ماهو احساسك عندما ترا امك تبكي ؟ ][

[امل الامه]

________________________________________
بسم الله الرحمن الرحيم


السلام عليكم ورحمة الله وبركاته

>
>
>
>


كل انسان تطغى عليه ظروف الحياة...



والانسان ليس خالي من المشاعر..بل يوجد في قلبه الكثير من الاحاسيس..

اخواني واخواتي..عندما تسقط دموعكم فتاخذكم والدتكم بالاحضان منذ الصغر..

ولكن هل رأيتها تبكي؟؟

فما شعوورك عندما ترى والدتك الذي تعبت عليك من الصغر للكبر وهي تبكي؟؟

فهل تخفف عن آلامها ويمكن انت مصدر احزانها؟؟

ام تبتعد لتبكي بحرقه عما يختلج في صدرك؟؟

ام توقف امامها حائرا خاضعا لهذا الامر..

[قصة اسم]

الأم غالية .. ودمعتها جداً غالية

لو شفت دمعتها .. أكيد اني بصيح معها

دايم يصير هالمشهد ..






.. كله الا دمعة الأم

نحاول نسوي المستحيل عشان لاتنزل ..

أو عالأقل نخفف عنها ..

اذا كان شخص غريب يبكي وترحمه..

شلون لوكانت الأم..؟؟

الله يخلي لي أمي .. و لايخليني سبب لنزول دمعتها يااااااارب..

تسلمين ع الموضوووع

وتسلم اليدين اللي خطّت هالطرح الرائع والراقي ..

[أميرة الحزن]

انا دايما لما اشوف امي تبكي ابكي معاها لاشعوريا حتى لو اني ماعرف السبب

مادري ليش انا جدا ضعيفة امام دموعها احس بنار اذا بكيت

فديت امي والله
والله يخلى لكم امهاتكم يااارب العالمين ولا تشفون دمعتهم يااارب

[موزاني]

وانا صغيرة لما أشوف أمي تبكي كنت أحقد من كل قلبي على الي خلاها تبكي والحين من أشوفها شوي متضايقة انكت لها وأضحكها وأقولها سوالف أدري انها تحبها ,,
وربي يخليلكم امهاتكم ويسعدهم يارب ولا تنزل دمعة غالية من عيونهم
تسلمين أمل على الطرح

[شموووخ آلصمت]

آميييين
بجد دمعتهآ غآلية ومآودي تنزل حتى لو على موتي
يآعلني مآ شوف دموووعهم ودآيم آلدوم مرتآحين نآسيين همومهم
فديت أمي أنآ من أشوف وجههآ قلبي يتفطر وودي أبكي شلون لو شفت دموعهآ ؟!
وربي مآ أتحمل :(
تسلمييين أموله ع آلموضوع
<<< أللحين أبكي :(

[دنيا غريبه]

موتي ولا دمعة امي

اذا شفتها تصيح اصيح وياها

ويعطيج العافيه اختي ع الموضوع المميز

[نحول]

والله ردودكم عورت قلبي

عسى ربي يخليكم لامهاتكم ويخليهم لكم

طبعا اصعب شي اني اشوف دمعة امي تنزل ومابيدي اسوي شي غير اني ابادلها الدموع بدموع

[الدكتوره]

الأم دمعتها غاليه وأكيد لمن أشوفها تصيح بصيح وياها اول وبحاول اخفف عنها

واعرف منو مضايقها وأراويه:d:d

[شيخ الشباب]

الله يحفظها ويطول في عمرها ان شاءالله وما قد شفتها تبكي والحمدالله ولا اتمنى

يعطيج العافية اختي امل

[بن نايفه]

الله يحفظ الوالدة وانا احب اضحكها دائما حتى في الاحزان الكبيرة

يعطيك العافية وبارك الله فيك

[أم عبدالله*]

السلام عليكم

اما انا فأمي هي من تمسح دمعتي وتنسيني حزني وأسأل الله الا يجعلني اراها تبكي ويكفي انها كانت تبكي على فراقي حين سفري للدراسه.. احبكِ يا اغلى الحبايب واتمنى لك السعاده وطول العمر والخاتمه الحسنة.. وشكرا أخيه على هذا الطرح الطيب

[امل الامه]

مشكووووووووووووووووورين على المرووووووور الرائع اخواتي واخواني ولاهنتوا

شعر للأم اللي مانقدر نوفي لها لونفديها بحياتنا
للشاعر نصار الظفيري

وإليكم القصيدة :


يمه .. منتهي جيتك وطالب منك الغفران
أقبل قاعة أقدامك وغسلها بدمعاتي

يايمه .. كل مافيني يناديلك أنا ندمان
طلبتك ؟ .. قولي سامحتك وردي لوجهي بسمتي

أنا أدري قلبك الطيب كسرته بصدمة النكران
غلطت .. وغلطتي هذي تغير كل غلطاتي

تشوفي الشيب يايمه ترى ماجا وأنا فرحان
وربي إلي رفع ذاتك ونزل للردى ذاتي

فقدت الراحه من بعدك .. فقدت الطيبه والتحنان
بدونك .. راحتي غاية بدينك هذي راحاتي

أنا بعدك ولا حاجه أنا بعدك ترى عميان
أشوف .. ولا أشوف إلي يوريني مساواتي

أنا وسيد الشقى والهم غدينا أخوان
يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي

أنا من شالك بيده بأسفل البركان
نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم يمه قلبي هان
رموني وضعتهم فزعه .. وأنا الدمعات فزعاتي

يايمه لاتظني أنا من فعلهم زعلان ؟
سوات فيك سويته وسوو فيني سواتي

يايمه .. يالله ضميني ودفيني بها لأحضان
أنا أدري فيك مشتاقه .. وهمك بس ملاقاتي

يايمه ( حييييل ) ضميني أبي أرتاح أنا تعبان
تعبت أهرب من ذنوبي أبيك آخر مسافاتي

أبسمع منك كلمه .. لصوتك مسمعي ولهان
أبسمع ( يمه ) بصوتك أبذكر فيها نشواتي

أشوفك ساكنه يمه ؟ !! .. غفيتي ولا أنا غلطان ؟
غفيتي يابعد عمري ؟.. تعبتي من مواساتي ؟

يايمه طالبك قومي .. إذا لي في عيونك شان
أشوف الموت بعيونك عساها تخيب هقواتي

تعالو يابشر شوفوا أنا محتار أنا تلفان
أنا أمي مدري وش فيها أنا مدري أنا أحاتي

شنو ؟؟ أمي أنا ماتت ّ!!! لا لا .. لاترى غلطان
أنا أمي ماتخليني على حزني ووناتي

أنا أمي قلبها طيب ولا يمكن تبكي إنسان
أنا أمي ما تبكيني .. ولا تتمنى آهاتي

يايمه صح مامتي ؟ .. وصح الموت تو ماحان ؟
إذا متي أنا بعدك أبقضي وين ساعاتي

يايمه قومي .. وقولي الموت لا ماكان
أنا جيتك وأنا ناوي أببدي فيك جناتي

تركتيني ومتى وليه وأنا غرقان ؟
ولا مسموح ياوليدي !! .. ولاتلعنك لعناتي

أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي

ولاني مرضي ربي .. ولاني تابع الشيطان
أنا بعدك ترى مابين نهاياتي وبداياتي

يايمه منتهي جيتك وكلي مرتجي غفران
وشفت الناس تلعني .. وتحذرني من الاتي .. !!


صح لسانك يا الظيفيري

اكرر شكري لمروركم