سياسة التسكين والتقطير... إلى اين

[عذايب قطر]

السلام عليكم ورحمة الله وبركاته

حبيت اطرح موضوعي وهو موضوع الكل هالايام في المؤسسات والهيئات الحكومية..... الخ
التسكين والتقطير
شو شعوركم لما اداوم عشرين سنه واخر شي تجيك ورقه من شؤون الموظفين مكتوب فيها كلمتين عشان لايضيعون وقتهم
( اشكر لكم عملكم عندنا واننا استغنينا عن خدماتكم لغاية نهاية شهرين)

بذمتكم هذا اسلوب
كونوا لجنه للتسكين وبيستغنون عن كثير من الموظفين اللي اشتغلو وكرفوا اكثر من عشرين سنة من دون مكافأه او نهاية خدمة
واللي اتكلم عنهم هم من اخوانا العرب المقيمين من الوطن العربي مش آنا
على فكره يمكن يجي دورنا دول الخليج والله يستر
من اللي استغنوا عنهم اللي عندها غرض واللي كانت مخططه لشي وصار شي ثاني.
وحده كانت ماخذه غرض عشان اتعالج امها الله يرحمها وبقالها سنه عشان اتخلص الغرض ، وكلمت المدير عشان يخلونها سنة بس لاحياة لما تنادي.

اقول الله يستر على الايام الجاية

تحياتي لكم
عذايب قطر

[بدر المحبة]

اي والله اختي عذايب قطر كلامج كله صح

اصلاً اسلوب مافيه يبون يخلصون ماعندهم وقت كأن الموظفين جمره في اياديهم يبون يتخلصون منها

مانقول الا حسبنا الله ونعم الوكيل

من عاش بهالدنيا يشوف العجايب لكن مافي اليد حيله العين بصيره واليد قصيره

اشكرج مره ثانيه عذايب قطر

[عين أبوها]

يعطيك العافيه اخوي عالموضوع ..

واسمحلي بمداخله بسيطه ..

اولا من المعروف ان من حق اي مواطن في اي دوله خليجيه نهاية خدمه ..

واما بالنسبه للمقيم .. فانه ياخذ مستحقاته ولو كانت 10 ريالات ..

هاذي قوانين معروفه ويعرفها الموظف الغير قطري قبل قبول الوظيفه ..

وحاليا نمر بسياسة التقطير فلابد ان يتخيل اي موظف غير قطري انه يمكن ان يكون تحت مجهر التقطيير ..

مادري اخوي هو صح مؤلم واحنا مانرضى بهالشي .. بس هالسياسه المتبعه في كل الدوائر ..

اسمحلي اخوي عالمداخله ..

[عذايب قطر]

بدر المحبة
وعين ابوها

اشكركم على المرور
ومثل ماقلتوا الله يستر على الايام الجاية

تحيــــــاتي لكم
عذايب قطر

[الجوهرة]

اي والله لا حيات لمن تنادي بس الله على الظالم كبير وحسبي ونعم الوكيل من اسير الظلم زالحزن الي فيني والله حرام وجاي الدور على الخليج وبالاخص الي ربي مبتليهم بالنعم بلاء والله