كيوبوست تضع اسم بلادي على طوابع البريد والصورة (( زهيوي ))؟؟؟؟ تشوفونها حلوة ؟

[الرزينة]

هذا موضوع وملاحظة جبتها من

للامانه حبيت ابين انه منقول وليس بموضوعي


الطابع البريدي زهيوي !!!!

وين الزبارة وبرزان ومعالمنا التراثية وين الازياء التقليدية والتراث والحضارة والاسلحة القديمة والسفن والخ ..

جات على الزهيوي !!

في اخوان اذكروا انها تعريف بالحشرات واعتقد محد جاهل الحشرات لهالدرجه ومب حلوة اصلا فكرة الحشرات هذي على طابع بريدي يظهر لكافة اقطار العالم

عقب العالم وش بيقول ؟؟

اعتقد قطر غنية بالتراث اللي تفتخر فيه وتظهره للعالم مو زهيويه

تايلند ما سوتها

اتمنى من الاخ حسن الساعي يلتفت لهالموضوع

لان ماعتقد اي مواطن قطري بيرضى اسم بلاده على هالصورة

لا وسعره ريالين بعد !!

وصدقوني في ناس ومن خلال اطلاعي عالموضوع في المنتدى الخاص بالجامعة انهم صاروا يرجعون هالطابع ولا يشترونه يعني خسارة لكيو بوست



و هذي هي صورة الطابع البريدي الزهيوي (( الصرصور الامريكي ))

http://up.do7a.com/s_thumbnailer-5-2008/do7a_com_ipqrkixp.jpg

[هايابوزا]

يمكن هالزهيوي اندعس في المكينه
هههه
امزح اختي بس بصراحه موب حلوه الفكرة
تقبلي مني اول مشاركة لي في هالمنتدى
عن طريق موضوعج
اخوج هايابوزا

[انتظار مصير]

أختي متأكدة من الصوره ؟؟؟؟؟؟؟

الصراااحه ماعندهم سااالفه إذا كانت صحيحه

[الرزينة]

انتظار

انا نفسك ماكنت مصدقه

لما شفت مشاركة الاخت بالمنتدى

رحت عند خدامتنا وشفت طوابعها والا فعلا زهيوي

يستخدمونه كل الخدام عندنا

واذا مو مصدق روح اقرب مكان وقول ابغي طابع بريدي بوريالين

أو بالاحرى بو زهيوي

صدقني بيعطيك اياه

ولا لنا مصلحه انكذب وانشوه سمعة ابلادنا

او فك نفسك وروح كيو بوست وشوف الطوابع بنفسك

[عين أبوها]

اولا : احب اقولج يا هلا ويامرحبا فيج اختي بينا ..

وثانيا : ايضا احب اشكرج على اول نقله لج .. وانتمنى انها ماتكون الاخير .. والسكر لج على توضيحج لنا عن نقل الموضوع ..

وثالثا : حبيبي هاذي الطوابه قديمه .. قامة كيوبست بطباعتها لهواة الطوابع .. يعني شقولج .. هي مجموعة طوابع فيها مجموعة حشرات معروفه .. كنوع من التغيير او ليش هذا ان ماادري عنه والله ..

بس اللي بغيت انا عن نفسي اوضحه حق كيوبست .. اذا كانت القصد من هالطوابع اظهار الحشرات اللي موجوده فالخليج .. فاحب اوضح لها .. ان الزهيوي هو حشرة مو خليجيه .. (( امريكيه ))

وجااء ظهروها في عام 1948م .. يوم اوصلت اول سفينه اوصلت الخليج .. وكان هالحشره موجوده فالسفينه .. ومن المعروف ان الزهيوي من الكائنات اللي تتكاثر بسرعه كبيره .. فكان هذا اول ظهور لها عندنا فالخليج .. فالزهيوي هو امريكي ..

وانا معاج كان المفروض ان ماتحط صورة الزهيوي ..

بس دام انها حطته فاعتقد انه كان كنوع من التغيير او اظهار الحشرات الموجوده .. وبعدين عن الزهيوي موجود في كل مكان والعالم عارفته .. يعني شي مو غريب :D

فمادري والله .. هي غلطت يوم اطبعت هالطوابع بس مادري لازم انحاسبها اللحين او لا ؟؟ لان الطوابع قديمه جدا .. صح مازالت تستخدم .. بس انها اطبعت في سنوات ماضيه ..

وانا راح اعرض لكم مجموعة الطوابع .. كدعم مني للموضوع ..

مجموعه من الطوابع الخااصه بدولة قطر .. اصداارات سنة 1994م حتى سنة 2000م
طوابع سنة 1994

http://www.al-wlf.com/2up/uploads/a3ff7861ea.jpg (http://www.al-wlf.com/2up)

http://www.al-wlf.com/2up/uploads/82af28d8fd.jpg (http://www.al-wlf.com/2up)

طوابع سنة 1995


http://www.al-wlf.com/2up/uploads/e0a78bf909.jpg (http://www.al-wlf.com/2up)
http://www.al-wlf.com/2up/uploads/60627228d2.jpg (http://www.al-wlf.com/2up)

طوابع سنة 1996

http://www.al-wlf.com/2up/uploads/4189e41c67.jpg (http://www.al-wlf.com/2up)
http://www.al-wlf.com/2up/uploads/9d0c71170f.jpg (http://www.al-wlf.com/2up)


طوابع سنة 1997

http://www.al-wlf.com/2up/uploads/5d75d43450.jpg (http://www.al-wlf.com/2up)
http://www.al-wlf.com/2up/uploads/cbfee78969.jpg (http://www.al-wlf.com/2up)



طوابع سنه 1998

http://www.al-wlf.com/2up/uploads/5f8e56bd20.jpg (http://www.al-wlf.com/2up)
http://www.al-wlf.com/2up/uploads/19d6c15815.jpg (http://www.al-wlf.com/2up)


طوابع سنة 1999

http://www.al-wlf.com/2up/uploads/33be6bce11.jpg (http://www.al-wlf.com/2up)
http://www.al-wlf.com/2up/uploads/b03198dc57.jpg (http://www.al-wlf.com/2up)


طوابع سنة 2000

http://www.al-wlf.com/2up/uploads/b720e83ecd.jpg (http://www.al-wlf.com/2up)
http://www.al-wlf.com/2up/uploads/3db5901dad.jpg (http://www.al-wlf.com/2up)



وبجي يتضح لنا ان طابع الهزيوي كان مطبوع سنة 1998م .. وفيه اكثر من نوع للكائنات ..

فتبين الصج انا مو عارفه بالضبط شو اعلق عالموضوع .. لان طبعه قديمه .. واللي قبلنا ماحركوا شي الله يهديهم ..

فااا من رايي ان يتم وقف تداول هالطابع بالذات لان مايدل ع انه كان خليجي بحت ولا يدل ع اي معلم من معالمنا ..

والراي لكم ..

السموحه حبيبتي عالمداخله .. وانشاءالله اكون جبت لكم ولو معلومه وحده ع الاقل جديده ..

اي وبس يمكن هالزهيوي هو اول زهيوي دخل الخليج فحبت كيوبست انها اتحط صورته والا شرايكم انتو :D

[عين السيح]

الحمدلله والشكر

[الرزينة]

اللي سمعته ان الحشرات طوابعها من 1998

صح لكن توهم متداولينها وناشرينها

صدقيني اختي في حشرات حلال ولها فايده

الفراشه ،،، النحله،،، الجراده ،،، هذي بنقول معقوله

بس لو تسألين نفسك وين مسكن الزهيوي ؟؟؟؟

الله يعزك البواليع ..... يعني نجس

ومو حلوة اسم دولة قطر على زهيوي ؟؟


ثاني شي اغلب الناس قالت لو كان الهدف نشر معلومات الحشرات طيب

الواحد بيحط طابع واحد فقط على الرساله

مراح يحطهم كلهم علشان يثقف الجماعه اللي طرش لهم

فمصيبة لو جا الطابع ابو الزهيوي هذا على الرساله

ولا اعتقد ان الواعي بياخذه او بيتشرف انه يشتريه

ولا اعتقد اللي من عادتهم يبلون الطابع بلعابهم عشان يلصقونه عالظرف انهم بيستسيغون وضعه على لسانهم وبه هالصورة

حدث العاقل بما يعقل

[الفارس القطري]

مافيها شي هذي مجموعه طوابع عن الحشرات في قطر ومن ضمنها الزهيوي شل مشكلة يعني ماعندنا زهويه في قطر لا عندنا عادي يعني خلك طبيعي

[بدر المحبة]

اولا: اشكرج اختي الرزينه على طرحج هذا الموضوع وعلى غيرتج على بلدج والله يكثر من امثالج

بس ما اعتقد انها مقصوده والله اعلم
لانها اذا مقصوده محد بيسكت عنها وانا مع كلام الاخت عين ابوها في كل ماقالته

اشكرج اختي الرزينه واشكر الاخت عين ابوها على طرح هالصور للطوابع

واشكر الجميع

تحياتي للجميع

بدر المحبة

[عين أبوها]

اولا: اشكرج اختي الرزينه على طرحج هذا الموضوع وعلى غيرتج على بلدج والله يكثر من امثالج

بس ما اعتقد انها مقصوده والله اعلم
لانها اذا مقصوده محد بيسكت عنها وانا مع كلام الاخت عين ابوها في كل ماقالته

اشكرج اختي الرزينه واشكر الاخت عين ابوها على طرح هالصور للطوابع

واشكر الجميع

تحياتي للجميع

بدر المحبة

وين مختفي يابوووك مالك حس هالايام :D

ليكون تلعب علي ومسافر اتاجر وانا مادري :cool:

يعطيك العافيه اخوي .. يقولك هالزهيوي هو اول زهيوي دش الخليج عشان جي اطبعوا صورته فيستاهل صح والا لا :D

[بدر المحبة]

وين مختفي يابوووك مالك حس هالايام :D

ليكون تلعب علي ومسافر اتاجر وانا مادري :cool:

يعطيك العافيه اخوي .. يقولك هالزهيوي هو اول زهيوي دش الخليج عشان جي اطبعوا صورته فيستاهل صح والا لا :D

هههههههههه مسافر سفره صغيره ورديت وماراح اقولج وين ههههههه:D
بس تطمني ماتاجرت من وراج الا تخسرت ههههههههههه

هههههههه شنو اللي يستاهل الزهيوي :eek:ههههههههه

لاتعليق ههههههههههه

[الفارس القطري]

اختي الزينه بخصوص الزهيويه اخر الابحاث العالميه عليهم تفيد ان الزهيويه تستخدم في علاج انواع من السرطانات وجاريه ابحاث عليهم ان فيهم مركبات مضاده لمرض المناعة المكتسبه الايدز يعني الزهيوي مايجيله ايدز وممكن تعرفين اكثر عن الزهيويه في البحث في المواقع الطبيه الالكترونيه

[عين أبوها]

هههههههههه مسافر سفره صغيره ورديت وماراح اقولج وين ههههههه:D
بس تطمني ماتاجرت من وراج الا تخسرت ههههههههههه

هههههههه شنو اللي يستاهل الزهيوي :eek:ههههههههه

لاتعليق ههههههههههه

:D

شوف رد الفارس وبتعرف ان الزهيوي مفيد .. شدعوه :D

اتحمل اتاجر بدوني ترا بفك الشراكه اللي بينا :p

[بدر المحبة]

:D

شوف رد الفارس وبتعرف ان الزهيوي مفيد .. شدعوه :D

اتحمل اتاجر بدوني ترا بفك الشراكه اللي بينا :p

ههههههههه
لاتعليق
انتي تبيني اتكلم بس انا بعاند ماراح اتكلم :p

هههههههههه لا لا لا كل شي ولاتفكين الشراكه اللي بيننا
اصلاً انا تخسرت بدون متاجره وابيج تعوضيني قولي ابشر بالعوض هههههههههههه
ابي نسبه 10% من حصتج ههههههههههه بالاضافه الى حصتي طماع صح :D

اسأل ولي العرش علام الاحوال ** سامع دبيب النمل في ظلمة الليل
برزق يجي منه لاشانت الحال ** ويـبـدل الـعـسـر بـاللـيـن تـبـد يـــل

[الرزينة]

مقصودة او مش مقصوده

يكنسلونها بتاتا

القهر انها لا زالت تصدر

وتتداول


اتمنى الموضوع يتكلمون به بالبرنامج ويناشدون كيوبوست فيه ويوعونهم


ورجاءاً الموضوع جاد ولا تقلبونه شات ومجلس سوالف وسؤال عن احوالكم

الرسائل الخاصه توفي بهالغرض

[صوت الوطن]

والله ماهي بحلوة (( زهويوي ))

ليش ماعندنا تراث ولا معالم ؟؟

أين الاداره البريد العام ؟

تسلمين اختى على النقله

[الفارس القطري]

لا تكلمون واجد عن ذا الطابع والزهيوي لايرتفع اسعارهم بعد ههههههههههههههههههههههه

[الرزينة]

والله هو طايح حظه طايح

لو يصير بربع ريال بعد محد بيشتريه

زهيوي !! عاد !

[بوغزلان]

والله صج قهر زهيووووووووي عااااااااد خلصت الصور يحطون صورتي ابرك والله هههههههههههاي

[وطنـــــية]

اما زهيوي ؟؟ يا ويليييييييي .. صج فشيله .. مب خالصين منهم لايف لاحقينا عالطوابع بعد .. يماااا .. تسلمين اختي على غيرتج .. وفعلا ملاحظه في محلها ..

[وطنـــــية]

لا تكلمون واجد عن ذا الطابع والزهيوي لايرتفع اسعارهم بعد ههههههههههههههههههههههه

:eek:



هههههههههههههههههههههه

[مووونا]

وانا اعتقد ان كيوبست فلست من الافكار فحطوا زهيوي وطبعا الاناء بمافية ينضح
كل واحد يشوف هالصورة وانتوا بكرامة يذكر المجاري وهذا انطباع له خلفيات
وبواطن مثل صورة البقره اللي حطوها على سيارة الحليب وعليها مكتوب انا قطري سنين تمت وبعدين افتكروا فيها وانا اجزم ان مصمم طابع الزهيوي مو قطري

[نونو حسن]

هو يعتمد على طريقة تصميم الطابع يعني الطوابع اللي نشرتهم اختي بنت ابوها حتى لو كانت لحشرات الا انها موضوعه بإيطار وموضوعه بشكل يوضح ان الهدف منها التصميم لكن اللي منشور في الموضوع الاساسي مو حلو بالمره بصراحه

لا من ناحية تصميمية ولا من ناحية اعلامية

شكل الزهيوي يخرع والله كأنه صج آبو العدو