اعضاء موقع وطني الحبيب اي استفسار الى ادارة المرور تفضل هنا

[مروري]

السلام عليكم ورحمة الله وبركاته

اخواني اعضاء موقع وطني الحبيب حياكم الله وشكرا على تواصلكم معنا ونود التأكيد على الأتي

1_ يحق لكل عضو طرح سؤالين بشكل محدد وواضح حتى نعطي الفرصه لباقي الاعضاء

2_سوف نقوم بتجميع الاسئله التي ترد الينا وسوف نقوم بالرد عليها خلال اسبوع بعد تجميع جميع اسئلة الاعضاء الكرام وسوف يكون الرد من المسؤلين بادارة المرور

وحياكم الله وننتظر الاسئله تاريخ اليوم 25 /5/2010 وسوف يكون الرد بعد اسبوع من تاريخه

ونشكر ادارة المرور على المجهود والتعاون مع المواقع القطرية

ننتظر اسئلة الجميع

اخوكم مروري

[هميان]

عندي سؤال بخصوص حزام الامان
الشي الي ما نختلف عليه ان شوارعنا زحمة ,,, هل انتوا تشوفون ان هالتشدد مع تطبيق حزام الامان يستاهل هالكثر ,, الي انا اعرفه ان حزام الامان يكون بالطرق السريعة مب نمشي خطوتين ونوقف ,,
والله وهالكلام لواحد قريب لي ,يقول انه طالع من المغسلة يبي يحرك السيارة ويطلعها عشان يدخلها مكان ثاني في المغسلة وجافه شرطي وخالفه ,,,
من هالمخالفات حسستونا ان الهدف مادي بحت ,,

[مروري]

عندي سؤال بخصوص حزام الامان
الشي الي ما نختلف عليه ان شوارعنا زحمة ,,, هل انتوا تشوفون ان هالتشدد مع تطبيق حزام الامان يستاهل هالكثر ,, الي انا اعرفه ان حزام الامان يكون بالطرق السريعة مب نمشي خطوتين ونوقف ,,
والله وهالكلام لواحد قريب لي ,يقول انه طالع من المغسلة يبي يحرك السيارة ويطلعها عشان يدخلها مكان ثاني في المغسلة وجافه شرطي وخالفه ,,,
من هالمخالفات حسستونا ان الهدف مادي بحت ,,



شكرا لك اختي على السؤال وانتظري الرد وننتظر باقي الاعضاء

[سراااب قطر]

هلابك مروري

بخصووووص موضوووع المخفي على الجوانب الأمامية - مسموح فيه ولا لأ

[عطر الورد]

عندي مخالفة حزام امان في شهر ابريل

أنا وقتها كنت ماشية على شارع الكورنيش

بالتحديد إشارات الكورنيش

والشرطة كاونوا واقفين عند الإشارات

ويمشون الناس مع ان الإشارة حمرا

الناس يمشون وانا مشيت وراهم والرادار يصور

ما ادري إذا كانت الإشارة خربانة

وبعد يومين وصلني المسج بالمخافة

مخافة حزام أمان

دشيت الموقع وشفت المخالفة

بس مكان المخالفة كان مختلف عن المكان اللي كنت فيه

لأن نفس التاريخ والوقت كنت ع الكورنيش

ومكتوب في المخالفة مكان آخر

المعمورة خليفات ومسيمير

[عطر الورد]

التاريخ كان 17 / 4/ 2010م

الساعة خمس ونص المغرب

أرجو التوضيح وجزاكم الله خير

[صٍْلآحٍّ آليَزٍُيَدًٍيَ]

بغيت اعرف اوقات المسموحة لسير الشاحنات بالشوارع والغير مسموحة ونوع المخالفة ؟ وقيمتها؟

يعطيكم العافية وجزاكم الله خير

[ام لحدان]

الله يعطيكم العافية على سهركم وتعبكم في خدمة الوطن
الله يوفق لكم

[جاجاسم]

الله يعطيك العافية اخوى مروري ،، على هالجهد والمتابعة ،،

[تعبت اشكي]

السلام عليكم ورحمة الله وبركاته


اشكرك اخوي مروري على هذه البادره الطيبه.. جزاك الله خير وجعله في ميزان حسناتك

انا عندي استفسار وشايله همه والله واللي هو إن زوجي صاده الرادار بسبب تجاوز اشاره حمراء وكان عنده حاله طوارئ " صادني تسمم وانا حامل في الشهر الثاني" المهم جبت ورقة اثبات من طوارئ حمد مع شرح لحالتي الصحيه واعطيتها للمسؤول في ادارة مرور خليفه وقال لي انها بتتحول للنيابه هذا الكلام من شهر فبراير تقريباً وللحين وانا اختك ما حد كلمنا او رد علينا لا من المرور ولا من النيابه العامه
المشكله ان السياره بتنتهي استمارتها في شهر 7 واحنا يا طويل العمر ما ندري شانسوي... يعني اذا بنرووح نجدد الملكيه لازم ندفع الغرامه ؟؟؟:servbah.com96: أو بتتأجل الغرامه لين يتم الحكم من النيابه العامه؟؟؟؟ اوفيه حل ثاني؟؟ ... يا ليت تقدر تفيدني

جزاك الله خير


.
.
.
.
.

[كشات]

ليش قطر الدولة الوحيدة فالعالم التي تمنع اللون المطفي ؟

ليش السيارات اللي سعرها فوق النص مليون مسموح لها اللون المطفي ؟

[سراااب قطر]

في سيارات تجي من الوكااله عليهااا صووت - ليش يتم حجزها ومايتم مخالفه الشركة لأنها ركبت هالاشياء ؟
عند واحد من الربع سيارة نوع موستنغ (رااش) تجي من الوكاله دبات تحت الباب ومايقدر يغير الدبات لن هالنوع نزل في اليوبيل الفضي للشركة وفريد من نوووعه والحين سيارته مطلوووبة صوووت وراح الشركه وقالوا له ماتقدر تنزل الدبات وتركب دبات ثانية - يعني هذا ذنبه ولا ذنب الشركة ولا ذنب المسئولين الي أسمحوا بدخوول هالسيارة ، واذا كانت مخالفه أي صووت مزعج تعتبر عند المرور جريمة ليش مايتم مخالفه السيارات الغاليه مثل (المرشيلاجو - ولا البوغااتي - ولا الفراري ) ليش المرور يشوفون هالسيارات ماتتخالف ويشوفون السيارات الثاانية لازم تتخالف مع أنهم يتشابهون في المواصفات هذي صوتها من الوكاله وهذي صوتها من الوكاله ، وليش رجل المرور يقول للي سيارته عليها صوت من الوكاله ركب دبات كاتمة ومايروح للسيارات الفخمه ويقولهم نفس الكلام ؟

النقطه الثااانية :-
بخصوص الرادارات المتحركه نزلت عليها فتوى لأنها تسرق أموال المواطنين ، ليش المرور لازالوا يعملوون فيها ويكسبوون آثام ؟

النقطه الثالثه :-
رصد أحزمة الأمان أثناء تجول رجل الأمن بين السيارات - هل هي مكسب مااادي أو شنو ؟
لأن قبل المتعارف عليه لو الدورية مرت علينا أو شافتنا تكتب فينا عدم التزام بالحزاام ليش الحين في كل زاوية خااشين شرطي ، مع العلم بأن السيارات تمشي بعد الأشارة الضوئية وتحصل رجل المرور يسجل فيهم هل يعقل بأن رجل المرور بيكتب جميع الأرقام صحيحه ؟

[بوجودة]

والله الوالد جاته مخالفة بياناتها كالآتي :



0000532370 2010-05-06 4:40 م عدم استعمال سائق المركبة ومن يركب بجواره لحزام الأ مان أثناء سير المركبة علي الطريق المطار العتيق
500 ر.ق


الاولى رقم المخالفة والثانية التاريخ والثالثة الساعة
مع العلم انه لم يكن في المكان هذا منذ سنين ولم يسير فيه ايضاًَ وعندما ذهب الي المرور وجد ان الرقم 4 تم تصليحة بخط محرر المخالفة وقال الظابط خلي المخالفة وسوف نعمل الازم وهذا الكلام منذ اكثر من 10 ايام ولا
جديد

لاشك ان هناك اخطاء تقع في نقل الارقام ولاسيما انا محرر هذه المخالفة شك في رقم وجائت المخالفة من رقم سيارة الي رقم آخر ليعاقب من لا يستحق العقاب ويفر من يستحق

[كنيش]

لاحظنا ان هناك بعض افراد شرطة المرور يقفون عند الاشارات الضوئية يحملون دفاتر يسجلون عليها المخالفات مثل عدم ربط حزام الامان او استخدام الهاتف اثناء القيادة ..
قد يخطأ رجل المرور فى رقم سيارة نسبة لسرعة حركة السيارات
كيف تتعاملون مع مثل هذه الحالات ؟؟

لا يزال هناك بعض الشوارع الطويلة داخل الدوحة تجد ان السرعة محددة فيها ب 80 كيلومتر
لماذا لا يتم رفعها الى 100 كيلومتر فى الساعة ؟؟

مع تحياتى لكل افراد شرطة المرور الذى يعملون ليل نهار
يقفون فى الشمس واثناء هطول الامطار
ليساعدون المواطن والمقيم
يعاملون الجميع باحترام وادب وبخلق حسن وكريم ..
يخافون الله ويحترمون عملهم ...
مليون تحية وتقدير لشرطى المرور

[رياني ربشه]

ليش ما يسمحون بالمخفي 30% ؟

متى بتنتهي الدراسه اللي مسوينها لزياده السرعه في خط بوسمره ل 140 ؟

من سنه واحنا نسمع ان فيه دراسه ولين الحين مافيه قرار بالزياده !!

[غربة روح]

اخوي انا عندي مخالفات على سيارتي مع العلم انا سيارتي محجوزه عندكم اخذوها من قدام بيتي وانا خارج قطر
الحين انا مقيم في قطر ودي اغادر دولة قطر قنصلة الاقامه يعني ذهاب بلا رجعه هل ادفع المخالفات قبل المغادره ورحت اطالع رخصة القياده بدل فاقد قالو لازم تدفع المخالفات شنو الرد
ومشكور جزاك الله كل الخير

[مروري]

بارك الله فيكم وسوف يرد على جميع الاسئله ان شاءالله



اخوكم مروري

[مروري]

السلام عليكم ورحمة الله وبركاته



الرد غدا ان شاءالله الخميس تاريخ 4/6/2010

يعطيكم العافيه جميعا على الاسئلة وسوف يتم الرد عليكم ان شاءالله



اخوكم مروري




أسفين على التاخير وتم ابلاغ الادارة عن سبب التاخير ونعتذر للاعضاء جميعا


وتم الانتهاء من الرد على جميع الاسئله واليوم الاحد 6/6/2010 يكون الرد على جميع الاستفسارات

[مروري]

تم الرد


على الرابط التالي

http://watani-alhabeeb.com/vb/showthread.php?t=20341

[أميرة الحزن]

باارك الله فيك مروري

ما قصرت والله

كفيت ووفيت

تسلم الانااامل

وعسااكم على القوة