مقابلة سمو الامير

[ولد الامير]

مواطن قطري يبحث عن طريقه لمقابلة سموالامير الله يحفظه من حقي مقابلة الوالد حمد بن خليفه وين ماتروح ممنوع في ممنوع ياجماعه هذا الحاكم الي يحكم بين الناس بالعدل رحت الديوان قالواممنوع رحت يمين قالوا روح يسار رحت يسار قالوا روح يمين عطوني حل يامسؤلين ارجو نقل الرساله الي اليوان الاميري يمكن يحن قلب بعض المسؤلين علي وعلى غيري وشكرا الله يحفظ لنا قطر ويحميها ويحفظ لنا اميرنا وكل المسؤلين بالدوله

[ولد الامير]

اصرخ في زحمة الناس باعلى الصوت يجاوبني صدى صوتي المبحوح وين العجب في كلا مي ابي حد يجاوبني ويعلمني الصواب وين ماروح اطلع من غير جواب طرحت سؤال بس الجواب ضايع في زحمة الواسطه ودي في مقابلة سيدي الوالد سمو الامير حمد بن خليفه ال ثاني هل من يعطني الجواب

[قطري أمور]

عزيزي ولد الأمير


على حسب معلوماتي لازم تروح الديوان الاميري وتتقدم بمقابلة سمو الامير

وعلى حسب ماسمعت يفضل الي يقدم مقابله
اما كبير عايلتكم(قبيلتك)

او والدك

ولاكن انت روح الديوان الاميري وماراح تخسر شي

[][عميد الحب][]

ولد الأمير طبعآ من حقكــ

اخي اذا كنت انت ولد الأمير وما تقدر تقابله

فكيف المواطنين.؟!

يعطيكــ العافية اخي

دمت بــــود

[QATAR]

يا اخوي قلت لك اكتب كتاب عند الطباعين اللي في سوق واقف وعندهم الصيغة جاهزة ,,

وشف متى جلسة الامير وروح لها ,,

واعتقد الاحد من كل اسبوع في مجلسه في الوجبه !!

واتمنى منك الالتزام في اين تضع موضوعك

[قطر الخير]

صحيح شلون ممكن نقابل صاحب السمو الشيخ حمد بن خليفة آل ثاني؟؟؟
والله صعبه السالفه صار لنا اكثر من سنه نحاول وما في فايدة

افيدونا ياللي تعرفون...يعني شلون الطريقه؟؟


جزاكم الله خير

[سهم قطري]

روح سوق واقف ،،الله يطول في عمره متردد على السوق بشكل دائم تقريبا وان شاء الله مايردك

[قطري وكلي فخر]

الله يطول في عمر ابومشعل ويحفظه لنا من كل شر ومكروه

[أخت الذيب]

اميييين
والله يوفقكم

[وطنـــــية]

على قوله الاخوان ممكن تحصله في سوق واقف من وقت للثاني انت وحظك والله يفرج عليك انت وكل القطريين يارب