ليش ما يذيعوون النتائج الثانويه عالراديو نفس زمان

[بوغزلان]

السلام عليكم ورحمة الله وبركاته

اتمنى انهم يعيدوون ذكريات الاول ويذيعوون نتائج الثانويه على الراديو والله زمان وناسه الكل يتجمع بمجلس فلان والكل قاعد على اعصابه لين ما يجي اسمه وتلاقي الفرحه وسط الميلس بين الشباب والعائله في الصاله كل حاط اذنه احذى الراديو جنه قاعد يتصوخ ههههههههاي صج فله

ومشكوووورييييييين

[عين أبوها]

لا والله انا مأأيد هالفكره ..:cool:

والله ما أأيدها كلش بعد ..:rolleyes:

لان علي ايامنا كانت النتايج مو فالراديوو .. كانت فالتلفزيون ..

بقولك السالفه وانت قول لو مكاني بتأيد والا لا .. :(


عاد يوم كنت انا ثالث ثانوي كانت معاي اختي اكبر مني بسنه تدرس .. هي بصف وانا بصف .. المهم امتحنا .. بعد عنااء .. وكنت كل يوم اجي البيت اصيح انا راسبه في هالماده وهالماده .. واللي يزيد الطين بله .. ان اختي كانت اتحب اتراجع اسئله الامتحان عشان اتصلح حق عمرها فالبيت وتعرف شو سوت .. وكل ماقلت السؤال هذا جوابه جي .. انا ايلس اصيح .. لانه جوابي غير ..:confused:

المهم ويوم كانوا بيحطون النتايج عالتلفزيون .. ان ماخاب ظني كانت ع قناة قطريه عالدش .. اللي تعرض الاهداءات وارقام وسيايير للبيع ..

خبركم ع ايام كل شي ممنوع .. حتى الدش .. فمافي الا بيت عمي ..:D:D

عاد يومها كنا في بيت عمي .. كلنا انا واخواتي وامي وبنات عمي .. نبي نسمع النتايج ..
قالوا الاسامي لين ماقالوا اسم اختي الا اسمعوا عاد لصريخ .. وحرفي عقب حرفها بشوي ..
هم يصارخون واختي اتنطط .. وانا ابي اسمع اسمي ماقدر .. مت اتعرف شو مت ..:(

ماعرفت شسوي .. فصرخت صرخة ويلست اصيح .. الا الجماعه اسكتوا .. الا مرت عمي قالت حرام عليكم ماسمعنا اسمها وكلهم جاوا عندي وامي لامتني قالت لاتخافين حبيبتي .. اللحين الكسلانه انجحت انتي اكيد بتنجحين .. وهي اتقول جي الا قالوا اسمي ..:D:D

جان يناقزون مرة ثانيه وامي اتلمني .. عاد جد انا خلاص راحت فرحتي من الموقف ههههههه :D..

عشان جي عني انا محب الراديو والتلفزيون ..:D

بس من ناحية النتايج واعلانها .. انا اشوف اريح للطالب نفسه .. اول شي الحمدالله النت متوفر في كل مكان .. يعني يقدر يشوف النتيجه وهو فالبيت .. بدون مايعاني من اي ضغط ..

وثاني يوم يحطون الاسامي فالجرايد ..

يعطيك العافيه اخوي عالموضوع .. رجعت لنا ماضي حلو ..:D

وياللورد .. ترا انا قلت موقف خلاص اللحين دورك اتقول ..:p

[دمعه]

ان شاء الله تستجاب دعوتك واترد ايامكم


^_^

[عبير مبارك]

اقتراح نرفعه للمسؤولين في وزارة التربية و المجلس الأعلى للتعليم ولإدارة الاذاعة و احنا منى عيوننا نشارككم فرحتكم

[QATAR]

اقتراح طيب ,,

لكن الزمن تغير وتتطور يالغالي,,

وبعدين قبل لاينزل اي مكان راح يكون عندك خبر ,,

[محد قدي]

..اقتراح حلو..
..بس الزمن تغير مثل ما قال اخوي رااشد والحين احنا في عصر التكنلوجيا والمعلومات..

[بوغزلان]

نسلموووووووون عالردود الطيبه ومروركم الاحلى

كلكم ذووووووق

[الفارس القطري]

انا خاطري يردون يذيعونها بالاذاعة مره ثانيه مثل قبل وعين ابوها كانت تذاع الاسامي في الاذاعه بس يمكن انتي كنتي بيبي وقتها هههههههههههههههه بالتوفيق حق الجميع باختبارات الثانويه العامة

[بدر المحبة]

بصراحه انا مع ابو غزلان في اقتراحه

لان كل شي قديم حلو يعني مافيها شي اذا قالو النتائج ع الراديو
ونشروها بالنت والجرايد بالعكس يجمعون القديم والجديد
وانا من رأي اخوي ابوغزلان مع احترامي لرأي الاخرين رايهم فيه خير وبركه


اشكرك اخوي بو غزلان

[بوغزلان]

تسلم فديتك بدر المحبه

[آل ثاني]

الناس تغيرت وتطورت
واحنا للحين في الماضي

[العذبي]

هل عدد الطلاب في الثانوية العامة البالغ أكثر 6 آلاف لهذا العام يسمح بذلك؛ مقارنة مع عدد الطلاب سنة 1992 على سبيل المثال؟