قضية كشمير , المعذرة , اقصد قضية التعليم .

[فــ "قـطـر" هــد]

السلام عليكم ورحمة الله وبركاته

هذا الموضوع مخصص للطلبة فــقــط .
ولو سمحتوا يا اولياء الأمور دعوا الطلاب يتكلمون فها هي فرصتهم .



ما رأيك بالتعليم عامةَ. أكتب وطلع يلي بقلبك في هذا الموضوع
واتمنى ما يكون الرد بسطر او سطرين .


-------------------
بالنسبة لردي , فهو على الجانب وراح يكون اخر واحد حتى ارى وجهة نظر الاخوان .

[محتارة والله]

لي عوده ..

[محتارة والله]

اول شي ..
أشكرك لإتآح الفرصــة للطلبــة إنهم يقولون اللي فقلبهـــم ..

ثآني شي ..

الحمدلله إني افتكيــــــــــت ..
بس عقب مآطلعت لي شعرتين بيض في رآسي خخ ..

بالنسبـة للتعلـيم ..
التعليم للأسف في انحطآط .. بكل ما في الكلمه من معنى ..
التعليم صآر مثل الغزو فكري .. ومثل مآيقولون يدسون السم في العسل ..

والله ان حتى التربيه الإســلآميــة .. درووسهــآ غريبه ..
يعني أقوولكـم .. عندنآ درس .. حآطين اسمآء النصآرى اللي نآصرين النبي في وقتنا الحآلي وشآكرينهم في الكتآب ومسوووينهم جنهم يعني مسوين لنآ شي .. ؟!

تخيلوآ ! .. وأنآ من النوع اللي مآيسكت ..

فقلت حق الأبله واحنآ ليش ندرسهم احنآ مب محتآجين احد ينصر نبينآ ..
نبينآ الله نآصره ..

قالت لي لآ .. مثل مآفي نصارى مهآجمين الرسول بالرسومآت و الخ ..
في نصآرى نآصرين الرسول ومآدحينه .. قلت لهآ غصبن عنهم .. قآلت والله مب انآ اللي حآطه الكتآب ..

المهم سكت وانطميت وقعدت مكآني لأن لو أتكلم من اليوم لين بآجر محد بيسمع ..

ودرس ثآني .. اسمه انحطآط الإسلام ؟!!!!

تخيلوآ !

درس في تربيه الاسلآميه اسمه انحطآط الاسللآم ..

لكن انا ماسكت لين الابله سكتتني وغيرت العنوآن بس في صفنا خخ ..

خلته ترآجع الامه الاسلآميه

المهــم المغزى من المثآلين ..

ان قآعدين يعلمونآ مب عشآن يعلمونآ ..
عشآن يجهلووونــآ .. والله هذا مب تعليم اللي انا تعلمته ..

والله لمآ أشوف منآهج الوزآره .. ينحرق قلبي ..
كتب صج كتب .. واحنآ أورآآق وشخآبيط ولمآ تحط اسم الدرس في قوقل تطلع لك الورقه اللي عندك
وقآصين علينا انهآآآ منآهج

والله مآدري شيبووون يسوون في الطلبه وفي التعليم ..
اووف خلوني سآكته لأني انا اذا تحجيت تحجيت هههههههههههـ ..

اشكرك أخوي فهد

لآهنت

[بوغزلان_قطر]

التعليم التعليم ,,, ما اقول الا على الدنيا السلام

يا زين ايام حمــــــد مع سحــــــــــر و سحــــــر مع حمــــــــد

اكوووه حمد وسحر طلعوا ضباط ومدرسين ع مستوى

[فــ "قـطـر" هــد]

محتارة والله

يعطيج الف عافية ونبي نشوف الكلام الباقي :)


--
بوغزلان_قطر :

واتمنى ما يكون الرد بسطر او سطرين

[مظلومين]

التعليم لم يعد تعليم اصبح كارثه
نحن الطلبه نعاني والمجلس الاعلى لا يعلم ما يدور حوله في المدارس
المناهج لا تتدرس بالطروق السليمه
اتمنى ان يكون للأجيال القادمه فرصه للتعلم افضل مني ومن جيلي الحالي
ومن اسواء ما يحدث في هذا الوقت تأخر نتائج الثانويه العامه
نحن ننتظر منـ 15 يوم والمعروف ان النتائج بعد 10 ايام فقط
ولاكن نقول (كل تأخيره وفيها خيره)

التعليم يوجد به مزايا كثيره لاكن العيوب تطغي عليها كثيرر
الطلبه اصبح لديهم لا مباله لدراسه

اتمنى من المسؤالين ان يسارعو في اصلاح المشكله