!! جوفوا لنا حل !!

[مــالــي حــل]

السلام عليكم ورحمة الله وبركاته

الله يسلمكم انا طالبه من طالبات سكول

روضه بنت جاسم اللي حاليا صارت مستقله

وطبعا النظام غير بنات عااشر ( اول ثانوي )

لهم طاولاتهم وكراسيهم الجديده وبما انه صفوف

الحادي عشر ( ثاني ثانوي ) والثاني عشر ( ثالث ثانوي )

صارلهم فتره في هالسكول ماتغيرت طاولاتهم ولا كراسيهم

يعني اللي اقصده انه طاولاتنا وكراسينا خشب غير عن بنات الصف العاشر

وهالشي انا اعتبره ظلم بما انه السكول بكبره نظام مستقله لازم

النظام ينطبق عالكل وانا مااشوف هالشي في سكولنا

والشغله الثانيه البريك ( بريك الفطور ) مدته ( 15) دقيقه

واحنا مايمدينا نوقف في طابور المقصف الا الجرس رن

يعني بالعقل انتوا جايفين هالشي صح والله العظيم من اول يووم

دوااام واحنا ماقادرين نوصل للمقصف من كثر الزحمه حتى ماي

موقادرين نشرب ..

احنا العام عالنظام القديم الحصه ( 45 ) دقيقه والبريك ( 30 ) دقيقه

اما الحين الحصه ( 55 ) دقيقه والبريك ( 15 ) دقيقه جوفوا الفرق !!!!

وين المسؤولين نبي حل عالاقل يطولون فتره البريك عشان الواحد يقدر

يااكل او عالاقل يشرب له مااي ..

يعطيكم العافيه اختكم

مــالــي حــل

[سراااب قطر]

بخصوص الكرااسي والطاااولات لازم يكوون هناك تحرك من قبل إدارة المدررسه مع المجلس الاعلى للتعليم وأشعااارهم بأن هنااك فصوول تحتااااج لكرااسي وطااولات


وبخصوص فترة الرااحه أو البريك

فترة قصيرة بصراحهـ يعني الواحد مايمديه حتى يشتري أو حتى ينهضم الاكل فبطنه
المجلس الاعلى للتخريب قصدي للتعليم لازاال يمشي على خطى من تراااب وليس من حديد

الخطط التعليميه خطأ والي يسووونه المجلس الاعلى أكبر خطأ

الله يعينكم وان شاء الله يوصل كلامج لمذيعتنا أسماء هاشم وتطرح قضيه أهمال المجلس الاعلى للتعليم للمدارس المستقله وتقيدهم بأوقات رااحهـ قصيرة وأجبارهم على التفوق في ظل الضغط النفسي للطلبه

مالي حل صووتج وصووت الطلبه وصل

يعطيج الف عااافيه

[مــالــي حــل]

بخصوص الكرااسي والطاااولات لازم يكوون هناك تحرك من قبل إدارة المدررسه مع المجلس الاعلى للتعليم وأشعااارهم بأن هنااك فصوول تحتااااج لكرااسي وطااولات


وبخصوص فترة الرااحه أو البريك

فترة قصيرة بصراحهـ يعني الواحد مايمديه حتى يشتري أو حتى ينهضم الاكل فبطنه
المجلس الاعلى للتخريب قصدي للتعليم لازاال يمشي على خطى من تراااب وليس من حديد

الخطط التعليميه خطأ والي يسووونه المجلس الاعلى أكبر خطأ

الله يعينكم وان شاء الله يوصل كلامج لمذيعتنا أسماء هاشم وتطرح قضيه أهمال المجلس الاعلى للتعليم للمدارس المستقله وتقيدهم بأوقات رااحهـ قصيرة وأجبارهم على التفوق في ظل الضغط النفسي للطلبه

مالي حل صووتج وصووت الطلبه وصل

يعطيج الف عااافيه


الف شكر لك اخوي احمد يعطيك العافيه

وشاكره لك مروووورك حيييييييل

[مــالــي حــل]

وحبيت اضيف شغله السكول من نظافته يوميا نرد البيت وملابسنا وعبينا مليااانه غبااار

والله العظيم حرااام عليهم تخيلوا صفووف عاشر نظيفه وخامينها وكل شي اما احنا

طاولتنا على بعض مكيفاتنا تعباانه وحالتنا حاله حتى الصفوف ريحتها ريحه من الصبغ

الواحد مايقدر يقعد في الصف وفي صف من الصفووف الله الشاهد علي مافيها ولا طاوله

تخيلوا البنات يدرسوون عالارض وياليت لو معطينا كتب كلما سألناهم قالوا الكتب

لحد الحين ماوصلت انزين ليش يخلونا انداوم عشاان نظف السكول يعني وبعد ازيدكم من

الشعر بيت صفوف مافيها سبوره المدرسات يدخلون علامات تعجب يسألون وين

السبوره !! تقريبا 3 صفوف مافيها سبوره مو حراام اموت واعرف احنا

ليش مداومين والسكول مو مجهز !!

والله العظيم حالتنا مأساااااااااه مأسااااااااه انا ما ارضاها على نفسي ولا على خواتي

الطالبات

[ايماني سر ثباتي]

السلام عليكم ورحمة الله تعالى وبركاته

الله يرحم أيــــــام روضه بنت جاسم ويرحم أيام حصه الأصمخ

بالنسبه للبريك أختي الصغيرة الجميلة وساعات الحصص بيد صاحبة الترخيـــــــــص << مديرتكم ... المجلس الأعلى ضد الساعات القصيره للفرصة لكن تقريبا أغلب المدارس تقلل وقت الفرصه لسبب لا أستطيع الافصاح عنه ^_^ لكن تقريبا المعلمات بيحتجون اذا كلمتوهم

أما بالنسبة للطاولات والكراسي: أتمنى ان أثاث المدرسة الجديد يوصل بسرعه وتنحل مشاكلكم ...

أذكرتنـي ما لسـت ناسـيـه .. و لرُبَّ ذكرى جـدَّدت حَزَنـا
ذكرتيني بأبيات كنت أعتقد اني ناسيتها 0_0

[محتارة والله]

الله يكون بعوونكم
بالنسبه للبريك
وايد وايد قصير ..
احناا كآن 25 دقيقه ..
وووبالنسبه حق الكراسي
حبيبتي احنا نفس الشي كنااا .
حمدوا ربكم عندكم القديمه
كناا احناا كل ثنتين في طاااوله

بس صدقيني توكم باديين اصبروا شوي
وبيتووفر كلشي

والغبار والبريك كلموا المديره

[‏سيـــ بن احمد ـــف]

شوفوا ها انتي شوتبين سايره تاكلين ولا سايره تدرسين ههههه امزح وياج الحينه المسئولين بيساعدونج

بلاج لاتخافين

تعيبيني الشيخه

[مــالــي حــل]

شاكره لكم مروركم يعطيكم العافيه

وبخصوص اختي محتاره ( كل ثنتين في طاوله )!!

اقولج عندنا صف مافيه لا طاولات ولا كراسي

ها اشرايج شنو الافضل كل بنتين على طاوله !!

ولا مافي لاطاولات ولا كراسي !!

واذا عن المديره احنا كلمناها بخصوص الطاولات

بس للاسف مانفع واذا عن البريك احنا غاسلين

ايدنا من هالشغله لانه ولا طالبه تتجرا تكلم المديره

واشكرج يالغاليه

[زوجه مبتعث لامريكا]

ضحكتوني ........مومصدقه احنا وين قاعدين بقطر والا جنوب افريقيا

لا ويبون الطلاب يداومون بنشاط وتفائل . الله يعينكم

[سراااب قطر]

أختي مالي حل

بيتم أرسال لجنه من المجلس الأعلى للتعليم خلال الأيام القادمه لجميع المدااارس لبيان حالة المدرسه ولسد الحاجااات فيها
وتوفير جميع المتطلباااات

[كلي فخر]

ايش هالمصخره هاي مدرسه ولا معصرة ..؟


هذي يسمونها مدرسه ..! ما اعتقد والله ..

بريك ربع ساعه وحصص ساعه كامله وطاولات مغبرة ..

وصفووف مافيها لاطاولات ولا كرااسي .. ولاصبوورة ..


اشدعووووووه وين وصلنا احنا ..!!


عيل ليش البنات يداوموون ..؟


مدام هالاشياء مو متوفرة ..


يقعدون في بيوتهم احسن والله ..


احمد ربي ان مدرستي موجذي .. الحمدلله ..


الصرااحه الله يعينكم ..


ان شاءالله تلقوون حل حق هذي المشكله >> الازمه ..



يعطيج العافيه ع الطررح ,,~

[سراااب قطر]

بيتم حل المشكله أختي كلي فخر من قبل المجلس الاعلى للتعليم

الصبر زين

[ورد جــوري]

اختي انا كنت في مدرسة روضه
وتخرجة منهاا سنة 2009
صرااحه مدرسه روووووعه بمعى الكلمه
بس فيها امور لوتتغير تكون المدرسه حلووه
..............................
والكراسى والطولاات المفروض تتغير
لانهاا ترااث خخخخخ
لخشب طالع من الطولااات مو
والغبااار المدرسه بكبرهاا كلها غباار صح كلامج
لانها من نوع المدارس المفتوحه
كنا نرد البيت كلنا اغباار
والبريك وايد قصير حنا اول يوم كان 30 كنا ما نحس فيه
المفروض 40 دقيقه ع الاقل


بس والله انها من احلى المدارس عندي
البنات والمدرساات والاداريات كاانو عسل

[احساسي عنابي]

السلام عليكم ورحمة الله تعالى وبركاته

الله يرحم أيــــــام روضه بنت جاسم ويرحم أيام حصه الأصمخ

بالنسبه للبريك أختي الصغيرة الجميلة وساعات الحصص بيد صاحبة الترخيـــــــــص << مديرتكم ... المجلس الأعلى ضد الساعات القصيره للفرصة لكن تقريبا أغلب المدارس تقلل وقت الفرصه لسبب لا أستطيع الافصاح عنه ^_^ لكن تقريبا المعلمات بيحتجون اذا كلمتوهم

أما بالنسبة للطاولات والكراسي: أتمنى ان أثاث المدرسة الجديد يوصل بسرعه وتنحل مشاكلكم ...

أذكرتنـي ما لسـت ناسـيـه .. و لرُبَّ ذكرى جـدَّدت حَزَنـا
ذكرتيني بأبيات كنت أعتقد اني ناسيتها 0_0




اختي ايماني
صاجةوالله
الله يرحم ايام حصة الاصمخ اللي كانت تعرف جدول حصصنا (الله يذكرها بالخير )

الا انتي اختي ايماني اي دفعة ( يمكن كنا مع بعض)

اما عن حال المدرسة الحين الله كل المدارس المستقلة ماساة صايرة كانها مضارب كل صاحبة ترخيص تحط جماعتها

واذا البريك قصير خسسو فيهم وكلو في الحصة اوجيبو اكلكم من البيت
واذا على الطاولات والكراسي الصراحة كان الله في عونكم ايامنا الصف فيه 40 بنت ولكل وحدة طاولةوكرسي

الله يعينكم ويصبركم وبعدين ياختي استحملو
كله يهون في سبيل طلب العلم ( والا اشرايكم ):servbah.com108:

ان شالله يكون صوتج وصل للمسؤولين

[أسماء هاشم]

استغرب من شكوى مالي حل....معقولة الملايين والمليارات اللي يتم ضخها للتعليم ما يتم تخصيص مبلغ منها لتحديث المباني او تجهيز الصفوف..
قرأت الرسالة من فترة وماقدرت اعلق بنفس الوقت...
وياريت الكلام عن شيء ثانوي او رفاهية...الكلام عن شيء اساسي...كرسي..طاولة..بل تعدى الأمر لنقص في السبورة...
شيء غريب..
عموما مالي حل نقلت شكواج ..وان شاء الله خير...

[ايماني سر ثباتي]

اختي ايماني
صاجةوالله
الله يرحم ايام حصة الاصمخ اللي كانت تعرف جدول حصصنا (الله يذكرها بالخير )

الا انتي اختي ايماني اي دفعة ( يمكن كنا مع بعض)

اما عن حال المدرسة الحين الله كل المدارس المستقلة ماساة صايرة كانها مضارب كل صاحبة ترخيص تحط جماعتها

واذا البريك قصير خسسو فيهم وكلو في الحصة اوجيبو اكلكم من البيت
واذا على الطاولات والكراسي الصراحة كان الله في عونكم ايامنا الصف فيه 40 بنت ولكل وحدة طاولةوكرسي

الله يعينكم ويصبركم وبعدين ياختي استحملو
كله يهون في سبيل طلب العلم ( والا اشرايكم ):servbah.com108:

ان شالله يكون صوتج وصل للمسؤولين

السلام عليكم ورحمة الله تعالى وبركاته
الله يذكر حصة الأصمخ بالخير ان شاء الله
قطر صغيرة حتى في الشبكة العنكبوتيه سبحان الله ... آنا دفعة اللي سوّت مجسم بوابة المدرسة سنة كاملة للمديرة عشان أفتك من حصص الفنية ههه ...
دفعة عيشي سنّج وافرضي احترامج عالكل وتميّزي ^_* لا تسأليني أي تخصص بتنصدمين

اختي احنا عانينا من مشكلة الأثاث لأن المجلس الله يهديه يفتح مدارس جديدة كثيرة فنفس الوقت فتتأخر الشركات في توصيل الأثاث

ونعم كله يهون في سبيل طلب العلم ... احنا عندنا غرف تحوينا ولله الحمد لكن في دول كثيرة تتمنى صف من خشب



الله المستعان

[بن نايفه]

الي وصلني انه تم تدارك الامر من طرف ادارة المدرسه وتم حل جميع المشاكل الي ذكرتها الاخت مالي حل

وتم تغيير الاثاث وتجديده

يعطيج العافية اختي وبارك الله فيج

[مــالــي حــل]

يعطيكم العافيه كلكم على مروركم ومشاركتكم وبالنسبه للمشكله تم حلها واللجنه ماقصرت يوم الخميس جابوا مجموعه كبيره من الطاولات والكراسي وبلغونا انه يوم الاحد سيتم تجديد الاثااااث شاكره لكم مروركم وتعاونكم

[محتارة والله]

الحمدلله

شفتي اشلوون الصبر زين ..

[شيخ الشباب]

صراحة شي يفرح الصدر الله يوفقكم وكل الشكر لاختنا اسماء المتابعه واخوي النايفه المتابع

يعطيكم العافية

[(المفكر)]

بما انها مستقله وعندها دعم من الدوله فكل صاحب او صاحبة الجل وضميرها

والاخوان سواء من البرنامج او الادارة قاموا بالواجب

يعطيج العافية

[امة الله]

كلكم راع وكلكم مسؤول عن رعيته

الله يعينكم حبيبتي ويسخر لكم هالمجلس