجم لي

وجزاكم الله خير
ومشكورين على المرور

[ام ديم]

السلام عليكم ورحمة الله وبركاته

انا عن نفسي عايشه في امريكا (كولورادو - دنفر) حاليا وصار لي سنه ونص فيها وللاسف درست في معهد للغة الانجليزيه لمدة شهرين ونص على حسابي الخاص عشان اقدر اسجل في الجامعه بس ماقدرت اكمل لان تكاليف المعاهد وايد مرتفعه وانا ابي اكمل دراستي بدلا من تواجدي بدون دراسه او اي تعليم او تطوير ذاتي
علما ان وجودي هناا بدون دراسه ضيع علي سنه جامعيه كامله

مشكوره اختي على الموضوع ويعطيج العافيه واتمنى ان المسئولين يلقون لنا حل لان انا اشوف اكثر من دوله خليجيه متكفله بزوجات المبتعثين من a_z لكن إحنا لاحياة لمن تنادي


يعطيكم العافيه مره ثانيه

[سراااب قطر]

أختي بخصوص دراسه زوجات المبتعثين على نفقة الدولة
لم يتم إصدار شيء بشأنه والحالات نادرة الي تم الموافقة عليها

وتقدرين تتواصلين مع الأخوة في المجلس الأعلى للتعليم وراح يفيدونج
وتقدرين أيضاً تقديم أوراقج لمكتب سمو الشيخه/ موزة المسند حرم الأمير الله يحفظه - لأنها داعمه للتعليم

[زوجه مبتعث لامريكا]

أخ احمد انا اتصلت بالمجلس الاعلى وقالو لي انهم مايغطون دراسه لغه (وهذا قانون قديم وتكنسل )وبس يعطون بعثات للجامعات اذا جبت لهم موافقه غير مشروطه من الجامعه الامريكيه
وانا ارسلت طلب استثناء للاخ عبدالله صالح المهيزع (مدير مكتب الوزير ) و لم يتم الرد للان
وارسلت طلب اخر للمنتدى الرسمي لحرم صاحب السمو (الشيخه موزه بنت ناصر المسند)من يومين اطالب فيه بأحقيه دراسه زوجات المبتعثين للغه الانجليزيه وللان ماوصلي رد

اتمنى انكم توصلون رسالتي للجهات المختصه وتفيدوني بهالموضوع

ولكم مني جزيل الشكر على اهتمامكم

[سراااب قطر]

بخصوص موضووع المجلس الاعلى للتعليم ذكرت لج بأنهم رااح يفيدوونج أكثر
لأن مثل ماذكرت لج مافي أي شي بخصوص الحالات الي مثل حالتج الا نادرا ويمكن تكون قديمه مثل ماذكرتي

وأن شااء الله يشووف موضووعج أحد المسئوولين ويتم توضيح لج الأمور

[ورده]

ماقصرت أخوي أحمد الانصاري الله يجعلك ذخر لهذا البلد

[سراااب قطر]

الله يسلمج يااورده ماقصرتي
وأنا تحت خدمتكم في أي موضووع تبوونه

[زوجه مبتعث لامريكا]

تسلم يا أستاذ احمد وجزاك الله خيـــــــر , واحنا ماعندنا حد يوصل مشاكلنا للمسؤولين ويدور على الحلول الا عن طريقكم

[أم ابراهيم]

يا حبيبتي صاحبة الموضوع
انك اسمعت لو ناديت حيا ولكن لاحياة لمن تنادي
اما سفراءنا للاسف يفتكرون ان دورهم في الحفلات
والعزايم ام رعاياهم إلي من اجلهم وجدوا يتهربون منهم
وكانهم طالبين منهم صدقة مش حق من حقوقهم
عليه العوض ومنه العوض اختي الحبيبة
والله المستعان

[زوجه مبتعث لامريكا]

تسلمين أم ابراهيم ....انتي تدرين احنا بالغربه لا اهل ولا ونيس على الاقل نبي ندرس لغه وهالشي ما أظنه صعب على المجلس الاعلى .
احنا قاعدين بالبيت والمرافقين اللي من مجلس التعاون يدرسون في المعاهد ومو بس جذيه ويتكفلون بحضانه لاطفالهم .والله تحسين بقهرر.

[سراااب قطر]

أن شاء الله صووتج وصووت كل شخص يعااني من نفس مشكلتج

بيووصل للمسئووولين

[زوجه مبتعث لامريكا]

استاذ احمد اذا ماعليك امر بغيت رقم حسن الساعي او ايميله لان الصراحه الموضوع طول وانا لحد الان مالقيت له حل ......ما ادري ليش المسؤولين في المجلس الاعلى مطنشين حتى التلفون مايردون عليه ولا على الايميل اللي طرشته .
*

[سراااب قطر]

والله يا اختي
رقم الاستاذ حسن الساعي يعتبر من خصوصياته
ومانقدر نسرب اي رقم او اي ايميل لاي مذيع
اسمحيلي اختي
بس تقدرين تتواصلين معاه عن طريق البرنامج

وبخصوص المجلس الاعلى ماينفع تتصلين لهم
خلي احد يروح لهم ويقابل احد المسئولين
لو اعتمدتي على التلفون مابتحصلين لاحق ولا باطل منهم
خلي حد يتواصل معاهم من قريب

واتمنى من الاخت والمذيعه الطيبه أسماء هاشم النظر في موضوعج
لان في كثير اسخاص ينتظرون الاجابه على نفس سؤالج

بارك الله فيج واسمحيلي مرة ثانيه

[زوجه مبتعث لامريكا]

جزاك الله خير ،بس انا اللي قصدته رقم برنامج الدار وايميل البرنامج عشان يعرض المشلكه عسى يلقالنا حل.
والشي الثاني انا بعثت حد من اهلي وكلموا سكرتيره مساعد الوزير بس للاسف قابلوا طلب الاستثناء بالرفض، لانهم مايدرسون لغه،وطلبو يقابلون المسؤول وطبعاً ماكان موجود.
انتو ماقصرتوا وبيض الله وجهكم وموفقين بإذن الله ...*

[‏سيـــ بن احمد ـــف]

تعيبيني وهاذ المراقب يروم والمذيعه اتروم بعد لاتخافون

[سراااب قطر]

الله يكون في عوونج أختي الكريمه

وانشاء الله بيتم إرسال إيميل
الأستاذ حسن الساعي في أقرب وقت

[مشاعل الطبيشي]

زوجته مبتعث لامريكا
طُرح الموضوع علي الهواء ولكن حتى الان لايوجد رد من الجهات المختصة
واحنا و فريق العمل نعمل جاهدين للوصول للجهات المعنيه لكي نرد علي استفساراتكم