ليش عندنا مشاكل ما تنحل ؟؟؟؟؟ اتمنى الجميع يشارك برايه

[الفارس القطري]

والله في البدايه احب اشكر القائمين على هذا المنتدى لانه صوت لك انسان يعاني وصوت لك انسان مظلوم وانا قاعد اشوف الموضوعات في المنتدى جاه على بالي سؤال ليش حنا عندنا مشاكل واجد
وهي نفسها المشكلة ماتنحل مثل الرواتب + القروض والاسكان + الجنسية + التعليم + الصحة
يعني هذي المشاكل لها سنين ليش مانحلت من جذورها وليش لين تنحل يحطون لها حل مؤقت او حل
انا سميه شخصي مايقوم على قواعد واسس ((ذر الرماد في العيون )) .

انا حاب اعرف وش رايكم ليش عندنا مشاكل ماتنحل ؟؟؟؟؟؟؟

انا بوجه نظري في البدايه (( لان القوانين غير مطبقه * تطبق على الكيف المزاج* + عدم وجود شفافيه ومحاسبه عند تطبيق القوانين + عجز بعض القوانين على مواكبه تطور العصر+ المصلحة الشخصيه فوق مصلحه الوطن +
العنصريه السم القاتل في المجتمع ))


وحاب اعرف رايكم بصراحة ؟؟؟؟؟؟؟؟؟؟

ليش عندنا مشاكل ماتنحل وشلون تكون طريقه الحل بوجه نظركم ؟؟؟؟؟؟؟؟؟

[عين أبوها]

يعطيك العافيه اخوي عالطرح الجميل ..

ان دل موضوعك فيدل ع حرصك للهموم العامه .. بارك الله فيك اخوي ..

وانا من رايي في النقاط اللي ذكرتهم ..


الرواتب

باذن الله راح تنحل عن قريب ..


القروض والاسكان

اذا كانت معلوماتي صحيحه راح تنحل المشكله عما قريب .. راح يعلنون عنه باذن الله شهر 6 .. وراح يسهل عالمواطنين العبء .. (( حسب معلوماتي الشخصيه )) والله اعلم .. بس انشاءالله يكون خير

الجنسية

هاذي انتمنى من الله انها تنفرج ..


التعليم

هاذي مشكله جديده .. يعني من سنه او سنتين بدينا انعاني منها تقريبا .. والمشكله انهم بدال مايعالجون الشي يالسين يستمرون فيه .. وهذا صج يبلى حل وخاصه المدارس المستقله ..

وهاذي حلها من وجهة نظري .. يسحبون التراخص منهم المدارس المستقله .. وترجع دور وزارة التربيه والتعليم ..


الصحة

والله اسمع انهم يعانون بس شو بالضبط هذا اجهله ..

**

وعن المشكلات نسيت اخوي اتضيف .. غلاء الاسعار .. وارتفاع الايجارات .. وغيره وغيره ..!!

ربك كريم اخوي وباذن الله كل مشكله لها حل ..

دام الانسان بصحه وعايش فرزقه على الله .. والله بيفرجها انشاءالله ..

[بدر المحبة]

اشكرك اخوي الفارس

طرحت موضوع في قمة الاهميه بيض الله وجهك

وانا اتفق مع اختي عين ابوها في كل ماقالته

بس فيه شي قالته وفرحتني بيض الله وجهها

هو الرواتب والقروض السكنيه

والله كريم يلطف بحالنا انه هو العليم الخبير


اشكركم كلكم ويعطيكم ربي العافيه

[الفارس القطري]

اشكر عين ابوها على المشاركه بالموضوع وعلى الطرح واشكرك انك طرحتي موضوع غلاء الاسعار والتضخم هذي المشاكل مشاكل اقتصاديه بس انا اتكلم اختي عن مشاكل انسانيه تتعلق بالانسان
بهمومه بخصوص التضخم والغلا بينحل قريب ان شاء الله بعد ما تم الاعلان عن تثبيت اسعار السلع الاساسيه ودعم الاخر والرقابه عليهم

اللهم فرج كرب المكروبين يارب ياارحم الراحمين

[الفارس القطري]

ليش مانحط خطط زمنيه قصيره ومتوسطه المدى وطويله المدى لمعالجه جميع المشاكل العالقه بمجتمعنا والتخطيط الكافي والوافي لتجنب هذي المشاكل في المستقبل ولا شرايكم ؟؟؟؟؟؟؟؟

[الفارس القطري]

اختي عين ابوها بالصحه المجتمع كله يعاني من مشكلة الصحه والخدمات المقدمه من قبل وزاره الصحة يعني لازم في وجه نظري المتواضعه يكون في جهات تحل كل هل مشاكل كل مشكله بروحها لمافيه الخير للوطن والمواطن .

بس ماتكون نفس الجهات الموجود يعني وزارة الصحه ما تعدل من نفسها وذا بسير ذا الشي يكون هناك في رقابه عليهم
وفي تقييم ومتابعه لتطبيقهم للخطط المرسومه .

[عين أبوها]

اختي عين ابوها بالصحه المجتمع كله يعاني من مشكلة الصحه والخدمات المقدمه من قبل وزاره الصحة يعني لازم في وجه نظري المتواضعه يكون في جهات تحل كل هل مشاكل كل مشكله بروحها لمافيه الخير للوطن والمواطن .

بس ماتكون نفس الجهات الموجود يعني وزارة الصحه ما تعدل من نفسها وذا بسير ذا الشي يكون هناك في رقابه عليهم
وفي تقييم ومتابعه لتطبيقهم للخطط المرسومه .

يعطيك العافيه اخوي الفارس ..

والله انا قلت لك عن الصحه ماعرف مشاكلهم شو هي بالضبط .. بس انشاءالله يوم اروح حق وحده من هلي الاسبوع الجاي راح اسأل امها .. << اذا قدرت اتكلم جدامها :o:D

اذا انت عندك فكرة عن المشاكل بالتفصيل .. اذكرها لي اهني وانا راح اتجاوب معاك باللي اعرفه ..

[الفارس القطري]

مشاكل الصحة لا تعد ولا تحصى وسلبياتهم اكثر من ايجابياتهم بواجد شاقول ولا وش ماقول خلها على الله الي اقدر اقوله انه هناك في شلاليه بقطاع الصحة واشكرك اختي عين ابوها على الاهتمام بالموضوع هذا دليل على انتماءك الوطني الاصيل وبارك الله فيك

[وطنـــــية]

لان الي قاعدين عالمناصب هدفهم المنصب مو تنفيذ الي وراء المنصب .. المصيبة ان هالناس تعتبر المناصب تشريف مو تكليف .. ماتشوفونهم كل ما حطو حد في منصب انهلت عليه التهاني !! يتراوالي لو حطوني بمنصب مسؤول باتم أصيح من الهم لانها مسؤوليه مب هينه ..

خلوني ساكته ..

[اليتيمة]

مشكور اخوي على الموضوع وان شاء الله تنحل جميع المشاكل

[انتظار مصير]

يعطيك العافيه اخوي الفارس ..

والله انا قلت لك عن الصحه ماعرف مشاكلهم شو هي بالضبط .. بس انشاءالله يوم اروح حق وحده من هلي الاسبوع الجاي راح اسأل امها .. << اذا قدرت اتكلم جدامها :o:D

اذا انت عندك فكرة عن المشاكل بالتفصيل .. اذكرها لي اهني وانا راح اتجاوب معاك باللي اعرفه ..


مشااكل الصحه كثيره ( الهيئه الوطنيه للصحه )) والله انهم يعااانون لانهم يراااعون الاجانب أكثر من القطري وانا أقترح انهم يغيرون ويسمون نفسهم الهيئه الاجنبيه للصحه

[دمي عنابي]

الله يعطيك العافيه على الموضوع
اما انا اذا بتكلم بقول والله بتعب وهذا الي يبونه علشان أنتم ساكتين

ورئي هو (((((أنه ما يرتحون لين جيبون لنا مشكله)))))

اول كانو على لقمة العيش يتقاسمونها وهم في فقر الشديد
والحين والله لو تموت من الجوع ما عطوك وحن في العز ورخى الله يدومها إنشاء الله


ألأ القليل القله


ولكم مني الشكر

[الفارس القطري]

اشكر بدر المحبه وطنيه ودمي عنابي والجوهرة وانتظار مصير على التعليق على الموضوع واتمنى كل مشاكل مجتمعنا تحنل بطريقه ترضي الله عزوجل عنا ثم مصلحه وطنا الغالي واميرنا المفدى

[فديت بلادي]

اول شـي اقولكـم السـلام عليكـم ورحمـة اللـه وبركـاتـه ..
واشكـر اخـوي اللـي طـرح هـالمـوضـوع وحبيـت اعقـب عليـه واعطيكـم رايـي الشخصـي..

اولاً بخصـوص الـرواتـب:

- ماتـلاحظـون ان الاجـانـب يـاخـذون اضعـاف اضعـاف رواتبنـا وغيـر السيـارات والفـلل واللـي ينـدفـع حـق تعليـم عيـالهـم واحنـا عسـى مازادوا رواتبـا ريـال الا غلـت الـدنيـا الـف ريـأل..

ثـانيـاً بخصـوص الاسكـان:

- ليـش المـواطـن اذا طلـب حقـه سـواء كـانـت ارض او قـرض لازم ينطـر سنييييييييييـن طـوووووووويلـه ليـن يجيــه الـدور والاجنبـي مـن يـوصـل مـن بـلاده علـى فيـلاتـه علـى طـوول والاجـار مـدفـوع لسنيـن قـدام مـوالمـوطـن احـق بهالشـي مـن الاجنبـي..
يكفـي ان دمـه عنـابـي..

ثـالثـاً بخصـوص الجنسيـه:

لاتعليـق عنـدي سـوى ان العنـابـي صـار بيـد نـاس وايـد مـاتستـاهلـه وتـرى فـي اللـي يستـاهلـه وبيحـافظ عليـه مثـل عيـونـه..

رابعـاً واخيـراً الصحـه:

- مـاقـول غيـر ان مـؤسسـه حمـد الطبيـه تحـولـت الـى مقصبـة حمـد الطبيـه..

واتمنـى مـاكـون ثقلـت عليكـم اخـوانـي وخـواتـي..

[للصبر آخر]

السلام عليكم، قلت بعد آنا أدلو بدلوي

الصراحة السؤال جوهري، بس أعتقد إن السبب الرئيسي هو التفرد في اتخاذ القرار... يعني للأسف إحنا مانطبق "وأمرهم شورى بينهم"... المسؤول عندنا في أي جهة يطبق كلام فرعون "ما علمت إلاها غيري لكم" والباقين يخافون يناقشون والكل يقول يالله السلامة.

أما بالنسبة للصحة وآه من الصحة، فأنا أتفق مع اللي قال قايمة على الشللية، بإختصار هي مافيا منظمة... فالشلة معروفة وماحد يطول شئ الا اللي يمشي على دينهم.

[الفارس القطري]

اشكر فديت بلادي ولصبراخر على التعليق على الموضوع وشاكر لكم مروركم