قناة الجزيرة الفضائية تهين القطريين انصفونا

[بنت الجزيرة]

بسم الله الرحمن الرحيم

الى مقدم البرنامج المذيع القطري ابن البلد الاستاذ حســـن الســـــاعي
ومقدمة البرنامج القطرية الاستاذة / عبير مبارك

بصراحه فاض الكيل...وزاد القهر...ومالنا بعد الله الاانتوا لجل شكوانا ومعاناتنا توصل عن طريقكم للجهات الختصه
وانـــاشد بل نناشـــــد نحن القطريين والقطريات عبر منتداكم سمو الامير الشيخ حمد بن خليفة ال ثاني
وسمو الشيخه موزة بنت ناصر المسند
وسمو الشيخ تميم بن حمد نناشدهم لوقف هذه المهازل والاهانات التي نتلقاها نحن القطريين والقطريات في قناة الجزيرة العربية الاخباريه
ننهـــــان في بلدنا ومكانا...ننهان في قناتنا اللي تبدا في كل نشره
نشرة الاخبار من قناة الجزيرة في قطر مرحبابكم هكذا تبدأ

معاتنا صعبه...واوضاعنا اصعب....واللي نشوووفه يقهر....الكل صار مجبر على العمل بعد ماكنا نعشق العمل بهذه القناة

قناة الجزيرة ياجماعه تهين القطري وتهضم حقه بالآتي

الاجنبي يجيب بنته وولده يوظفهم معاه ويستلمون راتب ما يقل عن 20 الف والاب نفس الراتب يعني الاسره تستلم فيهم بالشهر فوق 40 الف
لكن لما يجي قطري يطلب انه يوظف اخوه اللي مخلص الثانويه او ولد عمه او صديق له قالوا له ممنوع في سياسه الجزيرة توظيف شخص يقرب لشخص

الاجنبي درجته بالسلم الوظيفي من 9 الى 1
القطري من 11 الى 12

راتب القطري مابين 9000_12000 الف وهو صار له 12 سنه يشتغل واذا اشتكى او كتب كتاب تظلم اسفهوه وطنشوا له واذا اصر هددوه بالفصل

الاجنبي يكون طباخ او جرسون او حتى مكمل ثانوي وجاي توه لان ابوه مسؤول او مخرج او تربط ابوه علاقه وطيده بمسوؤل اول مايتسلم يستلم راتب قدره 15000 الف ومافوق ويوصل لين 20000الف وهو ماكمل شهر

والله ياجماعه في ناس كملت 12 سنة بقناة الجزيرة درجتها الوظيفيه 12 يعني اسفل الدرجات
وراتبها مايتعدى 13000الف وناس اجانـــــب والله العظيم ماكملوا شهرين روابتهم 20الف ليش هم مش احسن منا....

شباب قطرييين متزوجين يداومون شفتات ليل وعصر ومغرب وظهر
بالعيد هم دوام ...برمضان هم دوام...يفطرون بالقناة...مايشاركون احيانا عائلاتهم افراحهم بسبب ضغوط من المسوؤلين ولازالوا مخلصين لكن فاض فيهم

يجيك شخص اجنبي يتحكم بالقطري ولين جيت تساله ليش ماتعطيني حقي يقول انتوا القطريين ماتشتغلوش بذمه انتوا القطرين ولاحاجه
يجيك شخص مسؤوول بقناة الجزيرة يسالونه ليش ماترقي بنات الجزيرة القطريات وتعدل اوضاعهم يقول مش عايزين قطريات بادارتنا ...يحمدو ربهم انهم لسه في اقسامهم
القطريات مايعروفش يشتغلوا ..القطريات ماعندهمش كفاءة ولا طموح ...القطريات والقطريين ده مستواهم وزياده عليهم
ليش ...الحمدالله ديرتنا وفرت كل شي لنا تعليمنا احسن من تعليمهم....ثقافتنا احسن منهم
ليش يستهينون فينا

والمصيبه الاكبر ان مسوؤلين الاقســـام القطريييين اللي مسوؤلهم الاعلى اجنبي والله مايدامون ولايشتغلون تخيلوا 7 مسوؤلين قطرييين يحكمهم اجنبي مايشتغلون ويستلمون رواتب عاليه وخياليه
بس نشووفهم يوم الاربعاء لان عندهم اجتماع دوري وبنفس اليوم كل مسؤول ينزل جدول الشفتات لقسمه
بس باقي الاسبوع اما يجي يتمشى او يشرب شاي بالكافتريا ويطلع
او يكون مسافر او مرتبط بعزايم ومناسبات
واخر الشهر يستلم راتب كانه مشتغل وتعب فيه
كله هذا بامر نمسؤول الاجنبي ورضى منه

حاسبوهم...تعالوا شوفوا اللي نعاني منه
ياناس ياعالم شوووفوا اوضاعنا والله تستعجبون


القطري ممنوع يشرب شاي او يدخن او يقرى جريده او يتكلم بالجوال اثناء العمل
والاجنبي يشرب شاي وقهوه ويشيك على تذاكر عائلته الكريمه عبر النت

القطري اذا خالف اي تعميم صارد من ادارته ينكتب فيه لفت نظر شديد اللهجه وبعدها انذار بالفصل
الاجنبي اذا خالف اي تعميم يضحكون بوجهه

اذا ادارة القناة نزلت هيكله جديده للموظفين القطري مايتحرك وضعه شبر
الاجنبي يتغير وضعه بالكامل ومع المميزات

القطري اذاعنده اجازة مرضيه غصبا عنه يداوووم
والاجنبي اذا عنده مرضي يعطونه على راحته

بعض الاقسام في ادارة الجزيرة تنزل موظفين اثنين على شفت واحد
الاول يدوام اسبوع والثاني يسافر ويستمتع
والاسبوع اللي بعده عكس
وبالاخير الثنين يستلمون راتب ومع الشكر بعد

القطري اذا اخطأ خطأ واحد يهددونه بالفصل ويكون هذا الخطا سنوات يحاسب عليه
الاجنبي اذا اخطأ عااااااادي ولا ملفه يتوصخ بكلمة

اوااااااااااضاع صعبه نعيشها داخل قناة الجزيرة

اكتفي بذكر بعضها وزملائي رااح يذكرون الاكثر اذا شفنا من يسمعنا
لان تعبنا...وضاق فينا
ومن قال القطري مب غير لا القطري غير واحسن دامه ببلاده لحد يزعل منا من الاخوان اللي من جنسيات اخرى بس احنا نتكلم عن شي المفروووض نكون مانشتكي منه واحنا بارض الوطن


اتمنى من المسؤولين الاهتمام بهذا الموضوع وايصاله للجهات المسؤوله ومتابعه الموضوع
واذا حابيين تسوون تحقيق داخل القناة مع الموظفين بتشوفون وتسمعون العجب

والله مصخره نشوووفها من المسؤولين بقناة الجزيرة ومعامله لاتليق بنا نحن القطرييين
اتمنى تسمعونا وتفهمونا

[بنت الجزيرة]

اخر الامور اللي صارت
ان في شخص في احد الاقسام موظف حاله حال اي شخص عادي هذا الموظف الاجنبي انتحل وادعى ومارس صلاحيته على اساس انه مسؤول دوون وجود كتاب رسمي يثبت ذلك
وطبعا ادارة الجزيرة من رئاسة التحريرالى اكبر المسوؤلين عارفين بهذا الشي لكنهم ساكتين ومبسوطين
هذا الشخص اللي ادعى انه مسوؤل يكره شي اسمه قطرييين ويحقد عليهم وعيني عينك يسب فيهم
ويراقبهم ويراقب اوقات خروجهم ودخولهم للدوام..حتى انه وصل لدرجه يسب البلد ويقلل من قدرات القطرييين ويرفع صوته عليهم
ولما راحوا اشتكوا للمسوؤلين اوعدهم انهم بيتصرفون ولا حركوا ساكن!!! ليش لان الشكوى جات من مجموعة من القطرييين لو جات من اجنبي تقوم الدنيا وتقعد


هذا الشخص يضغط مش بس على القطرييين حتى على غير القطرييين
والله ياناس مصخره
وين المسوؤلين....خلهم يشوفون اللي صاير

[معاناة]

اختي بنت الجزيرة
تسلمين على هذه الصراحه كنا محتاجين احد يفتح لنا المجال

القطرين من الشباب والبنات لاتتعدى نسبتهم داخل القناة 15%
والاجانب من باقي الجنسيات 85% يعني معقوله وين الكلام الذي سمعنا عنه
الدوله والمسولين الكبار ماقصروا طالبوا بتوظيف القطرين في كل قطاعات الدوله
لكن مانراه غير ذلك في قناة الجزيرة
والله ياجماعة الخير بعيني شايف شخص جايب معاه سي في لأصدقاءه الموجودين في بلده يعني هو ماوصل الدوحة يقدمون اوراقه ويضمن وظيفته ويوصل للدوحه معزز ومكرم
او يجيب معاه اوارق اشخاص يعرفهم يقعد معاهم بالشيشه ويسلمهم للمسول اي قسم ويوصي عليهم وكلها ايام ويتوظف
والقطري عالوا شوفوا ملفات القطرين والقطريات مكدسه ويمكن رموها الله يعزكم بالزباله
واذا راجع القطري ويسال ويش صار في توظيفه يقولون له التوظيف حاليا موقف او مافي وظائف شاغره
والله ياجماعة الخير ان شخص كان يعمل في احد المطاعم اللي تعمل داخل الجزيرة وتم الغاء عقد المطعم ورحيل موظفين هذا المطعم لكن جرسون منهم لانه يعرف كم شخص كلمهم وقال لهم انا ابي اترك المطعم واشتغل عندكم
والله اخترعوا له مسمى جديد ووظيفه جديده وشغلوه موظف بقاة الجزيرة

والقهر انهم الغوا الاجازة العارضه او ماتسمى بالاضطراريه ويوم استفسرنا قالوا انتوا يالقطرين تطلعون وايد اجازات اذا العارضه هي 7 ايام والسنويه 30 يوم او 40 يوم وين واايد
يعني والله اذا ولدي تعب كيف اعتذر عن الدوام
اذا صار معاي امر طارىء كيف اخذ عذر من دوامي

جد وضع صعب نعيشه نحن القطرين

اخوكم
معاناة ( بوصقر ) << اسم مستعار لحين اكتشاف الحقيقه ووضع حد لما يحصل

[بومحسن]

مرحبا بالاخوان
ان شاءالله يكون موضوعكم منه فايده لان قبل جريده الشرق ماقصرت نزلت خفايا كثيره عن الجزيرة
وتم اخراس صوت الجريد وخنق القلم
اتمنى يكون فيه فايده لاننا تعبنا ووصلنا حدنا

احب اضيف على كلام اخواني بعض الامور القهريه التي يلاقيها القطرين

في 2من الشباب يعطيهم الف عافيه كانوا يعملون في قسم مساعد مخرج وتم ترقيتهم للمخرجين من تقريبا 4 شهور من اربع شهور وهم تحت التدريب مع ان كل واحد فيهم كمل 6 سنين او 5 سنين من عمله لكن بقرار مسول (غير قطري) تم وضعهم بمرحله التدريب مع العلم انهم يشتغلون بروحهم ومتمكنين وكفاءتهم عاليه ويمسكون شفتات لحالهم دون وجود رقيب او مدرب لهم والكل يشكر فيهم لكن لمسول (الغير قطري) مصر انهم يظلون معلقين دون تثبيت وجود شي رسمي يثبت انتقالهم

وبعد معاناة وتعب تم ترقيتهم بمسمى مخرج رسميا بعد شهور طويله

القطري اذا توفى عظم الله اجركم والله يصبر اهله
الغير قطري اذا توفى بادره طيبه من الموظفين ومانقول عنها شي الكل يجتمع ويتبرع براتب يوم كامل لاسره هذا المتوفى
ترى القطرين معروفين بكرمهم في مثل هذا الوضع يشاركون ويتبرعون
لكن ليش اذا توفى القطري مايقومون بمثل هذه البادره ...علامات استفهام

اذا موظف قطري قدم استقالته قالوا له الله معاك ويوفقك
غير القطري اذا استقال تقوم القيامه عندنا والكل يترجاه ولا ابشركم يشكلون مجموعه محترمه من كبار قوم الجزيرة ويدخلون على المدير يترجونه مايقبل الاستقال ويلبى طلب هذا الموظف المستقيل لجل يبقى وهو سعيد ومرتاح

انا مااقول غير القطرين مب مظلومين لا شهاده حق مظلومين بس بعضهم وقل قليله منهم
لكن اكثرية الغير القطرين عايشين بارض وطنا بخير ونعمه وكرامه واحنا يالقطرين الذل والاهانه وتقليل من قدراتنا

وفي نقطه الجزيرة جزاها الله الف خير افتحت مركز للتدريب وماقصرت قالت للموظف اخذ دورات واطرحت دورات كثيره لكل الاقسام والمجال مفتوح للكل لكن العجب ان اداره الجزيرة تطلب من الموظف ياخذ دورات والدوره تبتدي من 9 الصبح لحد 4 العصر بعدها غصبا مو طيب غصبا عن الموظف يطلع من مركز التدريب ويورح يداوم دوامه الرسمي يعني تخيلوا ياناس الواحد منا يقوم الصبح 9 يروح الدوره لحد 4 العصر ومن اربع العصر يدوام لحد 11 كل يوم وين لجنه حقوق الانسان
كل انسان وله طاقه وله ظروف وعياله وبيته ونفسه لهم حق عله

الدوره مدتها 30 يوم
واذا مااخذا قالوا القطرين مامنهم فايده القطرين ماياخذون دورات ولايهتمون ويهددونا بعد
بالعقل ايش يجبرني اخذ دوره على حساب صحتي وعيالي

ياخي وفروا لنا رصيد من الاجازات خاص بالدوره فقط او حاولوا تفرغونا للدوره غيرنا المتفرغ من غير لزمه مب احسن منا

ان شاءالله موضوعنا يلقى صدى
اخوكم بومحسن

[الفارسه]

احيي القائمين على هذا المنتدى الكبير والرائع
ويعطيكم الف عافيه انا جاتني رساله بخصوص ان فيه موضوع يتكلم عن قناة الجزيرة
وسجلت في منتداكم للمشاركه بهذا الموضوع اللي اتمنى من القائمين على المنتدى والجهات المسؤولة المتابعه لمشاكل المواطن تلقى لنا حل وسريع لان قطر دار الخير والكرم والسلام عندها عيالها بالدنيا كلها ماقصرت بشي معاهم وكرمها وصل للغريب واكثر
مااعتقد بترضى مثل هالبيئة تلوث خيرها ونعيمها وتكدر خاطر عيالها

الجزيرة قناة اعلاميه كبيره وتستحق التقدير والشكر
لكن مايحدث لم يعد باستطاعة احد احتماله

اي قسم يتم استقالة او رحيل مسؤوله تقوم الاداره باختيار موظف غير قطري لـ استلام رئاسة القسم مع العلم ان هذا الموظف الغير قطري اللي تم اختياره جديد لم يمضي على تواجده بالقناة اكثر من 3 سنين او حتى سنه في حين ان بنفس القسم موظفين قطرين يعلمون بقناة الجزيرة من 12 سنه وهناك قطريات يستحقون هذه المكانه وكفاءتهم عاليه بناتنا
لكن نظره الاداره دائما ان القطري والقديم ليس اهل للثقه ولايمتلك قدرات وعضلات ونفخ مثل الغير قطري

في بنت الله يذكرها بالخير كانت تشتغل في قسم الاخراج لها تقريبا 10 سنين دربت كل الموظفين اللي معاها بالقسم وحتى مسؤولها دربته قبل لايتولى رئاسة القسم وعندها شهادات لدورات خذتها واشتغلت شفتات رغم عاداتنا ماتسمح للبنت تعمل بالخارج بعد 7 مساءا لكنها اشتغلت لحد 12 بالليل
لكن بسبب مضايقه المسؤولين من وجود قطرية في قسم كله شباب اعملوا المستحيل لجل يخلوها تتخلى عن وظيفتها وهددوها والعبوا باعصابها ولان البنت عليها ديون ماقبلت انها تستقيل
لكن رضت باللي هم خططوه
البنت تم نقلها بعد وظيفه فنيه 10 سنين الى موظفه بالبداله ترد على المكالمات وبس

والله ان صارت سالفه والكل يعرفها
موظف في بنك معروف عندنا هذا الموظف يعمل تقريبا 20 سنه بالبنك وفجاة تم اقالته من عمله
ولان موظفين الجزيرة الغير قطرين حسابتهم ومعاملتهم كانت تتم من قبل هذا الموظف يوم اعرفوا انه تفنش والله ثم والله احتجوا واعملوا تجمعات لمناقشه وضع موظف يعمل بقطاع غير قطاع الجزيرة وشكلوا فريق من كبار موظفي الجزيرة وراحوا لمدير البنك يتوسطوا له لكن المدير رفض هذا الشي
تدرون ويش صار
الفريق نفسه دخل على المدير واعمل المستحيل لجل يتوظف هذا الموظف الغير قطري اللي كان يعمل ببنك اتوسطوا له يعمل في قناة الجزيرة ومش في وظيفه عاديه لا بوظيفه مسؤول في الاداره الماليه

والله ان كل قطري كان يضحك يومها من القهر

يعني انا اذا والداي او عمي او اخوي تفنش او استقال او تقاعد بيهتمون او بيسوون مثل مايسوون لا طبعا لان ممنوع الاقربون من اي موظف يشتغلون معاه بس هم عادي عيالهم يشتغلون معاهم

والله اغلب الغير قطرين ولده وبنته معاه ويش يبي احسن من جذي

شبابنا قطرين واسسوا الجزيرة وكانوا من اوائل الموظفين وخدمتهم تعدت 10 سنين اوضاعهم مثل ماهي درجاتهم الوظيفه تحت ورواتبهم قليله والغير قطري ماكمل سنه درجه عاليه وراتبه يفوق الخيال

قطرية متخرجه ومتميزه تقدمت للعمل بوظيفه مذيعه ارفضوها ولـ اسباب سخيفه مالها اي معنى
والغير قطريه تقدم استقالتها وتروح لقناة ثانيه بعدها باسبوع ترجع وحبه على الراس
الغير قطرية محشومه ولها قدرات عاليه
نسوا ان الهام البدر كانت من افضل المذيعات نسواااا
الغير قطرية ماتصلح لاشكل ولا تقديم لوظيفه مذيعه لكن لن واسطتها قطري وراه سؤول غير قطري تتوظف وينقال عنها من افضل المذيعات


وينكم يالمسؤولين تعالوا شوفوا لنا الحل
اختكم
الفارسه

[QATAR]

ماهو حق يصير في القطري كذا في قناة تحسب علينا كا قطريين ,,

اما عن موضوعكم ان شاءالله راح ياخذ حقة في الطرح دون التعدي او التجريح ,,

[كرباج]

ان موضوع الجزيرة مثل موضوع روتانا بالضبط


مانقول إلا حسبنا الله و نعم الوكيل

[دمي عنابي]

الله يكون في عونكم والله انها مشكله مب في الجزيره وبس
بل في كل مكان

ونتمى من كل يقدر على فعل شي اتخذ الاجراء الازم والله انها مشكله من اهم المشاكل
التي تهم المواطن القطري !!!!!؟؟؟؟

ولكم مني الشكر

[اللورد]

ينت الجزيرة كلامج فيه معاناه كبيره وان القطري حقه مهضوم والاجنبي ماخذ حقه وزياده والله والله ان مب بس الجزيره في اماكن كثيره نفسكم ويمكن زود وان شاء الله الاخت عبير او الاخ حسن بشوفون لكم حل وانت من فتره سمعتوا ايش صار القطريه (الطياريين القطريين) عن المعشات الحمد لله ان امورهم زانت وان شاء الله ان اموركم بزين مثلهم وزود بس الواحد يدعي ربه واكيد انه يشوف ومب ناسينا


اختي تقبلي مروري

[بنت الجزيرة]

اخوي راشد احنا ماجرحنا بأحد احنا قلنا اللي يصير يااخوي انت قطري واكييد تحس بالقهر اللي فينا
والله ان الكل اتحدا تسالون واحد مايشتكي والله قهر الكل يداوم غصبا عنه الكل فيه غصه

اخوي دمي عنابي هو صحيح كل وزاره وكل مكان يصير فيه مشاكل بس عندنا يااخوي بزياده
والله مااكذب عليكم المشكله الامر كل ماله يزيد الامور تكون في صالح الاجنبي والقطري يلتعن ويتعب ولااحد يشكره اوضاعنا صعبه
تعال يااخوي او اسال غرفة اخبار قاعه كبيره فيها في الشفت الواحد لكل لاقسام حول 100 شخص من 100 بس 2 قطريين بس بعد 2 مو في كل شفت لا في شفت واحد يعني الجزيرة فيها حول 6 شفتات تخيل كل الشفتات اجانب تخيل واذا طالب القطري يصير محرر او مذيع قالوا له ماتنفع ليش ماينفع

الاجنبي يتملك شقه باللولوة ليييش لان راتبه عالي لانه وضعه زين لانه مايحاتي ديونه
والقطري مو قادر يسوي شي لنفسه وعياله لان راتبه يادووب يكفي مصاريف المدارس والعيد وووو

تعالوا بنفسكم شوفوا الاجانب سياراتهم كشخه بي ام وغيرها والقطري على قد حاله كل هذا بسبب ان الاجنبي يستلم فوق حقه وزياده والقطري لا


اخوي اللورد قلت لك ماننكر ان في اماكن كثيره فيها مشاكل بس مااعتقد مثل الجزيرة
يااخوي ذكرت لكم ان جرسون اخترعوا له وظيفه وعززه وكرموه ايش اكثر ننتظر

يحتقرونا...يستغلونا..يتحكمون فينا بحكم وظايفهم الاعلى منا

والله العظيم ان تقريبا 3 مذيعين كل مذيع بنته وولده يشتغلون بالقناة
الصحفين والله كل واحد جايب زوجته وولده شتغلون معاه يعني مايحاتون شي
روؤساء الاقسام جايبين عيال عمهم واصدقاءهم
كلهم اجانب والله قهر
سياسية الجزيرة تمنع انك جيب ولدك او بنتك مجرد زياره لكن الاجانب تتمشى تشوف يهال اعمارهم 5 سنين الى 15 سنه جاييين يتمشون تقل قاعدين بروضه واذا جيت اطلع تصريح تجيب احد يشووف الجزيرة يقول لك ممنوع زياره ليش ؟؟؟؟؟؟؟؟؟؟؟

القطري اذا فتح النت وقعد يتصفح في وقت فراغه يهاوشونه ويعطونه لفت نظر
الاجنبي يقعد ويتصفح ويستمتع ويحجز تذاكر ويشيك على البنك عاادي محد يحاسبه وقت فراغه خلوه يرتاح والقطري لا

القطري اوفر تايم مايعطونه والله العظيم القطري اذا داوم ساعه زياده على دوامه مايعطونه ريال
والاجنبي اذا داو ساعه نزلوا له اوفر تايم

وينكم يامسؤولين وينكم اسمعونا وحلوا قضيتنا
ترانا مانكذب ولانتبلى على احد تعالوا بنفسكم اسالوا وحققوا
تعالوا شوف الذل اللي يعيشه قطري في بلاده
وشوف النعيم اللي يعيشه الاجنبي بقطر وخارج قطر
الاجنبي فوق نعيمه بقطر يبني له عماير ببلاده ويشتري اراضي من خيرنا كل هذا ليش لان حاله احسن من حالنا

حسبـــــي الله ونعم الوكيل في يكون ورى السبب

[الذوق كله]

والله ظلم صراحة الاجانب فوق والقطرين تحت .
مالكم الا الصبر والله يكون في عونكم .

[فتى الدوحة]

الظاهر صدق هالكلام...

بارك الله بك , شكراً أخي الكريم

[الحبابي]

ياخوان قناة الجزيرة نفس الخطوط القطرية يمتلكها أشخاص أعتباريين

بمعنا أخر حلالهم وكيفهم يوظفون أجانب ولا يسكرون القناة كيفهم

ليس لنا الحق بمطالبة بأي شيء الا اذا كانت القناة تمتلكها الحكومة القطرية

هذا للعلم فقط وشكرا

[فاقد الأمل]

السلام عليكم ورحمة الله وبركاته
اختي العزيزة بنت الجزيرة
بصراحة كلامج طالع من القلب وهذه الحالة السيئة الي يعاني منها القطري مش في الجزيرة فقط في جميع الالوزارات والهيئات والمؤسسات والأجهزة الحكومية حتى الشركات الخاصة لأن أحنا السبب لآن سمحانا للأجنبي أن يتمكن لحد ما تمكن والسبب الثاني أن المسؤولين لحد الآن ماعندهم ثقة القطري حتى لجنة التوظيف في جميع الأماكن نلاحظ اعضاء اللجنة مشكلة من شخص قطري وعدد من الأجانب وين يتوظف القطريما أقول إلا ( أهما اللي داشين وأحنا اللي طالعين ).

[ولد السادة]

الى الأخت بنت الجزيرة,ابي اقول الي داوم عندكم في لجزيرة شهرين بدون تدريب وتهيئة صحيحة وسوواله اختبار مانجح فيه حتى زملائه المثبتين وياه ماعرفواله شنو يسوي؟؟ يوم طلب نقل لقسم ثاني في غرفة الاخبار فنشوه!! قالوا له هذي ضد اللوائح والقوانين!والأخ كان شغال في أحد الجهات خمس سنين ومثبت استقال عشان يتوظف في الجزيرة ون يروح؟؟والي يزيد الطين بله انه الشخص قبل اسبوعين كان بيخطب وأجل الملجة لحين يدور له على شغل الله يعين على الديون على بلوته.
وجدامي اجنبي مودي مرته او اخته او احد من معارفهم يبي يشغلها بظرف ساعة جدامي طلعوا لها شاغر وعطوها عرض عمل وقسمن بالله العظيم ويسألونها جدامي اذا مو عاجبج العرض وقعي في الورقة واذكري الأسباب وراح نتصلج!!!! انه موقع العرض وانه اضحك محد سألني عن رضاي في لموضوع بس مش حالك أنت قطري!على فكرة الأخت كان أساسيها في العرض 22ألف!!وتفكر انها بتوقع العرض بعد!!! والله دنيا مادري في بلدها تستلم 70ألف اهي؟ جايز.

[بنت الجزيرة]

اخواني ارد واقول صحيح كل مكان فيه مشاكل وظلم للقطري
لكن قناة الجزيرة غييييييييييييييييييييييييييير
والله العظيم قهر اقسم بالله قهر
اجنبي والله العظيم بنته وولده وزوجته كلهم في مكان واحد وبراتب عالي وين صارت
ومثل ماقلت يااخوي ولد الساده الاجنبي يراضونه اذا بغى يوقع العقد ويعطونه كل مافي خاطره
والقطري تلوع جبده لين يردون عليه واذا ردوا يقولون له حاليا ماعندي وظايف ان شاءالله اذا توفرت الوظيفه بنتصل فيك وقبل لايصكر من القطري يكون موقع وظايف للاجنبي

يامسؤولين تعالوا شوفوا المهزله اللي تصير بقناة الجزيرة لواحد

والله الكل يدخل ويشوف الموضوع ودهم يشوفون احد يرد عينا عشان يكتبون اكثر وفي ادله كثيره واوراق رسميه تم اهانت فيها موظفين قطرين بس احد يرد علينا

ترى قهر هذه قطرنا حنا يالقطريين مش هم

والله ان اجنبي قايل لواحد قطري انتوا يالقطرين بالجزمه على دماغكم تشتغلوا والقطري راح اشتكى وقالوا له بنرد عليك وكل يوم يسال ويش سويتوا ..يقولون له لازلنا نحقق
والمصيبه ان اللي تعدى بالكلام على القطري جمع له من ربعه واصدقاءه شهود زووووووووور يشهودن ان هو ماقال هذا الكلام
وفيه شهود قطرين..بس للاسف يصدقون الاجنبي بشهوده الزور ويكذبون القطري
ويش مصلحتنا نكذب
ياناس الظلم يذبح والله يذبح
تعالوا شوفوا حالنا

الله يازمن اجنبي يقول لنا احنا يالقطرين بالجزمه

شكلها مثل ماقال فاقد الامل هم الداشين واحنا الطالعين من بلدنا !!!!!!!!!!!!!!!!!!!

[بنت الجزيرة]

اخوي الحبابي
يعني ايش تقصد اذا الاجنبي او ايش شخص ثاني يمتلك مكان للعمل يوظف القطرين عشان يهنيهم على مسمع ومرأى من قطر كلها ومحد يقول شي
معقوله مااعتقد توصل بنا الحاله لهذا الوضع
يعني اي قطري ممكن يرووح اي بلد ثاني يفتح له مشروع او مكان ويوظف فيه من اهل البلد ويهينهم بيستكون عنه ؟؟؟ماعتقد
بالعكس لو الاجنبي يمتلك اكبر المجمعات واكبر الاماكن مايحق له يهين قطري واحد وبغض النظر عن الاشخاص الاعتباريين احنا نطالب بحقنا نطالب برد اعتبارنا انطالب يساوونا بالاجنبي بالمعامله والتوظيف والوضع المادي والاهم الاحترام والتقدير
قطر ومن فيها تاج على رؤوس كل الاوطان ومااقصد اقلل من شان اي احد
بس احنا تعلمنا وعلمتنا حكومتنا ان قطر تاج وهذا التاج مايهينه احد
قطر علمتنا ان احنا غير عن العالم كله بتعليمنا بجهدنا بخيرنا على نفسنا وعلى الغريب
قطر علمتنا ان الوطن نفديه بارواحنا وعيالنا مانشرد ونتنكر مثل غيرنا
مانبي نجرح باحد
ولانبي نطلع برع الموضوع
بس اتمنى من الله العلي القدير ومنكم يالمسؤولين تنظرون لحالنا وبسنا اهانه

[اللورد]

ان شاء الله الاخت عبير تتدخل واذا عندها امكانيه صدقيني انها ماراح تقصر مع حد وشوووف لكم حل مدام ان عندكم اوراق رسمية تثبت هالشي

[بومحسن]

ياجماعة الخير لازلنا انا وكل اللي اعرفهم وكل قطري بقناة الجزيرة ننتظر تحرك من المسوؤلين
ننتظر تسوون لنا شي
لازلنا نناشد اميرنا ووالدنا الشيخ حمد والشيخه موزه والشيخ تميم بن حمد
وين المسؤولين
وين حسن الساعي
وين عبير مبارك
وينكم يااهل قطر

[][عميد الحب][]

عزيزتي الغالية/ بنت الجزيرة

يعطيكــ العافية اختي على طرحكــ وتظلمكـ
بماهوى حاصل في بلدكــ والمعانات الذي
تواجه القطري باركــ الله فيكــ
وان شاء الله يوصل ندائكـ
للجهــة المختصة
دمت بخــــير

[قطريه زقرت]

الله يعييينكم

وحسبي الله ونعم الوكيل

[احلام الدوحة]

شعار قناة الجزيرة(اذا حبتك عيني ماضامك الدهر) والمحسوبية فوق كل شي واذا اشتغلت تحريات حق رئيس قسمك حباك وعطاك زيادة او درجة،،،،مخرج من الجنسية العربية مشغل بنته في الميك أب وولده منتج برامج وزوجة ولده في الجزيرة الانجليزية،،،مذيع مشغل بنته في الانجليزية وفي مخرج بعد توه مدخل بنته وقاعد يمررها على كل الاقسام ومايندره يوظفها او لا والقطري خايس حلجه اسمحولي بهالكلمة ظالمينه ظلم انا صار لي عشر سنوات ومن سنة ترقيت الحمدلله بس غيري وفي نفس القسم كمل 3 سنوات حصله ترقيتين ليش ،،الله المستعان وكل كلمة قالتها بنت الجزيرة صحيحة وانا احدى زميلاتها .

[بنت الجزيرة]

احلام الدوحه هلا بج يالغاليه
انا ماعرفج بس دامج تعانين مثلي ومثل كل قطري وقطرية فأنتي اختي وكلامي على كلامج على كلام كل شخص متضرر رااح باذن الله يجيب نتيجه

واللي ذكرتيه حصل ومافي احد ينكر
والله من اسبوعين جبت بنفسي طلب حق شخص يقرب لي ردهم اسفين سياسية الجزيرة تمنع توظيف الاقربون لك
ضحكوني والله ..انزين اللي جايب بنته وولده وزوجته وعمه وخاله ويش نسمي هذه السياسيه

ونقظه ذكرتيها تمنيت شبابنا المظلومين يذكرونها ومايخافون وليش يخافون كلمة حق قولها
خايفين يفنشونكم مايقدرون يوقفونكم عن العمل يهبون

صح في شلة معروفه تجتمع بكــــــــوفي قهوة شيشيه سموها مثل ماتسمونها اذا حابين نذكر اسم الكوفي بنذكره روحوا شوفوهم او تدورن بنصورهم ونجيب لكم صوره بس مخفيه المعالم بس عشان تشوفون وتصدقون ان الواحد اذا اشتغل مخابرات عند مسؤول اجنبي او قطري متحكم فيه اجنبي ونقل له كل السوالف اللي تدور ينحط على الراس وبالعين
ولا بشركم بعد يكون توه مشتغل ماصار له سنتين ويعطونه حقوق شخص مشتغل صار له 10 سنين

واللي يخلي الواحد يضحك ان الحين في ترفعيات للموظفين طبعا اللي مكمل 10 سنين مايرفعونه بس يسكتونه 500 ريال زياده بالراتب
والاجنبي اللي مكمل سنتين او ثلاث يترفع ويزيد درجه ويتغير مسماه ويزيد راتبه زياده صح

يامسؤولين تعالوا شوفوا الحال
تعالوا شوفوا الظلم

وايد ناس بالاداره مارضت بالظلم وقدمت استقالتها واتركت المكان
ناس معروفين ويخافون الله حاولوا يغيرون سياسية الجزيرة ماقدروا لان الاجنبي والقطري اللي دمه صار اجنبي مايبون الخير لـــ اهــل قطــــر

في سالفه بعد... المواقف الداخليه... ناس عندهم ورقة من مستشفى حمد ومن مستشفى تحت تامين الجزيرة يثبت ان هذا القطري يحق له يوقف بالمواقف الداخليه الفاضيه لان حالته الصحيه ماتسمح له يمشي مسافه او الشمس تضره مايقدر يوقف بالمواقف الخارجيه البعيدة... لمدة شهر بس مو اكثر لحد ماتتحسن حالته
لانه قطري... قالوا له اسفين الاثبات الصحي لحالتك قطه بحر سياسية الجزيرة تمنع ان اي شخص يدخل بمواقف الداخليه انزين حق من مسوين المواقف اللي تسع 30 سياره
طبعا كل حامل اجنبيه وكل اجنبي تعبان ويعاني من حاله صحيه يدخل اسم الله عليه مايشوف شر كل شي ولا الاجنبي عطوه تصريح راحته اهم ترى الجزيرة من غير اجنبي يتوقف عملها وتخسر !!!!!!!!!!!!!
آآآآآآآآآآآآآآآآآآآآآآآآآآآآآآآآآآآآآآآآآهـ والله قهر

في اشياء اكثر بنقولها وبنتجرأ نقولها بس اذا شفنا احد يرد علينا من المسؤولين

اخوي حسن الساعي وينك
اختي عبير مبارك وينك
المسؤولين الكبار امن الدوله وينكم

تعالوا شوفوا الذل والاهانه

في اشياء اكبر واعظم

[صـقـر]

السلام عليكم ورحمة الله وبركاته



اجمل تحيه لج اختي بنت الجزيره لهذا الطرح



اختي ليش ما تتوجهون لرئيس مجلس الاداره مباشرة ً

و تشرحون له هذي المعاناة ،،

حتى لو كان هذا يعتبر تخطي للمدير المباشر




الله يعينكم و يوفقكم


بصراحه هذي المعاناة موجوده كثير من جهات العمل في البلد ،،

كثير من الاجانب شايلينهم على كفوف الراحه

ولهم مميزات خياليه ،،

وبعض المسؤولين جايبين جماعتهم وربعهم في الشغل



وهذا اكبر ظلم







الموضوع مافيه اي عنصريه او احتقار لأحد لكن عطونا حقنا بس ،،



الله المستعان

[وضحى]

الله يعينكم

والله هذولي ما بيصحوون الا اذا جاهم الاجنبي ونهب فلوسهم وسافر بلاده

بعدها بيحطون بداله قطري وبيعرفون ان عيال البلد اولى بها

[هدوء الليل]

اختي بنت الجزيرة انا أضم صوتي لصوتك في هذه المهزله واللي أصلا الاجانب يحمدون ربهم ان خليناهم رجال ،، لهم قدر في المجتمع القطري وكافة المجتمعات والمفروض عليهم يتحرمون المواطن قبل لا يتحرمون أي وافد اجنبي ولا يستغلون وظائف لاننا جبناهم على كيفنا وراح نخليهم يروحون بلادهم على كيفنا ،، وربي موت وقهر ان الاجنبي يتكلم بهذه الطريقة عن كل مواطن او مواطنه واللي قام سيدي الوالد سمو الشيخ حمد برفع عزة المواطن وتوفير احتياجاته المعيشية بالكامل ولكي تكون لدى المواطن القطري قدر ورفعة شأن امام العالم بأجمعه ،، فأعلم ايها المقيم انك ليس باقي على هذا الوضع فلابد من يكون بمكانك مواطن او مواطنه ،،، وآخر كلامي ماعاش من يهين ولد او بنت بلادي في ارض العطاء في ارض العزة والشرف في دوحة الخير

[معاناة]

نروح حق رئيس مجلس الاداره والله يفنشونا كلنا ولايهمهم بعد
لان في اجانب يسدون مكانا اذا طلعنا والله ياكثرهم اصلا القطري ولاشي
بنشوف الترفيعات اللي راح تاكد الظلم الكبير اللي يعيشه كل قطري وقطرية

نبي من ينصفنا ويسمعنا ويحل مشاكلنا

وايد يدخلون ويطلعون
ودهم يشوفون اذا في احد يسمعنا بتكلمون اكثر

[طوق الياسمين]

انا دايما اسمع هالمشكله في كل مكان منتشره بس لو انتو مو مرتاحين ليش تشتغلون في الجزيره؟؟طلعو غيرو مكان عملكم..شوفو مكان يقدر القطري(اشك في مكان بهالمواصفات)
اشوف الكل يتكلم بس مافي حد يسمع ولاحد يسوي شي...كل شي محلك سر والقطري مهضوم حقه...وانا اعرف عربيه اشتغلت في الجزيره سكرتيره كان راتبها 17الف واحنا لو جامعيه وسكرتيره 6 الاف في الحكومه!!
طبعا غير الامتيازات الي لاتعد ولاتحصى...لا والمصيبه يجون يتوظفون ويعطونهم دورات وياهلون لمناصب كبيره ويستفيدون من بلادنا وعقب يدورون لهم فرص عمل في امكان احسن وبلدان ثانيه مثل فرنسا او استراليا وغيرهم...يعني مخلين قطر محطه بس يستفيدون منها...لو هم اهلو ولد البلد جان هوا للي بيفيدهم لانه بيتم في بلاده اما الاجنبي بياخذ ولاراح يعطي لانه يايرجع بلاده ويفيدها او بيروح بلد ثانيه...
القطري صار غريب في بلاده والاجنبي هو المتحكم...تدرون انا افكر لو حملت اولد في امريكا او اوروبا ولما عيالي يكبرون يتوظفون بالجنسيه الامريكيه او الاوروبيه لان لهم الاولوليه في كل شي ورواتبهم بتكون اعلى من جوازهم القطري

[بومحسن]

ليش مافي رد من اي احد من المسؤولين
هل هذا تجاهل ام تايد للظلم الذي وقع علينا او هناك تحقيق بالموضوع علمونا


هذه الايام راح يتم اعلام جميع الموظفين عن ترفيعاتهم ودرجاتهم
وصدقوني بنكتب القطري كم اخذ من الدرجه والمسمى
والاجنبي كم زاااااااااااااااااد من المال والراحه والتقدير

وحسبي الله ونعم الوكيل فيهم

[بنت الجزيرة]

ابشركم الجرسون اللي اخترعوا له وظيفه تم ترقيته الى صحفي !!!!!!!!!!!!!!!!!!!!!
تخيلوا صحفي وبدرجه وبراتب ممتازز ماكان يحلم فيه وهو جرسوون

لاحول ولاقوة الابالله العلي العظيم

ياناس يامسؤولين وينكم
وين اللي يسمعنا وينكم

شخص اجنبي عنده انذار نهائي بالفصل تخيلوا تم ترقيته وراتبه فوق الزين ودرجته عاليه !!!!!!!!!

على فكره في ناااااااااس كثثير انظلموا في الترفيعات والمصيبه كل شخص مظلوم قطري
اما البقيه من الاجـــــــــانب ماخذين فوق حقهم وزياده

احد يرد علينا
اختكم
بنت الجزيرة

[سهم قطري]

لــلــرفـــع

[أم مريم]

لين متى القطري بيكون مب كفوء للمناصب او يستحق الترقيات
والله حالة
يقولون والعهده على الراوي ان مدير قطري بالتجنس سوري الآصل يشتغل بالجزيرة مسجون صار له فترة والسبب اختلاسات الحمد لله والشكر .. بالله عليكم يالجزيرة هذا اللي امنتوه على حلال القطريين وحمل اسم البلاد صان البلاد وحلالها اتمنى انهم يعيدون النظر في سياستهم ويحطون الانسان المناسب في المكان المناسب

[معاناة]

للرفع

من ينظر لحالنا
معاناة

[المجهول قطر]

السلام عليكم
حبيت اشارك بمشاركه بسيطه عن قناه الجزيره و اقول اني واحد منهم و فيهم و عن مدير قسم التشغيل
الي يترس على القطرين ايش كان و ايش صار ..
طرد هذا الشخص على ايام ( محمد جاسم العلي ) ورجع معه شركه انجليزيه و كان عامل و كنت انا اشوفه ايركب و يعمل في الاستوديو ( 2 ) و بعدها صار مدير قسم ( الخيال المرئي ) و بقدره قادر بعد ما استقال محمد جاسم العلي صار مدير قسم التشغل يعني من عامل لدى شركه و مطروود لانه ما يعرف يشتغل الى مدير قسم التشغيل في قناه الجزيره و يتحكم في 7 اقسام فنيه مهمه في القناه
و كلهم تقريبا قطرين كنا 90% قطرين و لما تعين مدير دخل من جنسيته في باقي الاقسام
وبرضى من ال 7 مسائيل القطرين المحسوبين علينه الي مثل ما قيل في الصفحات الي قبل انهم بس ايدومون يوم الاربعاء للاجتماع و طول الاسبوع يا غياب او حضور ساعه لشرب القهوه و الضحك معه المسؤول الغير قطري و على فكره البعض منهم ما ايحط الجدول في شباب من القسم ايحطون الجدول لانه مسكين طول الاسبوع ايفكر ايش ايقول او ينتج لقناه الجزيره مسكين يتعب مثل باقي الفنين .. الله ايكون في عون المسائيل .. يتعبون
و جزاكم الله كل خير هذا نبذه بسيطه
في شي ثاني مهم صار و ضحكنه عليه كثير ( والله ضحكنا من القهر ) ما انذكرو في المنتدى
بس لازم استاذن من اصحاب الموضوع عشان اذكرهم
ولنا لقاء اخر
على فكره ترى فيني قهر عشان كذا ما اقدر اسكت
في واحد تعين و بعد فتره صار مذيع ( دقيقه طبيه ) و الحمدلله انه ما ايعرف يقراء عربي قصدي لغه عربيه فصحى .. و بعد ما انكشف امره لانه غير قطري ( سمعت انه شهاده في الصيدله ) نقل لي قسم اخر و بعد فتره رجع على المحطه ... من فتره بسيطه
وسلامتكم

[بوخلف]

بسم الله الرحمن الرحيم
والصلاة والسلام على أشرف المرسلين ..سيدنا محمد وعلى اله وصحبه أجمعين
اما بعد...
الشكر والتقدير والعرفان لهذا المنبر والذي ترك لنا المساحة الحر ه لكي نعبر عن آرائنا وما يجول في خواطرنا اتجاه هذه القناة الظالمة
اشكر أختي بنت الجزيرة على إطراء هذا الموضوع الحساس والذي نعاني منه نحن جميعا أي الموظفين القطريين في الجزيرة مع وقف التنفيذ ..
هناك الكثير والكثير من المواضيع والمواقف التي تكاد لاتذكر في هذا الصرح الكبير منتدى وطني الحبيب ولكن سوف اذكر القليل فالبداية الأخت بنت الجزيرة لم تترك لنا شي نذكره بل ذكرت ماهو يفترض أن يذكر عن المواطن القطري داخل قناة الجزيرة..هناك ضوء مسلط على القطري في قناة الجزيرة وانأ واحد من القطريين طبعا الذي يعاني انهيار في وضعه المعنوي الضوء مسلط بمعنى دفن القطري وعدم تسليمه منصب او سلطه واهانته شر اهانه
وانا شخص من عشرات الموظفيين القطريين الذي يعاني
في وظيفته حيث لايوجد هناك سلم وظيفي ينصف أو يعترف بنا 10 سنوات مضت أو أكثر أو اقل منها بقليل وليس هناك أي نوع من الترقية. او الدرجة ... القطرين محصورين مابين 14 الى 10 فقط وهم الـ 10 ومادونها
في بداياتي مع قناة الجزيرة فرحت بحصولي على موافقة العمل وبدأت كما بدء الجميع من قبلي في أي وظيفة جديدة مثابرة ونشاط وتتطلع للترقيات والى الخ...وبدأت ابذل مابوسعي لكي افرض وجودي في قسمي وعلى وجه التحديد في إدارة التشغيل الفني مما سمعته وفي بداية انضمامي في القناة, أن القناة عبارة عن مدرسة تبدأ بالتدريج وتتطور شيءً فشيء وبعد مرووور السنوات الطويلة والتي تحتسب من العمر في هذه القناة لم أجد أي عرفان أو إنصاف أو تقدير لهذا المجهود وتركت نفسي كباقي الموظفين الذين يعملوا وبما ان انتهى وقت عمله ذهب إلى بيته ونسى مافعله في ذاك اليوم يوم العمل .
هناك موضوع أحب أن اذكره وكما ذكرت فالبداية الأخت بنت الجزيرة لم تترك لنا شي .( يعطيج العافية ) طلب من السيد المحترم مدير إدارة التشغيل الفني ... أي طلبوا منه الاخوه القطريين الفنيين في مملكته مملكة التشغيل الفني طلبوا الآتي : عقد اجتماع مع الإخوة في مجلس الإدارة للنظر في وضع الإخوة الفنيين في إدارة التشغيل من حيث مسمياتهم الوظيفية ودرجاتهم في أقسامهم ووحداتهم بحيث يكون في كل قسم أكثر من مسمى ودرجة لكي نرفع معنويات الموظفين فلم يعجبه ما ذكروا الاخوه فكان رده ( آسف أصل هم مش مدرائي أنا مدير وهم موزفيـــن فا زاي أنا ارو حلهم ) فما معنى كلام الأخ المدير مع العلم أن درجته الـ 7 او الـ6 يعني راتبه مايقارب 60 الف او اقل او اكثر صححيلي أختي بنت الجزيرة بالنسبة للأخ المدير المحترم م
ونحن نقبع في الدرجات السفلى مابين الـ14 إلى الـ10 وبعدها على مقبرة بوهامور ( يالله بحسن الخاتمه )
اهلكتنا الشفتات ( صباح وظهر ومغرب وليل ) فالعيد فالدوام وفي رمضان في الدوام واعراس الناس ممنوعه عليك وعزايم الناس ممنوعه عليك واجازات عارضه امنعوها عليك
ركزوا في الآتي :
هناك عدد 14 موظف قطري في إدارة التشغيل كتبوا كتاب نقل إلى العمل في الادراة وتم الرفض ( والخافي أعظم )
هناك مخرج بعد مضي سنه ونصف اخذ مسمى مخرج أول السبب ( غير قطري)
بالمقابل الاخوه الذي ذكر موضوعهم بعد موت وضغط معنوي اخذوا مسمى مخرجين ومبروك لهم يستاهلون ( وعلى فكره هم من اشطر مساعدي الاخراج في السابق وكان وضعهم مخيف بالنسبه للأخ رئيس وحدة مساعدي الاخراج فبركوها ونقلوهم ) ( مش حالك حالك يمشي)
الأخ الكريم من ( جيب شاي يا فلان ) إلى صحفي والدرجة العاشرة بتوصيات من مكتب السيد مدير القناة
هناك مايقارب الـ 4 موظفين في احدى الوحدات اخذوا الدرجة الـ 10 واذا طلبت السبب قالوا وضعهم خاص بالحرف والواحد وماهي الخصوصية في أوضاعهم (لايذكر) مع العلم ان قانون الوحدات في ادارة التشغيل وهم على حد علمي ثلاث وحدات لايملكون الدرجة الـ10 هذا قانون ادارة التشغيل الي 10 فما فوق فقط ( وايد عليهم )
وهناك شي اخر واخير ولا اريد الاطاله عليكم هنالك الكثير من الاخوة القطريين الموظفين في قناة الجزيرة الذين سجلوا في هذا المنتدى فقط لسبب هذا الموضوع فا أرجوا منهم وضع مداخلاتهم ( ولاتخافون مراح يفنشووووونكم )
اطالب اصحاب الشأن التدخل السريع في هذا الوضع الذي لايكاد ان يطاق

[بوخلف]

مشاهدة الموضوع 342 ما شاء الله
والردود 34

[QATAR]

المنتدى منتداكم ,,

واذا الجزيرة تدعي الحرية فحنا ان شاءالله فوق كل حريتها !!

وانتم اخوانا وعيال البلد والمنتدى منتداكم ,,

فلكم كل الحرية وبأذن الله نحاول ماعلينا !!

[قطر الخير]

لا حول ولا قوة الا بالله

الوضع اصبح لا يطاق في قناة الجزيرة كما ذكرت الاخوات والاخوة في مشاركاتهم

ندعو المسؤولين ونرجو منهم النظر في الظلم الواقع على القطريين والقطريات اصلا هم عددهم قليل في الجزيرة مقارنة بجنسيات اخرى

الظلم يقع على القطريين في ادارة التشغيل من مسؤولهم المصري
الظلم واقع على القطريين في غرفة الاخبار من مسؤولهم المصري كذلك

بصراحه حتى غير القطريين اصبحوا يشتكون من تسلط وظلم هؤلاء المسؤولين وكذلك انتشار المحسوبية والنفاق

بصراحه لا يعقل موظف مصري يعمل في الكافيتيريا كمسؤول نظافة ينقل بقدرة قادر وفجاة بدون مقدمات الى غرفة الاخبار وبدرجة 9

والله دنيا غريبه

نناشد سمو الامير الوالد حمد بن خليفة امير البلاد المفدى
ونناشد سمو الشيخة موزة بنت ناصر المسند حرم سمو الامير
نناشد سمو الشيخ تميم بن حمد ولي العهد الكريم
ونناشد سموالشيخ حمد بن جاسم رئيس الوزراء ووزير الخارجية
نناشد الشيخ حمد بن ثامر رئيس مجلس ادارة قناة الجزيرة
نناشدهم جميعا بالتحرك ووقف الظلم وتطهير الجزيرة من العناصر الفاسدة التي تسعى لتدمير اسم الجزيرة

وفي الاخير لا نستطيع الا ان نقول "إنا لله وانا اليه راجعون"

[طالب قرب]

شو هاظ يازلمه؟؟

[وطنـــــية]

الغلط منكم اسمحولي .. دام هالمخالفات عيني عينك في اختراع اسمه بلوتوث وتصوير .. صوروا هالمخالفات بالخفاء خاصه الي عيني عينك لو جدامكم ومالكم شغل فيها وانشروها خلو الي ما يستحي يتعلم الأدب في بلادنا .. مافي افضل من فضيحه بلوتوث تنتشر في منتديات البلد صدقيني بتكون قنبله .. الجزيره مسويه حصار على المبنى في الداخل محد يقدر يصور ولا يعرف شيصير فيها انتو هناك تقدرون حتى لو شي بسيط مخالفه بسيطه من الأجانب اعلنوها وانشروها مخالفه على مخالفه بتجيب نتيجه .. لين متة هالسكوت عن هالاستهتار والمساواة بين القطري والاجنبي اوكي عطوهم معاشات ماقلنا لا بس عطونا مثلهم ساوونا معاهم دام نفس الدرجه .. لازم التقارير والدرجات تكون متساويه .. الريحه فاحت وما ينسكت عنها صراحه .. اذا في اثباتات عن الي تقولونه اعلنوها .. حاولو توصلون لاي دليل وقطوه بعيون الي يتعامون من المسؤولين لأسباب خاصه الكل عارفها .. حسبي الله ونعم الوكيل ..

[عبدالعزيز الشمري]

لا ياوطنيه مالها داعي تصوير وبلوتوث محد يرظى بهالشي

اكتبوا تظلم لجهة الاختصاص المسؤوله عن هالشي وبعدين على ماظن هالقناه اعتبروها

حره ومالها خص بهيئة الاذاعه القطريه

يعني اللي بيفض فض ياخذ راحته بس انصحه يكتب كتاب ولا شي للجهات المختصه مثلا

اتمنى لكم التوفيق

[قطر عمري]

الله يسامحكم يالمسؤولين

محد اهتم بحل هذا الموضوع الخطير والمهم

الاجنبي قاعد يستفيد ويغرف من خيرات بلدنا وانتم جالسين تتفرجون ومخلينهم ينهبون قدام عيونكم

لازم تحطون حل الجزيرة صارت تحت رحمة الفلسطيني والمصري

والقطري غريب ومحد ياخذ له حقه

[كاتم الاسرار]

ياخوان قناة الجزيرة نفس الخطوط القطرية يمتلكها أشخاص أعتباريين

بمعنا أخر حلالهم وكيفهم يوظفون أجانب ولا يسكرون القناة كيفهم

ليس لنا الحق بمطالبة بأي شيء الا اذا كانت القناة تمتلكها الحكومة القطرية

هذا للعلم فقط وشكرا

مرحباااااا

صدقت اخوي الحبابي والله قههههههههههههههههههههههر وتعب وعوار راس وين قطر اول وين الحين والله يستر علي الي جاي ان شاءالله بومشعل مايقصر يا رب اصلن اسمها قناة الاجانب مش قناة الجزيرة وخطوط الاجانب مش خطوط القطريه والله تعبنا من الشكوى في كل مكان اجانب مافي فايده فيهم ماخلوا مكان والمشكله امتيازاتهم احسن من القطري ولد البلاد هاي الي يعور القلب وفي اشياء ومشاكل بعد بس متى تنحل والله القطريييييييييييييييييييين يشتغلون احسن من الاجانب من يحس فيهم والله يعييييينكم يا رب في الجزيرة وان شاءالله يسمعونكم ويفكووووووووونه منهم اتمنى في كل شي الاجانب مرتاحين وكله شكاوي اهل قطر

[للصبر آخر]

الصراحة شئ يدمي القلب... كنت أفتكر إن الأجانب محتلين هيئة الصحة فقط... ما دريت إنهم وضعوا لهم موطئ قدم في الجزيرة و بالذات في المناصب الإدارية ... طيب إذا هم فلتات في الوظائف الفنية المفروض الوظائف المالية و الإدارية تكون للقطريين فقط ... الظاهر إن السالفة وباء و بدأ ينتشر في جسد الوزارات و المؤسسات و الهيئات القطرية.

طيب شل العيب في القطري؟ ليش تبعثونه يدرس و يتعب اذا كان مش كفؤ مع انطباع مسبق إنه لا يعمل بجد؟ يا جماعة حتى المسلسلات المحلية مثل جدار الصمت تصور القطري إنه حاقد على الأجنبي و إن القطري مختلس مع إن الواقع و الأخبار اليومية تثبت العكس ولا إيش رايكم؟

[هوى الريان]

في بلادنا نهان !

وفي بلاد الغرب نُـقْـتـَــلْ !

فأن اتهمنا الغريب توجهت الينا السهام والرماح

أي ذل وهوان وصلناه !!!!

والله كأنها حرب على أهل قطر من قبل قناة الجزيرة


الموضوع فتح بابه في شهر 7


وإلى الأن لم نرى أي تحرك من قبل المسؤليين



=-=-=-=-

وجزاك الله خير الجزاء أخيتي على الموضوع



وأرجوا أخبارنا في حال تحركت أنسانية المسؤليين القطريين

[بومحسن]

معقوله ولا مسؤول رد علينا
هل معناته سكوتكم انكم راضين على ذلنا وقهرنا
قسما بالله شي يحز بالخاطر ويجرح كرامتنا
وين مانمشي نشوف ولد المسؤول وزوجته وعمته وخالته
والله قهر يشترون لهم اراضي ويفتحون شركات في بلادنا
واحنا اللي نتعب ونكرف مانشوف غير الذل والاهانة
وينكم يامسؤولين وينكم ياسلطات عليا
تعالوا شوفوا المصخره والاهانه
لاحول ولا قوة الا بالله

[معاناة]

والله الشباب ماقصروا ونبي الكل يتكلم لاتسكتون من شنو خايفين يفنشونكم مايقدرون هذا الشي الوحيد اللي ذابحهم انم مايقدرون يفنشون القطري بس يهينونه ويذلونه ويمارسون عليه ابشع والعن اساليب الظلم والاهانة ومسح الكرامه
لاتغركم الجزيرة ببرامجها وشعارها المزيف الراي والراي الاخر
صدقوني الجزيرة اكثر مكان في دولة قطر فيه اهانه وظلم والله صار عدد الموظفين الاجانب يفوق القطريين بملايين المرات والقطري بس قاعد بكل قهر يطالع تعين موظفين اجانب (جداد)مسوؤلين عليه واحسن منه بالدرجه واحسن منه بالراتب وهو في بلاده مايستاهل يكون دريول (سائق)
تعالوا شوفوا مدير ادارة التشغيل من فتره زار الجزيرة قروب من دولة اخرى واثناء التجوال والله العظيم والله العظيم ان مدير ادارة التشغيل اللي المفروض يكون مسوؤل عن 7 اقسام مايعرف يشرح دور قسم واحد من اقسامه تخيلوا يعني قاعد في مكتب ولا حاط له سكرتيرة ويتامر وينهي على القطري وهو مش عارف وظيفة الاقسام اللي هو مسوؤل عنها
آآآآآآآآآآآآآآآآآآآآآآآآآآآه يالقهر
ولا مايعرف حتى يتكلم باسلوب اداري كل مارحت تشتكي له من الظلم يقول لك
وانا اعمل ايه كل حاجة تجيوا تشتكو منها
مذيعة تقدم استقالتها وتطلع وعقب اسبوعين ترجع معززة ومكرمه
صحفيه تلفظت على ادارتها بالكلام واحتجت على قوانين قسمها وطلعت وعقب شهر ارجعت وبتعديل وضع
واايد امور صايره والكل يبي يقول بس وينكم ردوا علينا
تعالوا الجزيرة وحققوا معانا كلنا بنتكلم وبنقول تعالوا شوفوا الفضايح والبلاوي
سيدي حضرة صاحب السمو ووالدي الشيخ حمد بن خليفة تعال شوف عيالك اشلون الاجنبي يهينه
والله ملينا وزهقنا وغصبا عنا باقيين انتوا عارفين ولا قطري ماعنده دين وين نروح

والله كتبنا واشتكينا كتبنا مثل ماهي غبار عليها او في الزباله محد معبرنا وان تكلمنا جماعي هددونا واضغطوا علينا بالشفتات وذلونا

ياناس ياعالم احد يرد علينا
معاناة

[للصبر آخر]

لا تفقدوا الأمل يا موظفين الجزيرة... إن الله مع الصابرين

بس لا تظنون إن حقكم بيجي لكم و إنتوا قاعدين إتفرجون

"المؤمن القوي خير و أحب عند الله من المؤمن الضعيف"

هذي بلادكم و خيرها إن شاء الله لكم... و طالبوا و لا تيأسون

[الفريق الركن]

ااااايه

يطري علي مقال قريته بجريدة الرايه يقولون نتمنى ان لاتكون دولتنا قطر مثل البقره الحلوب التي تغذي بطالات دول الجوار >> وخلا يسمح لي كاتب المقال لو اني غلطت باللفظ شوي :)

والله يكون بعونكم يارب

[الفارس القطري]

اشكرك اختي على الموضوع بس هدي شوي ولا تحاملين على الاخرين اكثر من اللازم ولازم يكون في موضوعيه بالطرح .

[قطر الخير]

شكله ما في حل للمشكله المطروحه


الله يعين ويعرفون المسؤولين مدى استغلال هؤلاء للجزيرة واسمها

لو ينبشون وراء هؤلاء المستغلين كان لقوا بلاوي كبيره

[مالك إلا الصبر]

بصراحة بنت الجزيرة والشباب ماقصروا وكلامهم عين الصواب

وونتظر رد المسؤولين في الدولة
ولعل وعسى ينظر في حقوق القطرين في قناة الجزيرة وباقي مؤسسات الدولة

[عنزي قطر]

مرحبا للجميع شكل الاخت بنت الجزيره موظفه بالجزيره <<<<<<<<<<<<< اذا موظفه الله يعينها شكلها مفصوله الحين


على كل حال كلامك اختي عين العقل يابنت بلادي وهذا دليل على غيرتك على وطنك والشعب القطري :)



اخوك عنزي قطر

[عبدالله الملا]

ااااايه

يطري علي مقال قريته بجريدة الرايه يقولون نتمنى ان لاتكون دولتنا قطر مثل البقره الحلوب التي تغذي بطالات دول الجوار >> وخلا يسمح لي كاتب المقال لو اني غلطت باللفظ شوي :)

والله يكون بعونكم يارب

شخبار مبادرة صلتك

[زينه ونحول]

المقيمين من عرب واجانب استغلاليين

ما يحبون قطر ويكرهونها بعد ويقولون احنا متحملين هالبلد وحرها وقرفها واهلها المتكبرين بس علشان الفلوس والله اني سمعت هالكلام من عرب واجانب وايد

حاقدين علينا وعلى النعمة اللي ربنا رزقنا فيها وقاعدين يستغلون مناصبهم ويلهفون خيرات البلاد

حسبي الله عليهم استغلاليين وطماعين

بس المسؤولين عندنا مستانسين وما يدرون

الله يوعيهم ويفتح عيونهم ويعرفون انه ابن البلد احق بخيرات بلاده من الاجنبي والمقيم

[معاناة]

معقوله مافي اي تحرك من اي جهة
والله والله في مجموعة من القطريات والقطريين راحوا ادارة الجزيرة
وقابلوا مسوؤلين كبار هناك في مبنى الجزيرة الملاصق للقناة
واشتكوا
تخيلوااااااااااااااااااااا شنو صار

بأمر من وضاح خنفر مدير القناة وبامر من رئاسة التحرير اللي هم اساس البلا والظلم المتمثله بالاستاذ احمد الشيخ والاستاذ ايمن جاب الله <<< اساس الظلم والقهر والقمع

بامر منهم تم ايقاف التحقيق في موضوع القطريين المظلومين
والله كتب كثيره منا يالقطريين ومن خواتنا القطريات نشتكي ونتظلم والله الاذن الصمخه لنا

المصيبة مدير ادارة التشغيل مصري
ومجند معاه قطريين سكتهم بالروتب العاليه والتغيب عن الدوام
والسفر والمتعه وهم على راس عملهم
واستلام رواتب وهم نايمين ببيوتهم
مجندهم صح معطهم اللي يسكتهم وهو يمارسون اساليب التعذيب علينا بامر من اجنبي

ياناس ياعالم حققوا بتعرفون العجب

ههههههههههههههه والله شي يضحك بامر من اجانب يتم ايقاف التحقيق بحقوق القطري والقطرية

والله مصخره وين صارت
ترى فاض فينا
برنامج وطني الحبيب برنامج جريء بالحق ليش مايفتح هذا الموضوع وشوفوا الاتصالات اللي راح تجيكم من الشباب والبنات
ارحمونا

والله الاجانب تقول بيض حاطينهم بالماكينه كل يوم تفقس بيضه ويطلع اجنبي بالقناة
كل يوم ينولد اجنبي متوفر له الحقوق له ولعائلته المصونه

آآآآآآآآآآآآآآآآآآآآآآآآآآآآآآآآآآآآآآآه يالقهر

[سالم الخوار]

الي يشووف يقول ان الجزيره مب قناتنا

[عبدالله الملا]

الخميس, 16 أكتوبر 2008 21:13
أعلنت قناة الجزيرة القطرية أنها كسبت الخميس دعوى تمييز ومضايقة رفعتها موظفة بارزة سابقة في قناتها الإنجليزية أمام المحكمة الصناعية في العاصمة البريطانية لندن. وذكرت القناة في بيان لها "أن جو بيرغين رئيسة قسم التخطيط من الفترة 2005 وحتى 2007 رفعت دعوى قضائية ضد القناة بدعوى الفصل التعسفي من وظيفتها وتعرضها للتمييز على أرضية الجنس والعرق والدين أو المعتقد".

واعرب أنس المرستاني رئيس القسم القانوني في القناة القطرية عن سعادة الجزيرة بالحكم، والذي اعتبر أنه برّأ اسمها من أي تمييز ضد بيرغين.

وقال "إن قناة الجزيرة منظمة عالمية لديها مكاتب في أكثر من 60 بلداً وتقوم بتوظيف أناس من جميع مشارب الحياة (ماعدا القطريين) حسب مبادئها الإرشادية (الواسطة) وتستمر في تقديم بيئة عمل متنوعة ونزيهة لجميع موظفيها".

وكانت بيرغين رفعت دعوى قضائية في مايو (أيار) الماضي ضد قناة الجزيرة أمام المحكمة الصناعية في لندن ادعت فيهاانها فصلت من الجزيرة العام الماضي لانها "امرأة بريطانية مسيحية بيضاء". وطالبت القناة بتعويض مقداره مليون جنيه إسترليني.

[زينه ونحول]

وضاح خنفر

وايمن جاب الله

وزمرتهم

الكرسي مو دايم لكم

وراح يجيكم يوم

والظلم ترى ما يدوم

وربنا فوق كل ظالم

وترى المظلومين يدعون عليكم ليل نهار

وحسبي الله ونعم الوكيل

[الفارس القطري]

اختى زينه ونحول بخصوص ردك على الموضوع اتمنى ماتهاجمين الناس ولا تقولين المقييمين من عرب واجانب استغلالين لا تعممين الشي في ناس كثيره تحب البلاد من مقيمين عرب واجانب وانا اعرفهم شخصيا ، اخوي عبدالله الملا قنوات الجزيرة فيها عدد كبير من القطريين موجودين يالغالي

انا خاطري اعرف منهو ايمن جاب بالله ذي (( تقصدون ايمن جاده)) مقدم البرامج الرياضيه

ترا هو رد مذيع ماهو رئيس القناة الرياضيه في الجزيزة

وضاح خنفر هو يمشي القناه اداري في ناس اكبر منه في القناه لا تحاملو عليه وايد هذا انسان يمشي
القناه من الناحيه الادارية والتنظيميه

بعض اراء الي قريتها في الردور تعبر عن سطحيه وعدم خبرة في الطرح ، كل واحد حط راي مايفكر في الكلام الي الله بيحاسبه عليه يوم القيامه حط ، مع احترامي وتقديري للجميع

وان شاء الله تنحل مشاكل الناس كلها

[عبدالله الملا]

^^^^

ليكون يتمننون علينا انهم يشغلون القطريين ترا الجزيرة بفلوس الدولة

ولين قطعنا عنهم الماجلة ذيج الساعة ولا واحد بيتم في القناة كلهم شايلين شلايلهم وعلى اقرب طيارة

استغرب من هالمعايير المقلوبة

وانا اذا باكتب شي احتسب فيه الاجر

[زينه ونحول]

اخي الفاضل الفارس القطري

حياك الله

ويعلم الله اننا لا نكتب بقصد الهجوم على الناس وتحقيرهم

لكن الحقيقة واضحه كوضوح الشمس

واسأل الكثير من موظفي الجزيرة ويقولون لك عن التجاوزات والظلم الحاصل على القطريين خاصه وبعض المقيمين من العاملين فيها

وأيمن جاب الله هذا نائب رئيس التحرير في قناة الجزيرة الاخبارية وليس ايمن جاده الذي في القناة الرياضية



واسأل عن الاسماء اللي ذكرنها وتعرف شنو الظلم الحاصل من قبلهم على الكثير

والله على ما اقول شهيد


طبعا انا لي اقارب ومعارف كثير يعملون في القناة وذكروا لي عن الظلم الواقع عليهم وحبيت اكتب واوضح ولو جزء بسيط من الحقيقة


وحسبي الله ونعم الوكيل على كل ظالم

[طيف النسيم]

السلام عليكم
يا اخوان لا يجب ان تفكروا بعنصرية . ولا تتحاملوا على الاجنبي مهما كانت جنسيته . لا اقول هذا لاني لست قطري . لكن لو كنتم في امريكا او في فرنسا ستشاهدون ان المواطن الفرنسي يعامل كما يعامل المقيم اوحتى من ليس له اوراق اقامة وليس هناك فرق وانا عشت هذا . كل الدول في حاجة الى اجانب . يجب ان نفكر بعقلانية نحن في بلاد متحضرة ولا ترجعونا الى العنصرية . ثم ان قناة الجزيرة قناة ليست حكومية على ما اظن . فلو كانت هناك نقابات لكان الامر احسن
والله الموفق لما فيه الخير للجميع

[بنت الجزيرة]

طيف النسيــــــــــــــــم كلامك هذا يدل على شيئين
الاول اما انك من حاشيـــة هؤلاء الاجانب وموفرين لك كل سبل الراحه وتملك شقه باللؤلوة وتملك سياره اخر موديل وتعيش في فيلا طابقين وراتبك مايقل عن 25 الف ومسماك الوظيفي كبير

او

انك من المشاهدين لما يحصل من قمع وذل واهانه للقطريييين ومبسوووط على هذه المسرحيه وفرحان انك تشاهد فليم لاينتهي من الاهانه

قناة الجزيرة قطرية رضيت يالاجنبي او مارضيت
كل نشره بقناة الجزيرة تبتدي نشره الاخباره من قناة الجزيرة في قطر
هذه قناتنا ...وهذه بلادنا ورواتبكم وراحتكم وبيوتكم من خير هذا البلد
احنا مانمن ولا نذل احد احنا نقول القطري مثله مثلكم الا احسن بعد


لحد يزعل منتدى وطني الحبيب منتدى يملك مساحه حره وكبيره وصريحه للمواطن
يعني منتندى وضع عشان نقول مافي خواطرنا ونقول همومنا دون قيود او حواجز

وهذه الصراحه

جد حالنا مثل ماهو
حالنا من سيء الى اســـوء

تدرون ان الكل يبي يعرف من تكون بنت الجزيرة تدرون ليش عشان بس يفنشونها
لانها قالت كلمة الحق...قالت اللي عجز يقوله كثيرين وماالومهم لانهم خايفين على رزقهم

الحال والله صار مايطاق

ياجماعه ابسط شي ادارة الجزيرة خلوها تسوي تحقيق شامل مع كل الموظفين وبالذات في ادارة التشغيل اداره الظلم والاهانه

نبي اداره الجزيرة تطلب من روؤساء الاقسام يشتغلون على الهواء مباشره اذا حابين بحط اسمائهم روؤساء اقسام اداره التشغيل
مسؤول الكاميرات والاضاءة
مسؤول المونتاج الفني
مسوؤل وحده مساعدي الاخراج
مسؤول الاتوكيو

اطلبوهم في شي واحد يشتغلون على الهواء
والله ان بعض روؤساء الاقسام مايعرفون للاجهزة..واذا طلعوا (مستحيل ونادر جداا) تلقى الاخطاء ياكثرها

تعالوا شوفوا الترفيعات والزيادات اشلون يلعبون فيها والله ان زيادة القطري على المزاج والكيف

والله وااااااااااااااااايد امور لو نقولها ماتصدقون وتستغربون منها
بس نبي احد ينظر لحالنا يشوف اوضاعنا

ليش حسن الساعي وعبير مبارك ماردوا على الموضوع
ليش ماافتحوا الموضوع على الهواء

لييييييييييييييييييش يااخوي حسن واختي عبير ليش ساكتين
كل من رد على الموضوع الف شكر له
وكل من اعطى رايه بكل صراحه ربي يجزاك خير
وكل من تجرا من موظفي الجزيرة ودخل باسم وهمي وقال لو كلمة بسيطه يعطيك العافيه وربي يساعدنا وينصرنا

بنت الجزيرة هي موظفة / موظف مواطن /مواطنه قطري وقطرية في قناة الجزيرة

[للصبر آخر]

السلام عليكم،

الله يعينكم و يصبركم على بلواكم يا موظفين الجزيرة القطريين المظلومين... و ترى الحال من بعضه على قولتهم... يعني آنا حاس بمعاناتكم لأنها نفس معاناتنا في الصحة (وكر الأجانب).

يا إخوان و أخوات إصبروا و صابروا و لحد يسكت عن حقه.

[بنت الجزيرة]

اخوي الفارس القطري
احنا مانكره الاجانب بالعكس في اجانب ينحطون على الراس
بس داخل قناة الجزيرة 90% من الاجانب يذلون القطري ويهينونه ويكرهونه

كلامنا مش سطحي او مبني على مجرد اراء شخصية او مواقف محدوده

اسال بنفسك اذا تعرف احد في قناة الجزيرة اسالهم عن الحال

ووضاح خنفر اذا شخص يمشي الادارة وينظمها فقط ليش اذا جى القطري يشتكي عنده يرفغض مقابلته واذا قابله يسكته ويطلعه هو الغلطان
والله ولا قطري دخل مكتب المدير وطلع وهو يضحك او معاه حقه
انا دخلت لمكتبه ورفض يقابلني بحجة ان شكوى القطري مش مهمه وحولني على شخص ثاني بمكتبه وارفقت اوارق شكوتي لجل توصل له وراجعتهم بعد اسبوع وقالوا لي بالحرف الواحد والله بالحرف الواحد

الافضل تنسى الموضوع اذا خايف على رزقك

الاجنبي اذا دخل والله ياخذ حقه كامل مكمل

وصدقني لو الموضوع سطحي او عادي ماشفت الردود الكثيره والشكاوي الاكثر والمشاهده الاكثر

اخوي انت اسمك بالمنتدى الفارس القطري والفارس القطري يفزع لااخوه القطري المظلوم
انا اكرر احنا مانقلل من قيمة الاجنبي بالبلد لكن داخل قناة الجزيرة اكثرهم ظالمين ويذلون القطري ذل

والله ان مصري تجرأ وقال لشخص قطري(( دول القطريين تديهم بالجزمه على دمغهم يشتغلوا)) والقطري راح اشتكى وطالب بحقه لكن للاسف الاجانب والكبار اللي وراهم غطوا على الموضوع

يكفي ان 90% من الاجانب والله 90؟% منهم يشتغل ومعاه زوجته وبنته وولده وولد عمه يشتغل بالقناة

والقطري اوارقه غبار عليها ولا احد يهتم ويقولون التوظيف موقف

اخوي احترم وجهة نظرك بس المظلوم ماعنده غير يقول حسبي الله ونعم الوكيل فيهم
فلا تمنع دعوتنا عليهم
ولا تشك بشكواتنا وموضوعنا

اسال والله اسال اي شخص تعرف وبتعرف الظلم الكبير اللي نعيشه

اختك
بنت الجزيرة

[الشقب]

اختي بنت الجزيره ..
الله يعطيك العافيه على موضوعك اللي رفع ضغط الكثير منا .. ولكن وش انسوي اذاحكينا قالوا لنا هذا هوالتدريج للسلم الوظيفي .. فيحرام لاجنبي متغرب من ديرته واهله وربعه وجاي يشتغل هنا ويقدم افضل السبل

سؤال يطرح نفسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لوكنا في بلادهم هل بنتقاضى نفس المرتب اللي يحصلونه هنا ؟؟؟

والامتيازات الخاصه للاجنبي ؟؟

وين التقطير ؟؟؟

والجديد اللي نسمعه ان بعض العرب لن يحالوا لتقطير لان مالهم بلد !!!

الله يحفظ بلادناواميرها وشعبها
والله يعطيكم العافيه

[سعود]

الله يعينكم

بصراحة الموضوع زاااايد عن حده

و عيالنا في قناة الجزيرة زاد عليهم الحمل

بصراحة الموضوع لازم يصير له حد ويتم التدخل من قبل الأمير و ولي العهد

طفح الكيل و شبابنا تعبوا

لكن من اللي عنده القدرة على عمل هذا الشيء ؟

شباب خلنا نتعاون من منكم شغال في الديوان الأميري ويقدر يرفع هذه المعاناة لسمو الأمير ؟
يله خلنا نتعاون

[بنت الجزيرة]

اخوي سعود تسلم وماتقصر ياليت والله احد يسمعنا ويوصل مموضوعنا للامير وحق ولي العهد
ياليت شباب جهاز امن الدوله يجون يشوفون قمة الذل والاهانه والتلاعب باموال وحال القطري
ياليت اللي بيده شي يخدمنا
ياليت الاعلام يتحرك وين جريدة الشرق اللي ماتسكت عن اي ظلم ولا عن اي قضية
وينكم تعبنا وملينا

اخر مصخره صايره بقناة الجزيرة

هنـــــدي يعمل بقناة ابوظبي في قسم االارشيف ....وفجـــاة بين يوم وليلة يصير مسؤول على قسم المكتبة والارشيف في قناة الجزيرة يصير مسؤول على قطرييين صار لهم 14 سنه بالقسم
تخيلوا من المطار وظيفته جاهزه ليش لانه على صداقه ومعرفه بالسيد ايمن جاب الله ورئاسة التحرير
تخيلوا قطري صار 14 سنة وقطري صار 10 سنوات موظف بالقسم نفسه ماقدروا يرفعونه لخبرته ويخلونه مسؤول جابوا شخص من خارج الدوله وحطوه مسؤول عليهم

هندي ( اجنبي ) يتامر وينهي على القطري بطريقه تقهر ...والله انه يتصيد لهم خروجهم ودخولهم للدوام
يرفض اجازاتهم الاضطراريه

الموضوع الثاني ( المصخره الثانيه )

قبل ايام تم زيادة موظفين في قناة الجزيرة
الاجنبي زادوووه 1000 ريال وصار راتبه 28 الف وبعضهم مع الـ 1000 صار 33 الف مع العلم انه موظف ماصار له 3 سنوات و5 سنوات

والقطري اللي صار له 14 سنه وصار له 10 سنوات زادوه 14 ريال تعرفون شنو 14 ريال
وصار راتبه مع الـ14 ريال 14 الف مصخره او لا

وبعض القطرييين اللي صار لهم 10 سنوات و8 سنوات مازادوهم ولا ريال ليش ماعطيتونا مثل ماعطيتوهم قالوا لنا اللي مب عاجبه الباب يوسع جمل


والمصخره الاكبر
بعد ايام تاريخ 1 /11 الجزيرة راح تحتفل هي وباقي القنوات بافتتاحها السنوي
تخيلوا الاجنبي اللي مكمل سنتين و5 سنوات يكرمونه ويعطونه شهادة تقدير وساعه

والقطري اللي مكمل 10 سنوات و14 سنة ماعبروه ولا اهتموا فيه


قهر ولا مو قهر

ياناس ياعالم والله ظلم والله العظيم مرضنا ..امراض نفسيه وامراض جسديه اطلعت فينا بسبب هذا الظلم

آآآآآآآآآآآآآآآآآآآآآآآآآآآآآه ياقطر
آآآآآآآآآآآآآآآآآآآآآآآآآآآآآآآآآآآآآآآآآآآآه ذبحونا

[عبدالله الملا]

والله كفو يابنت قطر

واتمنى تطرشين رسايل sms وتتصلين على البرنامج ولاتخافين محد يتجرأ يسوي شي

هم يخافون من القطري ومب كفو يفنشونه

[الفارس القطري]

ان شاء تنحل اموركم وامور الناس كلها في قناه الجزيرة ولا غير قناه الجزيرة ، والاخوان المتضررين من قناة الجزيرة ليش تستحملون كل ذي دور لك شغل ثاني والرزق على الله ، لانكم حاولتم وحاولتم ومافي فايده خلاص ليش اضرب راسي في الطوفه كل يوم خلاص شوفوا لكم شغل ثاني وريح راسك

[عبدالله الملا]

^^^^

يعني يخلون الجزيرة لهالاشكال !!؟

[فوق القمة]

والله شئ يحير

طيب شنو الأسباب ؟؟؟؟؟؟

[شوق الخفوق]

الله يعين ...
والله الحال يقطع القلب
ومعاناة فعلا معاناة

شوفوا لنا حل
ترى جد فاض الكيل
واذا تبونا نستقيل وين نشتغل الحين الجامعيات مو محصلين شغل
احنا يالثانويه والاعداديه بنحصل
ساعدونا وشوفوا لنا حل

شوق الخفوق

[فزاع قطر]

ما اقدر اعلق والله قهر

[بنت الجزيرة]

الى متى هذا التجاهل
الى متى هذا التطنييييييش
يعني لمن نشتكي بعد الله
قالوا لنا تعالوا منتدى وطني الحبيب اشتكوا وبيطرحون قضيتكم
وماشفنا شي الى اليوم
ماشفنا تعليق الاخ حسن
ماشفنا تعليق الاخت عبير
مافي اي جهة ردت علينا
معقوله محد مهتم فينا احنا ياعيال البلد

حسبي الله لااله الاهو عليه توكلت وهو رب العرش العظيم

[عبدالله الملا]

الى متى هذا التجاهل
الى متى هذا التطنييييييش
يعني لمن نشتكي بعد الله
قالوا لنا تعالوا منتدى وطني الحبيب اشتكوا وبيطرحون قضيتكم
وماشفنا شي الى اليوم
ماشفنا تعليق الاخ حسن
ماشفنا تعليق الاخت عبير
مافي اي جهة ردت علينا
معقوله محد مهتم فينا احنا ياعيال البلد
حسبي الله لااله الاهو عليه توكلت وهو رب العرش العظيم

محد حولكم بس شوفو حقوق الانسان وديوان المحاسبة واذا مانفعوكم شوفو الديوان الاميري

[ام الريم]

الله يعينكم ويعينا

[للصبر آخر]

كثر الدق يفك اللحام...

[بوخلف]

انا اللي محيرني ان أمن الدولة عندهم المعلومات الكافية عن الاهانات الي صايره في قناة الجزيرة للقطريين وكذالك ذكر فالجرايد حول هذه المواضع من قهر وقمع وتطاول على القطريين والان لجئنا الى هذا المنتدى اللي الاخوان عبر الاثير ماخلوا حفره في قطر الا وتكلموا عنها اعني برنامج وطني الحبيب صباح الخير ماخلوا قطعة ارض ماتكلموا عنها البلديه مستشفى حمد وكيوتل ... الخ
ولكن تجاهل ملحوووظ لموضوع قناة الجزيرة ياجماعة هذا ايش يدل عليه .. ياجماعه ليش هذا التجاهل احنا كلنا عيال قرية وكلن يعرف اخيه .... لمن يلجأ اليوم الشاب القطري في قناة الجزيرة
لا حول ولا قوة الا بالله حسبنا الله ونعم الوكيل
اختي بنت الجزيرة احنا معاج قلباً وقالباً انتي وكل قطري شريـــف فيه غيره على قناة الجزيرة وعلى بلادة قطــــــــــــــــــر واللي نقدر عليه نسويه
ونداء الى الاخوان في البرنامج وطني الحبيب صباح الخير بدال نشرة اسعار الاسماك خصصوها مع الاستاذ وائل السرسي مدير ادارة التشغيل اسألوه كم نشرة فاليوم ؟ ماهي اسم البرامج في قناة الجزيرة ؟ نشرة الحصاد بالتفصيل ...؟ ماذا يحوي برنامج ماوراء الخبــــــــر .؟ متى اخر مره كنت موجود في وقت نشرة الحصاد ....؟ هل تتقن اللغه النجليزية؟ كم سعر الشاي في الكافتريا .؟
اتحداه يجاوب على سؤال واحد فقط من هالاسأله
اليوم وبعد انتهاء الانتخابات الامريكيه توجه رئيس التحرير بكتابة شكراً شكراً لفلان من القسم التحريري وشكراً لفلان من القسم التحريري وشكرا للأخوه في مكتبنا في واشنطن وارسل ايميل للجميع ... بدووووون لفتة للفنيين او شكر هل يعقل يا أخوان ان الفنيين مالهم اي علاقة في نجاح التغطية الاعلامية في قناة الجزيرة يعني وين راح التعب اغلب الاقسام في التشغيل كانوا يدامووون بدووون اوفااات .. في جانب آخر يتم اختيار اشخاص معيينين للسفر الى امريكا لتغطية الانتخابات والاخوه القطريين يرسلونهم ايران وباكستان واليمن والاردن والاجانب الى اوروبا والدول الراقيه طبعا يختلف بدل التمثيل من بلد الى آخــــــــر
ياجماعه باقي ناس مانقلوا الى الادراة .. ياجماعه عندنا ناس يبون الفكه من الجزيرة اليوم قبل بكره الناس قامت تشتغل بدووووون نفس والله في ناس يقولون احنا نشتغل عشان اللوقو بس
كل يوم نفقد شخص كل يوم نسمع فلان كاتب نقل فلان يدورله شغله برع الجزيرة ليش كل هذا
ليش هذا جزاء الاخلاص هذا جزاء موؤسسين الجزيرة
وكل ماينزل الموضوع بنرفعه
وان شاء الله يرتفع الى سيدي سمو الامير ربي يحفظه ويخليه ذخر لنا ولكل القطريين هو تاج الراس وهو الامل بعد الله وهو العزووووووووه

[**الجورى**]

الله يعينكـــــم والله صج قهـــــــر...

[عبدالله الملا]

اشصار على الموضوع

اتمنى اغراق جوال وطني الحبيب صباح الخير برسائل الsms لمناقشة الموضوع

[بنت ابوي]

قناة الجزيرة قناة قطرية .. والله يعينكم يارب

[بنت الجزيرة]

مادري ليش هذا السكوت
ردودا علينا وقولوا ماتبون تسون لنا شي


اخر الاخبار الظالمه

مسؤول قطري راح الحج وقعد على كيفه بالحج وهو بالاساس متواجد على راس عمله
يعني طالع بدون تقديم اجازة !!!!!!!!!!!!!!! اشلووون
ومش اول مره يسويها هو وغيره من رؤوساء الاقسام لكن موظفينهم ممنوع حتى لو عندهم ظرف

وبعد مارجع من الحج راح وسافر بلد ثاني يرتاح

وفي موظفة معاه جايه من الحج امها متوفيه وطلبت منه اجازة لمدة اسبوع
رفض وقال لها ماعندي مجال امها اللي توفت مش ولد الجيران !!!!!!!!!!!!!!!!!


احوال القطرييين الماديه لازلت مثل ماهي
والجديد (الاجنبي) يجي ويتوظف راتبه ومميزاته اعلى من القطري اللي صار له 10 سنين


ياناس ياعالم اليوم الوطني القطري يومنا بلدنا تراثنا ارضنا
وللاسف الاجنبي والقطري الظالم يستمتعون بخيرات البلد لكن الشخص اللي يعطي بكل محبه وتضحيه يلعبون باعصابه ونفسيته ويظلمونه كل يوم وكل دقيقه


والله رؤوساء الاقسام يطلعون اجازات ويسافرون وهم بالاسم موجودين على راس عملهم

ياناس ظلم في ظلم