الحكومه ولا المستقله افيدونا ياا صحاب الخبره

[بنت الغاليه]

ولدي السنه الجايه بيدخل المدرسه وحنا من سكان معيذر وماني عارفه وين احطه مدرسه على بن عبدالله مايمدحونها ومدرسه المريخ بعد مايمدحونها لانه يدرسون فيها عيال خواني وخواتي ادخله الحكومه وفك نفسي ولا ادخله المستقله عشان مستقبله يكون افضل من ناحيه الدراسه افيدوني ياخواني وخواتي

[عين أبوها]

ياهلا ويامرحبا فيج يالغاليه ..

وانشاءالله الاخوان والاخوات اللي فمعيذر يفيدونج اكثر من ناحية افضل المدارس اللي عندكم ..

والله يوفق ولدج وانشاءالله اتشوفينه متخرج ورافع راسكم يارب ..

بس عني انا اشوف الحكومي احسن .. لان المستقله الدراسه فيها احسها معقده شوي :cool:

يعطيج العافيه حبيبتي ..

[الفارس القطري]

المســــــــــــــــــــــــــــــــــــــــــتقله وباذن الله الله يوفقه

[بدر المحبة]

اشكرج اختي بنت الغاليه على موضوعج

وانا من رأيي الحكوميه احسن لأني احس الحكوميه
اقوى من ناحيه التعليم لأن عيال اخوي واحد في مدرسة مستقله والثاني في مدرسة حكوميه
واشوف ان اللي في المدرسه الحكوميه هو اقوى في التعليم من اللي في المستقله

والله اعلم

بس اللي بقوله لج اختي

صلي صلاة الاستخاره واطلبي من الله ان يهديج للأصلح ديناً ودنيا


وربي يوفقج ويوفق ولدج

[دمعه]

امممممم

والله انا ما عندي فكره كبيره عن مدارسكم الصراحه

بس من اللي اشوفه قدامي واسمعه..

انه فالمستقله سواء درس ولا لا بالاخير يكون ناجح..

يعني الياهل مارح يهتم ومن هو صغير الله يعين يوم يكبر...


اما الحكوميه ما اشوف هذاج الاهتمام للطلاب يعني الطالب او الطالبه اللي يتغيبون وبكثره عادي....

ما في شروط تمنعهم من الغياب

....

عندنا في الامارات اذا غاب اسبوع متواصل وبدون عذر .. فصل وما يوم يدرس بعدد..

واذا غاب شهر متقطع وبدون عذر بعذ فصل...

....

الله يوفق ولدج يالغاليه....

.....

انا عن نفسي راح اودي ولدي الامارات يدرس..^^
بس تو الناس عليه^^

[انتظار مصير]

والله أختي المستقله مافي نجاح ورسوب بالذات الابتدائيه يعني درس ولا مادرس ناجح ومافي مصداقيه في التصحيح الامتحانات ( البعض ) أما الحكومي الصررراحه مصداقيه في النجاح والرسوب لان في مراااقبه شديده بس المشكله إن المدااارس راااح كلها تصير مستقله يعني مافي مفر لازم تدخلينه مستقله ..

[اللورد]

اختي العزيزه


سجليه في الحكوميه اشووفها من المستلقه لان المستقله طلباتهم وايد وراح تتعبين معاهم

واكيد بيكون الراي الاول والاخير لج

[بنت الغاليه]

يعني الجميع افتى واجمع على الدراسه الحكوميه افضل من المستقله
الفارس القطري

تعتقد ان المستقله هي الافضل انا لااعتقد بس اعتقد انه واقع علينا ان نرضى به شئنا ام ابينا
بدر المحبه
اشكرك حبيبتي جزيل الشكر لانك ذكرتيني بصلاة الاستخاره الله يوفقج دنيا وآخره لانني سألجا لها
اماراتيه

والله انج صاجه المستقله درس ولامادرس ناجح ناجح لاكن المستوى عدم للطالب
انتظار مصير

اشكر مرورك وفقكم الله

اللورد
شورك والهدايه من الله وفقكم الله

[QATAR]

قديمك نديمك !!

خلج عالحكومية احسن ,,

[فراس]

اختي العزيزه اشوف ان الحكوميه افضل لان متطلباته عاديه اما المستقله يكون المتطلبات اكثر ومالها داعي احسن لش الحكوميه والله يوفقه ويترباء في عزكم انشاء الله...



الله يعينش على المدارس؟

[مشاعل الطبيشي]

اختي المدارس الحكومية افضل بس في الصيف دخلية معاهد للغة الانجليزية

[بنت الغاليه]

اشكرج يا مشاعل واعتقد اني ناويه اسويها مو بس بالنجلش العربي بعد عشان اهيئه للدراسه

[عيني قطر]

نصيحه مني لج دخليه مدرسة حكومية علشان يتعلم الدين واللغة العربية والكتابة بصورة افضل أما بالنسبة للغة النجليزيه فكما تفضلت الاخت مشاعل دخلية معاهد لغة انجليزية وعلى قوله المثل عتيج الصوف ولا يديد البريسم ..الله يوفق ولدج ... :)

[قطريه زقرت]

والله الحكوووومه احسن

انا بحووول من المستقله ..

المستقله ماافيها منااهج عدله مثل النااس واورااق

يعني ولدج بييج اللي اورقه طاايره واللي مو محلووول
ومافي شرح حتى

حكووومه احسن لج .. في متاابعه .. اما المستقله مصخره على قولتهم

[رفيجة المديرة]

اعزائي الاخوه اللي اجمعتو على ان الحكوميه افضل

كلامكم صح اعزائي لكن الحكوميه ماله مستقبل فيها

اذا دخل حكوميه ممكن تتحول مستقله في نفس السنه او السنه اللي بعدها لا مفر

لان في العام الدراسي 2009- 2010 بتمحى كل مدرسة حكوميه على وجه قطر

و ما لكم الا المستقله او الانجليزية او الهندية

و يمدحون الهنديه كثيرا لان التاسيس الانجليزي فيها 100% و بتكاليف شبه معقوله

و في المستقله او الانجليزيه او الهنديه انسو شئ اسمة لغة عربية و تربية اسلامية

ضاعت اللغة و الدين مع ظهور المدارس المستقله و احلالها محل الحكومية

دخليه انجليزية او هندية و انسي شئ اسمة مستقله و حتى حكوميه لانها تحتضر

و جهزي مدرسين للغة العربية و القران في المنزل

و ننتظر رحمة الله بنا ان تحل على ابنائنا

[قمرهم كلهم]

انا رايي من راي اختي رفيجة المديره
صج ان الحكوميه احسن من المستقله بوايد
بس مرده للمستقله
فخليه يتعود عليها من البدايه احسن
لان سنه او سنتين كل مدارس الدوحه بيتصر مستقله
دخليه المستقله من البدايه وييبي له مدرسات لغه عربيه وتربيه اسلاميه ودخليه مركز تحفيظ قرآن العصر او في الاجازات
لان اذا دخل حكوميه وعقب حوول مستقله يمكن يلاقي صعوبه انه يتأقلم مع نظامهم ودراستهم والجو العام
اذا احنا الكبار للحين ماتأقلمنا وكارهيين عيشتنا
عيل شلون الياهل لما يحب الحكوميه ويتعود عليها وفجأة يحصل نفسه بمستقله
والراي راجع لج خيتو
اتمنى اكون فدتج
اختج ((قمرهم كلهم))

[اتعبتني جروحي]

اممممممممممم


اكيد

الحكوميه

[شمـوخ عـزي ~]

انا 100%
بكون السنه اليايه فـ حكوميه وبفك روحي من عوار الراس والدراسه اللي ما ينعرف اولها من اخرها !!

واقـوولج [ الحكوميـه ] احسـن

لان اغلبية المـدارس المستقلة

فـ نظري فآآشلــه

!!

[المقهوره]

انا من وجهة نظري انا المدارس المستقله توجه تعليمي رااائع ولكن اللي مايعجبني في بعض المدارس سوء المعامله والاساءه الى الطالبات


شكرا على الموضوع والله يوفق المدارس المستغله >>>>اوه اقصد المستقله

[وطنـــــية]

انا ولدي دخلته حكومي رغم وجود مدارس مستقله وماشاء الله عليه ممتاز .. لاحق عالمستقله .. رايي حكومي احسن .. حتى عدد الطلاب أقل ..

[محد قدي]

..انا بصراحه اجوف المدارس المستقله في الدراسه سهله لاكن في المعامله والاشاء هاي مب شي..
..انا مجربه انا في مدرسه مستقله..
..ولاكن ايقولون انه على السنه الجايه بتكون المدارس كلها مستقله فالاحسن اتحطينه في مدرسه مستقله...
..والله يكون في عونج..ان شاء الله ...

[بوغزلان]

اذا عيالج شطار ومال دراسه عادي الحكومي ابرك لهم

اما اذا عيالج نص ونص انا اقول يسجلون بالمستقله ويقدمون كم بحث وكم بروجكت والنجاح بمخباهم

صدقيني هالكلام مب من فراغ هالكلام من طلاب المستقله !!! اللي كانوا بالحكوميه وافشلوا

[آل ثاني]

طبعا الحكوميه
المدارس المستقله فاشله بكل المقاييس وتأثر على مستوى الطالب الدراسي بدل ماترفعه
وكل الناس يشتكون منها حتى مدرسينها نفسهم وماانصحج ابدا بالمستقله اذا تبين تحافظين على مستقبل ولدج ومن الحين احسن تتلاحقينه

[بنت الغاليه]

الشكر كل الشكر

الى كل فرد وعضو

الي ساعدوني في ارئهم

بصراحه اسعدتني ردودكم

وتنبيهاتكم وتجوبكم معي

بهذا الشأن

بصراحه

نورتوني لاكن

مو غريب عليكم يهل قطر

هذا انتوا الناس الطيبين

المسالمين في قطر وبره

قطر الله يبارك فينا كلنا

يهل قطر كبار وصغار

ويعز اميرنا بومشعل

وشيوخنا الطيبين

وشعبنا الطيب .

[الشيخه مها]

اللي بقووله بس كلمه وحده وياليتج تاخذين بها

الحكــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـومه

[محتارة والله]

هـلا والله

أنا من رايي

اتدخـلينه حكووومـيـه

لأن أنا أللحين في مستـقله

من 2 اعدادي

وكل سنه ينعاد المنهج هههههههههههه

اللحين انا أول ثانوي

والشرعيه ناخذ درس الزكاه

والعربي الفعل المضارع

( وانا فأول ثانوي ههههههههه )


المهـم فدتج

ما انصحج بمسـتقله لأن كل مدرسه اتحط المنهج

وساعات ايجي المنهج غلط وكله من الانترنت

تكتبين اسم الدرس في قوقل ووتطلع لج اوراقنا ههههه

ومثل ما قال واحد من الاخوة يقدم بروجكت ويحل الواجب يجيب A

انا اشوف يوم كنت فحكومه كنت لما انجح واجيب النسبه احس استاهلها

كنا ندرس دراااااااااااااسه بمعنى الكلمه

ندرس الكتاب من جلده لي جلده


وبخصوص ان المدارس بتتحول مستقله

انصحج توديـــنه مدرسه الخليج

وااايد زيـــنه ومنهجها قوي

مجربينها

ومن اول ابتدائي لين خامس ( خلط )

ومن سادس الصبيان في مبنى والبنات في مبنى

بس منهج قوي قوي

ويدرسون شرعيه وعربي

واذا حكومه لأزم تدخلينه معاهد انجليزي بعد


ومووفق ان شاء الله