نداء لوطني الحبيب صباح الخير

[دمي عنابي]

اخوني اخواتي اعضاء منتدى وطني الحبيب


السلام عليكم ورحمة الله

حبيت انقل لكم معانات موظفين جمارك ابوسمره

السكن والطريق والراتب


اولا: السكن الذي لم يتم افتتاحه من 6 اشهر او اكثر اين يذهب الموظف بعد الانتهاء من الدوام ان ذهب الي السكن وجد انه لا يوجد كهرباء هل هذا ما يستحقونه هؤلأ الموظفين ؟؟؟؟؟؟!!!!!!!!!

ثانياً: الطريق الذي من 6 سنوات او اكثر لم ينتهي ولم يتم انجازه !!!!!!!!!!

ثالثاً: الراتب الضعيف جداً الذي يصرف لهم وهم يقدمون خدمه عظيمه لهذا الوطن المعطاء وهي خدمه حساسه لابعد الحدود !!!!!!

وتمنى ممن يقراء الموضوع ان يبداء رايه

وهذا ولكم مني التقديروالحترام

[ولد الدوحة]

السلام عليكم

الله يكون في عونك اخوي .. والله يحفظك من كل شر ومن هالطريج الي صيانته ماتبي تخلص .. اخوي .. مالكم علاوات اضافيه عشان الطريج؟؟

[دمي عنابي]

الله يعطيك العافيه على المرور

اما بنسبه للعلاوه فهي 500 ريال فقط لا غير

[كرباج]

جمارك ابوسمره

هذا موضوع يجب أخذه بعين الأعتبار

كونه من أهم المنافذ في البلاد

المفروض أن يقيموا سكن شامل الخدمات ورفع الرواتب

وذلك ليتم المحافظة على العمل والإنجاز به

بهذه الدوافع التي تعتبر نفسية الموظفين مرتبطة بها


فالنفس طماعة فقد يرافقها الشيطان

فيجب أرضائها بتلبية جميع متطلباتها للمحافظة على امن البلاد

اتمنى ان اكون قد وفقت في المشارة

[عين أبوها]

اولا : احيب اقولكم يعطيكم العافيه اخوي على مجهودكم ..

وثانيا : فعلا من وجهة نظري تحتاجون الى دعم اكثر شوي .. لان شغلكم متعب .. وشغلكم برع .. وطبعا جو قطر جو ربيعي مثل مانتو عارفين (( يوم صيف وساعه ربيع وساعتين خريف .. )) وهذا غير ايام المطر .. بعض الموظفين لازم ينزلون يفتشون عالسيياير ومال الى غير ذلك ..

ومن اللي شفته ان ماخاب ظني بس مكان التفتيش في مظلة كبيرة .. اما الاماكن الثانيه مكشوفه مجرد غرف صغير فيها دريشه (( كونتر ))

وهذا غير ايام رمضان .. اللي عرفه ان الواحد ياااالله يحصل وقت يفطر احيانا .. وهذا غير الزحمه اللي عانيتوا منها ايام الاكتتابات وايام اسياد .. واحيانا يوصل دوامكم قبل 12 ساعه .. (( انا مادري اذا كنتو تاخذون عمل الاضافي على هالساعات والا لا .. )) بس صج متعب .. وخاصه ان احيانا يكون عدد الموظفين لا يكفي لقسم الخروج او الدخول غير التفتيش ..

اعتقد لابد من مراعاتكم شوي والنظر في موضوعكم ..

وبالنسبه للراتب ان ماخاب ظني انتو تقريبا متبعين نفس نظام الخدمة المدنيه سابقا .. فالاساسي والاجتماعيه والتنقل والدورية .. ولكم علاوتين ناسيها اساميهم خاصه بشغلكم ..

وبماا انكم تتعبون نفس نظام الخدمه المدنيه تقريبا .. فحالتكم نفس حالة الموظفين فالوزرات الثانيه .. :(

انتمنى انه يتم النظر في موظوعكم .. والله يعطيكم العافيه ..

[بدر المحبة]

الله يعينك اخوي اصبر صبرنا
ربك يسهلها وبتفرح ان شاء الله انا متفائل بالزيادات الدسمه

واقول كلمة حق والله انكم تستاهلون يالجمارك وكل من هو يشتغل في ابو سمره
اولا: بعد المكان

ثانيا :طريق كله مكسر وشاحنات وكل يوم يبطلون طريق ويغلقون طريق وبدون اي تحذير الصبح يمكن تحصل هندي معاه قطعه قماش حمرا ومره يشر لك ومره ما يشر اما في الليل ههههههههه نظرك هو دليلك

الظاهر كلامي وايد لكن الزبده من الكلام هذا كله هو انكم تستاهلون الزياده انتو واجهه البلد وانتم اللي تمثلونه المفروض يشجعونكم

في الاخير اتمنى لك التوفيق اخوي ولكل قطري على هذه الارض الطيبه


تقبلوا تحياتي

بدر المحبة

[دمي عنابي]

يعطيكم العافيه اخواني واخواتي على الردود التي تشفي الكبد ومثل ماتوقعت ان قلوبكم ويانا لكن المعانه التي نقلتها لكم انه صفر على الشمال من باقي المعانات ونتمى ان نكون قد الثقه لهذا البلاد ولهذا الشعب الغالي

ولكم مني الشكر

[ستوب انا التوب]

بس فالحين يقولون ممنوع الانتقال من وظيفه الى وظيفه ولا سوالهم المعتاد ليش القطرين مايشتغلون في الوظايف المهنيه لانه لو كانوا اجانب حصلوا احسن من الي هم فيه كانه احنا انداري خواطر الاجانب والله القطرين مستعدين يشتغلون باقل من هالرواتب بس لايشوف الاجنبي اعلى منه في بلاده بعد هم يبون من يداري خواطرهم

[فاقد الأمل]

السلام عليكم ورحمة الله وبركاته
أخي العزيز اخوي يعمل في جمارك ابو سمرة راتبه رايح حق البترول وصيانة السيارة شهرياً مع العلم أن (( أفقر بلادين العالم تصرف أعلا رواتب لموظفي الجمارك على الحدود )) ناهيك عن خطورة الطريق ... إلخ لكن من يحس ومن برد من المسؤولين

[اللورد]

ياليت المسؤالين يشوف الموضوع ويردون عليه

والله يزيدكم ان شاء الله

[دمي عنابي]

اشكرك اخوي اللورد

على المرور وعلى قولت اخوانا المصرين(((من تمك لباب السماء)))


ولكم مني الشكر