متى تتوافر الخدمات داخل الحدائق والكورنيش؟

[كرباج]

متى تتوافر الخدمات داخل الحدائق والكورنيش؟

نجاتي بدر :

تعد الحدائق والكورنيش من أهم وأكثر الأماكن استقبالاً للجمهور من المواطنين والمقيمين على اعتبار أنها من أهم المتنفسات للعوائل
وأيضاً للعامة من الجمهور كالعزاب ورغم توافر الحدائق بأعداد ليست قليلة وتميز الكثير منها ان لم يكن أغلبها بمساحات خضراء رائعة وألعاب للأطفال وغيرها
الا أن البعض ما زال يتردد على ألسنتهم تساؤل وهو متى تكتمل الخدمات داخل الحدائق وعلى الكورنيش؟
ويرجع ذلك التساؤل لافتقاد بعض الحدائق لبعض الخدمات كعدم وجود مصلى للرجال وآخر للنساء وكافتيريات وكذلك على الكورنيش،
اضافة لاختلاط العزاب بالعوائل في بعض الأحيان داخل بعض الحدائق المخصصة للعوائل فقط.

متى تتوافر :mad: وانا أقول ماهو قبل 2016 :eek:

[ماسة قطر]

2016 ما اعتقد .............. يمكن عقبهاااااا
اذا في حدائق بس ما تكون متكاملة .... وعدد الحدائق قليل جداااا
المفروض دولة مثل قطر صيفها اطول من شتاها تكون فيه مساحات الحدائق اكبر .......... وبجميع خدماتهاااااا ....
الواحد تملل من كثر ما يروح المجمعات .... بخاطرنا نروح مكان فيه هوى طبيعي بدون مكيف ..........
يسلمووووو ع الموضوع ..........
ويعطيك العافيه .......

[بدر المحبة]

تعرف شنو المشكله وفيمن تكون

تكون المشكله في المسؤولين اللي ماعندهم اهتمام جاد ولايفكرون اصلاً اذا جاهم امر يمكن ينفذونه وبعد على رواقه مب بسرعه ههههههههه

يعني واحد منهم يتفقد الاماكن ويقترح اقتراحات ويراكض لين يطبق اقتراحه

مستحيل هالشي يكون وهذا دليل عدم اهتمامه ببلاده
لكن مايصلح في هالمناصب الا اللي قدها ومهتم منها ومهتم من بلاده

وواجه كلامي لاخواني المسؤولين واقولهم ياجماعه ترى هذا بلدكم وانتم اللي بيدكم تخلونه فوق بالسماء العالي يعني تتبعوا الاماكن والحدائق العامه وشوفو شو ناقصها واذا اقترح عليكم واحد شي ادرسو اقتراحه مب ان شاء الله واللي في بالكم تسوونه
ترى انتو محاسبين عند الله تعالى يوم لاينفع مال ولا بنون الا من اتى الله بقلب سليم وياقلهم هالايام اللي قلوبهم سليمه

اشكرك اخوي كرباج على طرح هالموضوع


تحياتي
بدر المحبة

[عين أبوها]

وشوفو شو ناقصها واذا اقترح عليكم واحد شي ادرسو اقتراحه مب ان شاء الله واللي في بالكم تسوونه


اي والله .. لو كل واحد يحب بلده حبه لنفسه ولأهله .. جان اتحصله متعلق بشغله .. لدرجة ان يحاول يقرأ اي شي يتعلق بامور شغله ويحاول قد مايقدر انه يسد النواقص .. ويدور ويبحث ويتعنى عشان المكان اللي مسؤول عنه يكون على اكمل وجهه..

لكن للاسف ؟!

اغلب اللي عندنا همه ان يسوي اللي عليه حدود الساعات اللي ملتزم فيها .. واخر الشهر اهم شي عنده الراتب ..

وين الابتكار وين المسؤوليه وين حب الوطن .. المفروض احنا اللي انطلع بلدنا للعالم .. وابونا حمد الله يطول بعمره ماقصر .. عرف العالم كله بقطر .. اللحين الدور الجاي علينا احنا .. اشلون انبيض الوجه ..

[بدر المحبة]

صح لسانج اختي عين ابوها لاهنتي بيض الله وجهج

المشكله ان فيه ضيوف يجونا من برى من دول الخليج او غيرها يعني لازم تكون بلادنا في احسن صوره
ومثل ماقلتي مايهمهم الا الدوام متى يخلص تلقينه كل شوي يطالع ساعته ها خلص الدوام لا باقي نصف ساعه ويقول ااااه متى بيخلص اروح البيت ارتاح مع اني اعتقد انه ماسوى شي بس قاعد جرايد وشاي ودقة سوالف

انا بخاطري انهم يحطون جزاءات رادعه للمسؤولين عشان كلن يقوم بشغله عطوهم وجه اكثر من اللازم صراحه عايشين في رفاهيه تامه وماعليهم من احد وفي الصيف يحط له واحد ينوب عنه متعلم على ايده يحطه في مكانه وسفره برى شارد من الحر

بس اللي بقوله يالله انا اطلبك طلبة عبدك الفقير
انك تعاقب من تهاون في شؤون الوطن والمواطن
ياااااااااااااااااااااااااااااااااااارب