اطلب من اخواني واخواتي المساعدة

[اتمني المساعدة]

السلام عليكم ورحمة الله وبركاتة

اخواني اخواتي في اذاعة قطر اتمني المساعدة منكم لاني في ورطة ومايعلم فيها الي الله

الموضوع

في البداية انا كنت شغال في شركة قطر حماية مدة سنتين واخذت سلفية وبعدها بنصف عام انهوخدماتي

والبنك اجري اتصال فيني يقول عندك لين اخر الشهر ولي راح ارفع قضية وانا والله العظيم بعد اسبوع دورتي في الخويا قتلهم ينتظرون على اقولون لي ادفع المتاخرات بمبلغ 6500ريال وانا وربي ماعندي اريال واحد علشان اشتري بيبسي
فارجوكم ساعدوني تري والله محتاجلكم والله مب عارف شاسوي ابوق ولي مادري شاسوي


ارجوكم ساعدوني

[QATAR]

السرقة ماهي حل !!


ولا اعتقد المشكلة كبيرة,,

لكن عندي لك حل وهو الذهاب الا مدير البنك وتتفاهم معاه ,,

واعتقد راح يتفهم وضعك حتى تتخرج من الدورة او يعطيك مده كافيه من الوقت ,,

[عين أبوها]

اخوي البنك ماظن بينطر .. هذا اولا

وثانيا : لو البنك رفع قضيه هو الخسران .. لان الاجراءات بطول .. ولو حاكموك القاضي بيشوف شو اقرب لك وحتى لو تدفع اقل مبلغ .. (( هذا اللي انا اعرفه ))

وثالثا : لو انت قطري اكيد عندك كم سهم .. فبيع لك كم سهم لو عندك

ورابعا: انا اشوف مافي الا انك تتسلف من قريب او بعيد ..

والله يفرجها عليك انشاءالله ..

[وطنـــــية]

في رايي تروح للبنك وتتفاهم معاهم انهم يصبرون عليك شوي .. وهالشي يسوونه البنوك لان مافي حل لهم اصلا .. وعلى قولة اختي عين ابوها بيخسرون أكثر لو ارفعوا عليك قضية .. والله بيفرجها عليك ان شاء الله ..

[عجلان]

اخوي خلهم يرفعون قضية
واذا وصلت المحكمة اطلب من القاضي يعطيك مهلة 6 شهور

[عبدالعزيز الشمري]

ياخوي نصيحه لك مني بما اني اعرف بهالامور

اذا كانت خدمتك مضمونه بالاخويا فلا تخلي هالموضوع يخرب عليك

حاول تعطي البنك مبلغ معين وتتفاهم مع مدير فرعك وانشالله خير

تقبل مروري

[عبدالعزيز الشمري]

ياخوي نصيحه لك مني بما اني اعرف بهالامور

اذا كانت خدمتك مضمونه بالاخويا فلا تخلي هالموضوع يخرب عليك

حاول تعطي البنك مبلغ معين وتتفاهم مع مدير فرعك وانشالله خير

تقبل مروري

[اللورد]

الله يكون بالعووون حاول تكلم مدير البنك وتفهمه اللي حاصل

وان شاء الله يكوون خير

[داري قطر]

الله يفررررجها عليك اخووي

والله حراااام يصير فيك كذا وانت ولد قطر


ان شالله يساعدونك

[عيني قطر]

انا رايي من راي اخواني الاعضاء روح للبنك وتفاهم مع المدير لانهم مايقدرون يرفعون عليك قضيه لانهم مايبون خساير من الرفع القضايا وهم اصلا مايبون يخسرون زبون فأكيد المدير بيطول باله عليك علشان مايخسرك لانك بتلاقي شغل جديد وهم يبون يكسبون ثقتك فيهم علشان تخلي راتبك يتحول عليهم وهذي فايده البنك ...
روح للمدير وراح يرضخ لظروفك ..الله يعينك