نتمنى عودة نظام البناء القديم !!

[QATAR]

اليس النظام القديم ارحم للمواطن من النظام الحالي الذي راح يلهف مابقى من الراتب من اغلب الشعب القطري؟

اعتقد ان ربط البنوك في مدة القروض وعدم السماح لسحب قروض اكثر من 7 سنوات كان مقصود وهو اتركوا الباقي لبنك التنمية !!

واللي اسمعة في المجالس حاليا هو عدم البناء من اكثر من واحد ,,

لانهم راصتهم الديون البنكية والحياتية ولا عندهم الاستعداد لديون تستمر لعشرين سنة !!


ولا اعتقد الدولة عندها مشكلة في العودة لنظام القديم مع وفرة المال ومدخول المشاريع العملاقة التي لم تكن موجودة في السابق وكانت مع ذالك تبني وتاخذ نسبة بسيطة فقط من المواطن !!


اخيرا اتمنى فعلا النظر في حالة المواطنين بعين العطف والمحبة والتقدير !!

قبل تنتهي بهم الحال بشراء الخيام والصنادق :)

[كرباج]

الشركات المعتمدة من الإسكان قليلة جداً

وسعرها مرتفع جداً جداً

ويقولون الـ 1200.000 المليون ومائتان الف


لا تكفي ... لا تكفي ... لا تكفي


لبناء منزل (لأن الحديد والاسمنت والطابوق .........إلخ ) مرتفة الاسعار


فتوجد هنالك شركات صغيرة غير معتمدة من الاسكان

فتجد سعرهم معقول ... لكنهم غير معتمدين ...

يعني صرنا مجبورين على شركات معينة ..

ومثل ماقلت ( ليت النظام القديم يرجع)

[عين أبوها]

والله اليوم اسولف مع اخوي بالسيارة ..

واقوله الله يعينكم .. والمفروض مايسون جي ..

المفروض اقلها اقلها يخيرونكم .. تبون النظام القديم (( الدوله تبني عنك وتعطيك المفتاح .. والا انت تاخذ القرض وتبني ع راحتك اذا كانت الامكانيات اتساعدك )) ..

مسكين يقولي ربج كريم :(

بصراحه هالشعب القطري يعاني من اشياء وايده .. وهاذي معاناة 2008 ..

الله يعينكم وانشاءالله يارب ايتم اعادة النظر فموضوع القرض ..

[بدر المحبة]

ياليت يرجع النظام القديم

مع انه فايده ايضا للدوله تبني للمواطنين بيوتهم وتسلمهم المفاتيح وتخصم المبلغ المفروض وهذي تكون فايده للطرفين
و المواطن يتريح من دفع المبالغ الطائله واللي تعدت الحدود والدوله تستفيد يعني نافع ومنفوع
ياحكومه افترسونا المقاولين يعني صرنا كاننا في غابه القوي ياكل الضعيف يعني اللي عنده ماديه يعيش واللي ماعنده يموت مايصير ياجماعه
معاناه 2008 تكتب في التاريخ لاحول ولاقوة الابالله العلي العظيم
اللهم لامنجأ ولا ملجأ منك الا اليلك
لكن ظني مايخيب بنسل الحرار ابو مشعل طول الله بعمره


تقبلوا تحياتي
بدر المحبة

[^السنافي^]

ياااااااليت اخوي راشد يرجع النظام القديم
انا واحد من الي انزلت اسماهم في الجريده في قرض الاسكان
والله ياخوك مب عارف وين اطق برااااااااااااااااسي ودايخ وكل المقاولين الي رحت لهم حرااااااااااااااااااااامية 100%
واحنا خبر خير ورحت حق بنك التنمية وقلت لهم انتو اتفقو مع مقاولين وسلموهم البناء وسلمونا البيوت وفكوناء من عوار الراس
تدري ويش قال رئيس قسم بنك التنمية ؟؟؟
قال الحكومة تبي كذا على شان راعي القرض هو الي يدور ويشرف على بيته واحنا بنك فقط
ماقول الا الله ياعمري قطر
والله يرحم ايام جدي وجدك :)

[دمي عنابي]

يعطيك العافيه اخوي راشد على الموضوع المهم لكل فرد قطري ولكل من يعيش على هذه الارض الطيبه

لكن حبيت اوضح لكم نقطه مهمه انه اذا نزل قانون ماينزل تجريبي قبل لا يطبقونه ولكن اينزلونه ولا يمكن التغيير فيه وهذي سياستهم على ماعتقد
مات الشعب وألأ حيا ماهمهم لانه امورهم مضبطه من قبل


واتمنى انه وجهت نظري تكون خطأه


ولكم مني الشكر

[QATAR]

شاااااااكر مداخلاتكم الراااااااااائعة بكم

[اللورد]

اي والله ياليت يرجع ويتم ترتيبه وحله

[هدوء الليل]

هذا في عـــ 2008م ــــام !!!! لكن سؤال هــــــــو في عام 2009م وش راح يصير
سترك يارب .